影片
更多
2016-10-06
114 浏览
同事食完水上人讚不絕口，我又一向鍾意食海鮮，咁就上個星期去咗尖沙咀分店試下。呢度海鮮有套餐揀，每位$398/$498/$598（兩位起），雖然無得自己選擇想食嘅海鮮，但係比單點價錢便宜好多，唔使驚食食吓會食得太貴，超咗預算。我哋兩個就決定要一個$398套餐，共有6款海鮮，加一碟肉，一款菜，最後仲有個南瓜豬筒骨粥。我最鍾意食龍蝦，呢隻波士頓龍蝦（半隻）肉質好彈牙，而且好多肉，食來啖啖肉，好有鮮味。珠江奄仔蟹（半隻）好正，完全係『爆膏』！而蟹肉肉質都好緊實，唔易散開，其實就咁清蒸已經可以發揮到係蟹嘅鮮味，好味！黑松露蒸元貝（1隻）大大隻，元貝大隻豐厚，加上黑松露醬更加多咗一份香氣和惹味。欣賞侍應嘅時間控制好好，元貝唔會煮得過老變韌。貴妃蚌（1隻）、鑽石蜆（3隻）、花蛤皇（3隻）味道差不多，但係全部都鮮味十足。食咗咁多海鮮都有啲飽飽地，但係呢個怪味禾豚肉（2兩）卻令我精神為之一振，因為味道確係特別，原來係豚肉加上沙茶醬，估唔到兩者味道夾埋都幾配合，味道好惹味，豚肉都好嫰滑唔鞋口！不過份量就少咗啲，每人只係得3小片。然後侍應上咗一籠菜心，菜心無任何調味會略嫌單調，可以自己出去拿配料和醬油。最後
呢度海鮮有套餐揀，每位$398/$498/$598（兩位起），雖然無得自己選擇想食嘅海鮮，但係比單點價錢便宜好多，唔使驚食食吓會食得太貴，超咗預算。
我哋兩個就決定要一個$398套餐，共有6款海鮮，加一碟肉，一款菜，最後仲有個南瓜豬筒骨粥。我最鍾意食龍蝦，呢隻波士頓龍蝦（半隻）肉質好彈牙，而且好多肉，食來啖啖肉，好有鮮味。
珠江奄仔蟹（半隻）好正，完全係『爆膏』！而蟹肉肉質都好緊實，唔易散開，其實就咁清蒸已經可以發揮到係蟹嘅鮮味，好味！
黑松露蒸元貝（1隻）大大隻，元貝大隻豐厚，加上黑松露醬更加多咗一份香氣和惹味。欣賞侍應嘅時間控制好好，元貝唔會煮得過老變韌。
貴妃蚌（1隻）、鑽石蜆（3隻）、花蛤皇（3隻）味道差不多，但係全部都鮮味十足。
食咗咁多海鮮都有啲飽飽地，但係呢個怪味禾豚肉（2兩）卻令我精神為之一振，因為味道確係特別，原來係豚肉加上沙茶醬，估唔到兩者味道夾埋都幾配合，味道好惹味，豚肉都好嫰滑唔鞋口！不過份量就少咗啲，每人只係得3小片。
然後侍應上咗一籠菜心，菜心無任何調味會略嫌單調，可以自己出去拿配料和醬油。
最後就係食南瓜豬筒骨粥底啦！煮咗接近2小時。啲粥都差不多吸收晒所有海鮮嘅倒汗水，啲南瓜都已經融晒變成黃色粥底，顏色唔錯。因為係用日本珍珠米，所以好似比較黏，換言之都比較飽肚。侍應姐姐幫我哋加埋芫茜、菜甫、蔥落去，個南瓜豬筒骨粥底就大功告成了！粥底好綿，連埋啲配料食味道幾好，不過海鮮味就唔多覺。
P.S. 場枱有得叉電！！呢一點真係好好！
张贴
