正宗水上人氣鍋專門店 (已結業)

這幾個周五的晚上，都把時間花在興趣班上，說是一門自己一竅不通的流行鼓，就是想玩玩一些自己沒有嘗試過的。就因這個機會，正好養成了在上課後跟姊妹一起渡過Happy Friday的習慣。這個周五跟姊妹來到了在附近的吃蒸氣鍋的店 （好像說要吃吃蒸氣鍋有一陣子可是還沒有機會吃...），又是另一個Happy Friday。餐牌上的選擇不少，就點了幾款吃吃看。吃蒸氣鍋，個人認為重點是要跟啤酒，這邊的啤酒是挺化算的呢，點了一大支的Asahi, 就不過$28而已。紐西蘭鑽石硯： 看來冠以名字'紐西蘭'的硯確是比平常的要吸引喔！ 這樣也是在公開飲食網站的推薦，硯看起是更大，肉更厚身，是值得吃吃的。蒜蓉粉絲蒸特大元貝： 大元貝的烹調方法是有好幾款，掙扎於黑松露和蒜蓉之間，後來還是選了後者，就是比較吃得出元貝本質的香氣吧。所說的特大確是名不虛傳的，鮮度是還好的。蟲草花蒸鮮雞： 雞肉是挺嫰身的，加以蟲草花作點綴，只是稍嫌二人點半隻是略為有點不少的。蒜蓉粉絲象牙蚌：假如在like店方的Facebook專頁和打卡店方是會贈送一款指定的食物喔，選了象牙蚌，相對下是較喜歡鑽石蜆呢。星期五的關係，也就正好給自己一個很好的

海鮮宜群餮，忌獨酌，於是今日就同三五知己一齊去食幾出名既氣鍋海鮮。水上人既特別之處，一是海鮮夠鮮，一律放游於水箱公諸於眾，任君選擇，有即釣即食之意趣。 二是自調醬料，有醬油，醋，麻油，香蒽，蒜，炸蒜，紅椒，花生醬，等十多種配料可自行調醬，有食家自有心得的話，不妨調出幾碟，以備不同海鮮之用。選好海鮮調好醬，我們就列席而坐，讓店員在鍋底撒上一層層綿密的珍珠米。 隨即有清水汨汨而出，浸之沒頂。 原來吃氣鍋海鮮總會在下煮一鍋粥，待海鮮吃完，其鮮美汁液亦融入粥中，端的是鮮美無比。先蒸蝦。 每桌都有專門店員服務，十分細心，並準確控制每碟海鮮的熟度。 花竹蝦已熟。 只見一串串兩指半長的嫩紅放入各人碟中，大家都動手剝殼吃之。 入口只覺蝦肉極為彈牙，細嘗只覺鮮甜至極，汁液甘美，無法形容。之後，我地又食左蝴蝶蚌，瀨尿蝦等，最後終於開鍋吃粥，因為初時與南瓜肉同煲，於是呈現一片金黃，內裡點點米粒分明，但一匙入口，雖然沒有綿密口感，但粥湯既有南瓜香甜，亦有海鮮的鮮美，咕嚕喝完後，長呼一口氣，好味!

近年興起九層塔、蒸氣鍋，甚至暖紅外線爐，打邊爐已經過時。蓋著草帽的氣鍋，以蒸氣把食物煮熟。雖然少了湯底的調味，但完整地保留食物的原汁原味，味道更鮮，也較健康。店內設有魚缸，不時見到店員爬上爬下，拿出海鮮，看來食客都為海鮮而來。自助醬料站有十多款醬料供選擇，有必備的蒜蓉、辣椒、蔥等，也有不常見的湖南醬、桂林辣醬、重慶醬。有大量海鮮選擇，單是龍蝦有足足六款，也有雞、牛、羊、豬各一款，四款丸和蔬菜類。打邊爐常遇到的問題是，食物放入鍋後，有時撈來撈去也找不到，有時談得興起一時忘了，又或是太心急，未熟就拿了上來，放入口的食物，起碼一半都不是想要的生熟度。水上人的餐牌寫了每款食物要蒸的時間，氣鍋亦內置計時器，店員把每款食物放上去後，會設好時間，聽到"咇咇"聲，就可以吃了。黃北寄貝蒜蓉很香，肉質鮮甜多汁，但略嫌偏油。黃金汁紐西蘭蟶子皇貌似芝士的黃金汁，其實是用紅椒黃椒打成，帶輕輕的辣，幾惹味。蟶子雖算不上肥美，但既爽又甜，跟金黃汁幾夾。黯然銷魂魚近來「黯然銷魂」這四字的人氣度極高，繼黯然銷魂飯後，竟然出現黯然銷魂魚。切成一件件的魚肉，併成一條魚，上面放了蔥和薰衣草。薰衣草醃魚，的確是餐牌所說的「至潮

契妹要去旺角買泰國牌子o既化妝袋，honey聽到又話想跟埋去。兩大美人購物完畢就大叫肚餓，契妹仲話好想一試氣鍋 ，喺網上搜索咗一輪，最終決定幫襯連個名都正宗過人o既「正宗水上人氣鍋專門店」。幾層高o既「水上人」地下裝修得好似一個竹林咁，正門不但有流水，牆上更可見樹幹上有金銀雀鳥作裝飾 。大堂中央擺有多張大圓枱，坐滿一家大細o既客人。近牆則有一列二至四人o既卡位，連個燈罩都為竹造，越望越有特色。竹林一角放滿大大小小o既魚缸，可清澈地睇到不同種類o既海鮮喺藍綠色o既水中游黎游去，生猛又醒神 。晚上七點半鐘左右，店子已八、九成滿座，幸好一樓仲有卡位剩，我地一行四人啱啱好有得坐。食店o既理念全貼於牆上 ，食客喺等待食物蒸煮時可慢慢細閱。可能大家都深受殭屍電視劇所影響，日日睇見女主角都只會諗起「ABC餐論」，四人居然異口同聲地話要食「B餐」 。「B餐」共有八道餸，分別為波士頓龍蝦半隻、奄仔蟹半隻、象拔蚌仔一隻、白汁貴妃蚌一隻、黃金甲三隻、雪花肥牛二兩、金蒜蒸勝瓜四件及霸王西施粥 。眼見於Facebook讚好、分享及打卡有野送喎，我地就立即根據指示去做，好等落單時一次過俾埋哥哥仔睇。

Finally get to meet my brother in law before my next trip, need to do some proper catch up and do a brain storming session, we picked a place that we could possibly stay longer without much hassle, no deep fried food for me , so some steam food would be cool enough. Hotpot is not my frd until I am fully recovered from my flu, so we made it to a place that do steam hotpot, steam all the stuff we ordered on the spot with a special cover, i had tried a few of these and let see how this one look lik

放工男友話想食海鮮，仲以為佢話入西貢食，點知佢話方便d係旺角有間氣鍋蒸海鮮店人氣都幾高，所以想試試，就咁我地決定到旺角門面裝潢都幾好，好光猛，而且樓上還有坐位，變相即係就算要等位都不會太久男友好急不及待點了set套餐， 而店內有好大個魚缸，有各類海鮮等等 十分新鮮生猛而另一邊有調味站，方便各顧客自己調配自己既口味氣鍋要先放粥的材料進鍋底， 這次有南瓜排骨，而米是用珍珠米來代替普通米先來象拔蚌仔， 每次蒸一款海鮮所以不會令其實海鮮煮過籠，而店員都會好好照顧我地既海鮮爽口，鮮甜，而好細心早已幫顧客切細處理好，方便進食再來生蠔生蠔size蠻大，還帶點海水鹹味，十分鮮味波士頓龍蝦啖啖肉，彈口鮮甜，證明十分新鮮手打四寶丸有墨魚丸，豬肉丸，牛丸和蝦丸 我就特別喜歡墨魚丸內帶冇墨魚粒粒，而因手打關係，丸都是份外彈牙和牛片沒有蒸太久，本人較喜歡半生牛肉， 此和牛十分嫩滑，油脂分佈十分平均最後就到鍋内粥底，剛才所有海鮮既精華都一滴一滴滴進了粥底内，鮮甜十足亦完結了今晚既海鮮夜

- 今次約埋成班朋友黎到旺角既『水上人』蒸氣火鍋，除左吹水之外，仲一齊試下呢排好HIT既蒸氣火鍋～夠晒熱血！..............................  - 蒸氣火鍋既外表；上面果個類似竹籃既作用係，配合蒸氣黎焗熟ｄ食物～十分有趣haha!..............................  - 餐單十分簡潔明瞭；價格分明，一望就知道ｄ菜色係咩黎～.............................. - 蟲草花蒸新鮮雞；岩岩開蓋既時候，浸雞香味爆發左出黎，令到我地個個都搶住黎夾ｈａｈａ～蟲草花好淋，但係味道都幾清新。雞唔單止好滑，因為蒸氣關係令到雞肉好多肉汁！味道都因為蟲草花變到好清新～讚！.............................. - 臘香鮑魚糯米飯；鮑魚味就唔太食得出，但係臘香味就濃烈非常！飯質就比平時食開既糯米飯更加濕潤，唔會太硬，易入口，好咬感！臘味好多汁，而且都好濃味，令個糯米飯得以昇華～　ｇｏｏｄ！.............................. - （水上神仙粥）- 蒸氣粥品；放係火鍋最底層，由開始一直蒸到

企鵝哥約埋一班企鵝友黎到食蒸氣火鍋，企鵝最中意就係食海上既生物，今鋪一齊食海鮮認真夠正呀！而水上人就成為左企鵝哥遊歷香港美食第五站。咦喂?乜人都冇?錯！係企鵝我同班企鵝友食得太夜，啲人已經閃走晒，所以個環境一條友都冇，未走前不知幾熱鬧，啲蒸氣飄到周圍都係加拿大象拔蚌刺身盤($388)因為我地人多，嗌象拔蚌既時候，個經理同我地講like&share水上人facebook再打卡，就會送我地個一刺身盤，有得食刺身緊係乜都制！多左盤刺身抵食左好多，仲多送左隻南非龍蝦，真係唔話得！象拔蚌肉質鮮甜爽口，其他刺身都好新鮮，like！評分味道：7/10賣相：7/10抵食：7/10白汁貴妃蚌($42)以隻計黎講其實都幾貴，不過口感鮮味多汁，肉質都幾肥大，蒸氣過程keep到個味道，味道黎講唔錯，不過企鵝哥同企鵝真係要掙餐飽先食到。評分味道：7/10賣相：6/10抵食：5/10手打四寶丸($256)正常既四寶丸，包捨豬肉丸、牛肉丸、墨魚丸、蝦丸，因為我地企鵝勢眾所以一氣嗌左兩打，肉丸口感頗彈牙，每款都有佢獨特既味道，而企鵝哥既偏好係 蝦丸＞墨魚丸＞牛肉丸＞豬肉丸。評分味道：6/10賣相：5/10抵食：4/1

不得不承認, 蒸氣鍋是近期最具人氣的飲食潮流, 而且已經開得成行成市, 愈來愈 hit ~獨居的老教友一直都想試, 但他一直約不到人去陪他 .... OK 明白 ~ 今次幫襯的是這間 ~ 不同的時段, 有不同的優惠 ~海產生猛, 即買即煮/蒸 ~ 海鮮明碼實價, 童叟無欺 ~ 款式齊全的醬料區 ~Menu ~ 這個像頂草織帽子的東西, 是鍋蓋 ~ 這草藤鍋蓋有很強的保溫功能而且還能給食物一種清香, 是雲南的特色 ~ 先在鍋底放米、豬肉、南瓜, 以蒸氣煲粥 ~ 花蛤王 蒸 4 分鐘 ~肉質鮮嫩, 味道鮮甜, 充滿貝類的海產香 ~ 海中蝦 蒸 4 分鐘 ~ 蝦肉質爽口嫩滑又彈牙, 味道鮮甜細緻, 不用花巧, 原味就是正 ~ 黃金汁蟶子王 蒸 3 分鐘 ~蟶子肉質嫩滑細緻, 而且非常鮮味, 配上味道獨特又微辣的黃金汁, 味道真奇妙, 連粉絲也吸收了鮮味, 十分好吃 ~ 手打牛丸拼墨魚丸 蒸 5 分鐘 ~牛丸, 吃下去就是嚼勁十足, 肉味香純又爽口彈牙 ~墨魚丸, 一吃便知是手打貨, 爽口彈牙又帶有墨魚味 ~田園菜遠 蒸 3 分鐘 ~ 蔬菜夠新鮮, 爽嫩清甜 ~ 蒸完食物後, 粥也

行完朗豪坊，又想食打邊爐或者蒸海鮮，點知斜對面就有一間，見到裝修都幾靚好乾淨，排一陣就有位所以就入去坐啦～見佢個海鮮假擺出來啲海鮮好新鮮～ 因為唔食魚類，但係好想食帶子鮑魚同肥牛，所以主力叫呢啲～食蒸氣鍋嘅基本動作，當然唔少得要叫粥放入鍋底一齊蒸～ 南瓜排骨珍珠米粥蒸到好綿好鮮甜，蒸完之後加埋d蘿蔔乾/鹹菜/蔥/芫茜一齊，更加錦上添花～特大元貝皇配黑松露醬，元貝大大隻，配埋松露醬原來好夾到，好味得黎又唔會蓋過海鮮嘅鮮味，好香好好味！！南非五頭鮑魚配香草醬，又係好大隻，好爽口彈牙！！ 香草醬味道比較淡，反而突出鮑魚嘅美味～日本雪花和牛d雪花好均勻，顏色好新鮮果然靚材料！！ 入口即溶，牛味重，好好味！！ 手打四寶丸12粒，有墨魚丸，蝦丸，豬肉丸同牛丸，全部都好新鮮～飲品叫咗椰青，鮮甜但水唔多，同可惜餐廳無開個口俾我地可以食埋d肉～另外，茶芥醬油每位收$28，呢一項比較貴，因其實已收加一～總括：材料靚，好新鮮好味！！P.S. 題外話，呢度有Now TV live直播足球賽可以一面坐一面食～

母親節和兩位母親大人共進晚餐慶祝，選址正宗水上人氣鍋專門店。筆者安座餐廳地下樓層，裝潢和其他氣鍋食店差不多，每枱一個蒸煮爐，而店中最奪目的地方當然是放滿海鮮的大魚缸。是晚總共點選了四款海鮮，首款海鮮是黃金汁蒸紐西蘭蟶子皇 ($48/隻)，蟶子皇選材肉薄略瘦，鮮甜度一般。菜式特別之處在於其醬汁，以洋蔥燈籠椒混製而成，口味帶辣惹味。第二道海鮮是蒜蓉粉絲蒸特大元貝皇 ($68/隻)。餐廳有兩款大小的元貝皇供應，特大元貝皇 $68 一隻，大元貝皇 $48 一隻。筆者要了前者，但元貝送上時因更似後者，最後要多換一碟才把問題解決。相比蟶子皇，元貝皇的質素較佳，食味鮮甜爽口，肉厚量足，推介。清蒸海花竹蝦 (每兩 $48) 是筆者喜愛的海蝦款式，取其結實的口感及出眾的蝦香。花竹蝦送上時蝦腳仍在郁動，其新鮮感可見一斑，最後蒸出來的效果也算不俗。餐廳提供的蟹款種類繁多，包括花蟹、肉蟹、羔蟹、奄仔蟹至毛蟹等等。筆者要了一只約一斤重的清蒸頂角羔蟹 (每兩 $25)，橙紅色的蟹羔份量充足，看得見「頂角」的效果。經蒸煮後的蟹羔結實甘香，蟹肉亦相當之實在。雖然蟹肉甜度不及花蟹出色，但味道已令筆者滿意。手打四寶丸 (