正宗水上人氣鍋專門店 (已結業)

去水上人係聽講佢有蒸氣石鍋。 於是就同屋企人去試下。入到去係酒樓格局，但每枱既中央都開左個鍋，睇得出佢賣點就係海鮮蒸鍋。 我地坐低以後，望到入口就有一個個大型既水箱，內有活魚海鮮河鮮悠游，我地可以指定點邊隻黎食，勝在夠生猛新鮮。 這點也在意料之中，因為主打氣鍋既酒家，海鮮必然要夠鮮，否則根本不宜以氣鍋來做，如果唔係，反而會自暴其短。我地坐下不久，就有專門侍應送上一碟新鮮的花蛤。 只見他將花蛤逐隻放入鍋內，鍋旁放了一個計時器，他亦set好時間，我們在旁看得嘖嘖稱奇，要知道一般吃火鍋，都是憑感覺和經驗判斷幾時熟，幾時好食同食得，邊有甘pro甘準確既訓練同定位? 等左幾分鐘，計時已盡，又由同一個侍應過來來，掀鍋，分蛤，放入下一盤海鮮，再計時，一氣呵成。 我地都等唔及試下計時黎煮既海鮮到底有幾好味。我夾起殼中的蛤肉，在醬中一蘸，送入口中，輕咬下蛤肉出溫熱爽彈，更冷不防迸發出極鮮美的汁液，舌頭一嘗，只覺回味無窮。 吃完一塊後，我已等不及再送一隻入口，這次更沒有蘸醬。 海鮮海鮮，就是吃一個鮮字，甚至無須調味。 其本身的鮮美已使人差點把舌頭也吃下去!接下來我地又食左花竹蝦，元貝，象拔蚌等海鮮，皆是鮮