正九清湯腩 (群星大廈)

营业中

休息中

觀塘裕民坊不嬲多嘢食，而且價錢平選擇多，每次去觀塘都要食好多嘢😋😂。我地一家人都幫襯開物華街嘅呢一間正九清湯腩，雖然餐廳舖位不大，但裝修乾淨，坐得舒服😌，而且湯底唔會好似出邊d咁鹹，反而甜甜地，所以我屋企人都好鍾意❤️。嗌咗外賣牛腩牛筋同埋牛肚三個面，店員好細心咁幫我哋分湯。個人覺得佢哋啲牛腩煲得唔錯，牛腩肉味香濃，牛筋有咬口，牛肚煲得軟淋入味又爽口，雖然份量唔算大，但整體價錢來講算OK。總體確實不錯，價錢親民，味道都唔錯㗎👍。

上星期在油麻地分店吃過牛三寶清湯河，非常回味。今天剛好在觀塘工作，記得他們的總店是在觀塘，於是決定去買份淨牛三寶回家加餸菜。環境一樣乾淨企理，而油麻地分店空間較為闊落。淨牛三寶$130(牛肚、牛筋、牛腩)同樣餐牌上有提示點牛腩的客人可自選肥瘦程度，預先告知店員盡量為你安排，非常貼心的一個服務。三個部位都炆得相當腍滑入味，調味適中不會過鹹。底下還有幾大塊蘿蔔，吃完身體暖暖的。淨清湯河(+紫菜）$25多點一碗湯河是為了想喝滋味的牛清湯，但原來淨牛三寶也有附送清湯。另加的紫菜非常爽脆，與河粉和清湯都很夾，加上牛三寶一同食用簡直滋味無窮。

我屋企好鐘意食牛，可以叫做話係牛魔王嘅😂 成日買牛腩返屋企加餸。尋日去左觀塘裕民坊對面嘅小店買牛返屋企加餸。餐廳選擇勁多！ 有清湯做底，又有咖哩做底。有麵揀又有撈面食。我揀左清湯做底嘅全家福。個名好有代表性😂 佢除左牛內臟，有四個部位： 牛肚/牛筋/牛坑腩/崩沙腩。每樣牛大概有8-10件，都幾足料。一兜170蚊，非常聚手，分量足。 我覺得啲牛非常高質。同埋全家福呢個組合好適合唔食內臟嘅朋友。崩沙腩好好食，每一嚿都比筋膜同脂肪包住，爽口得嚟有油香味，加埋肉香味，唔錯。坑腩肉香味好濃，肉嘅紋理好靚，油香味足夠。好正。係高質冇雪味嘅坑腩丫。牛肚炆得好林，林身得嚟仲有啲爽口嘅感覺。牛肚亦都索晒清湯嘅味道，好味。

呢間舖頭早前已經嚟過，今日去到觀塘上手工藝班，諗唔到食咩，天氣又凍咗就即刻過嚟食返碗河粉！清湯坑腩河坑腩肉質結實一啲，不過咬落去都係淋，見到隔離呀枱嘅伯伯都食得好滋味。牛骨湯好鮮甜，河粉幼滑，價值$54都係可以接受咖哩牛肚河咖喱牛肚同河粉係分開上，咖喱牛肚裏面仲包含咗薯仔，將少少咖喱汁撈入河粉裏面都係唔錯嘅選擇，牛肚浸咗喺咖喱汁有一段時間，所以食落去都會有少少咸炸魚皮食牛腩河嘅同時，一定要點埋碟炸魚皮，魚皮薄脆無油溢味，份量亦唔少腐乳通菜叫埋通菜就具備晒食牛腩河嘅全部餸菜。通菜嘅莖同葉都已經分開剪開，加上腐乳簡直係最佳配搭。飲品就叫咗一杯凍奶茶，都幾有水準！餐牌對比起上次嚟已經加咗價啦不過，不變嘅係依然人流不絕！！

同👫朋友行過，見到門口有張海報寫住「正宗🐂牛肉羹」，覺得好似好特別，所以就入左去試。🐂牛肉羹 $48初頭我以為佢好似西湖牛肉羹咁會好漿住口，但當佢上枱嘅時候發現佢好似生菜鯪魚肉嗰款咁嘅賣相就好意外係咁清湯樣。價錢方面，佢有分大碗$48同細碗，只係相差$10。今次我哋就叫咗大碗嚟食，牛肉嘅質感彈牙，並唔係山竹牛肉嗰種質感，食落好有口感。對我係一個新嘅嘗試，而我唔知真正嘅正宗牛肉羹係咪呢種味，因為我以前冇試過。但如果唔理佢係咪正宗，的確係好好食。呢個牛肉羹其實係可以加麵當一碗麵食，咁就一碗夠飽肚。提示：記得加醋添美味。排骨擔擔麵 $47呢款排骨就應該係上海排骨🐖嗰種，炸得好香脆，味道亦不錯。但係個擔擔麵🍜就同我想像中嘅唔同，因為我想像中應該係會勁重花生醬味嗰款，店員同我講花生醬係湯底下面，但是我食落感覺像一碗普通的麵。擔擔麵我下次就應該唔會再試了。加嘢飲嘅凍檸樂 $8其實奶茶咖啡嗰啲好似全部都係加8蚊，所以我哋選咗同一價錢嘅凍檸樂嚟飲，勁抵。店內環境：由於舖位比較細所以坐位的確比較擠迫。總結：觀塘區已經變到冇乜小店嘅地區，難得仲有小店起呢度做，其實真係應該要支持下，加上佢哋嘅嘢食都不錯，都

🍭呢間正九清湯腩都開咗一段時間了，今日嚟試下佢先，餐廳幾乾淨，細細間咁，d姐姐仲好熱情，服務唔錯清湯腩米粉$ 46牛腩肥瘦適中，入口有少少咬口，有牛味，完全唔癡牙，淡啡色的湯底帶著好濃嘅牛香味，飲曬成碗湯都唔口渴，幾好而個米粉就偏硬咗少少，如果轉河粉應該好味d腩汁蘿蔔 $15個碗好有特色😂蘿蔔好淋，清甜，完全冇渣，好入味，個人覺得淋咗少少，變相冇咗口感💁🏼‍♀️整體覺得唔錯，都幾抵食，好乾淨嘅粉麵店，值得一試❗️

早前係觀塘エ作後，知道觀塘多野食，順便覓食，我本身鍾意食牛，最後去了正九清湯腩食野。我選了清湯牛三寶伊麵，包括牛根，牛肚和牛腩，只需加兩蚊轉左我愛食的伊麵。飲品點了凍檸檬可樂。好多牛的部位我也想食，牛三寶啱曬我，可以一次過食曬三款牛。牛腩肥瘦適中，也算整得稔身，吾會切到碎開曬。牛根和牛肚夠稔身，吸引曬湯的精華。而且三款食材幾新鮮。伊麵質感軟硬適中，湯底也算清徹。依加天氣炎熱，飲番杯凍檸檬可樂舒服曬。

接近$50嘅一碗河粉到底有咩魔力，可以有咁多人排隊！！！我終於一嚐究竟！清湯崩沙腩 果然名不虛傳，崩沙腩肥瘦得宜，有肉香又夠軟腍，湯頭用上大量牛腩同牛骨烹煮，十分清甜，加上幼身河粉唔會好易發脹，入口滑身，呢碗真係必食之選！腐乳通菜 平平無奇嘅一碟菜，但係通菜浸過油又更加惹味，而且份量都幾多，菜葉好嫩綠，點上腐乳呢樣最佳拍檔，真係食唔停口。紫菜三寶丸 有墨魚丸、魚蛋、牛丸仲有大量紫菜，每款丸都爽口彈牙，特別係牛丸好有肉汁！鍾意食辣嘅朋友，可以點上辣椒醬添。 跟餐飲品只係$8，而size 都幾大杯，餐牌上面既利賓納、菜蜜、檸蜜都唔需要額外加錢！

▪️牛筋牛肚撈幼麵牛筋又大塊又多，而且不會有很多肥膏，入口就能咬到滿滿的骨膠原🥰牛筋熬得很入味，非常煙韌。金錢肚也很多汁，牛味很突出，果然是清湯腩不能錯過的配料，而且每一片都很厚實，十分足料。撈麵的份量好多（一整個麵餅超誇張😜）幼麵的鹼水味有點重，大家記得下足夠的醋去中和一下，比較不會那麼容易口渴🤓底下的會比較油，所以脂肪比例也會重一點。▫️崩沙腩擔擔麵當天很幸運能吃到最後一份崩沙腩🥰崩沙腩是牛腩中肥膏最多的部位，基本上是2層肥膏夾著1層瘦肉🤣肥膏入口即溶，但又不會覺得過分肥膩，有瘦肉的口感去中和一下，牛肉也不會熬得很乾，口感剛剛好👍🏻擔擔麵可以選擇少辣，但我覺得正常辣度也不算很辣。一開始大家一定要把底下的花生醬拌勻，整個湯底算比較淡口味的港式擔擔麵，所以大部分人都能接受。我很喜歡陽春麵的口感，比幼麵粗和軟身，卻又不失口感而且更重麵粉的香味。▪️腐乳通菜這個價錢有這個份量很划算🤩腐乳醬超多，強烈建議大家要拌勻，不然吃到最後那幾條菜會很鹹🙈腐乳的鹹香配上爽口的通菜剛好，果然是蔬菜類的佼佼者▫️炸魚皮炸魚皮份量略嫌不夠（碟子卻很大🙈）。喜歡它不是油膩膩的，但是有些太大片了，吃起來有點難度。

位於觀塘的一家牛肉麵食店，過馬路位置就見到小店。麵店除了湯河湯麵、飯外，少不了撈麵，還有小食等。小食：炸排骨排骨炸得酥脆，可口。排骨雖然較扁平，但勝在炸粉薄，肉的部份蠻多。撈麵：清湯牛三寶撈麵（牛腩／牛筋／牛肚）另加餸項：雲吞、墨魚丸湯底是牛骨清湯。食材新鮮，炆得入味。牛肚是厚肉的金錢肚，煙煙韌韌。牛筋腩充滿骨膠原，膠質甚重；牛腩腍滑。呷一口清湯，清清淡淡。麵條乾爽易黏，入口相對較乾。乾麵上有少許腩汁，而且可浸一浸清湯，入口不會那麼乾。

實在好少為粉麵店打食評，因為通常食粉面都係快快手，求其食飽就走，相都唔會影。探開朋友經過觀塘佢話要帶我食佢最近新收藏嘅飯堂好啦睇下有咩咁巴閉。是日星期日，要小等10分鐘，都幾好生意。清湯牛三寶河包括牛腩、牛肚、牛筋 ，河粉順滑，清湯清甜有牛味而不膩，牛腩有咬勁而不會咬不開，牛肚爽口，牛筋軟溝綿綿，果真是三寶。口水雞髀飯套餐連飯及牛骨湯，雞肉滑溜不肥而有咬口，辣度適中，麻得過癮，不錯。另叫了腐乳通菜，新鮮爽口。另叫了一杯凍檸賓。員工有禮親切，食得開心！

是日超趕要食個快 lunch, 平時的我係絕對唔鍾意食魚蛋河等粉面，牛腩麵都係普通，可免則免。不過今日呢間我真係食到心心眼可以 encore😍😍😍😍 在場聽到好多客人讚添❗.落完單，坐對面2個婆婆不停讚好好食，d湯又清，牛腩又稔，冇牙都咬到，辣椒油又夠香(讚咗超級多次！) 😂 我心諗有冇咁誇張呀😕點知。。。。. 🟥 清湯牛坑腩河 $56🟧 (轉坑腩/爽腩/崩沙腩加$6) 我一食，完全體驗到婆婆的高度評價！！真心好好食個牛坑腩♥原來係近肋骨肉，肉質超嫩且半肥瘦，入口軟綿，超濃牛味，齒頰留香😁個湯仲好清甜，淨飲都唔覺油😍而辣椒油就唔強烈的辣味，但好香，絕唔會遮蓋牛味，飲番個湯依然 keep到香甜。.後面有一個小朋友仲同媽咪講：個湯好好飲呀，我哋下次再食呀😂.仲有侍應姨姨們好有禮貌及耐性，呢度食物+服務我真係俾💯下次仲想試 1.牛肉羹(冇得雙拼一個人食唔到咁多😫) 2.隔離枱食超香的咖喱牛腩 3.試埋爽腩+崩沙腩 4.竟然仲有醉雞😂.去觀塘 MUST ENCORE❗❗❗😎

今日去觀塘做FACIAL，順便約媽媽一齊DINNER。行過物華街見到呢間正九清湯腩晚飯時間全場滿座，一於試下先！餐牌好多選擇，有粉麵飯類，第一次見牛腩擔擔麵，賣相都幾吸引～仲有唔少小食，見好多食客都點紅油抄手。清湯牛腩撈麵帶筋帶肉好軟嫩，油脂分布均勻，牛肉味濃重，Q彈又有嚼勁～撈麵爽彈滑順，一啲都唔乾澀。另外加配墨魚丸大大粒，鮮味十足，爽口又彈牙。正九牛肉羹 (小)牛肉丸肉質滑嫩鮮美，粒粒都好彈牙，牛味濃厚。腩汁芥蘭新鮮甘香又嫩口，加入腩汁就更滋味！

今日去咗觀塘附近打羽毛球，打到好攰好攰，連食嘢都冇咩胃口，但係朋友又話想食啲嘢先返屋企，所以就想搵一啲唔太飽嘅嘢食下，然後朋友就推介去食清湯腩。本身諗住食清湯腩嘅都會係一啲比較舊式嘅舖頭，不過呢間入到去裝修都幾新淨，坐得都幾舒服。餐牌上面嘅嘢食都幾多選擇，唔止湯腩河，連咖喱同埋擔擔麵都有得揀，不過第一次嚟食，所以都係揀返最傳統嘅湯腩河黎試下。我同朋友都揀咗清湯牛腩牛筋河，因為我比較肚餓，所以再加左墨丸。呢度嘅牛腩十分之講究，除咗普通牛腩之外，仲可以升級揀崩沙腩/坑腩，本身想揀崩沙腩，不過可惜賣晒，所以就揀咗坑腩。食完呢碗河粉之後真係十分之有驚喜，湯底超級好味，然後啲坑腩都好入味同埋煮得好淋，連本身好少食呢類中式湯粉嘅我都覺得真係好好味。另外我哋仲嗌左兩杯嘢飲，都好有茶餐廳風味。食嘅期間不斷聽到有人話想嗌崩沙腩，可想言之應該真係好好食，希望下次黎食嘅時候可以食到。滿足的一餐！

裕民坊新地標開咗都一段時間，加上大量巴士站小巴站，絕對係人來人往。經開呢度轉車都會順便搵下食，呢度反而比APM多平民嘢食。餐廳位置開咗喺裕民坊新地標對面，難怪客似雲來。清湯牛腩河 $46 +$6崩沙腩好多地方食崩沙腩都特別貴，呢度+$6就有，算係唔錯。崩沙腩屬於橫膈膜附近，肚皮兩邊的腩位，爽軟不硬，”爽腩”就係咁解。崩沙腩份量都唔算少，湯頭清甜，唔會蓋過崩沙腩的香味。正九牛肉羹上海麵 $46落單嘅時候職員已經講明牛肉羹唔係平時一碗碗濃稠既果種。賣相同一般湯麵冇乜分別，大量牛肉丸絕不吝嗇，粒粒都爽口彈牙，最重要係富牛香。湯頭清甜好食，如果你食開濃味，店員都會有支醋俾你。腐乳通菜 $19腐乳醬絕對唔係得幾滴仔，足夠你食晒通菜仲有淨。通菜顏色都幾靚，新鮮沒有變黑，而且口感鮮嫩。如果想叫碟菜食下，腐乳通菜應該唔會失望。