正九清湯腩 (群星大廈)

营业中

休息中

收工一心過黎食坑腩，點知無晒，得返普通牛腩同埋崩沙腩，最後試下未食過既崩沙腩（加$8)一讚佢個湯底真係好清甜，無味精感，會令人一啖一啖飲落去。河粉薄得黎幼身，份量都幾多。崩沙腩原來係食落半爽半腍，口感唔錯，而且牛味好濃，數數都有七舊。墨丸好味有墨魚粒粒， 如果再彈d 就好。雲吞大大粒，不過就係菜肉饀黎。奶茶估唔到有一飲再飲嘅感覺,好香甜重奶香味，啱我口味。雞中翼新鮮熱辣辣炸出，外皮好脆，內裏keep 住嫩滑juicy.

午餐時間，在正九清湯腩外賣一個清湯牛腩河，好快有得拎，外賣牛腩河同湯分開裝的，但份量我就覺得好少，唔夠食，牛腩真係一眼睇哂就係得果6件仔，河粉都唔多🙁🙁；食物質素黎講係ok的，牛腩好林，湯就好好味，唔知係咪加左味精先咁好味呢😂😂

今日突然諗起清湯腩嘅味道，就去左觀塘正九清湯腩食lunch。叫左清湯牛三寶撈麵配凍鴛鴦，及咖哩牛筋飯配凍檸茶。清湯牛三寶有牛腩、牛筋及牛肚，果然名不虛傳，好有清湯腩特色味道，而且3款都牛味濃又夠腍，加埋彈牙爽口撈麵配清湯，好回味。值得一提係咖哩牛筋飯，估吾到同樣出色，咖哩味濃但吾太辣，啱晒香港人口味，牛筋又多又腍，咖哩汁送飯一流。加埋凍鴛鴦凍檸茶，依餐好滿足。大家要記住仲有必食崩沙腩、坑腩同埋爽腩可轉。

來到觀塘，就試吓依間出名嘅麵食星期六下晝1:30到達，崩沙腩已經賣晒唯有叫普通牛腩點知都好有驚喜佢啲牛腩肥肉比較多，不過咬落去油膩感唔會太重，比出面牛腩大嚿完整雖然你見到有肥高，不過一啖食落去，好有牛腩嘅香味再嗌多咗個菜肉雲吞$36 8粒-一睇就見到餃子皮好薄，係我喜歡的類型-見到啲餡料，圓轆轆成粒魚蛋咁大，就知道真材實料-咬落去雖然豬肉比較多，菜比較少，不過食得出自家包嘅餃子總結：兩個麵， 1 個整雲吞，$130，喺出邊食唔到嘅牛腩味道，會繼續回頭

觀塘物華街,交通 極之 方便,鄰近地鐵站的正九清湯腩,馳名牛腩淋滑爽口， 怎能抗拒和朋友一起來嚐一嚐。清湯牛腩河.....HK$48牛腩鮮甜有牛肉味，淋滑而且彈牙，湯底清香可口， 河粉的份量足夠飽肚， 好味到想再添多一碗。👍👍清湯牛三寶河.....HK$60三寶河有 牛腩，牛肚，牛筋， 牛筋煙煙靭靭， 牛腩鮮味淋滑， 牛肚爽口香味撲鼻， 河粉大碗份量足夠， 一碗滿 足曬三個要求真係無比享受。淨菜肉餛飩.....HK$39餛飩大大粒,皮薄餡靚, 蔬菜新鮮,肉質鮮甜, 非常抵吃.

今日收工勁想食牛腩，就行左去觀塘呢間試吓，我八點去到已經全場座滿，座位雖然唔多，但keep 住人來人往，又多外賣，生意勁好如果啲野唔得，點會噤好生意當晚我原本想叫幼麵，點知買晒所以叫左崩沙腩河，菜心加凍檸茶呢碗崩沙腩真係超正湯底清清地但又好夠味，重要係我最鍾意食嘅幼身河粉啲崩沙腩切得岩岩好，肥膏同肉嘅比例均勻，都唔使點用力咬開勁重牛味，菜心大大碟，淥得岩岩好重勁新鮮脆綠，淨係望落去個色水都好開心凍檸茶都好飲，唔會太甜

清湯腩愛好者今日去正九試一試！喺觀塘站出口經凱匯上去都好方便有牛腩飯有牛腩麵 仲有唔同小食 但我一條友食唔到咁多叫左碗清湯坑腩河 加左一份蘿蔔賣相好吸引 原因係湯底清澈 多蔥花 牛腩份量多我食牛腩河既習慣係先飲一啖湯個湯係靈魂 一飲就知間餐廳有冇心做果然 佢係清澈得黎好好味！夠咸夠鮮甜！😍亦飲到有隱約既香料味！我會比10/10呢個湯底！👍🏼👍🏼👍🏼再試一舊蘿蔔 清甜冇渣 好食！坑腩夾落去紮實 唔會散曬 色澤靚半肥瘦 有根有肉 食落有淋又有爽既感覺實在太正🥹🥹🥹河粉都係重點 佢既河粉冇咁油 而且條條分明 食得好暢快！好滿意既清湯牛腩河🥹一定會再黎！

今日老公開會，得我同個女食晚飯，所以唔想煮！諗起好耐冇食過牛腩，所以同個女去咗食呢間！佢哋嘅招牌係清湯腩，但個女想食咖喱牛腩河！所以就就下佢啦…今次我哋嗌咗咖喱牛腩河、淨菜肉雲吞、炸排骨及兩杯熱檸水！2個人食夠曬咖喱牛腩河炆到好淋，加埋佢哋嘅咖喱汁，都幾好食！而且河粉好大碗👍淨菜肉雲吞有成8粒咁多！仲要粒粒都勁大粒，菜同肉食落都好新鮮超滿足炸排骨，上次喺油麻地分店都有食過，都係一樣保持水準，外層酥脆，內層肉嫩keep住都幾多人幫襯…侍應姐姐都忙到冇停過手

今日返完part time 響附近嘅正九清湯腩買外賣。 本來想點佢地最人氣嘅牛肉羮，點知真係太人氣，竟然賣曬。 我哋倆個就買左牛肋伊面，可能做完嘢好肚餓，加左底都只像剛剛飽，我嗰碗加左牛肚， 牛肚爽口得嚟有咬口，都有成六條，牛筋夠淋，充滿骨膠原，大大件，都幾滿足。 伊麵加底男仔來說都唔係好夠飽，佢就加左牛腩， 佢話好淋，但就唔太入味。有時食牛腩麵食完之後會口渴，食完依間嘅完全無依個情況出現，應該無咩落味精吧！讚！

出咗成日街好攰，唔想返屋企煮飯，決定買外賣返屋企慢慢歎。去開觀塘，見到附迎有間正九清湯腩，好耐之前食過一次，印象中唔錯，一於買外賣今晚試多次先～清湯牛腩飯湯頭清澈，香而不膩，除咗招牌牛腩之外，仲可以加錢轉崩沙腩、爽腩同坑腩～招牌牛腩肉嫩牛味濃，食落多汁又軟嫩，大讚～淨菜肉雲吞雲吞大大隻好飽滿，食落口感豐富，有菜又有肉，皮唔會過於厚實，夠哂鮮味。口水雞味道香濃，麻辣鮮香得黎雞件好爽嫩，調味做得相當出色，伴飯一流！

認識我的人都知道我超愛吃牛腩，無論是崩沙腩還是坑腩我都超喜歡正九是觀塘老店，主打清湯腩，所以特意來這買份牛三寶回家好好品嚐食品：淨牛三寶 牛腩牛筋牛肚$128牛腩非常稔嫩，入口肥美，無渣而且腩味香濃牛筋偏爽脆，不像坊間主打入口即溶，另有特色也是特別牛肚洗得乾淨，入口甜美意外地這份牛三寶份量頗多，兩個人吃再加一份自煮河粉，完全是吃得飽飽的郊外油菜$19我叫了芥蘭，看看就知道，菜葉非常綠，入口爽脆沒有渣，基本上加上這個纖維，這一餐就圓滿了

真系好好食叫左個牛三寶配上海麵同牛腩淨食，啲牛腩肥瘦相間有些少薄膜系坑腩位，咬落去彈牙有油香，而碗湯清甜靠白蘿蔔帶出牛肉嘅鮮味。蘿蔔冇渣而充分吸收湯汁，一啖牛一啖蘿蔔解膩，越食越想食。上海麵有咬口，即使係外賣送過黎都保持到，而麵條掛汁能力又唔錯，食到一半加埋唔辣嘅潮州辣油將湯麵嘅味道帶入另一個層次。凍奶茶好飲飲得出紅茶味，唔洗額外加糖同奶。好食！！應該短期內唔會再食牛腩，因為回憶嘅感覺係最好食的！@@

餐廳位於觀塘，主打的就是港式牛腩粉麵，這間餐廳最方便的地方就是鄰近地鐵站，路程只需要五分鐘左右。而我自己挑選的食物，就是牛肚撈麵，價錢合理，份量十足，最喜愛它的牛肚，煮得剛剛好，他的醬汁吃起來味道豐富，感覺味精味道不太重，分量方面，兩個的麵食，絕對足夠一個正常人的分量，絕對完全沒有問題，加上他的撈麵，沒有配搭蠔油，令整個撈麵更加充滿原味道，加上面的質感爽口彈牙，不會over cook，已經是一大特色，就是充滿港式粉麵的特色。

今日去開觀塘，順便買埋外賣返屋企食。大家都知依加夜晚都冇得出去食，週末又唔想煮飯，買外賣就係最好。價錢合理，就算下午三點都坐滿客。清湯牛腩河（$50）- 睇餐廳名就知佢哋最岀名係清湯腩，當然要嗌喇。牛腩無得頂，半肥瘦，就算我喺屋企再翻叮都一啲都唔覺得韌。個湯底都好清甜，我再落咗包辣椒醬令佢更惹味。以跟餐價+$8就有凍咖啡 紅油抄手（$22）- 份量好多，個雲吞皮好皮，加埋香葱同蒜好惹味。口水雞飯（$55）- 一打開個盒已經聞到好香嘅味。啲雞肉好嫩滑同入味，同埋個汁撈飯食真係一流！

而家疫情關係無左晚市堂食，都要買d好野返屋企食下，上次食過正九清湯腩都幾正，所以再encore。😎可以加$6升級為坑腩絕對超值，牛坑腩肥瘦適中，肉質彈牙，完全冇濽，口感一流。外賣將湯和河粉分開，唔會令到河粉發脹變霖，值得一讚。🔥估唔到尼度既咖哩敢高水準，汁香濃郁有椰香味，而且牛坑腩加薯仔份量夠多，再加一碗牛骨清湯，非常好味。👍🏻一份六隻紅油炒手，雖然餡料唔算多，以尼個價錢性價比高，如果覺得唔夠辣，可加附送既辣油，絕對收貨。🌈微辣腐乳醬配通菜一流，而且通菜份量夠多，個人喜好必點推介。✨