正九清湯腩 (群星大廈)

营业中

休息中

實在好少為粉麵店打食評，因為通常食粉面都係快快手，求其食飽就走，相都唔會影。探開朋友經過觀塘佢話要帶我食佢最近新收藏嘅飯堂好啦睇下有咩咁巴閉。是日星期日，要小等10分鐘，都幾好生意。清湯牛三寶河包括牛腩、牛肚、牛筋 ，河粉順滑，清湯清甜有牛味而不膩，牛腩有咬勁而不會咬不開，牛肚爽口，牛筋軟溝綿綿，果真是三寶。口水雞髀飯套餐連飯及牛骨湯，雞肉滑溜不肥而有咬口，辣度適中，麻得過癮，不錯。另叫了腐乳通菜，新鮮爽口。另叫了一杯凍檸賓。員工有禮親切，食得開心！