正九清湯腩 (群星大廈)

营业中

休息中

俾人叫咗去KT做嘢，食個急飯就走啦 行過見到有麵店！有咩比佢快靚正先得嫁？食間牛腩都知有坑腩，爽腩，崩沙腩 咁我唔一一介紹啦 咁我個人就最愛食崩沙既崩沙河牛肚既腩位，會有塊膠質痴住既，爽軟而咬落去唔硬，牛味都濃 湯頭都唔係水 應該係牛骨湯 咁友人就食坑腩伊麵！牛味香濃，肉就痴住筋膜，肥瘦適中！襯埋伊麵底，正腐乳通菜翠綠色！冇一條係有黑色同爛 非常新鮮熟成度剛好，唔會太生太熟總結，唸住食個快麵 點知食到好餐廳！不錯

好耐無陪家中既女皇大人買餸啦～呢日一早陪佢買定今晚既餸菜，然後決定食個晏先返歸xpp女皇大人話想食牛腩河，見到街市對出轉角位有間裝修企理既清湯腩店，我地二話不說就入左去 😆😆😆女皇大人要左一碗“清湯牛腩河”HKd$46加6蚊轉做爽腩～而我就要左一碗“咖喱牛腩拼牛筋米線”HKd$46+8✨咖喱牛筋腩係另上既，咖喱味道唔太辣，我呢啲食辣bb班都輕易完成😆😆😆米線份量不少，食落唔過淋：）我地另外要左一份“腐乳通菜”HKd$19～通菜翠嫩唔老身配上濃郁腐乳汁醬，自己食一碟都得xppp跟餐就可以加配飲品：）凍奶茶同汽水都係加上8蚊就有luuuu

朋友說在觀塘裕民坊附近有一間在lunch time一定要大排長龍的清湯腩店，作為一個牛魔王，好味的清湯腩我又怎能錯過？清湯坑腩河$52~本來想叫崩沙腩，但原來一早已售罄，好彩仲有坑腩。坑腩炆得好腍好鬆軟，連筋位都好腍，牛味好濃郁，好好味。牛湯清澈見底， 味道好清甜，而河粉比較幼身，好滑好爽，正！清湯坑腩撈粗麵$64~撈粗麵的坑腩比清湯坑腩份量更大，每一件明顯比較大件和厚身，大件D口感當然更好，好美味。粗麵好彈牙好爽，用蠔油撈麵真係好滋味。牛肉羹(大)$48~有D似碗仔翅的湯羹，牛肉好爽口，最驚喜係蘿蔔炆得好腍好入味， 清甜又無渣。凍檸賓$8/凍檸茶(少甜)$8~ 天時暑熱，飲番杯凍檸賓和凍檸茶，清涼又解渴，爽！

今次黎到觀塘凱匯對面嘅正九清湯腩試咗特色清湯牛腩河粉，牛腩肥瘦分明適中，入口有咬勁，河粉嫩滑，淡啡色的湯底有濃郁嘅牛香味，肥而不膩，係唔錯嘅選擇。朋友叫咗碗墨丸幼面，墨丸頗大粒而且有𠝹花，味道正常，建議按個人喜好加辣由豉油味道更佳。小食方面就叫咗是日油菜：芥蘭配蠔油，用鹼水煮過嘅芥蘭果然特別爽口，份量偏多，價錢合理。炸雞翼比平時市面上食到嘅都較大，外皮炸至金黃香脆，配面一齊食簡直一流！最後配上熱檸檬利賓納同熱檸檬蜜糖水各一杯，完成一頓美味嘅晚餐~正九清湯腩

放假同娘親買完餸就食埋個晏先返歸～我地入左街市前方既粉面店！！呢度主打食不同部位既牛腩粉面：）好似崩沙腩、坑腩同爽腩都有得選擇！！！唔食粉面既話，亦有飯類可以揀～更有平日無乜地方可以食到既牛肉羹添！呢日同娘親都唔算好肚餓，所以只係各自要左碗牛腩粉，另外加左一份炸排骨(炸豬扒)一齊食：）我要左一碗崩沙腩米線，娘親就要左一碗坑腩河～兩款既牛腩都好夠牛香：）每件崩沙腩都連住一層筋膜同少少脂肪，入口鬆軟！！炸排骨亦唔錯，炸粉唔厚，調味得宜，肉質唔嚡：）除左食物，飲品都好出色！！特别係杯凍奶茶，茶底夠濃，飲落夠香滑，正：）

搬咗過嚟觀塘區之後收工就多咗喺觀塘搵食雖然裕民坊已經開咗但係周邊仲有好多平民嘅食肆今日就揀咗嚟食牛腩麵收工時間小店都幾多人等咗五分鐘左右入座鋪頭睇落乾淨企理有膠隔板亦都盡量避免食客要搭枱兩個人叫咗兩碗粉同一碟菜清湯爽腩米粉拼牛丸 $58清湯牛三寶粗麵拼墨魚丸 $66腐乳通菜 $19可樂 $8清湯湯底望落算濃同埋唔油膩食完之後唔頸渴，應該冇味精牛腩份量多同算大嚿，入味有咬口牛筋炆得好淋，牛肚亦都爽口入味丸類彈牙得嚟唔會食到成口油墨丸爽口，牛丸重牛味值得推介小店仲有咖喱類同擔擔麵下次有機會再嚟會試吓

名人推介的牛腩粉專門店，以新鮮牛腩製作既招牌清湯坑腩河，牛腩鬆軟又有肉香，覺得佢哋嘅牛腩最出色，食落薄膜和豐富的膠質，爽軟不硬湯底清甜不膩另有有清湯腩及咖喱牛腩兩大類唔同口味，配粉麵可單拼、雙拼、三拼，可撈可放湯。咖喱湯底嘅味道濃淡得宜。我咖喱味道配埋清湯口味一流，超好食嘅牛腩再加埋最愛嘅咖喱。小食方面點左醉雞，份量多而且肉質嫩，淡淡雞肉嘅味道再配埋適當的酒，美味又香。呢個價錢食到咁大份嘅雞，超級抵而且地方方便喺正觀塘，打工仔外賣返Office食都係一個非常唔錯嘅選擇而且佢外賣包得妥當，會分幾個包裝，所以返到Office都仲係好好味。

觀塘重置之後，裕民坊變咗個好靚嘅商場🥲今日參觀完嘅時候，決定幫襯下附近嘅舖頭仔，嘗試感受下附近街坊情懷🥰結果喺裕民坊對面試吓食牛腩米。小鋪乾淨企理，店員姐姐態度親切😎我嗌左碗牛腩牛丸米，加一碟腐乳通菜😏其實我分唔清爽腩，坑腩，崩沙腩有咩分別😂懷着無比勇氣叫咗個爽腩試吓原來上菜係會一半爽腩，一半牛腩爽腩有啲似硬版牛筋，煙煙銀銀咁。估計骨膠原應該都豐盛？😂 牛腩正常，牛肉味濃，肉質唔會好鞋(最驚食到鞋口嘅🥲)Anyway, 我最鍾意其實係粒牛丸！彈牙多汁👍🏻👍🏻👍🏻然後一邊食我就一邊Google睇吓到底有咩分別，我下次應該試吓崩沙腩😆😆😆========below from google=======其中最普遍的是坑腩。坑腩屬近腰肋骨的肉。除去肋骨後會出現一條條坑，所以稱爲坑腩。牛有13根肋骨，根據描述，坑腩爲牛胸前八支骨腩肉，所以一般來講，坑腩都是取自第5至第12根肋骨或者第6至第13根肋骨。坑腩的牛味最香濃，肉帶著筋膜，肥瘦相間，最適合燜煮，一次能吃到爽腍兩種口感。爽腩，又稱牛白腩，位置在站立的牛的腹部正下方，與坑腩連接。帶著軟筋膜又連著少許肉，口感爽脆，煙煙韌韌，有軟有糯，因而得名爽

觀塘新落成屋苑與商場，後面街有間吃牛腩的專門店，有崩沙腩，爽腩與坑腩，還可選擇粉，麵或飯。正巧肚餓，二話不說便內進了。點了腩河，以$6升級（牛坑腩河）因為坐下後有兩枱客人選了坑腩麵與米粉，我又不執輸試試。坑腩腍中咬口，看似有肥脂伴著，但一點也不油膩，咬落還有很濃郁的牛味，湯頭清甜，散發著青蔥的香，河粉柔軟，好味。（牛肉羹- 細）除牛腩，這碗牛肉羹亦是我想吃的。口感比想像中實些，但頗滑，吃時想到酒樓的牛肉球口感是軟熟的，其實我想錯了，放湯與蒸的口感已不同，何況酒樓的牛肉球混入了其他肉呢！這裡的牛肉純正多，羹裡放了很幼的薑絲，一併吃原來更好味。再來一客（菜肉雲吞），皮薄涵多頗新鮮。沒有冰過的口感，外皮頗嫩滑，飽滿中型雲吞，菜比豬肉多少許...正，我把他放在清湯腩的湯中吃，多添一份滋味，更正。（油菜芥蘭）加腩汁比蠔油來得惹味，芥蘭很嫩，能大碟些更好。吃完還有可去後面街市及附近檔口，買點便宜水果才回家。

今日lunch 時要去銀行，經過物華街市見到一間清湯牛腩，就決定今日lunch 就是他😂 「正九清湯腩」除了有牛腩粉麵，也有其他選擇如咖喱牛腩飯，口水雞飯等。還有一些特別的如…牛肉羹，爽腩擔擔麵等🤗正九牛肉羹（大），用鮮牛搓成球狀，口感鮮嫩彈牙！湯底似以碗仔翅，用咗不少薑絲，再配以陳醋一齊食，夠開胃😂清湯牛腩米粉，湯底味清甜，牛腩不肥口感文夠淋，份量足！清湯牛筋雲吞河粉，牛筋軟硬適中，雲吞是菜肉雲吞，大粒又爽口！下午茶2:00開始，跟一杯熱飲或加$3轉凍飲，店員服務態度好nice 🤗

清湯牛腩河$46 （加$6轉崩沙腩）崩沙腩份量好多，每舊都肥瘦均勻，黐住少少筋位，油脂好豐富，牛肉味好濃👍🏻河粉好滑身，比較幼魚蛋河$35有魚片同埋魚蛋，魚片質素正常而魚蛋非常爽彈👍🏻清湯湯底食完之後唔會口渴😘炸排骨$32排骨即叫即炸，唔算非常乾，比較薄嘅炸粉🤣腐乳通菜$19凍檸樂$8餐廳位於裕民坊商場對面， 十分方便🥰餐廳入面有八張枱左右，粉面檔來講算幾乾淨。觀塘區嘅朋友都值得嚟呢間試一試牛腩麵啦🧡

自從在大埔群記食牛腩粉，食到一肚氣後，便很久没有再光顧以食清湯腩為主题的粉麵店，今日路過觀塘見到一間，在開飯有好多，好評的正九記清湯腩粉麵店，就抱着一試無防的心情，入左舖内幫襯，是日我和靚媽及仔仔，三個人合共柯打了三碗各部位牛腩粉麵，另加一件炸豬扒和甚少店地方有得食的牛肉羹，三碗牛腩粉味道雖至於在三十多年前，在中環九記初嚐該店清湯腩，便驚為天人的感覺但仍比市面一般粉麵店高，而件炸豬扒就無論色，香，味都非常好，反之個隐世牛肉羹，我就吾識欣賞食左一粒牛肉滑就無再食，總結在此店食牛腩食品係OK嘅，待應姐姐亦很稱職，係一間可以一試食店。

由於觀塘重建計劃，喺裕民坊要揾一間牛腩麵嘅店家-難！清湯牛腩麵嘅店家梗難，最近嘅可能要上山去到樂華邨先食到。喺觀塘重建得七七八八之時，開始有啲生機，喺呢條金鋪街唔係淨係得陣地盤味，有陣牛腩香，望一望，見有牛腩麵店，店名「正九」（心諗唔好以為賣牛腩有個「九」就一定呃到人！再望，無客人嘅！？得一位師傅，一位樓面)，心大心細下，見店家門口乾淨企理，又剛收工肚餓，膽粗粗試試先。叫咗一碗清湯牛腩河粉，約5分鐘先至上枱，係冇客人嘅情況之下算處理得比較耐。講返碗湯麵，湯底顏色非常清澈，入口清甜（特登冇叫飲品，食完成碗後冇口渴口乾，證明冇乜味精)；河粉我認為有驚喜，好滑，而且條條分明，冇碎濕濕；牛腩方面，份量合理，有六片(三大片瘦腩，三小片半肥瘦)，全部都好淋，夠味。觀塘區嘅朋友想食清湯腩我會推介呢間！

位於瑞和街街市附近的潮式牛腩粉麵檔, 本以為和其他的一樣, 就是普通的牛腩牛雜粉麵, 但看它的菜單, 其中一道菜牛肉羹很吸引我, 本初還以為是酒樓的西湖牛肉羹, 但一上枱, 第一印象是它看似變奏版的鯪魚肉湯. 吃起來牛肉鮮味十足, 原來廚師將鮮牛肉剁成蓉, 然後加上番薯粉再煮至定型, 勾上由腩汁和牛湯做成的芡汁, 難怪牛肉鮮味如此澎湃, 加上薑絲和陳醋作潤飾, 比起西湖牛肉羹的味道和口感, 豐富和充實得多. 至於蝴蝶腩牛筋河的腩部, 腩膜煮得相當彈牙, 腩肉鮮味夠但略嫌煮得有點過火. 牛筋同樣口感爽彈, 牛湯外表清澈, 味道柔和帶微香, 不如牛肉羹般強烈, 就是一碗合格的清湯腩河粉. 當然, 還是牛肉羹更為有特色, 更值得推介就是.

讚1.清湯坑腩既坑腩切得好亦煮得好，塊塊筋肉比例都好，肉有肉香，筋位腍滑，切落去既蔥粒都好多好新鮮，雖然名不經傳，但味道的確出色；湯亦都夠肉香2.肉羹係香港算少見，就算有都係豬，牛真係第一次食，就咁食既話，湯底有啲薑絲味，滑身，牛肉羹其實同豬肉羹同一樣味，爽爽地咁，呢樣野要加醋食先有味，就開胃好多，不過坦白講我好懷疑呢樣野係香港有幾多人會食？北角都可能多啲既，但觀塘就真係好懷疑🤨3.清湯腩店好多時都有種好濃既羶香係間鋪入面，呢間又無，環境都幾企理彈1.一男一女兩位野計係鋪頭吵大鑊，幾驚佢地打起黎2.牛腩湯底係有啲油，同埋河粉揀貨唔好，一夾就散