榮記粉麵

营业中

休息中

夜收工，勁累，加上眼睛發炎，快速買完外賣回家去。要了豬紅﹑牛筋﹑蘿蔔﹑魚蛋油麵和雞翼尖，味道過鹹，味精湯。

20070114在門口等了五分鐘之後，被安排到裏面深些的地方一處長條桌入座……面壁？不過倒也清靜些：）Honey的是牛筋魚腐幼面，我的是牛腩豬紅米線，外加一杯凍豆漿。以前試過牛筋，印象極佳，這次心思思試試牛腩，結果有點後悔，也不是說不腍，但頭尾兩段肥膏，看著已經有點不舒服……豬紅燜得不算老，不過稍鹹了點。下次再試試其他的，抑或，還是應該專情於我的牛筋蘿蔔？

20070107人在銅鑼灣，時近兩點，隻身慕名來此，縱然嘈雜非常，店面淺窄，為那一碗車仔面，也儘管犧牲一次了：）其實人流輪轉，並不需要等多久，意料之中的搭了一張四人台，同坐的有一對年老夫婦，非常稔熟的樣子，毫不猶豫就各點四餸米線一碗，並指明“腸頭”：）另有一個和我一樣的年輕女孩子，原來食量不弱，一碗翼尖牛丸面再加一碗淨蘿蔔豬紅，清得比我還快：）同台也是有緣，大家都還客客氣氣的：）我的是蘿蔔牛筋河粉，走青。濃湯底，但又不會很鹹，浸著河粉剛剛好；蘿蔔鮮甜至極，完全無渣；牛筋分量十足，軟腍適中。另外附送西洋菜若干，也索湯味。幾個方面來看都無可挑剔，感覺比登龍街新記的還要清淡些，與我口味更合。有限的幾個店員，分工明確，效率極高，縱然是人龍店，也不怕稍等一試的：）

上課前想食少少野, 朋友介紹下便去試試. 一到門口竟要排隊, 好在不用排多久便能進去. 我叫了魚餃牛腩米線, 牛腩好"林", 好入味, 湯底跟牛腩好配合. 不過這樣突顯了魚餃好普通. 我想我下次一定會再來試試牛雜類的麵.

不知是否聖誕假期的關係，周日中午到來只坐滿一半。既然不用排隊等位，就入去試了兩碗雙拼：豬紅牛肚河和八爪卷牛筋幼麵。吃完我倆同一感覺，都認為是一般。湯底自動加了腩汁，味道算是不錯。不過餸料之中，牛筋膠質口感不夠，較令人失望。滑河粉相對上較偏硬了些少的幼麵為佳，但是都不覺得特別出色。雖然只收$15一碗，還是想不出排大隊的理由。

同朋友仔買完NDS已經10點幾, 就近係呢度買碗麵返去豬腸+牛肚+魚腐+米線- 豬腸無肥膏鹵得入味, 牛肚爽口, 魚腐普通, 湯底依然濃味, 加埋兩包辣椒同D米線一齊食幾好味魚蛋+豬皮+魚肉春卷+米粉- 豬皮夠淋唔錯都未試過一日裡面食兩次車仔麵, 不過又真係幾好食既

噚日同肥B去CEO唱K,近近食D先,就走去對面食麵啦,平時好鬼死多人,可能今日早,只有幾個人排隊,入到去坐,好迫,您會食完自動自覺走,唔會繼續坐隻.我叫蘿白,牛腩,春卷米,蘿白幾甜,無渣,牛腩夠淋,OK,春卷就麻麻,無乜口感,好粉,南記好食好多,肥B叫個雜粗,乜都有D,佢話D無乜特別,只係牛丸唔得,好行,但肥B就勁讚D辣椒油好掂,佢話佢咁食得辣,都覺得有D辣同D辣椒油夠香,又唔會搶碗車仔麵味,好正,佢叫我比笑笑最多分係比辣椒油,之後係個湯底,(我唔食辣,試肥B碗麵啖湯,都覺得好辣,D辣係好快直上喉嚨,但慢慢又散返咁)仲有我一致認為,糖街呢間好食過VAN仔站間,個湯底濃D同香D,所以就算坐得迫D,同要排隊都要係返呢間食!

去完日本八日七夜自由團,雖然去過Ｎ次(應有廿幾三十次了),但新鮮感依然有, 今次由兩個日本老友開車一行七人,主攻東北地區,包括福島,猪苗代等,處處田園風光, 食盡最新鮮和最特色的美食.....返香港後, 好像對甚麽食物都不太感興趣, 加上這两星香港空氣差到極,實在令人透不過氣, 前兩天中午到銅鑼灣, 經過糖街,見到一條廿多人的長龍,原來是排隊食車仔麵,自己反正未食飯,就跟住排囉,約十五分鐘就有位,order一碗雜麵,有蘿白,牛肚,魚蛋,牛丸和少許菜,配的是油麵, 蘿白好甜,其他的都好行貨,湯底過份濃烈和油口, 價錢$18/碗....唔貴嘅

(15/9)各人排隊的原因有別，有的為結帳、有的為存款、有的為進場、有的為取證件、有的為......層出不窮，排隊給予我感覺是有始有終，撇除要等的時間及精神，它是一項不錯的方法，無論你能否達到目的，最終亦會給予你答案及答覆。是夜為了得到答案，結果要與友人去看看，一望之下，當然有十數人列出隊形，原想拂袖而去，但為了得到答案，默然接受。十數分鐘後可入座，甫坐下叫了豬腸、魷魚鬚、腐皮卷粗麵，這三款食物是店內受歡迎系列，蘿蔔、牛腩、豬腸麵是友人的選擇，另叫了一碟雞翼尖、通菜。一會過後，隨隨奉上濃郁湯底的麵，首當其衝是大腸，適中的厚度，外爽內軟，味道是鹵得有層次，可算是較好的一環。魷魚鬚，奇怪的是食店列入受歡迎系列之一，醃料將其改變，是有一點的改變，但並不是值得叫；腐皮卷，最令人意外之作，是甚麼意外也沒有，機械式的獻技，超市的冷藏品貨色。翼尖，味道是每一件都入味，入口是每一件都有它的甜汁料味道。菜是湯上，當然湯上亦是麵的湯。混合著車仔麵的湯、翼尖的汁料，吃至中後段，越吃越不對勁，絕對是湯料影響，貫切地甜。寫至此時，想起的不是此店的車仔麵，而是車品品那美味的。答案是有的，不宜因隊形而故步自封。

間唔中就會睇到報紙雜誌介紹呢間野但我食過兩次, 都覺得水準只係一般貨仔湯底黑麻麻, 但又唔覺好飲豬大腸唔錯雞翼尖不及元朗B仔的好味蘿蔔唔覺刨左一半先拎出來賣, 唔係特別嫩環境超迫, 食完要立即走價錢以甘樣既質素, 物非所值不過, 呢個世界好多名過其實既店舖就如九記一樣, 出名唔好食, 但一樣甘多人讚

同朋友仔係維園跑完步, 出錯門口來左呢頭, 朋友仔諗起呢間鋪成日排長龍就來試下係咪咁正魚蛋+魚皮鮫+牛筋+米線($18) - 湯底好深色, 飲落口好夠味, 魚蛋係白色既潮州魚蛋, 麻麻地, 可能係我鍾情炸魚蛋多D, 而牛筋份量最多, 又夠淋, 最好味呢個食送, 加埋佢既辣椒油成碗食都幾好味魚蛋+豬紅+蘿蔔+米粉($18) - 朋友仔食的, 但試左舊豬紅都幾滑

前晚去呢間舖隔離幢大廈辦事，上大廈前見佢地排晒長龍，意為佢好好食，所以，做完o野，落o黎食蕃碗麵，叫o左一碗墨丸魚蛋米線同一碟通菜。響等碗麵其間，o岩o岩我坐個位見到廚房整o野，發現原來去o左食‘那咋麵’，平時去大排檔食，就算幾‘那咋’，總之整得好食就會反o黎食，可惜，呢間榮記，Ｄ米線煲到“林”到食，漲到好似油麵咁粗，都不再話下，仲要係唔爽O既魚蛋（由一排／一底撕出O黎O個種，撕到三尖八角）。以後咪食旨意再去呢度食！唉！

元朗嘅永年士多係一個迷，銅鑼灣嘅榮記又係另一個迷，兩者又咁啱都係大賣車仔麵。這兩間店舖長年累月都有班人在舖外排隊，究竟啲車仔麵真係咁好食，定係個湯底落咗秘方等啲食客上癮，好似傳聞某一火煱飲食集團响湯底度落咗罌粟咁？當然係講笑啦。言歸正傳，我嚟過呢度兩次，都係嗌咗差唔多嘅配菜，當然有豬腸、蘿蔔啦，仲要埋油麵。湯底好深色，飲落感覺好濃，飲唔出乜嘢味，就放棄咗再去試。豬腸如其他食家所說，又香又爽，諗深一層，豬腸只要夠肥，洗得乾淨，用水灼熟唔過火,，就已經可以香且爽。蘿蔔較生，唔夠腍，索晒啲湯底更佳。別人多數加生菜，佢地就用西洋菜，唔知點解，可能同成本有關。總括嚟講，一試無妨，排隊就不必勒。

得果3舊大腸, 真係少得可憐...D粗麵都唔夠腍ge, 其實果時差唔多4點鐘, 都唔係好多人je, 佢可以煮耐少少...D牛腩都唔係好夠腩...所以, 真係幾失望!

閒日晚上我諗起呢間店日排夜排,究竟點解咁多人排?我同bf一齊入去,等左幾分鐘有位...1)$15魚片牛腩河,魚片冇特別,牛腩真係一絕,份量少唔在講,一d都唔淋,硬到好似食緊d煮過火既瘦肉(仲要係老到哨完有渣果隻!!)d粉睇上去幾多...事實上食完都唔飽~2)$15豬紅牛肚米線,豬紅ok,牛肚韌左少少~d粉都唔多.3)$8腐乳通菜,ok既...8蚊咁既份量都差唔多~最緊要係....佢個湯底,個樣好似好濃咁,食落一d味都冇,話就話腩汁,我覺得豉油+水就真!!又唔香,又冇味~得個"睇"字~坐到鬼死咁迫,想郁下都唔得~咁既價錢我去南記食碗魚蛋河好過,起碼有保證先~如果要食車仔麵既話去西灣河太安樓夜市果d仲好味,料足,多到成個碗都裝唔晒d送~又好味~~都唔明點解呢到咁多人~~我諗唯一既原因係:呢度係銅鑼灣~如果開係東大街肯定執左笠九世!!