榮記粉麵

营业中

休息中

今期飲食男女封面好吸引...因為係介紹雞翼, 內文有介紹到呢度既雞翼尖, 今晚即管去試下.夜晚9點去到, 排左大約十個人左右, 等左10分鐘左右就有位, o係差唔多排到頭位時, 有個伙計會同你落單, 咁坐低冇幾耐就即刻有野食.我同朋友3個人分別都叫左個3送既車仔麵, 仲加多碟雞翼尖.....平心而論, 我覺得呢度既車仔麵冇乜特別, 個腩汁唔見得好出色, 而雞翼尖....我覺得自己都可以整到呢種味, 我d朋友都覺得係...所以食物方面我覺得可以用不過不失黎形容.要讚就係佢既服務, 不論係負責編位個亞哥, 定係執台既亞姐都好helpful, 雖然食物冇乜特別, 服務搭夠令我都會再幫襯~

去做facial前去食碗麵, 搭就一定架喇叫魷魚鬚豬皮粗麵+忌廉($24)豬皮入味, 索晒Ｄ腩汁, 正魷魚鬚太硬, 得辛苦, 無乜味Ｄ粗麵碎濕濕, bad但有幾仔西洋菜, 呢樣真係幾好食地方一Ｄ都唔好坐, 待應勤快, 又無乜態度差喎, 快手快腳, 食完就走,

我嚟呢度食,係俾佢個豉油汁湯底吸住!我食既係四餸麵,蘿蔔,雞翼尖,牛筋同豬紅,雞翼尖係四個餸入面最好味既一樣,碗麵真係幾好食,可惜既係環境實在係迫,服務都唔好..生意好既舖真係令人又愛又恨!

款式同新舖比略有不同有魚扎魷魚供應但係冇墨魚頭大致上同新舖差唔多辣油一樣都係咁得!不過服務態度都幾差下我相信有唔少人都俾個位貌似老闆既人兄嚇走個湯底比起新舖極奇怪!唔知點解咁唔同味=__=所以我建議想食既人去渣甸街個間好d 舖面大d 湯亦正d 服務態度都好d!總結係想比笑面都俾唔落

出面排哂隊,可見應該係一間好食嘅車仔麵但係入到去,俾我嘅印象真係唔太好!首先,坐得好迫,我坐低時仲撞到個女食客俾佢省...坐低左轉身都難..叫左一碗什錦米食,有粉腸,紅腸,豬紅,蘿蔔...醬油湯,其實都真係幾好味,但係食得好辛苦下次幫襯只會係外賣!

難得冇乜人排隊又想食..咁就入左去啦..發現貴左呀..應該加左一兩蚊.嗌左3送($22).雞尖,牛筋同豬紅..豬紅唔係咁入味..其餘都ok! 加埋枝可樂.爽呀!

前日中午兩個人去食，唔使排隊。食咗車仔面同腩汁西洋菜。味道個人認爲太濃，覺得价錢有D貴。26元/4拼車仔面。

幫襯這間店應該是由後巷檔開始了！可能不是太多人知道舊店是以往在皇室堡地下的連卡佛員工出口處的後巷．那時夏天躲在那兒食麵會汗流浹背，冬天就好溫暖的，雨天仲往往要邊食邊避水滴．但這的而且確是喳麵^.^　最難忘是那兒一年四季都可以食到腩汁西洋菜，菜爽口加上腩汁濃味，正！雞翼尖亦是必食之選，因為入味及剛剛好夠腍．一般都會食什麵，貪其多種款式又唔駛多想．不過最唔好就係地方較細同埋人迫人，如果坐正路口就要顧住食之餘，又要顧住被收拾他人碗時湯濺到．但近排再次幫襯有點失望，因為份量少了相對價錢便貴．

經常有很多人說這裡多味精，味精就間間粉麵檔都會落，不過我覺得佢地都尚可接受。雞翼尖是吃過咁多車仔麵店煮得最入味的，蘿蔔加埋湯汁真的很清甜又無渣。如果真係咁唔好味，都唔會有咁多人幫襯啦~~以前因為工作關係，經常可以食完下午食個車仔麵就返公司繼續博殺，不過轉工之後很少機會到銅鑼灣，唔知幾時再有得食呢？

好耐無食, 尋日食完勁失望,加左價不特止, d食物超差! 蘿蔔五甜, 朱皮五淋, 朱紅無味, 味精勁多, 食完超口乾, 飲左幾支水都五惦, 五怪得7點去都五使係門口等, 你估而家d人真係重貼錢買難受? 銅鑼灣好食既車仔面都有好多間, 五一定要食依間, 看來有排都五會去食. 全場最好飲既係支支裝忌廉!

為了想試這間常常排長龍的車仔面，等了１０分鐘。點了紅腸，蘿白和魚蛋。味道好普通，湯好濃味，一般而已。店舖的人好惡，無禮貌，真係好似前世欠左佢咁，客人入去都不會招呼，叫佢走腩汁佢地話呢度係出名腩汁，唔食走寶，態度好傲慢，問佢魚蛋有幾粒，佢地係答:「夠你食架啦～～」我係想知如果份量少就點多樣餸，真係唔明果位鄉音咁重的肥司奶點解咁答，好似佢俾人食面係我地好好彩的樣子，這種服務態度真係唔得囉，最弊佢係我似岩岩食完仲飲緊野就好急咁來收野，我其實仲未食完架！唉！！！！呢間野可以做得好好，但欠了待客的熱誠，只靠食物質數係唔可以一支獨秀的，銅鑼灣競爭咁大，消費者係試選擇的。已經坐到好迫，仲要受氣，我唔會再幫襯下次，又唔係好食，天后間鍾記好食過佢多多聲。

心血來潮想吃嗱喳面, 記憶中的榮記好像不錯,於是入內一試。叫了粗面、冬菇、蘿白、生根,再另加一碟西洋菜, 嗱喳面中除蘿白清甜無渣,其他都一般而已, 冬菇不夠肥美,幸而生根亦無「油抑味」,而西洋菜比較老, 吃得滿口是渣。眼見鄰座的哥哥仔清晒底,連湯也喝得一乾二淨,佩服。也許又是吃素的問題, 通常嗱喳面都是以牛腩、大腸、豬皮什麼的馳名,素食者嘛, 都是不會照顧你的口味及需要。環境擠得要命, 一碗碗嗱喳面在閣下頭頂略過，伙計怨氣頗重.......下次去對面茶記好過了。

哈哈!!!見大家咁慘要排長龍..等我這個銅鑼灣地膽指條出路過你啦..其實榮記仲有間分店喺銅鑼灣..味道一樣出色，環境雖也狹小但比原舖大d兼有個角仔，所以通常都有位..不會日日夜夜排長龍咁誇..再加上那邊的姐姐好人d..冇好似原舖門口個哥哥咁好似前世欠咗佢咁係又"hot"唔係又"hot"... 食都食得順氣d啦...講咁內..位置於怡和街..即小巴街..屈臣士側嗰條呢... 幾多號我唔知不過成條街得1001間車仔麵.. 細心d你一定搵到.. =D

留意左呢間舖好耐,次次都排晒長龍...心諗應該有一定水準掛,尋晚終於同朋友去試下總結如下:1)環境--擠迫,我理解佢實在有好多客,但太多人迫埋係同一張枱,叫既又唔係單一碗麵,真係食都食得唔舒服...通道又窄...萬一真係火警,場面一定好混亂.....再者,我背後就係佢個氣水櫃...個伙記成日就出出入入係我後面取氣水,又唔單聲....差D撞倒呢~~2)味道--講真,個人而言,真係唔覺得有人地所講咁好味,我叫左碗牛腩蘿蔔米,蘿蔔OK,帶點甜,牛腩都叫冧(但我認為係機本要有既,做得牛腩就要夠冧),但味就食唔倒牛既味,被D湯味蓋過左...可惜,個湯底就怪怪的,唔係話唔好味,但絶對唔覺有乜咁突出...或者如果知道佢用乜料煲就會好D...至於翼尖果D就冇試...不能評論3)服務--唔掂!一入們口冇人招呼,果個帶住藍芽耳機既哥哥仔伙記見住我地入黎都冇反應,初時以為佢係食客..掂知食食下聽倒佢大啞幾次"入黎係度食"先知佢係伙記..落單阿姐就一般,滾水陸腳...收錢果個哥哥仔(另一個人)又係唔掂..粒聲都唔出,行埋黎,數又唔講,見我隻手拎住錢就遞手黎接...簡直同買4仔自助找續無分別...又係唔收到錢我

前晚同朋友去食，　我叫蘿蔔、豬紅、豬腸油麵。蘿蔔　豬腸好食，豬紅過咸．　另叫雞翼尖，　最好味．