榮記粉麵

营业中

休息中

lunch貪快又好味所以同bf來食碗車仔麵, d蘿蔔同雞亦尖都好好味的~但我bf食食下, 在碗麵中搵到一大隻蟑螂屍, 極之嘔心, 伙記話換過碗比佢, 當然唔要啦, 飯都嘔埋出來, 唔告佢都偷笑啦, 我們以後也不會再來.

自從榮記係渣甸坊開分店後, 呢間老店人龍的確係短... 但新舊店都已經試過好幾次啦...都係舊店d湯底入味d!!!呢度幾乎係全港唯一一間車仔麵, 我食時唔會加辣椒油!平時點都會落d吊下味, 但呢度湯底味濃, 而且濃得夠甜, 已經好好味了...唔須要再加任何調味呀!!d 又夠淋又入味...蘿蔔同雞翼尖係必選!!! 以後都係寧願排隊(新店多數都唔洗等就有得坐),都去舊店食lu!

出開causeway bay，多數都會買d 野返屋企夜d 食，有時去買三文魚刺身，有時去買凍檬粉、有時去買cake、有時去citysuper / sogo 掃零食。而今次就黎榮記買雞翼尖。其實我諗返起，第一次黎係家姐個bf 話呢度既車仔麵好食，所以就一齊黎食過一次。佢話牛筋腩、豬紅同雞翼尖都好食。豬紅我本身就唔食的，牛筋腩同雞翼黎講，我覺得呢度既雞翼尖係幾好食。有時行開黎都會買d 返屋企的。因為佢整得幾入味，同埋食雞翼尖要輪骨，都係o係屋企食方便d。

個日做完Yoga同個朋友去食,個時都3點幾但仲係好多人.好在有人同我們找位,所以一去到就有得食. 可能都3點幾好肚餓,一去到二話不說就叫了大腸魚腐米線,嘩!好快已經到,好正呀!佢喲大腸真係好入味連埋喲腩汁.真係正到暈呀.我平時一個人係食吾完一碗米線,但今次就食得完,連湯都清埋.真係正.價錢算係平呀!

第一次食係朋友帶我黎架...真係好好食...未食過D湯咁濃既車仔面最鐘意食白羅白好甜(應該浸過糖水...又\'林\'..正!!)雞亦都係必食12蚊.,一大碟,冇野做,\'lun\'下都好....

不知不覺, 車品品已經close 0左差不多半個月.自此之後, 除0左榮記之外, 都無其他車仔面食店可以討我歡心.上個星期, 好耐無去銅鑼灣, 一去到當然去榮記以解我車仔面之苦...榮記可取之處, 蘿蔔無渣又淋,唔似得車品品0的蘿蔔好似加0左糖0甘甜.豬腸又淋亦唔太肥.雞翼尖非常入味最好味0既就係佢0地0既好味湯底.次次都飲埋先走.

即使好多人排隊，都一定要試一次，因為佢地既料同湯底都好正好正，好少食到車仔麵既料係咁入味，因為好多都係靠個沙嗲醬，而佢地則係煮到咁入味，真係唔講得笑。例牌跟油麵，要左好甜既蘿蔔，煮到變晒色既翼尖，仲有牛筋同魷魚，鍾意食濃味既我好岩胃口，因為唔係得個咸字，而係有好多層既香味、同埋甜味，好難形容0個種口感，最後連湯都飲左大半，埋單都係廿五蚊！當然要彈既係環境真係好迫，而且落單D姐姐愛理不理，不過一向係咁，都慣左了。

晏晝同幾個同事黎食車仔麵~~~ 呢度價錢比新記平~~~ 15 蚊有2個送我食左蘿白同雞翼尖~ 2樣都唔錯...唯一唔好既就係地方窄左少少啦~

最好食係**豬紅**,,蘿白,,豬skin* $十幾蚊..仲有雞尖....次次都一定食!!!個人認為:: 油面同魚蛋係最好食...間店全部的野我都食過晒!!!other 都係一般...無咩特別!!!平價的車仔面..當然服務唔算好啦...一般之下!!佢地成日好大聲講野,,我仲見過佢地爆粗對罵的場面!!! =o=地方好逼...環境係一般之下!!都有點dirty!! ngngoverall我都成日keep住去食... =]因為d 食物真係ok !!

d 湯都好味呀.. 不過就坐得好迫同埋d 人好似唔原做生意咁囉....

車仔麵我覺得好食過新記.牛肋腩好正.好夠味! 湯底又正! 羅白好甜! 食過咁多車仔麵最好就係榮記. 一流炸魚皮都係8蚊雞咋. 不過d人好似唔多理你咁.

我響銅鑼灣恩平道返工,周不時lunch心思思都會走去渣甸坊間榮記食車仔面,最鍾意食大什米粉.貪佢唔駛諗,樣樣都有d.大什既餸包括爽口魚旦,迷你牛丸,豬皮,豬紅(雞紅),牛肚,同埋極之入味又無渣既蘿蔔,又甜又稔,仲有比較特別既系碗粉面配既系西洋菜....總之好味!

行經呢條街一定聞到陣味好濃既湯底!普通一間車仔麵我又唔會要求咁多d人話間舖好細其實呢間舖十幾廿年前o係香港大廈附近擺檔十幾年前就轉去皇室後巷資料來源：我阿媽相對以前咁惡劣環境，依家其實唔差ah

17 December 2005 - 午飯啲人成日話呢間嘢正，又要排隊，咪走去試下囉，我叫咗牛荕蘿蔔油麵加菜，食食下見到隻小昆蟲喺我碗嘢度．．　唯有攞出黎再繼續食，平時我一定會唔食，但係我只係食咗幾啖，又見喺啲咁既地方，都冇乜要求啦，咪算數囉．．．應該係啲菜掛．．不過個湯底幾得，菜就麻麻，牛荕都唔錯，蘿蔔稍硬．．會再去既..

行行下街想食碗車仔麵, 朋友即刻帶我去榮記, 平日見呢度成日都好多人, 所以一路都無食過, 今日終於有機會去食啦, 入到去真係人山人海, 好多人同埋枱都set 得迫迫的, 咁環境都咁多人去, 一定好好食啦!!!叫左個魚旦, 豬腸, 蘿蔔配河粉, 一個九菜豬紅加多個通菜, 好多野食, 差d擺到去隔離個位. 魚旦合格, 豬腸cut得太細舊, 而且太肥, 入面有好多膏, 見到就驚……不過味道又唔錯喎!! 蘿蔔就好腍又入味, 呢個係車仔麵最基本的要求, 最憎d蘿蔔“白矇朦”又“硬倔倔”, 呢度一定唔會~~~九菜就麻麻, 有d渣啦, 豬紅唔錯好滑呢!! 好耐都無食過豬紅啦, 一樣係大大碟! 通菜好大碗, 滿滿的, 雖然係灼菜加豉油, 但菜好新鮮又嫩滑, 好正!!如果唔係咁迫, 呢度係真係唔錯喎~~