榮記粉麵

营业中

休息中

榮記粉麵位於銅鑼灣糖街27A號地舖，環境充滿港式街頭的懷舊氣息。店面雖小，卻保留傳統茶餐廳的質樸風格，牆上掛著手寫菜單，紅白相間的磁磚地板和老式摺枱散發濃濃的舊香港味道。店內座位狹窄，長條木凳和圓凳緊密排列，雖然有網友提到人多時略顯擁擠，鄰桌談話聲清晰，但這種熱鬧氛圍正是車仔麵店的特色。開放式廚房讓人看到配料在湯鍋中翻滾，滷水香氣瀰漫，增添食慾。雖然通風一般，偶有油煙味，但整體乾淨，桌面擦拭整潔。我點了三餸車仔麵，選了豬紅、雞翼尖和蘿蔔，搭配油麵。豬紅嫩滑如豆腐花，滷汁入味；雞翼尖軟嫩，骨肉易分；蘿蔔清甜，吸滿湯汁。湯底濃郁，帶牛腩汁的獨特香氣，雖然有些人覺得偏鹹，但對我來說味道均衡。小食選了炸魚皮，脆卜卜，蘸湯後更鮮香。飲品試了凍鴛鴦，奶茶與咖啡比例恰好，順滑解渴，與環境的懷舊風格很搭。唯一的建議是可增加風扇，改善通風。榮記的環境與車仔麵讓人感受到銅鑼灣的街頭魅力。

今日嚟又嚟到銅鑼灣榮記車仔麵，16:30到依然好多客，果然係榮記，我都係長期客戶☺️，今日就叫咗個五餸麵，牛肺 ：入味，唔會太腍，完全冇內臟嘅異味，牛筋：入味，軟腍得嚟唔會冇咗咬口，只係頭呢兩道菜，已經好過好多牛雜粉麵檔，豬紅：而家越來越少呢一種豬紅，應該係新鮮豬紅，夠入味，腍滑爽口，真材實料，魚肉春卷：有魚香味，係兒時食過嘅味道，墨魚頭：新鮮，爽脆，好味，粗麵：熟到剛剛好唔會腍，冇鹼水味，湯低，超濃郁，滷水味夠，湯頭應該仲有其他嘢，總之好味，色香味俱全，果然係榮記，直得咁多人嚟食👍🏻仲有杯豆漿都好好飲☺️

搬左屋後多年冇嚟食，今日去開銅鑼灣又去食啦！ 不過感覺不太好，店員全部都嚴重西面，連收錢阿婆都係。 其實咁好生意應該開心至係，真係唔明佢地經歷過啲乜嘢，覺得自己好似佢地仇人一樣🙂‍↕️， 雖不至於要你們吓吓笑面迎人，但求正正常常就夠。除左態度，食物方面都好食嘅，但我個麵有一大舊係實嘅， 需要改善一下啦。

隨手搵到呢間 去到門口又有個ee話好食咁就決定食 一入去首先有個黑口黑面嘅迎接 跟住又要搭格 位置唔太舒服 廚房亦都不時傳來鬧交。食物方面 個湯係濃嘅 沙嗲味？ 但整體就一般 特別係個韮菜雲吞 得兩粒 又唔好食。我見好多大陸人嚟食 社交媒體網站就係推呢啲野？😅 $5x 三餸真係no thx

銅鑼灣嘅生意好到爆燈！十一點半先開門，我哋十一點未到就去咗，已經有人排隊喇。想食嘅朋友，記住要早啲嚟排隊呀！我哋好彩，係第一批入去嘅，門一開，唔使一陣間，店入面就坐滿曬人。​呢度內用有最低消費，每人三十九蚊。餐單上，先揀自己心水嘅配料，再揀麵嘅種類。我嗌咗個三拼，有墨魚、牛筋同牛腩，搭配油麵。牛筋同牛腩炆得軟稔入味，一啖落去，正到痹；墨魚嘅口感就爽脆彈牙，好有嚼頭。份量都好足，湯底濃郁香滑，仲帶有陣陣沙茶味，飲落去好過癮。​如果食得辣嘅朋友，一定要試下加店裡嘅辣油，香到飛起，正到冇得彈👍我哋仲叫咗炸魚皮，咬落去脆卜卜，好似食餅乾咁。我建議大家可以將魚皮蘸埋啲湯食，魚皮吸滿湯汁，入口鮮香，真係好好味😋​睇返網上嘅評價，意見都幾兩極嘅，但我同朋友都覺得呢間店唔錯。店員嘅服務態度都可以接受。

🍜 真係好耐冇食過，今次一試，味道依然令人回味無窮！😋我今次點咗雞翼尖、豬紅、豬皮同齋，四餸，每一樣餸都好想食，好難揀，雞翼尖必食，豬紅同豬皮都係經典推介，真係令人食到停唔到口！🤤

大約星期三晚上6:45到達銅鑼灣，要在7:30前完成晚餐，最快就係食車仔麵。 剛去到榮記都只係有三個人排隊，大約10分鐘就可以入座。 排隊呢啲都睇運氣，畢竟好多遊客都會幫襯。不過最近幾次去都只係需要等一陣就可以。環境少少逼，少少嘈，仲有啲遊客。一早諗好點咩餸，所以好快落到單。豬紅墨魚頭細麵，西洋菜加一支無糖可樂。上菜極快，專心食完就走人。（豬紅好好食，會成日掛住想嚟食）埋單70幾蚊，7:15就食飽走人，時間控制極佳！

講真銅鑼灣榮記粉麵算係一間有名嘅車仔麵店，之前在銅鑼灣上堂間中想食個快飯都係揀佢；今次都係叫左個3餸車仔麵。味道感覺上好似無以前咁好食，但整體都ok同keep到；不過，呢度樓面哥哥姐姐嘅服務態度就真係有啲啲改善空間，因爲一餐飯嘅時間都已經聽到佢地同幾個客人對話有火花。再加上座位有啲逼，坐得唔算舒服，尤其係人多嘅時候，真係有啲窒。總體而言，榮記粉麵嘅味道係可以的，但如果想享受一個輕鬆嘅用餐環境，可能要考慮下其他地方。至於如果只係想食個方便又快嘅車仔麵，呢度都係個選擇🍴

I've tried many cart noodle places, but Wing Kee noodles really stands out😊Not only their broth is exceptional, their ingredients for some reason taste better than a lot of places too…but ofcos, I reckon they put quite a lot of MSG into their broth, so, dine with some fizzy drinks🤣For the ingredients my usual go-to are pig blood, pig skin, fried tofu, brisket and spring rolls, but this time, instead of brisket and spring rolls, I’ve gone for beef entrails and cuttlefish head instead. I really lo

前排白粥真係食到驚，唔使講一定要去食D有味嘅嘢所以又係扯埋幾個病號去食嘢。講真排隊等之時外面陣奪命風🤧真係吹到頂唔順🤧去食真係要早早早D去埋位。🥢【自選三拼】講真哩間嘢拼到嘅料真係多，豬皮牛腩牛肚乜都有，47蚊拼碗真係抵到爛，味道就唔使講🤣宜家我食乜都覺得香。🥢【牛腩】超大舊好入味，牛肚入口Q彈，湯底又鮮夾醬又唔會搶味，唔錯。🥢【雞翼】甜口，甜香咸，合格水准唔會差。其實冇食幾多，基本上單攞個碗裝返D食吓味咁，剩低好多嘢食唔入唔好點評。夥計有D寸令人不悅。

收工同男朋友去CWB逛，睇下晚餐邊到食突然想食牛筋，我地就衝過嚟呢到食晚市收工時段，大約有5-6個客排緊隊排一陣就入得，因為車仔麵通常都快食快走我地各自叫左3餸食呢到d油菜得一款西洋菜，冇第二款菜菜份量係正常足料🍜我就食冬菇，粉腸，牛筋配油麵佢地d湯好濃，同埋本身個湯落左勁少bb 辣唔會辣到出汗，但係食完好暖個油麵唔似出面有d鋪係用勁粗身呢到係用中size果款粗幾好味哦，因為口感夠彈d餸菜都足料，至少每款有2-3件冬菇好厚身，粉腸就麻麻地，過冧了牛筋係多筋少肉的，但煮得又係過冧了🍜男朋友食豬大腸，豬皮，牛丸配油麵我試左粒牛丸，牛丸有d細粒，冇咩特別整體嚟講我覺得湯係好味，油麵都好彈口不過餸菜就普通，但份量係足料同價錢合理

今日出咗銅鑼灣做嘢唔知食咩好想當年喺銅鑼灣開嗰個時候日日都食榮記車仔麵回憶起就行過去食墨丸大腸魚皮餃牛腩 呢幾個餸一向都食最緊要加支可樂嘅湯底好濃郁，食完一定要飲嘢味道十年如一日，不過都係好味嘅去親銅鑼灣都會記得永記車仔麵🤣

由細食到大嘅唯一車仔麵，雖然堂食環境比較逼，但係完全無阻我對佢地嘅熱愛🤭不過去得食，唔好諗住有服務🤭因為除左佢地嘅食物質素無變之外，連服務態度都無變，都係甘冷淡，唔休做🤣同埋自從小紅書紅左之後，經常都要排隊，呢次都要排左半個鐘，為左續命，都要排咖啦！😋佢哋嘅腩汁湯底好濃但唔會死咸，食完唔會口渴，一定要食佢嘅豬紅，滑到癲咗，無任何車仔麵可以做到佢哋甘，面筋索晒D腩汁勁正，牛筋有咬口，但又唔會硬，款款餸都鐘意🥰

其實我真係好鍾意食榮記。特別係豬紅好似豆腐咁滑。雞翼尖好入味。同埋啲粉腸都好好味。只不過佢哋啲服務態度好差又惡。咁多年都係冇變服務態度。其實有陣時對啲客人唔使咁惡嘅都係嚟食嘢。

以前細個喺銅鑼灣讀書，所以好耐之前已經去呢度食，因為係窮人恩物😂，仲睇住佢由巷仔開始做起嘅大排檔，跟住入埋舖。事隔咁多年，坦白講佢嘅水準依然，尤其係佢嘅豬紅、蘿蔔同埋墨魚頭，呢三款餸對我嚟講簡直係絕配！豬紅永遠都係咁滑，其實已經好少車仔麵檔能夠做得到，嗰種口感，喺第二度真係食唔到，就算其他喺銅鑼灣出名嘅車仔店，根本都比唔上佢。蘿蔔一定煮到好腍好入味同埋冇根。墨魚頭亦都好少舖頭有得食，唔知係咪因為繁複嘅工序。