榮記粉麵

营业中

休息中

今天到銅鑼灣辦點事，順道到這裡午餐。叫了幼麵配大腸，翼尖，魚旦和豬皮，另外要了一個西洋菜。這裡的湯底果然正，味道香濃但唔會掩蓋食物既原味，微辣得黎帶小小甜而又唔覺有味精。大腸同翼尖炆得入味又夠淋，豬皮都唔錯但稍為唔夠爽口。魚旦只係普通白魚旦，沒有甚麼特別。麵身ＯＫ啦。西洋菜鮮嫩無渣，加上腩汁就味道一流。

前日行銅鑼灣特然想食車仔麵，最近都係榮記。其實都唔係好特別，但每次去都這麼多人。但最好味都係雞翼尖，夠入味。但d就少d。可能因為我叫四個掛~~

昨晚心情麻麻, 一個人唔知食咩好, 想起榮記0既雞翼尖, 就係咁去0左食. 是晚8點幾, 舖內人好多, 但係唔算多人等位, 我一個人去食, 即刻有位.我叫0左豆漿, 同以前一樣, 普通, 無咩specific comments 可以俾; 蘿蔔, 牛筋, 墨魚仔米線, 唔知點解, 係我心情唔好所以味覺有d唔同定係... 我覺得佢個湯底係淡0左, 冇以前咁香濃, 點解呢下?不過就唔會因為咁而令碗麵難食0既, 係同我記憶中0既車仔麵味道有出入0者.後尾再叫一個雞翼尖行街, 拎返屋企慢慢嘆.

上個星期六下晏大概兩點幾係銅鑼灣，諗起上次經過榮記都好多人排隊﹐所以都想一試。來到門口都己經有大概１０人係我之前排緊隊，大概等咗１５分鐘先有位。入到去，地方好細，而且一張枱要坐成７個人都好迫吓，不過地方都好乾淨。我叫咗個米粉+魚蛋+粉腸+雞翼尖+魚皮餃份量都可以，不太少。湯底加咗腩汁，但係不太特別魚蛋係白魚蛋﹐個人比較喜歡，粉腸+魚皮餃無乜特別，不過不失。雞翼尖係呢到出名既，都不錯，不過就出奇的甜。埋單四餸麵$22,如果下次經過唔使排隊都會再食，如果要再等15分鐘就唔係咁值。我其實食過既車仔麵，都覺得係灣仔晏頓街車仔麵之家比較好味。

最近都間唔中去食,但次次都忘記試牛丸,卒之上個月先記得試,但唔似想像中咁好,唔夠彈牙又細粒,牛味稍欠,失望,好彩其他補番數! 下次記得試埋雞翼尖先得!

上次叫o左一蝶油菜~ 仲有其他o野食食食下細心睇下，個碗入面有成6,7條菜蟲，好恐怖!其實佢呢間o野d味道係唔錯，不過以後都係少去為妙

個碗較細，叫左四餸油麵，樣樣得兩舊。湯底有味精，但唔算好多，亦唔見好似各位講得咁濃。蘿蔔唔係十分好，有點渣，亦唔係全部都甜，但都比唔少麵店好。牛腩就帶點肥，但都入口甘香，唔ｕｎ，調味亦唔太濃，更有牛味。魚腐太薄身，味道都可以，但如果厚身點會更好口感。春卷無特別，唔多講。有唔少人話唔乾淨，我一坐底亦見到有蒼蠅，不過食完無肚痛。整體係細，餸料細，唔夠飽，但辣椒油都ｏｋ。我食完仲要去惠康買個薄餅食。

星期五早放工6點半黎,一條友唔駛等位,叫左四麵:油麵+魚肉春卷+大腸+豬紅+蘿蔔,$22.碗麵一到,嘩!個湯好深,望落好正.試一啖,濃味帶甜,好好味,可惜完全唔辣.油麵比一般幼,都ok;魚肉春卷索晒d湯汁好食;大腸入味,好稔但唔夠爽,可能係太肥既緣故;豬紅蘿蔔都係正.我食麵鍾意飲埋d湯,呢度d湯又幾正,唔覺唔覺飲左幾多.點知食完開始有味精反應,成晚都好口渴.可以有下次,不過唔再飲d湯.

01/06/2005 (星期三)做完按摩經已係九點幾, 肚仔餓就諗住食個麵算一餐. 諗起榮記0既雞翼尖... 諗都唔諗就走過去cwb啦.因為夠夜, 所以唔駛等. 亦因為夠夜, 米線同河粉亦已沽清. 於是我要0左蘿蔔, 紅腸, 魚片, 牛筋油麵, 豆漿一杯, 當然唔少得淨雞翼尖一客.豆漿係大路野, 無乜得好講, 甜度適中.碗麵0既湯又香又濃, 好正. 蘿蔔鮮甜無渣, 亦都入味. 牛筋炆得好夠淋入味. 但係紅腸, 魚片,油麵都係大路野, 尚可. 湯底當然有味精, 但係佢賣車仔麵0既, 在所難免, 好在味精落得都唔算過份.講到我最愛0既雞翼尖, 真係諗起都流口水... 真係鹵得好入味呀!而且俾我發覺0左一種另類食法. 驚喜之處唔係發生0係榮記, 係我返0左屋企之後! 話說因為食得太夜, 人家要打烊收工, 而我因為食得太滋味同埋慢, 有阻人收工之嫌兼自己覺得太唔好意思, 所以請哥哥俾個盒我裝走幾隻趕唔切食完0既雞翼尖. 我帶0左返屋企之後, 又覺得食唔落, 於是放0左入雪櫃. 到0左第二晚, 睇電視時覺得口痕, 想起雪櫃0既雞翼尖, 本來諗住叮熱0黎食, 但係又驚會整到佢更唔好味(雪0左成晚都

榮記係我公司附近~我都成日去食~但係我就次次食完唔夠1小時就會肚痛(我冇食辣椒油)咁我估都係因為自己個胃唔好先咁姐~~~咁我都冇理到佢咁多....大約3個月前有次我食完之後~~即刻肚痛到要入醫院~.~個醫生話我食左唔乾淨既野wor~.~咁我都冇咩再去食啦~~~但係上星期我又心思思去食~點知嚇死~.~叫完外賣返去公司食~食食下有隻小強=3=呵呵~~~我永遠都唔會再去食=.=""

車仔麵雖然選擇好少,但所有'送'都好好味,好味道~~大碗d就正la~

今晚約了朋友9:00 見面, 中間時間好得閒, 忽然想去中央圖書館睇睇書, 順道見到終於唔使等位, 就入了這間經常排長籠的麵店. 雖然說唔使等位, 內裡仍然多人, 一張可坐6人的圓桌, 填滿了人, 6人當中, 4個人是搭台的, 我便是其中一人. 一坐底, 亞姐已經急趕問食乜, 我也急起上來看見牆上有什麼字便照叫, 結果叫了魚旦, 墨丸, 豬紅, 牛筋米粉. 豬紅幾滑, 其他全部都普普通通啦, 湯底忘了叫走腩汁, 感覺上是十分濃, 但非我杯茶, 沒有多喝. 不少人吃雞翼尖, 好像是招牌小食, 但又係開唔中我口味, 冇緣一試. 但店員熟練的將食客放在台上的雞翼骨用筷子掃落碗, 使我有點倒胃.

必食雞翼尖及豬紅...I love both of them. At first I was wondering how come this restaurant always got long line up. Yesterday, I picked a non-peak time to have a try. It was very good for one person meal, cheap, quick and nice. Also you don't feel strange eating by yourself, since most of the people are one-man company. ^-^. I definitely will go next time, if I need to have lunch by myself.

食左牛腩+蘿蔔+魚皮餃河粉想試好耐...但係排隊排到嘔....今日見唔洗排隊...終於食左...冇想像中咁好味...牛腩小"UN"..蘿蔔OK...魚皮餃一般貨色....但係腩汁幾好...連帶河粉都好味...整體只覺一般....唔值得排長龍....

同朋友去食... 佢又食得慢, 我又食得快,我食完坐係度唔知點咁... 受世人目光好似要我快d埋單咁... 我又唔食內臟同蘿蔔(呢度出名), 食埋d 魚旦紅腸好無謂呀... 不過佢個湯底又真係好正gei! d 味好濃架!! 如果間舖大d會好少少..