榮記粉麵

营业中

休息中

好驚呀!!!雖然唔係我俾人閙,但見到有個客,因為雨傘整濕地下的問題,而俾人閙,我成餐都在惶恐下進食.我覺得個客幾唔著,都不應閙客.牛筋幾稔和入味,但整體食物一般般,不知為何經常很多人,相信只因在銅鑼灣,它算便宜.

係銅鑼灣係一個幾平的選擇但基本上都係一般般好食有時d菜會好老豬紅更加係冇味得個咸字如果係銅鑼灣諗唔到有咩食諗唻諗去都唔會諗到佢的

今日個friend帶我去榮記食，去之前佢講到天上有，地下無...四點半去到都已經要排隊！我叫咗豬紅、魷魚鬚、冬菇幼麵，豬紅同魷魚鬚都無味，冬菇真係好厚身，不過除咗本身冬菇味之外，食唔到其他味，好似就咁煮熟咁，而麵底就更差，"淋"晒，唯一覺得好味的係面頭的冬菜...唔洗排隊都唔會再去食！p.s.返到屋企都仲覺得好口乾，唔知係天氣熱定話係佢用咗好多味精呢...

7月23日，20:55機緣巧合下，一試這人氣店。要了大雜麵：湯底：加腩汁的湯底，不濃和不口渴。紅：雜紅，有不同口感。蘿蔔：無榨，甜(不是清甜，而是加了糖的甜)丸：牛丸、墨丸未算特出。牛肚：淋而入味。油麵：偏淋舖小，客多；若見人龍不會等。

車仔麵我一定首選榮記，實在不錯，最適合一個人自已去，因為很多人都是一個人加上店鋪實在太細了叫了菜+雞翼尖+豬大腸+魚皮餃，喜歡他們給你很多菜，湯底仍然如一好好味大腸和翼尖夠"林"

這店的車仔麵會令人對它思念, 心癢癢要去吃啊!

6.25 (lunch)　一個人的午餐成日都好想黎，次次都勁多人…尋日得我一個，搵位唔難。以前當榮記仲o係後巷擺檔時，家姐成日帶我幫襯佢，講o既都係十年、八年前o既事…仲記得家姐一定叫碟雞翼尖。我叫左三"送"，蘿蔔、豬紅、牛筋油麵。牛筋過咸，豬紅、蘿蔔依然好食，但個秘製（黑色）湯都係過咸、濃。雖然不如往日，但如果我個美國朋友黎ｈｋ都會帶佢黎食。坐我對面個男仔不停話佢碗麵好正，點都要食完先走。ｓｅｒｖｉｃｅ唔多掂（個男人），不過佢都唔憂做。算啦，車仔麵仲講咩服務？

我食過好多唔同o既車仔麵知道呢間榮記一直都係好出名..果日就二話不說直去銅鑼灣又食...結果真係超正不過d位真係超窄

晏晝同班同事過黎試下, 佢地話呢間野平時都幾多人排隊, 我地等左一陣就有位了, 我叫左牛筋,魚旦, 腸米粉, 話實佢d餸係冇乜特別的, 只係個湯比較濃, d牛筋亦燜左好耐, 所以都會比較腍身, 都ok...但係略嫌細碗左d囉.

同男友仔無啦啦黎左呢度食車仔麵,又係講過好多次,但係都無食過果種.... 我叫左:大腸,豬紅,魚扎米線--最欣賞佢個豬紅,好正,魚扎就一般另叫雞翼尖--呢度好出名雞翼尖,好甜口,唔錯

記得好耐以前我和家人經常到明珠戲院後面一條冷巷入面食車仔..一碗美味既什米,有西洋菜,豬皮,紅腸,豬紅,粉腸,我真係發夢都會記得當中滋味...今次到此店,因為曾經有朋友說巷仔的車仔搬了來這裡,但都有朋友說是巷仔記才對..無論係點,就當係一間新店去試試吧!看了餐牌,倒真有一點期望,因為實在太似了,都是什,都是西洋菜,都是豬皮,紅腸,豬紅,粉腸,碗麵未到前,想起往時和父母一起去食的情境..有點感觸,他們年紀都大了,歲月不饒人,要盡力孝順才行!從外觀看來,和我以前食到的,的確沒太大差異,但味道不完全相同..這店的湯比較甜,但以味道計,都算是好的!只是現在我便焦急起來了,因為難道是這店的味道改變了?還是我找錯對象?很多人排隊,大抵很多人都想找回自己喜愛的味道吧!

獨一無二頂瓜瓜豬紅,超滑之餘唔會散,好幾次帶朋友去食都贊不停口,真係幾遠去都扺,唸起都想食.

叫o左牛腩牛根豬紅河同牛肚豬大腸豬皮河. 叫o左唔駛一分鐘有得食.河跟腩汁,但都唔香腩汁味,反而好重糖味.豬紅好味好滑,但牛腩唔夠淋.其它一般ok, 無o羊特別. 一出來發覺好多大等緊位. 其實我覺得一般.想快想平的來這裏都ok,但唔好expect好好食

一向都唔鍾意食車仔麵，因為怕佢d餸一pet pet咁，又好似唔係好乾淨。今次睇d食評大力推薦，老婆又話好想試下，加上唔係好肚餓，晚餐唔想食咁多野，就叫碗車仔麵試下啦！一去到，門口超多人，不過全部都係外賣，堂食冇人排隊，所以好快就有位。嘩！廿幾樣餸，樣樣都想食，但碗麵只能揀四款，好難取捨喎！於是我地兩公婆叫兩碗麵，有八款餸，再加一碗淨餸，都試左佢一半啦！我地叫左蘿蔔、牛肚、紅腸、大腸、魚蛋、牛腩、豬紅、粉腸......都唔記得咁多，蘿蔔好好味，好甜，好腍，索晒d腩汁，超好味。牛肚牛腩都係唔錯嘅選擇，紅腸粉腸魚蛋就普通。d餸d麵d腩汁配合得恰到好處，好食到完全出乎我意料之外，原來車仔麵可以咁正。

剛才午飯時間在這裡吃車仔麵，對面坐了三個中學生。她們其中一位吃了少許麵後想加辣椒油，她揭開那個裝辣椒油的盅，用盅內的匙羹「畢」了少少辣椒油，然後就用自己吃過的筷子將匙羹上的辣椒油刮落自己的碗，若無其事將匙羹放回盅內。我以後永遠出街吃飯都不會用枱上的辣椒油或任何所謂有「公羹」的調味品啦！