榮記粉麵

营业中

休息中

本人是榮記的老顧客, 由巷仔小舖食起...(1) 價錢又抵, 又好食....想平平地, 又食得飽, 我就會想食榮記...(2) 但真的真的, 太多人, 所以己轉移陣地, 到分店(三越行入)食, 味道都一樣, 至少有個閣樓仔, 都多少少位...(3) 最鐘意食西洋菜, 其實無咩特別, 但係就係鐘意食(4) 餸方面, 最出色係豬紅, 唔知點解佢可以做到超滑,(5)辣椒油, 真係勁, 夠辣, 配會食車仔麵,真係一絶

整家店长期都坐滿了人，幸好不用等位。叫了墨丸牛腩河，腩汁ge 湯底好濃郁，牛腩都好lum，河粉有D幼，唔夠口感。真的是價廉物美！不过環境很迫，不可以逗留太耐。

如果要找一間代表著香港精神的食店,在糖街賣車仔麵的榮記,一定榜上有名.由後巷做到入舖,由一間舖變到兩間舖,在這個層面上,是極之成功.當然不是皇室堡後巷年代已光顧,我講我係那時開始吃,你們也不會相信.係做到入舖才光顧,直到現在.也有好幾年,原來之前也未為此店寫過食評.而事實上,都闊別這店好幾年了.記得這店的服務都幾差,曾見過有個如自由人的女子,嫌碗麵等得太久也未上,結果同太子女嘈起上來,最後比太子女鬧走.連客都敢鬧,真係好大口氣.士別三日,心想太子女已嫁人去也.現在待客的也是疑似新移民的女子.總比以前好,起碼不會同你爭執.每次來都好保守,來來去去都係四味,魚蛋,豬紅,蘿蔔,雞翼尖.搭油麵.很少車仔麵店用潮州魚蛋,亦好少用西洋菜打底,兩者在榮記也統統找到.豬紅香滑,滑溜到自然地滑落喉嚨,小心燙傷.蘿蔔很甜,沒有渣.之前吃得太到多渣兼有陣怪味的蘿蔔.所以怕怕.當年就是此店的蘿蔔,令我對白蘿蔔改觀.吃雞翼尖,純屬追求那種少少肉,有骨吮的快感.少少肉都嫩滑過人,鹵水汁更是香甜.很多人來吃車仔麵,也會來一碟雞翼尖贈慶.作為本土特有產物車仔麵,本身已包含著香港人的靈活,變通,有效率的特性.{

要了一碗 墨丸 牛腩河($19), 因 單 并 & 雙并都是 同價. 很喜歡它的 腩汁 湯底, 甘甜濃郁.牛腩 香林, 好味. 但 墨丸 細細粒, 好普通. 河粉 太 幼了, 吾夠爽滑. 下次 要牛腩 米粉會 爽滑d, 配上腩汁 湯底 會 好味道!價廉物美, 細細碗, 好易食.環境很迫, 門外多人排隊, 要快快食完.

多得朋友帶我去食都唔知有呢間野我食左墨魚頭魚餃米線再SHARE食甜甜的雞翼尖同埋豬紅蘿蔔我鍾意佢個湯底,係腩汁嗎??墨魚頭第一次食,冇咩特別感覺,爽口不過好似有d怪怪地味魚餃唔同平時食果d一泡油喎!個皮似係真係用魚皮做米線都是跟一般的差唔多啦!個雞翼尖真係好味,甜甜地又唔硬 豬紅蘿蔔都唔錯,D蘿蔔夠稔夠入味唔錯!不過大熱天時要排隊真係有D攞命

這裡己經去過好多次，不過我還是會再去的。因為我未能在其他的車仔麵檔找到有呢度質素豬紅。我本身係好鍾意食車仔麵豬紅。近年好食車仔麵己經唔多，但我成日都好想搵番小時候(七十年代)食到車仔麵。經多年尋覓，我知差唔多都無乜可能搵到啦，只希望能搵到比較接近啦。呢度食到其實跟我小時候食過都有一段距離，但相信已經係比較接近啦！最重要係佢地有好食豬紅！實在難得。重有佢個油麵麵質唔錯，車仔麵同油麵一向都係最佳拍檔。味精呢樣其實出街食飯都好難避免啦，我個人唔太抗拒適量味精，只要用得其所，好味就得啦。呢度味精用得唔錯，湯底都值得欣賞。唯一唔太滿意就係佢魚旦唔係一貫車仔麵炸魚旦。傳統車仔麵一定係炸魚旦豬皮豬紅蘿蔔，如果呢四樣都做得好，加埋好湯底，已經係一碗完美車仔麵啦！黎呢度，雖然通常都要排下隊，但都係值得！

一時衝動，冇咗半個月人工，晚飯要食平啲，去咗榮記，今次叫豬紅蘿蔔魷魚鬚雞翼尖油麵，三分鐘上枱，十分鐘食完，蘿蔔甜而無渣，豬紅一貫的滑到夾唔起，魷魚鬚彈牙唔韌，重有啲蝦醬味，雞翼尖軟滑，鹵得入味之餘重有陣陣酒味，不愧為招牌作，腩汁湯有腩味濃得嚟唔搶，作為車仔麵啱啱好，不過今日的油麵煮到好淋，非常唔掂，不過算啦，嚟榮記都係食餸啫，難得人哋整平凡嘢都整得有特式，下次要試試新出嘅咖喱魚蛋。

每次路過，或多或少都一定有人在門外輪候，昨日下午經過，一位卻可以即時入座。放棄細雜，改要蘿蔔、牛腩、大腸河粉三拼。蘿蔔對我來說是必然選擇，夠香、夠腍、夠味；大腸畧嫌肥膏量不足，不過咬落仍充滿其獨有的「異」味，煙煙韌韌甚痛快。反而牛腩就差些，雖然也算入味，可惜無筋又唔多夠肥，只屬平平。講到尾，最「剎食」還是個湯，味精唔算重，吃兩啖餸菜 (西洋菜)，飲兩匙羹加辣濃湯，最為過癮 !最近加了價，二十三元一碗也不算便宜，不過一面抹咀、一面抹汗地結賬，心想還是會再來的。

今次俾我找到一間算幾好食既餐廳了,可能其實佢一早已經出名,只見我逗留既二十分鐘,一直都坐滿了人呢吃的是一碗什錦米,有魚旦,豬紅,豬皮,紅腸,西洋菜等等,味道十分之好,深啡色既湯有一點點的甜,味道帶點鹵水的味道,點都好,好食便可以了各種配料都新鮮,大概係因為旺場所以去貨快的原因,唯一一樣負面的是地方實在太迫,搭枱搭到亂哂龍,吃得不太舒服

呢度唯一一樣嘢令我想再幫襯嘅係...魚蛋!白魚蛋質感好, 緦覺得同其他唔同..食極唔夠^^好多人話湯底好正好特別..係特別鹹! 其實只係食餸是相當唔錯的。環境呢, 永遠擠迫~~ 啲湯汁周圍彈, 小心啊!

平時經過，一定見到成條龍等食，又聞到佢D香味真係幾吸引！（但我一定唔會花時間排隊，花20,30分鐘排隊個opportunity cost 係唔值得的！）今日早上經過，唔駛等，入去試下先。嘩！乜敢貴吔！OK，試下值唔值先。份量肯定唔夠我食，但D味真的OK，應該係佢D汁，令到碗麵生色不少，但係湯底食落又唔係有好豐富的感覺，唔知係咪早得際，D汁未入哂味呢；但食完好口渴，點解，你話呢？總刮來說，它賣的只是"汁"，間唔中唔駛排隊，又平番D就可以一兩個月食一次，如果唔係，小心身體呀！

呢間車仔麵真係由細食到大,以前係响條巷仔度架,係後來至搬入舖咋,但係好味依然不變,我最最最鐘意食佢地既豬紅,我每次都會另嗌1碗剩豬紅or剩豬紅同蘿蔔,d腩汁又好好味喎,真係百食不厭呀!!!其餘d餸配料都唔錯,不過我覺得最好食都始終係豬紅!!!

上個月同朋友第一次去試呢間店人龍唔算成排一排就有位入到去見地方好細, 大家都住得好迫, 但係我個人就絛嘜所謂。之後我叫左碗紅腸, 蘿蔔, 豆卜, 牛腩麵再加一碟特登為左佢而黎的水雞翼尖先講碗麵先, 我覺得除左蘿蔔夠入味之外, 其他都好普通最後就水雞翼尖, 真係好正佢d汁, 之後我碗車仔麵d餸都點佢d汁先至食, 雞翼尖唔係剩係得骨, 有肉食, 果然係馳名丫佢d水雞翼尖。題外造:見d雜誌書話d阿姐同老細都黑口黑面, 但就我當日所見, 我覺得佢地都好風趣好多野講下, 個老細成日逗d阿姐開心..

每次自己一個人到銅鑼灣..必到榮記..因為又就手又快..十分鐘搞掂一餐...今次也不例外...多人很大腿坐大腿叫了三送車仔麵...豬皮...牛根...仲有蘿蔔...要了油麵...個湯好香濃...但feel 到重味精...但我覺得這重味的湯底不錯...

走到附近看見等的人不多才敢排隊等了一會前面那個我以為也是在排隊的哥哥就問我幾位哦..明明之前其他人亂排他都沒開聲呀?causal的程度實在令人驚訝算了算了一個人預了要坐面壁的counter位天氣凍冰冰一身厚衣實在是相當麻煩的一場來到就要了碗四食送油麵從前來好像沒有吃過魚蛋原來不是一般的咖喱炸魚蛋而是潮式白魚蛋不隨波逐流實在是夠guts之舉其餘的有招牌雞翼尖滷水的確異常入味而且令人發現雞翼尖原來也是可以有肉吃的首席雞翼尖實在是當之無愧的另外的豬紅和魚皮餃也可以湯底味精不少也許是想你像我一樣多叫一支汽水吧