榮記粉麵

营业中

休息中

一向都唔鍾意食車仔麵，因為怕佢d餸一pet pet咁，又好似唔係好乾淨。今次睇d食評大力推薦，老婆又話好想試下，加上唔係好肚餓，晚餐唔想食咁多野，就叫碗車仔麵試下啦！一去到，門口超多人，不過全部都係外賣，堂食冇人排隊，所以好快就有位。嘩！廿幾樣餸，樣樣都想食，但碗麵只能揀四款，好難取捨喎！於是我地兩公婆叫兩碗麵，有八款餸，再加一碗淨餸，都試左佢一半啦！我地叫左蘿蔔、牛肚、紅腸、大腸、魚蛋、牛腩、豬紅、粉腸......都唔記得咁多，蘿蔔好好味，好甜，好腍，索晒d腩汁，超好味。牛肚牛腩都係唔錯嘅選擇，紅腸粉腸魚蛋就普通。d餸d麵d腩汁配合得恰到好處，好食到完全出乎我意料之外，原來車仔麵可以咁正。