梨滿園韓國料理 (已結業)

有一天忽然想食醬油蟹，便任性哋約早收工的車爸爸陪我去擦蟹，記得去過那兒食物質素都好唔錯，咁就唔使亂咁求其搵間啦！都已經12月㗎啦都唔知點解仲咁熱😥，隊番罐可樂解吓渴先。豐富到不得了的前菜，裏面當然有我最鍾意嘅泡菜，另外大豆芽菜都好好味㗎。醬油蟹$158係今日嘅主角，藍蟹肥美多膏，像啫喱般的蟹肉是最吸引我的地方，蟹蓋內的膏加入白飯同吃 ，鹹鮮度十足，真的十分好吃喔！不過蟹雪得有點過冰，我將佢放一陣子升溫才吃會較為合適。香煎餃子$68煎至香口的餃子內裏有韭菜，粉絲和豬肉餡，味道恰好，整件事都十分吸引。😋另外點了濟洲島黑毛豬柳肉$98/150g🐷，和鮮帶子$128。這個黑毛豬柳係附味道的，平時我唔太喜歡醃味的烤肉，不過這個黑毛豬柳確實十分淋滑，而且醃味唔算太過濃烈，而且還吃得出肉味來。而這個鮮帶子就份量十足，烤熟後並沒有縮小的情況，入口好軟滑，不過醃味就有點兒重手咗喇！😜店家會附上生菜同埋麵豉生菜🌿，加入烤肉包裹同吃，味道又是另一番風味呢，而且能減去油膩感。多謝車爸爸經常包容我的任性，攪到經他肚滿腸肥哈哈😆

熟蟹就是食多啦，第一次食生嘅醬油蟹，我都係帶着戰戰兢兢嘅心情去試吓。呢度兩隻醬油蟹，睇落去都有一隻碗咁大，size 都算係咁，不過都唔敢食太多，始終都係生吖嘛。我對蟹蓋始終都有一種鍾愛，對於呢一種第一次混合嘅方式，感覺甜甜地又鹹鹹地，食落味道真係一流，我都係第一次食，難以比較，但朋友話呢種食法係韓國食都係好正，下次真係要去韓國食番轉。之後當然梗係要食燒肉啦，牛肉真係幾正，自己有獨特嘅醬汁，都算係唔錯。 不過，要講到最正都係呢一個牛肋肉，一食就上晒癮，份量唔多，但係脂肪飽和度非常好。一碟帶子，七大粒。口感都幾爽口，雖然都係雪藏嘅材料，但係呢個價錢食到呢個質素算係性價比幾高。總括來講，我一定會再嚟食多幾次醬油蟹，食完都冇肚痛等等問題出現，下次一次食兩三隻都冇乜問題，至於燒肉，其實選擇都幾多，我食到一半都已經好飽，唔係食得好多。

一向勁鐘意食醬油蟹的我，呢日忍左幾個月，終於忍唔住要帶埋班美食男女黎再食番餐。環境幾整潔，加上可能唔係星期五六日﹑附近唔多人，幾清靜。呢個醬油蟹($158)真係好多蟹膏，最啱用黎送飯。加上蟹肉口感軟滑，醃得入味，令人回味無窮，蟹殼都比我吮得乾乾淨淨呢。蛋包蝦，蝦好新鮮，蛋味又好香，幾好味。雖然係炸，但感覺不油膩，而且非常可口泡菜餅$88賣相已經好吸引，成個薄餅咁，煎得金黃又香，口感爽脆，仲好味過薄餅。蛋煎節瓜，好特別的配搭，食落清新又好味，值得食完再食。話咁快又依依不捨地食完一餐

不知大家會否有這個現象，就是突然之間就會想食某個國家的菜式，不論是日本菜、韓國菜、意大利菜、西班牙菜，甚麼只是為了一隻炒蛋就跑去菜餐廳食個常餐。早幾星期在旺角，突然想韓燒一下啦，無他的，就是突然的想吃=3= 坐下先來幾客韓式的前菜。對於泡菜、酸蘿蔔、南瓜等都是我喜歡的，在這個天氣下，胃口並不算好。有了這些前菜，開胃多了，可以迎接我的韓燒食物啦~ 紅燜牛肋骨(大) ($158) 在正式韓燒以前，我們還點了別的熟食，這是其中一款。很喜歡這個牛肋骨，肉味濃郁，肉本身十分鬆軟，而且咬落還相當Juicy。不得不提的是旁邊的白蘿蔔，正所謂「識食一定係咁食」，白蘿蔔把所有湯的精華都吸收掉，有陣陣肉的幽香，而且咬落十分淋身，大愛。 到了韓燒的時間啦。我們點了以下幾款：– 烤牛脷 ($88/150g)– 紅酒醃五花腩片 ($98/150g)– 特選牛肋骨(無醃) ($168/350g)– 烤牛肉 ($78/150g) 其實足秤的話，何需擔心不夠吃，三位女生，食幾款烤肉，加一個熟食作主食已經很足夠。烤牛脷烤完以後有點爽口，十分香；紅酒醃五花腩片沒有很膩的感覺，脂肪的位置因為被烤過而變得有所不同

再次黎到梨滿園，是因為地點就腳，而且這裡的質素都KEEP得唔錯。今次，唔食醬油蟹，改咗食醬油蝦，都是入味非常，肉質不會散，啖啖入味醬油~~ 這個拼盤，有齊多款皇牌菜式。包括牛肋骨、豬腩肉、牛舌、帶子、青口、八爪魚、大蝦等等。如果得兩三個人食，又叫唔到每款一碟，食呢個拼盤就啱啱夠晒滿足咁多位乜都想食的慾望啦~~ 最喜歡食的，當然是牛肋骨了！不要燒太久，剛熟即可。入口嫩滑，醬汁入味而不會太咸。 其次，帶子都唔錯，都幾大粒！ 大蝦是另一至愛！當然燒的時候要有點技巧。蝦肉鮮甜，肉質夠爽。食起上黎食到蝦的鮮味~~ 仲有牛舌同埋八爪魚呢~~ 想要食得清一點，水冷面是我喜歡的菜式之一。因為個湯頭好清、不會有太多的強烈味道。食過一道道的濃味菜，改食水冷面正好可以清一清味蕾了。 再加埋有梨絲，食起上黎清甜又有埋青瓜爽脆的口感。面質彈牙，係不錯的選擇！

一向好鍾意韓食，但去到韓國食嘢又會嫌太辣。 今日我地一行四人黎到旺角既梨滿園，呢度除左韓燒之外原來仲有好多嘢食架！首先我地叫左韓式生醃醬蟹，再配飯食。  其實除左魚刺身，生牛肉生雞個啲我一直唔好，但未試過生蟹就即管試下呢個蟹啦。呢個醬油蟹質感好滑，又有啲粉粉地既感覺，唔會有腥味；加上醃得入味，用黎送飯一流。  呢個泡菜餅既抵食又好味，有一個普通Pizza咁大，有八塊，煎得好香，有泡菜味但又唔係太辣，好食過一般酒樓食到個啲薄罉。  呢個蛋包蝦其實之前已食過，覺得新鮮好味所以encore。但今次維持唔到水準，咸左少少，所以有啲失望。最後叫左個濟洲島黑毛豬柳肉黎燒，原本無乜期望，因為個賣相無乜特別，但食落好有驚喜！啲肉質好稔，有啲入口即溶既感覺，而且肉味好香，食得出係好新鮮既！必食推介！(由於太好味好快食曬，所以唔記得影相

人生第一隻醬油蟹，不得不記錄下來！抱著又驚又想食的心情，終於勇敢一試！我地一共叫左兩隻Share ，就咁聞，一d醒味都冇先食個蟹蓋，冇肉的，但裡面就有好多蟹糕！蟹糕唔醒，好甜。。。。真係好好味。蟹糕深色到好似蛋王咁！好滑，唔醒，雖然佢係醬油，又一d都唔咸，真係好特別再試埋d蟹肉，同我相象好唔一樣，肉質鮮嫩，好好味，蟹殻又好軟，一吱就可以吱出蟹肉，好容易就食到，其實就連d蟹肉都好鮮甜，真係好

好耐都冇去旺角搵食啦今晚朋友生日出席俾面派對朋友食過超推介我係第一次來坐低老闆娘招呼佢應該係韓國人嚟嘅皮膚好靚當年識講廣東話啦坐低先食韓國特色小碟前菜先又好味又正仲可以refill熱情嘅老闆娘誠意推介朋友話最緊要係佢哋處理得好嚴謹夠晒乾淨衛生食咗唔驚肚痛韓式生醃醬油蟹真係好大隻但真係超好味我一個人好想自私食一隻$158 一隻真係一啲都唔貴梨滿園的醬油蟹❤️好❤️味❤️道❤️老闆娘提我地最緊要趁新鮮食入口仲係微凍的咁就唔會有細菌滋生全蟹蓋啲蟹膏真係令我不能自拔識得食一定係叫碗白飯伴著吃嘅連蟹腳蟹身都有膏仲有好多肉鮮甜好味道喜歡食生野嘅朋友仲有另一個經典推介蛋拌生牛肉絲 $128我真係第一次食生牛肉口感同味道都唔錯伴鮮甜同埋爽口的梨絲生雞蛋令牛肉入口感覺更加香滑鮮帶子(7粒) $128粒粒都好大粒嘅帶子肥大肉厚而且夠彈牙呀係咁意燒下已經熟好香一場黎到冇理由唔食烤牛肉喎但我始終還是最愛特選牛肋骨350g/$168牛肉味夠鮮而且香濃肉質又夠晒嫩肥瘦適中仲要用生菜包一啖塞入個口裏面咁就可以去除多餘嘅油膩感覺以後還會再來

上次去呢座大廈係食日本放題，今次就去食韓國料理，朋友近排又追韓劇，為了另佢更加感覺強烈，今晚一於以韓式料理為晚餐首選啦！通常食韓式料理都離不開個燒字，之前做了功課佢有啲非燒烤嘅選擇韓式生醃醬油蟹 $158 一隻超正！蟹膏起多，而個醬汁好入味，而平時要慢慢去殼嘅感覺，今次用力吃就可以啜出嫩滑嘅蟹肉，真係好好味，加個白飯撈埋啲蟹膏同醬油簡直一流韓式生醃豉油蝦 $138味道又唔同，雖然用豉油生醃，不單不咸，反而略帶甜味，肉質較彈牙爽口，仍然保持到啲鮮味加埋紅燜牛肋骨(大) $158就真係啱啱好個牛肋骨啲肉超淋軟熟，店員重幫我們切開，真係啖啖肉，夠晒味道，配菜蘿蔔亦浸得好入味！咁又可以扮吓自己身處韓國啦！

진짜 맛있어요 ~!!!其實奶油包真係香港人嚟但係唔知點解好鬼鍾意食韓國野所以今日又同朋友嚟上次食過好唔錯既『梨滿園』唔知係唔係個抽風系統有D問題場入面好大陣韓燒既香味(其實D香味就係為左吸引我呢D為食貓...嘿嘿)攪到本來一心一意嚟食醬油蟹既奶油包最後都有點到韓燒唔好講咁多廢話...睇睇食物先一坐低就上前菜幾個都好好食特別係菜同薯仔而今次奶油包叫左下面既野食佢地分別係烤牛脷，鮮帶子(7粒)，韓式生醃醬油蟹兩隻，韓式生醃豉油蝦 烤牛脷好好食...燒起嚟既香味令奶油包食左好多件牛脷又唔肥奶油包要求要左碟鹽點鹽食真係好正鮮帶子(7粒)呢個真係必食推介超級『月巴』既帶子鮮味一流咩都唔加已經好好食食左一次返唔到轉頭韓式生醃醬油蟹兩隻奶油包對醬油蟹既愛係講唔出既多去親韓國都要食一次先安樂平時係香港其他既韓國餐廳都見到有但奶油包唔敢食因為好多朋友曾經都食到肚痾既然嚟到『梨滿園』就破例試試個汁同韓國食既有D分別不過正常既...因為間間做既醬油蟹都有自己既formula『梨滿園』既醬油蟹汁唔會太咸仲有少少辣...蟹肉都好入味...勁好食...仲有一樣不能不講佢既蟹係大隻既唔會好細隻唔夠食到左最後既韓式

天氣稍稍轉涼, 什麽打邊爐, 燒烤都湧出來, 當然少不了食韓燒, 食肉獸最喜歡的課題。地點位於旺角女人街內街商業大廈的 - 梨滿園, 位置不太陌生, 就在上回放題火鍋的樓下。門面跟一般傳統吃韓燒的差不多, 沒有華麗的外表, 仍值得友人盛意推薦, 只因價廉物美。 雖然不是放題類, 但每項食物的價錢也不是很昂貴, 大多於百元徘徊。 空間寬敞, 坐得舒服, 沒有過分油煙的瀰漫, 吱吱喳喳的燒肉聲和香味, 不禁令人垂涎, 趕快起動。 就算是食韓燒也少不了韓式的前菜: 泡菜、 芽菜、 南瓜等等的開胃小食, 可隨意添加添吃。 肉呀肉, 食肉獸當然主攻點選最喜歡的肉!特選肉眼扒 $138一大塊沒有醃過的肉眼扒, 雪花紋路尚算不錯。 沒有醃製下享受原汁原味, 牛味甚香, 彈牙香口, 咬下油花溢出, 脂香厚肉多汁, 微微蘸點醬汁, 已叫人回味滿意。 特選牛肋骨 $168食韓燒必定要點上的牛肋骨。 攤開捲著牛骨的長長肉片, 已把燒爐佔據了。 不禁要一讚友人的燒烤技術, 火喉控制得很好, 沒有過韌或過燶。 入口豐盈的肉汁, 傾瀉肉香, 輕輕蘸上點醬汁已非常美味。 紅酒醃五花腩片 $98切得

去完韓國之後一直已經好想再食韓燒，但又無理由自己一個食今日終於約到班FRIEND陪我一齊食啦!話明食韓燒緊係要燒返夠本!鮮帶子(7粒) $128好過癮唔知點解要七粒, 唔通係七星報喜? 雪姑七友七個小矮人?燒緊已經好香, 燒完仲香! 軟滑得黎又夠嚼勁! 無得輸, 不過初初燒時有人可能太心急, 都未熟就拎黎食, 跟住搞到咬完要放返低再燒過, 勁搞笑仲有烤牛脷 150g/$88，, 作為牛魔王無理由唔食嘛?一路燒一路成陣牛香, 真係令我食慾之火焚身。燒左陣就鬥快搶黎食啦, 太HIGH了, 牛味濃郁, 又軟腍腍, 太好味。鮮大蝦(4隻) $128睇住佢燒到金黃色真係一種享受, 呢種蝦香味同牛又唔同, 無咁野性, 不過有種含蓄, 係由內到外散出黎, 好似一個著住辦公室套裝但又著住對黑絲襪的OL咁, 又係另一種性感蝦口感軟硬適中, 用口吸蝦肉出黎時那種口感又係好爽, 加上D蝦汁好有濕吻的感覺海鮮煎香蔥餅(大) $88激情過後正好食下清爽有初戀感覺的海鮮煎香蔥餅，淡淡的香蔥，平凡的外表，內裡卻是鮮嫩的海鮮，甚似學生妹那種卜卜脆的感覺韓式生醃醬油蟹$158 一隻醬油蟹仿如冰火美人般，冷冰冰卻又令人垂

朋友相約食韓國菜，推介呢間不錯，所以黎左試。地方比較難搵，但門面靚。店鋪size幾大，適合一班人黎食侍應好好招呼，食物質素好，特別係泡菜醃得味道剛剛好海鮮夠新鮮，值得一試

來旺角想吃韓國料理，首選真的是梨滿園韓國料理。 朋友中有一個燒烤特別拿手，他心未到，唯有先點熟食。 海鮮煎香蔥餅(大) $88 大的海鮮煎餅足8件，也只是＄88－認真覺得好抵食！海鮮絕對足料，加上煎得十分之香脆可口，即使不配上自家製醬汁也十分好吃，配上有另一番風味。 紅燜牛肋骨(大) $158 每一次來也要點這個紅燜牛肋骨的。未吃牛肋骨，要先吃蘿白⋯⋯白蘿白及紅蘿白清甜入味，牛肋骨燜得十分稔身，同樣也十分入味。牛肋骨汁香濃甜口，加一碗白飯幾個人Share加汁來吃，味道令人再三回味。 朋友來到，是時候點燒烤食物。 烤牛肉 150g/$78 這是用韓式醃製，喜愛甜甜的味道，牛肉也十分嫩身。 特選牛肋骨(無醃) 350g/$168 這兒的特選牛肋骨十分出名，要點無醃的才吃得出味道。牛味香濃鮮味，肉質嫩滑，再加上肥瘦適中，十分美味。

話說面書個回帶功能真係好幫到手聚下啲朋友。友人見到上年個食評。咁快又一年。即係吹雞原班人馬同樣地點再食多餐。唔好講咁多飲返杯先。唔知係人老左一歲定個個扮晒嘢。竟然面紅紅咁話夠再飲。大家唔知係咪太耐無見。講野多過食野。話叫啲野咬住先點知就淨係食左呢兩味。秘制豬手皮爽肉腍。夾埋生菜蒜片食真係冇得輸。menu上數一數二貴既item但係分量真係大。而且啖啖肉。夠麻甩確係得。紅炆牛肋骨又係啖啖肉加夠骨又係得。友人見有三大舊蘿白。話如果都係肉就好。點知馮一聲就比人夾埋。絕對夠曬火。肉又腍。蘿白又入味！其實我仲想燒下肉。不過班友竟然話要返去湊女要走。唯有下轉啦