梨滿園韓國料理 (已結業)

約左幾個朋友去聚餐，搵搵下搵到間韓國野，見價錢幾抵，朋友又話好耐無食韓燒，就約埋放工一齊去試下。食左都算多野，有唔同嘅燒物，特別d嘅有牛肋骨，仲有大醬湯，豬手等等燒大蝦同帶子真係好好食，特別深刻，我地幾個都中意食海鮮，呢個大蝦真係不得了食落新鮮又彈牙，之後想再encore但就已經賣哂tim....之後叫左個特別d嘅野食，好似叫'蛋煎節瓜'，就係見個配搭幾得意咁，食落幾好味，幾清新，清甜但又唔係好油，值得叫黎食。我地又叫左呢支野飲，我本身就唔係點飲酒，但呢隻'真露'飲落甜甜地，易入口，味道👍🏻

無時無刻都想再飛去韓國既我每日都留意韓國野朋友見我咁就邀請我去食韓食！一心諗住黎食醬油蟹點知佢無貨，慘慘的咁叫其他好野食啦係釜山食過生牛肉之後一直好想再食好高興呢度有！朋友個個唔敢食我自己清哂咁濟整體上都唔錯無論食物家服務當然坦白講比唔上我「鄉下」啦好想再飛過去

一向都不是對韓國食品有興趣, 特別是韓燒, 因為本身我從不食紅肉, 即時朋友見到也不會去。但今次難得約到一班很耐無見的朋友就去一次。而且朋友說有很多海鮮會適合我, 好像就去一次。一去到門口望到餐廳, 不算太烏煙瘴氣。平時既韓燒店一定好多油煙, 坐位又好寬敞。環境十分舒服。一改我對韓燒店的印象食物?就看以下內容朋友知我不食紅內, 就為我點了不小海鮮店員放上桌上, 不禁大叫一聲"好大啊"。食落口好有鮮味, 鮮甜爽口!正仲有好正好正既蝦膏。呢個鍋勁了, 店員放到桌, 已見堆滿很多食物有豆腐, 合掌瓜,牛肉, 仲有大大隻既八爪魚在上面。店員為我們剪碎八爪魚,分給我們。食落口八爪魚可保留鮮味而且十分彈牙。好好食啊呀最後更點了這個蛋包蝦, 外層金黃色既蛋黃,而且內層是大大隻原汁原味既蝦。蝦味完全沒有給外層蛋黃搶了味。2 方配搭出另一風味。值得一讚

真係好耐無係香港食過一間咁有韓國FEEL 既韓國餐廳，所以真係要寫一寫。話說上兩個星期同班friend gathering, 有朋友想食韓國野，於是就搵左梨滿園，近近地又唔太貴。一坐底已經上左六碟伴菜，同韓國果度D餐廳一樣，可以任添!對中意食泡菜既我來講真心幸福! 好入主題...(下文以SS級, S級 同 A級 標示推薦LEVEL)一班餓鬼一開斎緊係要叫肉!牛肋骨叫左醃既，醃得好入味﹐但又唔會太咸搶左牛肉既鮮味。(S級)特級紐西蘭羊架,無醃。侍應姐姐教我地要沾韓國麻油來食~ 果然，沾左麻油之後好食好多，本身唔中意食羊既我都食晒成件羊架(S級)韓式秘制豬手，熟食。侍應姐姐教要用生菜包住來食,好正!(S級)食韓國野一定要叫啤酒炸雞，但我地無叫啤酒, 叫左農酒同燒酒。炸雞比較普通,但果隻甜酸醬真心正，仲有原來食完要再食件泡蘿白,咁先解膩!!!(A級)之後8隻大胃王追加:人參雞湯，水準以上，未至於好有特色，但侍應姐姐幫手剪埋,加分!(A級)帶子非常新鮮，有D似火炙帶子加上韓式醬料，味道更有層次，食到帶子既鮮味同醬料既香味!(SS級)韓式牛肉八爪魚鍋味道雖然無一種食完嘩出來既感動﹐但勝在足料，牛

勁鐘意食韓國菜的的我，呢日終於忍唔住舖癮，自己走左上黎食。一入食店，第一個視覺印象好重要埋位就見到我個位執得好整齊，野擺得好靚(本Menu擺起我位，睇似好基本，但有D食店要我自己嗌幾野先肯施施然咁拎比我架)精美的前菜，最鐘意食佢個泡菜，那種辣真係好似我去韓國食那種咁，唔似好多香港韓菜館咁弱化左黎迎合港人口味特選牛肋骨(醃) 350g/$168正到爆，燒緊時聞到陣味已經流哂口水食落後更唔講得笑, 肉汁好豐富，牛味濃郁，口感好有層次，滑得黎又有嚼勁。海鮮煎香蔥餅(小) $58相當滋味，餅皮煎得帶焦，可見有心思，食落味道好香脆，但又沒過左火位呢餐雖然在我黎講算食得豪，不過好味值得耐耐豪下支持下

呢日同一班同事旺角收工，想食韓國野就黎到呢間梨滿園我們四個叫左好多餸，以下係其中最好味三樣1. 鮮帶子 $128真係超正，大隻仲要鮮甜多汁，都幾易燒，一見佢變色就食得！2. 特選牛肋骨(醃) $168牛肋骨又係韓國菜皇道，呢間店仲要好高質，牛味濃郁又新鮮，色澤一睇就知正野3. 特級紐西蘭羊架 $208調味幾好，肉身軟熟，一熟已經香氣濃濃，又鮮嫩，正到核爆。食完仲未好夠喉!

由外國返黎既朋友好快又要離開香港，叫我帶佢食啲抵食野，一於同佢黎左試呢間韓國野食估唔到真係咁抵食~~~平日下午茶時間黎到，大概得五六枱客好疏落，我同朋友兩個人都坐張大枱勁闊落。下午茶餐選擇有廿幾樣，全部都係三十幾蚊至四十蚊，只有少量烤肉會六七十蚊，我同朋友兩個人但又想試多啲，咪叫三個餐牛肉石頭鍋飯$39：一上枱果陣真係嚇親，無諗過下午茶可以咁大份量！牛肉大概有六七塊仲要係大塊，食落一啲都唔鞋口之餘仲有肉汁，配料又好多又有芽菜生菜絲蘿蔔絲等等，加埋中間既生蛋真係好豐富~~即刻撈云個飯，呢個時候職員特登走過黎叫我地唧多啲辣醬先會香，好細心本身食落真係有啲淡，但加左辣醬即刻去左另一個層次咁，正左好多倍呀！！韓式炒雞肉粉絲$36：三十幾蚊一個炒粉絲，估唔到都係咁大碟，其實我自己都試過炒粉絲，但出去食既大部份一係淡口得濟，一係就太油食唔落口囉！！呢到係完全無太油膩既感覺，反而覺得佢濕左少少囉，但令人驚喜既竟然係佢啲雞肉粒，以為係配角點知連雞肉粒都好入味同埋滑口，食到連舊雞粒仔都唔放過呀，粉絲同樣入味但因為整體較濕潤令粉絲略嫌唔夠彈牙。 豬肉炒年糕$36：平時炒年糕起碼都六七十蚊，但明明年糕眾所皆

這日一班Friend和一位愛吃韓國菜的朋友慶祝生日，就選了這間口啤不錯的梨滿園。這個就是這餐最好味的韓式牛肉八爪魚鍋$268，有勁大隻八爪魚，又有牛肉、金菇菜、等勁多材料。牛肉八爪魚都新鮮又惹味，質素好好！特選牛肋骨(醃) $168食韓燒點當然要食下牛肋骨，真是牛味濃郁又新鮮旁邊的是特級紐西蘭羊架 $208，調味出色無羶味，肉質軟滑，好高質這餐如此高質，朋友們都食得勁開心。

今日我地一行六人試下呢間餐廳，本來我地有個Frd係因為想食醬油蟹而黎呢間既，點知黎到話無貨，咁都無辦法，唯有等下次機會啦！一黎到就黎左韓國餐廳一般都有既小dishes,總共有六碟，包括芥菜、芽菜、小魚、南瓜、泡菜同酸蘿蔔。我最鍾意就係酸蘿蔔啦！因為本身好鍾意食酸嘢，而且佢既蘿蔔好新鮮，食完真係覺得好開胃。首先叫左個細炸雞($88)，但有少少失望，因為啲雞肉唔夠嫰，塊粉+雞皮唔會好脆，雖然唔係難食，但即唔見得太好食；可能食過其他地方既韓國炸雞，個啲會Juicy好多。不過跟住食既就令人醒神好多，就係韓式牛肉八爪魚鍋($268)。見到個賣相就覺得好吸引了，紅紅地既湯底加上勁多材料，除左有大大隻既八爪魚同牛肉外，仲有豆腐、金菇菜、合掌瓜等等。個waitress好好招呼咁幫我地剪開件八爪魚，跟住我地就share黎食；我有幸被share到大大件八爪魚，食落好彈牙，好味道！啲牛肉都好新鮮， 好有肉味，啲質素都唔錯！最後我地仲加左個拉麵落個湯底度，啲麵好吸味，好delicious！跟住叫左個蛋包蝦(4隻$128)，同樣好有驚喜！感覺有啲似黃金蝦，但應該比較健康，亦無咁油。外層既蛋咸咸地煎得好香，啲蝦又

餐廳位於女人街Deli 2 的一樓，午市的套餐很抵食，前菜每人二小碟，更不用加一服務費。牛肉石頭鍋飯（$45）石頭鍋飯最重要是鍋要夠熱，令飯的底部成為薄薄的脆飯焦，這一部份，不是每一間餐廳都做得到,但這裏的石頭鍋飯就不會令你失望。牛肉、配菜、雞蛋再加上韓式辣醬，拌勻已是美味的鍋飯。牛肉粉絲湯（$46）這鍋牛肉粉絲湯就比較清淡，牛肉份量不太多，再加上粉絲、金菇和雜菜，飯和湯一起吃，在炎炎的夏日，作為湯飯也不錯。

爐好多都壞，抽煙唔惦，店員服務態度差食物一般，味道還可以，價錢一般，雖然不算貴，但服務和環境都唔得，唔會再幫襯!不值得推介!真是no good, no good 。差差差!

在這個星期天我跟兩位朋友一起來到，韓燒午餐，我們二人先點了個牛肋骨湯，再點個泡菜餅，然後再點了個牛肉炒粉絲，然後我們就已經飽了！咁我先說說食牛肋骨湯，牛肋骨湯裡有牛肋骨、韓國粉絲及蛋花。一看到餡料了非常豐富，牛肋骨又滑又香，湯不太鹹，吃過翻尋味！泡菜餅，泡菜餅內有，很多真真實實的泡菜非常足料！而且我先前吃過海鮮餅，我比較喜歡泡菜餅呢！最後就是韓式牛肉炒粉絲了，粉絲彈牙、煙韌炒得非常入味！味道適中，美味！

今天跟家人來到旺角，來到韓國料理餐廳，我們四人點了很多海鮮，有帶子、蝦、人蔘雞湯 等等。首先要介紹的是帶子，帶子鮮甜多汁又大隻，我們每人可以吃到兩隻真的是美味極了，又非常多汁，燒的時候一點，也沒有難度只要看見他差不多，顏色轉變就已經可以起筷了！其次就是鮮蝦，這裏的海鮮真的非常新鮮，哈的味道鮮甜、新鮮、肉質爽口、彈牙。最好的是他一早已在中間割開，那就方便看見他熟透了嗎！然後再點，牛肋骨煲，味道鮮甜可口，牛肋骨的汁非常濃郁，然後那個肉質非常新鮮有咬口，時間掌握得非常好！再來一個人蔘雞湯，可看見餡料十足，人蔘與雞湯的味道均衡，人蔘不會太過濃味而搶去雞的鮮味道。

又到飯堂食飯，成10點先去到，都唔知叫宵夜定晚餐？今日無哂力，得2個人，所以點了一份小的紅燜牛肋骨($98)同一份特選肉眼扒($138)，肉眼扒本身要自己開爐燒的，不過亦可勞煩廚房煮出來，所以全部由廚房處理，前菜只要了泡菜及南瓜，都是我喜歡食的。紅燜牛肋骨，一定要配白飯，浄係啲汁本身已經可以食成碗飯，而牛肋骨燜得夠淋又夠肥美，紅及白蘿蔔吸收哂牛肋骨啲汁，又甜又夠淋，最後每人食咗2碗白飯。特選肉眼扒，廚房煮到七至八成熟，再用鐵板上菜去保持肉眼扒之熱度，師傅已將肉眼扒切成小塊，方便進食，不過肉眼扒脂肪比例也比較多，又係邪惡之選，肉眼扒肉質算鬆軟，雖然不是入口即溶，但已經好好食，沒有雪味之餘肉味又夠濃，不錯。

夏至還沒來臨的時候，夏天的炎熱氣候已隆重登場，還每一天在提醒我們，這夏天有多熱，太陽伯伯的陽光有多耀眼，有多燦爛。夏令時間令每一天的光猛日子更久，就算傍晚時份下班，太陽伯伯下班前的陽光足以令我全身被汗水弄至濕淋淋，身體還滾熱的，每天如是。朋友相聚飯局，朋友選了剛旅行回來的韓國料理，這麼熱竟然還吃韓燒，那豈不是熱上加熱？　被朋友當頭棒喝，韓國不是只有韓燒的。也是，在朋友極力推介下，只好去試一試。晚上七時，晚飯時間的才剛剛開始，在旺角還沒人頭涌涌的時候，到達門口便可入座。店舖雖未至於全層，但空間感不錯，沒有擠迫感，不論桌子或椅子的距離也相當寬敞。看看餐牌，真的有接近一半都是非燒烤食物，有韓國人很喜愛的小菜，有冷熱盤食物，有煲菜，有石頭鍋飯，有湯，當然還有燒烤食物肉類及海鮮。一開始就先來韓國小菜，六小碟。有泡菜，蘿蔔絲，薯仔絲，大豆芽菜，南瓜及豆角。味道不錯，每款也很清新，有酸酸的，有辣辣的，很開胃。炎炎夏日的天氣，當然要叫一款冰凍的飲品，解解渴才是皇道。 這款韓國農酒是當地最家傳戶曉的米酒之一， 酒精濃度不高只有6%， 奶白色的猶如乳酪飲品一樣，但散發出淡淡的米酒香味， 酒味不濃烈， 不嗜