梨滿園韓國料理 (已結業)

話說面書個回帶功能真係好幫到手聚下啲朋友。友人見到上年個食評。咁快又一年。即係吹雞原班人馬同樣地點再食多餐。唔好講咁多飲返杯先。唔知係人老左一歲定個個扮晒嘢。竟然面紅紅咁話夠再飲。大家唔知係咪太耐無見。講野多過食野。話叫啲野咬住先點知就淨係食左呢兩味。秘制豬手皮爽肉腍。夾埋生菜蒜片食真係冇得輸。menu上數一數二貴既item但係分量真係大。而且啖啖肉。夠麻甩確係得。紅炆牛肋骨又係啖啖肉加夠骨又係得。友人見有三大舊蘿白。話如果都係肉就好。點知馮一聲就比人夾埋。絕對夠曬火。肉又腍。蘿白又入味！其實我仲想燒下肉。不過班友竟然話要返去湊女要走。唯有下轉啦