梨滿園韓國料理 (已結業)

味道很好价格也公道嗯，约了朋友星期天中午吃饭，中午来的早，人不多。小朋友特别喜欢吃牛肉铁板。前菜也很好吃。还有免费送热饮，六个人吃，不到600元。下次还会再来。

第二次來食，環境算靜，但坐位不多，他們沒有現在新穎既韓食店，我本人較喜歡傳統食品，我們沒有點下午茶餐，散叫，但價錢都算便宜。值得推介其實仲叫左海鮮大醬湯服務員姐姐態度好好

韓燒店唔止燒肉好食, 連料理都好食先係強｡水冷麵雖然唔辣, 但係有雪梨同青瓜味都已經好味｡韓式炒粉絲, 肉同粉絲調味good, 仲係肥豬肉果隻, 正~~燒八爪魚點埋佢提供的調味汁係環境差d, 通風差, 食完成身燒肉味,桌子底下放腳的位置較窄

近日天氣開始凍, 食晚飯都想温暖D, 又係時候回來燒烤既時期人參雞湯首先叫個人參雞湯來暖下身, 少少既人參, 雞好滑, 味道剛剛好生牛肉雖然今日係有少許凍, 但都要照叫生牛肉, 正牛肉新鮮, 唔會太冰, 拼埋梨, 蒜, 芝麻等調味,簡直無得彈呀雜錦牛肉拼盤貪佢有多款牛肉在內, 成碟牛肉, 雖不太美觀, 但份量十足, 多選擇今日只係同老公一齊黎食, 叫既款式雖少, 但已夠飽下次叫埋海鮮類..

我已經推介過無數朋友嚟到呢一間位於旺角嘅韓國料理，基本上每一個食完都讚不絕口！大家都讚呢一度嘅燒醬製牛肋骨條，帶子同埋鮮蝦都頂級美味。仲有呢一度嘅五花腩，牛肉等等同樣出色。有唔少朋友都因為介紹嘅原因所以食埋呢一度嘅熟客尤其是呢度有二人餐供應，方便一啲小情侶嚟到都可以品嚐到韓國燒烤的美味。但係我今次黎到呢就唔好叫到燒烤啦，因為身體有啲抱恙，就算我身體抱恙都好唔會因為咁樣而改變餐廳地方。點解？因為我想同大家講呢一度嘅韓國料理都十分之精彩架！平時介紹燒肉多嘅時候好少講呢一度嘅六小碟，原來唔食燒肉之後睇一睇呢六小碟10分出色！有長期都好又好味嘅小魚乾，當然唔少得就係自家製泡菜，另外我想介紹嘅係隔離呢一個春菜，都十分之好食。而且少見。呢度嘅六小碟份量不少！而且味道好不錯。是日三人行一共叫咗幾個菜。先來嘅就係生牛肉刺身，配上筍絲同埋生雞蛋以及十分之清甜嘅梨子，牛肉鮮甜冰凍美味，溫埋一齊之後口感很滑，暫時喺香港食過嘅韓國料理中我覺得呢一度嘅生牛肉真係好出色！入選三甲。當然唔少得就係叫個細海鮮煎餅！細海鮮煎餅份量安返適合二至三人食用，因應客人需要啦，客人普遍都係二至四位咁樣到，所以份量分大小，能夠讓客

今日去咗呢一間韓國餐廳度食嘢，第一次來呢度講真的有啲難搵，但原來都好多人來呢度食。喺樓下嗰陣時候見到10個人有五個人都係攞住部電話嘅地圖嚟緊呢到。嗰陣時候個心就係度諗，咁多人特登攞個地圖嚟塭食，應該都幾正掛。成場有8成滿人，有燒烤，有熟食，可以兩樣都點。晚市都有套餐，小人嚟食就叫個套餐幾好。急不及待想介紹一下我嘅醬油蟹BB，每一次去到韓國我必食之選。話說一年前仲未識得食，覺得自己浪費左好多光陰，呵。個蟹蓋全部都係蟹膏，個身都仲有膏，超正。呢度嘅蟹仲有一個特點，就係除咗佢有好多膏之外，都會有好多肉。配上鹹鹹地嘅醬油，味道超正。人參雞湯--都係我中意嘅食品，熱辣辣的雞湯，雞入面包住糯米，人參，紅棗。又滋補又養顏，你一定識食嘅！幾個人食就可以叫個海鮮牛肉拼盤，一次過試幾款唔同嘅嘢。個拼盤入邊有牛仔骨，有牛脷，有五花腩。海鮮就有尤魚，大蝦，帶子，青口，十分之豐富。特別推薦係牛仔骨，預先將牛仔骨的肉切成一片，煎完先剪又得，剪完先食都得。牛仔骨預先已經淹好，甜甜地，醬油味香，再加烤烤的味道，正！海鮮都係值得一提嘅，個帶子絕對地大粒。厚身，煎嗰陣時我就中意唔煎得太熟，入面軟身小小，好食d。蝦又係絕對

朋友推介依間韓國菜幾好味,又唔係太貴, 所以就黎試下..試完之後不得不讚下依間野既醬油蟹, 聽講唔係成日有一開始上菜既時候咬落去有D冰冰地既感覺, 醬油味不太濃但原來侍應話係因為隻蟹剛剛拿出來, 要等一陣, 過左一陣無咁凍, 真係入味左!醬油蟹的精粹就係在於個殼的膏加埋醬油黎撈飯食, 依隻蟹都幾多膏,所以撈埋D飯真係又香又甜! 另一個我覺得好食既就係人蔘雞湯, 個湯人參味都幾重, 好飲! 不過最令人回味真係首選醬油蟹!

今晚又約另一半吃晚飯，一貫作風都是要我決定吃什麼，這個多麼困難又複雜的問題我決定交給openrice負責，看看旺角有那一間餐廳好推介梨滿園韓國料理其實我一直想試, 今晚反正想不到就來試試，究竟推介有沒有錯呢我們晚上八時左右到, 餐廳客人不多, 服務員可任由我們選擇座位，座位非常寬敞，我心想, 坐得好, 自然吃得好我們看餐牌有特價晚餐，價錢很公道, 想不到來的份量沒有少, 還很足料P.S. 定食配白飯 配菜兩款及蘿蔔湯辣豆腐湯是我和另一半今晚最享受的一道菜, 湯料很足，湯亦不會過辣, 除了豆腐，還有蜆和豬肉，我倆還把白飯放在湯一起吃, 這是我暫時吃過最好的韓式辣豆腐湯芝士泡菜石頭飯又是另一佳肴，石頭飯我最喜歡吃到的是飯焦和泡菜，這個飯兩者都能品嘗到, 加上芝士融入了飯, 除了，我不懂形容!自小到韓國餐廳我就最喜歡吃韓式炒粉絲，這裡的味道真的有多少像似我小時候吃過的味道，還有配豬肉一起炒, 所以沒有誇張，所有今晚吃過的佳肴都十分足料以為蘿蔔湯只有湯就錯了，用湯匙一撈, 就有紅白蘿蔔，還有肉呢渴兩囗蘿蔔湯清一清, 再繼續品嘗佳肴，回味無窮韓式紫菜蛋卷在其他餐廳吃過，這的是簡單傳統的做法

一班fd冇見一排約食飯, 唔知約邊好, 就約左全香港最「中心」既旺角等, 方便住得偏遠既朋友們都可以早d返歸。有fd子曰話食韓燒有介紹, 就跟隊去左 - 梨滿園, 唔算行得少mk既我都唔點聽過。原本E出口銀行中心一出尼, 見到人山人海, 心知不妙, 不過向前行幾個街口轉右入左女人街, 發現都唔係咁逼。行左陣, 上左電梯, 就到左梨滿園喇。有fd子數名除開條數, 咁梗係叫d又鮮又好味又唔會一支公食既野啦~不過叫野之先, 韓燒應該要有既前菜就已經送左上尼:韓國野既代表, 我一直唔覺得係炸雞啤酒, 而係人蔘雞湯:高麗人參雞湯(小) $80 一種心靈雞湯般既溫暖 XD然後, 十分推薦既帶子:鮮帶子(7粒) $128 正呀!! 好鮮係呢個, 強力大推!鮮大蝦(4隻) $128 醬油蟹 $138等我排個靚樣打個卡先:仲有要講講個腩肉, 肥瘦恰宜, 咸食可以點佢比既鹽, 甜甜地都可以包生菜同用麵豉醬:特別係服務員好細心咁講點用生菜包, 入面包咩餡, 好貼心 食完覺得, 既然大夥兒一齊食, 比得起其實食好d都唔錯 hahaha

超難得星期五可以同到班FRIEND去食飯行過女人街發現左個幾好既地方 (之前都唔多覺有既?)上到去見到有放題同韓國野,最後就揀左食韓國野喇野食都幾多選擇 除左韓燒仲有其他熱食不過我地都係主攻 "燒"有最愛既羊架,都好新鮮,又唔會太"SO"另外我地仲燒左大蝦同埋其他豬肉呀,雞肉呀最值得讚既係 職員超好, 成日都幫我地加水, 又換碟遲D等再凍D既時候再去幫襯先

來得梨滿園當然不少得食五花腩肉同帶子。鮮帶子(7粒) $128每一粒都大粒又飽滿，愈燒愈香氣撲鼻。味道鮮美，新鮮彈牙，五花腩肉150g/$98口感彈牙有韌，好有層次感，尚連著少許的軟骨。女大廚朋友都燒得好開心。醬油蟹 $138一入口蟹肉又甜又滑食食下會感覺到有點辣味，幾特別蟹膏同蟹汁都好正，用來撈飯一流!在座最愛食醬油蟹的食蟹專家，都食得好滿足，讚不絕口。

Happy Friday 同朋友們一齊去食韓國料理 有個朋友推薦 所以就來左呢間梨滿圓 一坐落 馬上例牌來d韓國前菜 泡菜 豆芽... 個泡菜好好食 要比個👍🏻 打開menu 發現呢度竟然有醬油蟹和醬油蝦食😋 實在太感動啦😭 二話不說就各自點左兩碟 除此之外 還點左一d 牛肋骨 豬腩肉 雞肉 蝦 羊排 冷面等等 for 韓燒 😋剛剛落左單無幾耐 d食物就即刻上來 證明佢地好有效率 唔洗飢腸轆轆既我地久等 系幾扺👍🏻 職員幾好服務 知道我地叫得多野 所以都主動幫我地將食物排好系台面 又經過過來幫手倒茶 執走多餘既碟 真系覺得加一既服務費比得幾值 呢度既醬油蟹和醬油蝦真系好好食 個醬油好正 拌上白飯食感覺好幸福好滿足呀 其他作韓燒既肉類都好新鮮 所以鐘意韓國野朋友都值來一試 個menu上仲有好多其它既韓國野 例如石頭窩飯 炒年糕等等 都幾多選擇下

Never in my life had such a horrible, flavourless soy bean stew. I mean how difficult is it to make a decent soy bean stew? Kimchi pancakes (김치전) had very little kimchi and was made out of mostly flour. Expect below average quality food for an above average price. So disappointing.

蛋包蝦　［$128，4隻］雖然有點貴，但絕對值回票價。蛋加蝦，蝦好有口感，用蛋包住蝦依個做法好特別。雖然係炸，但感覺不油膩，而且非常可口。 依個一定要試 : )高麗人參雞湯［$80］，普普通通，唔算太特別。韓式牛肉八爪魚鍋［$268］，好足料，有大大隻八爪魚，有牛肉、金菇菜，最後我地叫左個麵，加埋Ｄ濃的湯底，好食到爆。

這晚好想食醬油蟹, 所以朋友推介來梨滿園食飯，原來已經無供應。其中一味菜就是韓式牛肉八爪魚鍋($268)。一看就見勁料，除了主角的八爪魚和牛肉外，豆腐、金菇菜等配角都好吸引。八爪魚好彈牙又入味！牛肉亦牛味濃郁。最後加個麵落去個湯底，好香濃。蛋拌生牛肉絲($128)又是一流。生牛肉絲好鮮甜好食，食果時可以整碟拌勻個蛋再食。牛肉絲配梨的味道好夾，好可口。我地還叫了人參雞湯(小) $80人參味不算很濃，但勝在甘香卻不會太過濃味而搶去雞的鮮味道，人蔘與雞湯的味道均衡，好飲又補身。食飯除了色香味之外，環境和對象也很重要。這餐又有美食，又坐得都舒服，同三五知己黎，真是好完美的享受。