桂花小幸 (將軍澳廣場)

营业中

休息中

偶然行至此處，看到一家頗具文青氣質的店。店內裝潢擺設看上去都非常舒服，於是便躍躍欲試進店內坐下。先說環境，店內十分寬敞明亮，使人感到舒適非常。店員親切地招呼我們入座，現場顧客雖然不少，但經店員的安排，我們稍等片刻便已能入座了。餐牌奉上，看入眼中是新產品的台灣滷水豬肚麵，就決定試一試，不過我最後改成米線，再點多一客秘制麻辣豬耳仔，朋友亦點了雞翼滷肉飯。先說豬肚麵，豬肚入口不會太硬，亦不會太咸，一般的餐廳都試不到這個味道，想不到台灣食店都有如此好味的豬肚。米線偏幼，軟硬度適中，配合湯底的調味濃郁，整碗麵令我喜出望外。豬耳仔辣得惹味，對嗜辣的我當然樂得滋味，最估不到是我朋友一向怕辣，卻因嗅到辣的香味，而忍不住要試，他雖然認為很辣，但都不諱言是很好味。朋友的雞翼滷肉飯，意外地是分開上，不過重點推介滷肉飯，飯的汁很多，不同其他台式滷肉飯，只是有表面的一層汁，滷肉份量亦較多，雖然汁多，但同時不會太咸，絕對是香港難得高水準的滷肉飯。飲品方面，凍奶茶比凍珍珠奶茶的甜度適中，雖然都是正常份量，但凍珍珠奶茶甜度略嫌淡了些。整體而言，店的裝潢風格，加上牆身貼滿台灣味道的海報和偶像劇與電影的流行曲，令人彷彿置

老公上一份工經常要到將軍澳，所以食過呢間台式餐廳，就話要帶我去食，重回 "那些年"~來到門口，不論是門外或者餐廳肉都非常人多，所以先取票，幸好等了大約五分鐘就有位啦~坐好後，旁邊的屋形書架深深的吸引我的眼球，極具文青氣息。看看餐牌，價格也很相宜，所以老公很主動的自行去到門口 counter 幫忙點餐。胡椒豬肚湯定食這個定食有一碗大大的豬肚湯，再加上一碗白飯。一上枱經已聞到陣陣的胡椒味，豬肚咬落很爽身，連湯飲是辣辣地，成個身暖笠笠。另外，個湯仲有一些菜，辣得來帶點小清新。他一邊吃著，一邊飲冰凍的檸檬茶。酥炸排骨滷肉飯定食 這個餐真的很豐富，只是數十塊已經有肉有菜，最難得仲有原盅燉湯，算係幾抵食。酥炸排骨炸得好香，又唔會食落好多粉，加上油份唔算多。而鋪在飯面的滷肉的肉味很香，食落又唔會感覺很肥，很容易入口。另外，燉湯內有雞肉、紅蘿蔔和雪耳，飲過是清清地，是沒味精的一種。桂花雞翼雞翼只係微微炸香，淨食的話味道不太大，所以重點放在旁邊的桂花汁，點過雞翼是陣陣的桂花香，沒想過兩者係可以咁夾的。真原味豆乳其實係無糖豆漿，不過這個紙杯製作得很有型格，很像咖啡店開賣的，拎住出街很有一種健康的生活態度。

將軍澳既桂花小幸新開張左一陣，今次去食左個飯～職員會安排入庭，然後要自己出收銀講檯號落單～鹽酥雞排滷肉飯（＄58）落左單之後等左好短時間就上菜，啲野食望落都好新鮮出爐有一細碟青瓜，好香蒜味，青瓜都好脆口，如果凍啲就更好鹽酥雞有好多舊，但味道就麻麻地個炸皮好硬，食落去有啲辛苦啲雞係幾嫩既，但就冇咩味，調味可以再落得重手啲～滷肉飯比得一啲都唔gu寒，我食唔晒！而滷肉既份量都好多，唔會食到得番啲白飯滷肉好入味，送飯一流！

香港同台灣只有短短兩三小時機既距離，可能因為近，雖然手搖飲料同小食周街都係，但香港既台式餐廳其實真係唔多。就正正因為唔多！所以身位一個週未都鐘意岀走到台灣既人，又點能夠錯過係香港開既台灣野😋呢間主打簡約同休閒風格既台式餐廳，有兩間分店都係開左一年都未夠，除左台式食物本身吸引我之外，睇過網友反應好似都幾好，口啤唔錯👍🏻去到果然同預想一樣，座位都算多而寬敞，都有啲小人龍。係門口都聞到啲香味！店內裝潢設計確係好清新，簡約得黎都不失細緻;燈光環境配合令氣氛相當舒服同休閒！飯類、面食、小食，只要係應有既台式料理呢度都有，係餐牌上睇完食咩直接去收銀位落單，或者可以落左單先坐低。鹽酥雞扒滷肉飯，雞排份量好多！滷肉飯好入味，煮到有種骨膠原既質感，重拾左我去台灣所食到既味道🤤滷肉飯唔會好多肥肉，而且食到尾都仲食到有滷肉同汁。配埋酥炸雞排，炸得啱啱好，雞肉都好嫩滑！腱心牛肉麵一去到門口已經聞到，果然一黎就已經聞到超香啦，都好大碗。除左牛肉之外，配菜有紅白蘿蔔同小白菜。湯底揀左養生清燉牛肉湯，有啲藥味但同時都食到陣陣既牛肉味，手作台灣麵好q彈，口感非常好😯👍🏻重點既牛肉，牛味好濃，筋同肉食落口感覺好協調，筋

首先, 飲品味道是很好, 所以, 我都常買。 但每次都有同様問题。 工作態度和管理也很台式...就是售賣的人要付責太多事, 賣完ㄧ杯。 排隊的人就要等2-3分鐘...排3-4個人就用了10-15分鐘。 相比起同ㄧ商場的另ㄧ家台式奶茶店, 別不會要客人看著售賣員做事, 等也只是叫号碼, 不到20秒。 桂花内泡茶的人員绝對多過另ㄧ家。 絶對是管理上解決。 味道好, 可是管理失敗...

桂花小幸開業咗一陣，淨得試過佢啲飲品，今日就黎試下佢啲野食。 店鋪晚市時間都非常多人。食物類型都多，飯麵小食都有供應。胡椒豬肚湯定食 ($58)個湯好多料，除咗好多豬肚之外，入面仲有白果、娃娃菜，而且分量都好多。不過個白飯則略嫌煮得太過腍身，個人比較喜歡硬身少少既飯。好足料。三盛牛肉麵 ($68)麵質屬於較硬身，而湯㡳味道唔會太䶢，幾適中。而配料分量都唔少，牛肉好腍身，夠入味，牛味都夠，但牛丸就無乜特別。跟餐加$6配上湯浸時菜、加$12手拍小黃瓜、涼拌貓耳朵因為跟餐點小食好平，所以我地點咗三款小食，水準都唔錯。雖然係小菜，但份量都唔小，夠兩個人食。原味豆乳及鮮果茶豆乳太甜，唔知係咪加咗紅豆既關係鮮果茶好正，味道好Fresh，飲完之後仲可以食埋入面啲水果。

真係超鍾意哩間嘅麵食！！！因為佢所有麵食嘅湯底都會預設為紅燒牛肉麵湯，好好飲！！一啖麵加一啖湯 正啊🤤每次想食台灣嘢都必定會幫襯佢～過下食台灣麵嘅癮～重點係咩？價錢相宜！唔算貴 (｡ ˇ‸ˇ ｡)■ 三盛紅燒牛肉麵 $68（腱心牛肉、牛腩、牛丸）牛肉瘦腩唔肥、牛丸爽口飽滿～好味！■ 椒鹽花枝丸 $38/5粒大大粒㗎！！😋😋😋■ 鹽酥雞湯麵 $48？鹽酥雞都係台灣菜必點～雞塊份量算係多 炸粉都唔算厚 掂啊😌■ 夏日水漾鮮果茶 $30略嫌味道偏甜 如果冇咁甜就更好！茶味都出，夏天消暑一流

鹽酥花枝丸，桂花雞翼，胡椒豬肚湯.....，已經食完事隔多日，還是覺得非常回味。桂花小幸是前一段時間與先生偶到的將軍澳廣場裡，當日行商場新嘗試的台灣菜。當日不經意地行經將軍澳廣場，見到桂花小幸，回味之旅就由那一刻開始.. . ...。室內的裝飾就像餐廳的名字一樣既有詩意又討人喜歡，整間餐廳就像精品藝術店一様，令人感覺清新中滿帶著藝術氣息，部份是卡位，夠闊落。鹽酥花枝丸3粒$23。花枝丸熱辣辣，夠爽口。煲仔三杯雞$48。三杯雞上到枱面還是熱氣騰騰的，加上金金黃黃的雞件，很是吸引，雞件看落不是大大件，厚厚肉又肥的那種，而是皮薄骨細的，應該似走地雞呢。以$48可以食到走地雞，真是抵食哦。挾一件試嚇，入口有少少酒味，雞肉嫩滑，入味。桂花雞翼3隻$23。桂花雞翼帶㸃微微的桂花香味，單是金金黃黃的外表，已令人垂涎，嫩滑多汁，真是十分贊。胡椒豬肚湯$58。有豬肚，酸菜白果，娃娃菜，腐竹其中豬肚有少少𡁻口，白果很淋甜，腐竹吸收了豬肚湯的味道，又淋又入味。整個胡椒豬肚湯非常濃郁好飲。牛肉濃湯水餃$28。水餃大大隻，肉味鮮甜，與濃郁的牛肉濃湯一斉食，更添美味。蜂蜜檸檬蘆薈$20。食肉類再飲酸酸甜甜蜂蜜檸檬

今次去咗桂花小幸食台灣菜。鋪頭設計的而且確很有台灣民宿的感覺，很溫暖很舒服。而食物方面，鹵水豬肚面配上紅燒牛肉湯，好鮮味。個湯汁令到啲面入曬味。而面看上去就好似公仔面咁，食落去更加系彈牙，唔會話浸得太耐所以淋曬。而且面會配襯紅蘿蔔同白蘿蔔仲有小白菜。所以基本上系好營養均衡，值得一贊。另外都叫咗兩道小食都系麻辣。分別系麻辣豬肚同麻辣牛肚。兩個味道都好夠麻，好少系香港可以食到一啲麻辣菜式咁夠麻，呢個麻到個嘴唇全程都好麻。然後小食仲有一個煎餃子，裡面有豬肉白菜姜絲。姜味行重，所以很特別，因為通常餃子都系多肉味，反而呢個餃子系有一絲絲嘅姜味。另外重叫咗個火龍果茶加珍珠。珍珠夠彈牙好有咬口。另外火龍果食得出系新鮮火龍果，所以值得一贊，因為好少餐廳會用上新鮮生果做食材。

平日5-6點去，無咩人唔洗等。先坐低揀好餐再去收銀落order，之後等侍應送餐。多人去食 / 加單 其實好易混亂。一個人去食，落單嗰陣個位俾人坐咗好麻煩。其實佢鋪面好細，點解唔直接叫侍應落單。叫咗「鹽酥雞排麵 （藥膳湯底）」$58🍲食物：等咗5分鐘，麵唔太熱，雞排好乾，唔油，但無咩雞味，手掌咁大，得個咸字，就冇咩其他調味料嘅味。湯有少少藥材味，飲落好似味精+牛肉湯+藥材，飲一啖就唔想飲。麵好淋，唔彈牙，但都幾滑。💁🏻‍♀️服務：侍應成日mon住你碗嘢食完未，見你食得7788停口就收走你啲嘢，問都唔問。有人追單，佢哋就廳面大叫一個傳一個。完全感受到港式茶餐廳嗰套😂 同佢主打文青嘅鋪頭差好遠。其餘環境裝修都ok靜同乾淨。總括性價比唔高，唔會難食，而且menu都算多選擇，喺將軍澳周圍都係集團式連鎖店嘅選擇以外，一次半次都可以。

約了好友食晚飯吹水經過見到一間台式餐廳見到menu都有很多選擇我地決定試一試🙂 不用等太耐 就入得入到去，裝修很雅緻~氣氛好有台灣cafe感覺選好食物，先到收銀處落單付錢由於太肚餓的關係~我們選了個鹽酥雞滷肉飯燉湯定食套餐、滷水豬肚麵（新的便試試）仲點了三個小食：貓耳朵、黑醋茄子、煎餃子，同飲杯蜂蜜綠茶首先上了小食😋貓耳朵味道正常，不錯又開胃黑醋茄子味道非常好吃😋個汁調得剛剛好，不會太咸，有些酸甜的味道煎餃子🥟 比想像中多汁，一咬下就有肉汁流出來，值得一試~到主食登場整份定食套餐上來，賣相吸引，好豐富喔鹽酥雞雞肉滑，不咸滷肉飯與出面食的比較淡味，不會很咸燉湯好喝豬肚麵都不錯，豬肚軟易食😋點得太多🙈吃到好飽😅整體感覺不錯，環境舒適，裝飾充滿台味😋很適合與朋友相聚~吹水聊天的地方😆

今次到tko食台灣野，依間店外仲有台灣飲品外賣，真識做生意。食物種類同一般台灣餐廳差唔多，但就有可以加配不同小食同飲品，價錢都可以接受。先黎桂花雞翼，有少少失望。本以為雞翼入面會有桂花味，點知原來只係比桂花糖醬你點。但雞翼炸得係香脆。牛肉麵，肉質一些淋身，一些就唔係太淋。湯底飲落都叫濃味。其實仲加左個紫菜魚丸湯（但冇影相），好飲。胡椒豬肚湯飯依個湯本人就唔太鐘意，平時飲胡椒豬肚湯，第一啖都已經好濃胡椒味。依個湯飲到中期，個口先開始覺得辣。整體來說，胡椒味唔太重。紅油水餃紅油可以，夠辣。但餃子皮偏厚，唔太喜歡。總體來說，以價錢有依個質素都可以。但胡椒豬肚湯有代改善。

收工已經攰攰哋 就算happy friday都唔係太想郁， 咁岩撞正朋友收工，一齊試下呢間台式文青小店。其實都幾多人，需要排陣隊先有檯入去食。不過都唔會話要等好耐，大約五分鐘就有位。入到去都係台式cafe嘅格局，周圍都有啲小擺設，木系風格，坐得都幾舒服。需要出去收銀處嗌餐，同店員講低枱號，佢就會送上食物。我哋嗌咗芒果綠茶同荔枝綠茶，跟餐只需要加六蚊，仲有得加椰果、蘆薈、紅豆 等等嘅材料。芒果綠茶唔算太甜，椰果粒粒都幾多， 幾好飲。友人就嗌咗呢一個胡椒豬肚定食，好似係新產品， 豬肚分量唔少，亦都有好多鹹菜、娃娃菜等等，最令我欣賞嘅係，佢竟然有白果，煮得夠淋，而且湯底呈奶白色，食到濃郁既湯頭之外，但又唔會太鹹， 不過胡椒味就唔算好重。豬肚口感爽脆，煙韌有咬口，但係分量都幾多， 滿滿嘅一碗。跟住我就嗌咗呢一個鹽酥雞扒麵配麻辣湯底， 佢嘅湯底其實都係牛肉麵嘅湯底，分別係加咗胡椒同辣椒去煮， 同埋表面亦都有啲花椒油嘅，感覺食落麻麻辣辣，但係個味又唔會好搶。鹽酥雞扒炸得非常香脆，啲炸粉唔厚， 同埋唔會炸得太乾，仍然保留到雞肉嘅嫩滑同埋肉汁。個面都幾多辣醬同麻辣油，食落都ok嘅。 不過我嗌左大辣都

我自己一直對台灣菜都情有獨鍾，見今日得閒就嚟到屋企附近嘅「桂花小幸」試下。我上網睇佢地晚市都幾多人，所以我就選擇咗係中午去啦。一入到餐廳未食野已經先興奮，因為佢地播緊周杰倫d歌，我聽到唔願走，明明自己都有cd 哈哈！佢地係採取自助點餐方式，啫係你要搵咗位，揀好食物，再出櫃台比錢點餐，之後會有員工送餐，所以免收加一。其實餐廳環境好靚，幾有情調，有d似coffee shop，令人好放鬆，冷氣亦都好夠，但因為中午都唔係話少人，但叫有位唔洗等，我廢事影到其他食客啦，如果大家有興趣可以去試下！由於我真係好肚餓，所以我叫咗好多食物啊！👍🏿203 鹽酥雞扒滷肉飯 $58上到嚟香噴噴，我期望滷肉飯會有滿滿的滷肉，但現實我覺得少咗d，汁都唔係好夠，不過飯嘅份量好多，拎嚟餸飯真係幾好食。再者，個雞扒就真係幾細塊，而且都切都唔係好整齊，但又唔會話好油，所以我覺得還好。下次可以試下麵食。👍🏿上湯浸時菜 +$6我自己好鐘意食菜，所以如果可以都會盡量加返個菜食。時菜用咗娃娃菜，都無咩特別，係低鹽低油健康之選，同時中和返滷肉飯個油膩感。👍🏿302 桂花雞翼 $23(3隻)眼看雞翼平平無奇，其實有驚喜。佢同雞扒一樣都

今天和家人去這間台式文青cafe吃午餐。環境裝修幾清新。三盛紅燒牛肉麵（腱心牛肉，牛腩，牛丸）：其實我自己一向不太喜歡吃台灣菜，因為台灣菜比較濃味，但這碗牛肉麵的味道則剛剛好，不會太咸，也沒有很重味精味，適合想吃得健康點的朋友。而牛肉也夠淋，牛肉味重，牛丸爽口，蘿蔔則索哂紅燒湯的味道，非常好吃。士林胡椒豬肚湯定食（配白飯）：湯幾重胡椒味，幾香，湯底裡應加了腐竹，故特別綿滑，豬肚則爽口入味，飯的份量也夠多，不錯。熱峰蜜綠茶（加蘆薈）：味道不會太過甜，剛剛好，加了蘆薈，口感更佳。珍珠奶茶：奶茶茶底不同外面普通台式店，不會太過甜，甜度適中，好飲。跟餐加了6元要碟上湯浸時菜，份量都算多。桂花雞翼：桂花汁幾清甜，味道清新，挺特別。椒鹽花枝丸：推介必點小食！花枝丸很香口彈牙，椒鹽味很惹味。埋單不用加一，兩個人點了這麼多也不用$200元，價錢經濟，味道也有別於其他台式店，不會太咸太重味精，較合港人口味，值得一去。