桂花小幸 (將軍澳廣場)

营业中

休息中

將軍澳「桂花小幸」主打地道台灣菜，環境佈置好溫馨🥰座位闊落，好適合約會👥今次試咗幾款招牌菜，有驚喜值得一試～ 滷水蛋牛腩（配雞肉飯）配原盅燉湯、湯時菜好抵食嘅晚市套餐！牛腩炆得軟腍入味，配上雞肉飯加雞蛋豐富蛋白質，熱辣辣上枱！ 燉湯絕對係亮點！火候十足，飲落清甜順喉，無味精感，真材實料有住家湯嘅味道🥰時菜係娃娃菜 新鮮爽脆，非常健康😆紫菜雲吞湯加$16就有個隨餐小食，雲吞皮薄餡靚，紫菜湯底清澈唔油膩，簡單好味 輕食之選🫶🏻麻辣鮮茄牛筋腩台灣麵（小辣）蕃茄湯有驚喜！湯底蕃茄酸甜味天然 仲有豐富蕃茄肉，加上台式麻辣嘅辛香，層次豐富好醒胃。牛筋腩份量多，牛筋晶瑩彈牙，牛腩保持嚼勁，台灣麵有咬口好味道😋😋黑糖珍珠鮮奶（凍）珍珠煮得夠Q彈，黑糖焦味香濃，微糖甜度剛好，鮮奶順滑，冰涼解膩！ 寒天水晶可可（凍）推薦，水晶寒天口感彈牙，朱古力味好香甜😍🍫！

今日同朋友去將軍澳行街食嘢，朋友突然好想食台灣嘢，就share到桂花小幸 這裡環境優雅，裝潢帶有濃厚台灣風情， 菜式也地道台灣風味🥰🥰🥰食物質素亦相當有水準。三盛牛肉台灣麵紅燒湯湯底濃郁，帶點小辣，牛肉軟嫩好味， 咬落去加入牛肉滲透湯底， 恰到好處，秘罐酸菜魚味道好正，酸菜爽口， 魚非常新鮮嫩滑， 重要秘製調味兩者配搭恰到好處， 太正喇令人不斷咁食🥰🥰紫菜魚丸湯鮮甜清香好正的湯， 魚丸也爽口彈牙。飲品我地選擇黑糖珍珠奶茶同百香多多梳打，這裡的店員服務貼心， 服務態度也好好 ， 值得一讚🥰🥰🥰🥰這裡絕對值得一試。😘😘😋

紅燒牛腩牛筋麵，成碗麵得果兩舊牛腩，其他全部牛筋（係咪恰我嗌外賣冇仇報？現場實彈返俾佢），啲牛腩仲要嚡靭韌哋，鹽酥雞淡而無味……..完全冇台灣嘅鹽酥雞風味…… 紅燒健心牛肉麵啲牛肉又係唔鬆軟嘅…….整體而言雖然唔算話好難食，但真係試一次就算，可一不可再……..………………………………………………………………………………..….🤷🏻‍♂️

桂花小幸 (將軍澳廣場) (將軍澳).▪️牛腩台灣麵▪️.入面有紅白蘿蔔做配料，入味到蘿蔔都變曬色台灣麵再配埋好多嚿勁腍身嘅牛腩，真係無牙都食到！.▪️秘罈酸菜魚麵▪️.大量酸菜再加埋魚肉，魚肉片微微彈牙，充滿骨膠原，米線入口又滑溜.▪️加$28 小黃瓜 涼拌黑醋茄子🍆▪️.加$28可以有兩小碟小食，小黃瓜係每次必叫夠酸爽脆又開胃今次試左茄子，一小碟有三嚿，味道都唔錯！.▪️珍珠鮮奶烏龍▪️.同媽媽兩個都叫左珍珠鮮奶烏龍，少甜，珍珠有咬口唔會好腍.📌 桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 - L1-134 - L1-135號舖.環境：⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

今日叫桂花小幸將軍澳廣場分店叫外賣。開餐嘅時候，紫菜丸子湯，因為蓋吸得不實，袋內倒濕，湯蓋打開湯碗變形，裏面亦都唔知有冇污糟，所以我哋都唔敢飲另外雞翼三隻全部都是生嘅！有血．．食完都感到不安。打電話去店舖一名不肯告知姓名嘅店員，話呢啲唔係佢哋嘅問題，亦都不負責生雞翼的問題。之後cut線蓋電話！再打10幾次都唔聽！這店不好幫襯。店員態度有問題，有事也不負責任，不會再光顧！真係食到一肚氣！我寫留言是在當天，但是這個留言未批出。後來經平台再跟這餐廳反映。最後他們把這個雞翼退款。但係其他就不理！

今日嚟到將軍澳探朋友，朋友帶我去了呢間桂花小幸到食Lunch，覺得都幾好味👍🏻秘罈酸菜魚湯飯酸菜魚辣度剛剛好，如果麻辣味可以更濃，我會更鍾意。魚肉都算新鮮，啖啖肉，沒有骨。配上酸菜魚的上湯，依然可以感受到魚肉的鮮味，真的不錯。雞翅膀滷肉飯雞翼好入味，滷水汁又唔會太鹹，味道剛剛好。配上滷肉飯，滷肉醬汁唔會太肥，每啖飯入口都會沾上滷肉汁，味道跟在台灣吃的一樣。台灣烤香腸簡直是還原了台灣夜市小吃的味道，鍾意台灣夜市小食的，不能錯過👍🏻黑糖鮮草凍 及 香芋珍珠奶茶正常台灣手搖飲品的風味，選過微糖，啱晒香港人口味。如果大家想在香港食到台灣食物嘅風味，可以去桂花小幸試吓。

💚🩵將軍澳廣場的🌸桂花小幸🌸，是走小清新自然風格，讓大家好像到了台灣一樣。💜在這間文青餐廳一邊吃着台式料理，喝着台式飲品🧋，聽着台灣國語歌曲🎶，確實是小確幸。🩷❤️🐄🍜紅燒惹味牛腩台灣麵牛腩好入味而且好淋，紅燒湯底有微微辣而且牛味香濃🐮，非常好吃！🧡🐤🐷酥炸排骨雞肉飯酥炸排骨🐷十分鬆脆，而且好大塊！🐤雞肉飯份量多而且很入味，充滿台式風味！🐙🧂椒鹽花枝丸大大粒炸得金黃而且脆卜卜，彈牙鮮味。🩵🐥 🌼桂花雞翼外層炸得酥脆可口，配搭清新的桂花🌼醬汁，非常推介。黑糖珍珠奶茶🧋🧡芝士奶蓋阿華田🧀💜兩杯飲品好好喝又大杯，而且奶味🥛香濃甜度剛剛好！

呢日黎到將軍澳廣場呢間桂花小幸食台灣野, 台灣野就食過好多次, 而呢間桂花小幸既台菜就真係維持到個水準! 我地叫左兩個麵餐, 分別係牛筋腩米線, 要左麻辣湯底小辣, 另一個就叫左紅燒牛筋三寶台灣麵, 要左紅燒湯底,呢個湯底本身係微辣既~前者個麵餐仲送左個涼拌貓耳朵添! 另外我地都加左4隻煎餃, 野飲就叫左黑糖珍珠鮮奶同埋芝士奶蓋桂花烏龍茶! D麵真係好味, 牛既份量好多, 多到食極都仲有, 而且牛腩夠淋, 仲索哂D湯汁好高質! 野飲都好有台灣FEEL! 一流!

在將軍澳廣場搵食，想起有間台灣餐廳～桂花小幸，有多款台灣麵/飯，小菜、小食同飲品，一於進入開餐先🙂。涼拌黑醋茄子🍆，茄子好爽口，有開胃嘅黑醋味，好適合的前菜。滷水豆腐，唔會好咸且嫩滑。紅燒牛筋腩麵（轉米線），牛腩、牛筋同蘿蔔都煮得入味夠淋，有咁嚼感亦無渣，湯香濃鮮甜味，米線煮得軟硬適中亦唔錯。麻辣紅燒牛筋腩麵，牛腩、牛筋同蘿蔔同樣可口，麻辣湯香濃帶點辣更開胃，麵條煙韌彈牙，套餐配埋的涼拌木耳酸辣開胃。飲品-香芋紅豆奶茶加寒天口感夠晒豐富，桂圓蘆薈菊花茶則好潤喉。

好耐冇食台式食物啦～最欣賞呢間餐廳冇加一😆📌特濃蕃茄雞排麵愛蕃茄之人必選🍅🌟濃稠又鮮甜的蕃茄湯底，而麵亦掛滿湯汁！一起吃用很滋味😸再配上即炸的雞排，肉質嫩滑，很不錯👍🏻📌秘罈酸菜魚米線超大一碗😂‼️湯底味道偏淡，不是太濃味很適合健康人士食用😋魚塊鮮嫩，口感很滑又冇骨！📌古早味滷水雞翼滷水汁亦滷得很入味😋推薦👍🏻📌芝士奶蓋白桃烏龍茶香濃又濃稠的芝士奶蓋，配上烏龍茶是絕配📌凍芒果QQ綠茶清新又解油膩之選配搭上芒果QQ很有口感彈牙

位於將軍澳的台式料理餐廳，主打台灣便當、湯麵、小食、小菜、台式飲品。只需在手機上下單後直接付款，午市及晚市也沒有加一服務費，價錢親民，繁忙時間人流更是絡繹不絕。加配兩款小食：滷水豆腐、上湯浸時菜滷水豆腐，滷得很入味，底下的豆腐粒有點略鹹。另一款點了一份生菜，浸著上湯，較清淡健康。麵食：蕃茄花枝丸台灣麵番茄濃湯，有番茄肉蓉，湯底橙紅色，味道酸甜開胃；配上台灣麵條，掛湯兼有韌性，幾粒花枝丸大大粒，彈牙且有口感。沁涼仙草系列：仙草凍鮮奶牛奶本身鮮甜，奶香醇厚，配滑溜仙草，減低甜膩感。

今日去咗將軍澳行吓，懷緬一下之前同狗仔一齊嚟將軍澳嘅時光。由海邊行返去地鐵站附近就去搵地方食晚餐。經Popcorn商場慢慢穿咗去將軍澳廣場就見到呢一間台式料理，門口仲有該店嘅台式飲品專櫃。入去坐低，雖然見到有抵食嘅晚市套餐，但係全部都係飯類，而我想食台灣麵，所以散嗌，一樣抵食。散嗌：《 酥炸排骨台灣麵（紅燒湯_微辣） $64 》湯底揀咗紅燒湯香濃，好味而不咸。麵底份量多，排骨大塊，而且炸皮薄身不油膩，肉質唔乾，配埋沙律醬幾惹味。《 椒鹽花枝丸（3粒） $28 》三大粒花枝丸，外層椒鹽味香口。《 蜜桃烏龍蘆薈（凍）（少甜少冰） $25 》 大杯又夠多蘆薈，微甜可能會更適合本人口味～ 性價比高，怪不得幾多食客捧場。

朋友喺將軍澳開咗間手作小店，今日去幫襯吓之餘再等佢收工一齊食飯。為咗恭祝去新店開張，我就請佢食餐飯啦！佢唔想我太破費，所以帶咗我嚟呢間佢話食得豐富，仲有佢最愛嘅台式飲品！晚市套餐 包 原盅燉湯湯時菜，飲品方面其實+5至$8就已經有台式飲品，散嗌嘅話都可唔可以正價減$5。 我地嗌左兩set! 《 紅燒三寶牛肉定食（筋腩肚） $108 》 牛肉同飯分開上，幾好。 筋好腍，膠質滿滿，牛肚都唔韌，牛腩尚可。加埋啲汁撈飯幾開胃。配 《女黑糖珍珠鮮奶（熱） $29 》好大杯，唔太甜，珍珠香甜夠腍。《 雞翅膀 + 滷肉飯 $72 》 雞翼有4隻，好入味，滷肉份量還好，撈飯好味。 配 《 檸檬多多梳打（凍） （少冰） $25 》燉湯料多但比較淡。加配兩款小食 $28 （紫菜魚丸湯+涼拌黑醋茄子）反而紫菜魚丸湯 幾香 ，魚丸都彈牙。 涼拌黑醋茄子 好正👍🏻入味又嫩腍 個汁都好提味。

將軍澳廣場桂花小幸，主打台灣便當、台式飲品，價錢親民，而且店內小清新風格坐得舒適入座後有QR code叫餐單過程都好方便快捷，而且上菜快煎餃餃子皮煎到金黃色，我皮煎到脆卜卜，咬落去肉汁豐富滷水豆腐滷水豆腐有陣陣豆香味，滷水味幾香鹽酥雞排滷肉飯鹽酥雞排份量好多！外層炸得酥脆好惹味好香脆，加上滷肉飯真係好滿足三盛牛肉台灣面三盛有牛展、牛筋同牛腩炆得入味，紅燒湯底有啖啖牛肉香，麵條軟硬適中，整體都幾好食跟餐加$8有咖啡餐茶

桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 - L1-134 - L1-135號舖原盅燉湯湯時菜紅燒三寶牛肉定食這道菜的亮點在於三種不同部位的牛肉：牛筋、牛腩和牛肚，每一種肉質都非常鮮嫩，滷汁入味，搭配湯底的清甜，讓人一口接一口。湯裡的時菜爽脆，增添了口感的層次，非常適合搭配白飯。秘罈酸菜魚米線，酸菜魚的湯底酸辣適中，魚片嫩滑，米線吸收了湯汁的精華，吃起來十分過癮。酸菜的加入增添了鮮味，讓人感受到一種冬日的暖意，十分開胃。珍珠鮮奶鳥龍（走甜少冰）這款飲品的珍珠Q彈，鮮奶的香濃與微甜的鳥龍相得益彰，喝起來清爽，不會過於膩口。選擇走甜少冰的調整，讓整體味道更加平衡，尤其適合不喜歡過甜飲品的朋友。 山茶花烏龍奶茶（熱）這款熱飲的香氣撲鼻，烏龍茶的醇厚與奶香交融，口感順滑。茶葉的清香不會被奶味蓋過，喝上一口能感受到茶的回甘，十分舒服。總體來說，桂花小幸的菜品不僅分量十足，味道也相當出色，無論是飽腹感還是口味，都讓人滿意。如果你在將軍澳附近，這裡絕對是一個值得光顧的地方！