桂花小幸 (將軍澳廣場)

营业中

休息中

今晚相約2位閨蜜食晚飯，我就想食台灣野。之後佢地就提議去食桂花小幸，因爲平靚正，好過一啲大既品牌🤭我地7點到，吾洗等位，仲甘岩有卡位坐添。坐左10分鐘就見到出面開似派飛啦。好彩早小小到，小幸運。呢度食物種類吾算好多。但貴精不貴多啦。我地都無諗，隨意點。特盛牛肉麵：入面有丸，豬手，牛肉。湯頭濃味吾咸🥣，麵底好q吾淋，好食但美中不足，吾夠熱。。排骨肉躁飯：呢個係跟套餐，包一份清菜同燉湯。肉躁飯好好食！一啲都吾咸，令人想一啖接一啖甘食！燉湯：真係無味精，清而濃味，湯料好足，又夠大盅！日日吾同款咖😍好值得一試！另外個排骨，炸粉吾厚，夠大塊，食落脆卜卜吾會硬！套餐我地加配左個貓耳，即係黑木耳同紫菜湯。貓耳好普通但當食個前菜都吾錯。紫菜湯一般，吾熱但入面粒花枝丸好好食，哈！三杯雞：呢份雞整到細細粒，但啖啖肉無乜骨。好惹味。但份量較少，一舊一舊好快食哂，吾多夠喉，嘻嘻🤭麻辣豬耳：呢個我覺得真係好麻辣！中意食辣一定覺得好好食。我覺得豬耳太肥仲好辣。哈哈奶蓋桂花烏龍茶：真係有原個茶包係入面冷泡。奶蓋味重，但飲吾到桂花味。茶好清，值得一試既！另一杯係朋友飲既鐵觀音。我地食左大概45分鐘，出面仍然有好多人等

一家人食個簡單late lunch，叫咗3,4樣嘢share食一個滷水蛋牛腩滷肉飯，加$6配上湯浸時菜滷肉飯上面嘅滷水汁都幾多，令個飯幾濕潤而且啲肉燥入面有香菇，味道都幾香碟牛腩就唔係好出色，肉質有啲韌，而且賣相都唔佳，下面疊住有幾條青菜，蘿蔔另外仲有個特盛4寶麵，貪佢一次過食到腱心牛肉，豬手，牛腩同滷蛋湯底都幾濃郁，材料炆得好淋，麵條食落都有咬口，不過同係台灣食嘅麵，味道都差幾遠 店內好多嘢都係自助，由落單到斟水飲品另外嗌，因為想飲大杯，所以要俾正價(跟餐飲品係細細杯嘅)蜂蜜檸檬酸酸哋好醒神，盧薈粒都幾多，不過飲到最後俾啲冰卡住飲唔到，建議走冰較方便

百忙之中都要抽出時間同朋友放工之後去聚一聚。我地今次揀左位於將軍澳廣場既餐廳－《桂花小幸B+BC Cafe》。呢間餐廳主打台灣菜同特色台灣飲品，令人充滿期待！我揀左《涼拌黑醋茄子》作為前菜。茄子用黑醋和辣椒調配而成，有酸酸辣辣的味道，有助開胃。主餐我就揀左《三盛紅燒牛肉麵》。麵類是台灣麵，而湯底我選了紅燒牛肉湯。台灣麵煙韌有彈性，配上微辣香濃的牛肉湯簡直是絕配！配菜是腱心牛肉,牛肉和牛丸。腱心牛肉不會太韌，而且非常入味；牛丸彈牙有口感。整體來說是可以一試的～飲品方面，我選擇的是店家推介的《仙氣火龍果茶》。名字和樽的外型都十分有文青的感覺，而味道是絕對不會很甜，有清清淡淡的火龍果香，紫粉紅的顏色更是十分特別和引人注目！

星期五一個悠閒的下午,心情特別好。終於忙了一大個早上,讓自已有時間放鬆一下,原來發覺令自已停一停,其實身邊周圍都很美。今日來到將軍澳廣場,有間台式小食店,叫桂花小幸,由天晉一直向前直走,容易找到桂花小幸。門口有賣珍珠奶茶,生果茶或是果汁之類的。肚子好餓,熱情待應已安排我入座了。一坐下,遞上餐牌。這里是自助形式,自已去收銀櫃檯付款,就可以做回位置,等待應送餐來呀。桂花小幸。顧名思意,為你每一天帶來小幸運。小幸奶茶。不知道它的味道如何。士林豬肚定食配白飯士林豬肚定食$58除了豬肚,其實它的配菜好豐富呀。有酸菜,西芹和白果。定食另加$6有上湯浸娃娃菜白飯還加上白芝蔴！仙氣火龍果茶$28💕有甜度的選擇,0%,50%,100%去冰的選擇,0%,50%,100%店內裝修好似去了台灣,有種悠閒感覺,也有種回家的感覺。簡簡單單的裝修好似去了台灣旅行的感覺四葉草,代表小幸福。小幸運的意思。能夠享受到每份美食對於人們來說是多麽的幸運。卡位,有沙發櫈,挺舒適。勵志的一句話,為每位食客精神上打氣檯上貼有溫馨提示。士林豬肚定食豬肚入口好爽,沒有醒味,而且豬肚湯味道鮮甜,而且有濃濃的胡椒味,但是如果如果煮淋點就好

桂花小幸是台式小店，好多人排隊！就知有番咁上下質素。見價錢都尚算經濟，今日就同妹妹過嚟試吓。始終都係將軍澳區唯一嘅台灣小店，總有小小期望。珍珠奶茶不錯，茶香十足。椒鹽花枝丸及桂花雞翼都炸得香口！桂花雞翼加上桂花蜜之後，食落香甜可口。香煎餃子有四隻和八隻選擇，人數唔多又想試吓所以就叫左四隻。餃子好多汁！今次仲試咗新出嘅士林胡椒豬肚湯定食，湯品入口鮮甜，淡淡胡椒香好惹味！酸菜開胃非常，送飯一流。而且豬肚嘅份量都好多，識落冇腥味，也清洗得乾淨。湯熱辣辣飲落肚之後好暖胃！不過三杯雞有點油，而且無乜汁，有點扣分了。總括來講，呢一間嘅台式小店都算係一個幾經濟實惠嘅地方，我見好多人都係一個人黎食，或者叫外賣。如果下次好多人等嘅話，叫外賣返屋企慢慢食都唔錯。另外店入邊出名嘅仲有牛肉麵，因為見到好多客人都係叫呢一款，下次可以一試！

桂花小幸這個名字很有台灣文青feel，微小而確實的幸福與滿足。桂花小幸於將軍澳廣場開了一段時間，不過每次經過不是餐廳大排長龍就是茶飲外賣店企滿了人，實在很好奇究竟此店有甚麼魔力吸引客人。是日乃假期後的第一個工作天，上班繁瑣的工作實在令人洩氣，放工後身心疲累，很需要有些東西打打氣。返回將軍澳後經過桂花小幸，可能因為已經過了晚上八點的關係，沒有甚麼人客等位。既然一早已鎖定桂花小幸為心目中想試的餐廳名單，是夜又不需等位，當然入內一試。除麵食外，桂花小幸尚有米飯套餐、原盅燉湯定食套餐及小食。麵食較難share，所以叫了兩個米飯套餐加用上餐廳名字的桂花雞翼分享品嚐。套餐可以加錢叫點小食。涼拌貓耳朵爽脆中又帶點醋酸味，雖然見到有辣椒絲但其實味道不太辣，清清爽爽作為前菜很不錯。很喜歡食原隻蛋，無論是滷水蛋或茶葉蛋或溏心蛋均愛吃。套餐加六蚊有一隻滷水蛋，當然不會錯過。滷水蛋切半，滷水輕輕將蛋白染成啡色，顏色對板，入口亦帶點滷水味，蛋黃濃郁甜美而蛋白嫩滑清爽。三拼牛肉飯定食三拼牛肉為腱心牛肉、牛腩及牛丸，腱心牛肉及牛腩各有三片，而牛丸就有兩粒。腱心牛肉無論外觀或味道均很似牛展，肉質帶點筋位，毫無脂肪，炆

中午約了朋友到桂花小幸食午餐，唔算多人，叫咗兩個面，一個係牛腩麵，要養生湯底$58，另一個係酥炸雞排麵，要紅燒牛肉湯底$58。必須要讚一讚佢個湯底，味道好濃郁，好好飲。佢個牛腩都整得好林好入味，推介一試。但係佢塊雞排就好肥，不過炸得都算好食，如果揀快啲瘦返少少嘅雞排就會更加好！整體而言尚算滿意。另外，加＄10仲有珍珠奶茶，真係好抵呀！不過就唔算特別好飲，正正常常啦，同貢茶差唔多，不過同近排好Hit嘅老虎堂就差好遠。水係要自己倒嘅，有凍水有熱水，另外飲管都可以自己拎。

平時經過經常見到好多人等位，今日唔算太多人就拎張飛等下，唔使10分鐘已經有位了。睇完餐牌就出去點餐付款，之後美食就會有店員送上，出餐速度快。兩口子叫左個胡椒豬肚湯定食$58比我想像的大份，豬肚爽口彈牙，胡椒湯唔會太濃唔怕嗆鼻，飯都好大碗夠晒份量。+$6 紫菜肉丸湯+$6 荔枝綠茶桂花雞翼 $23原來桂花汁係分開上，炸雞翼本身無咩味道，但點左桂花汁之後芬香撲鼻，雞翼沾滿汁都唔會覺得膩，香味令人心情好舒緩，驚喜之作！麻辣紅油水餃 $28成粒水餃放入口d汁响口腔徘徊，因為麻味幾重，所以食到條脷有小小麻痺，感覺好剌激。香芋奶茶 $18十幾蚊大大杯抵飲之選，勁香芋頭味配勁滑奶茶，膠杯裝仲方便帶走慢慢飲，讚讚！

點菜後等半小時才有碗麵其間要求服務員問問情況服務員態度差到一個點...厭棄語調：等等啦⋯⋯就有喇！又唔係多人都唔明點解咁耐更加唔明點解態度可以咁差唔止我一個受害，隔離檯著晒火都只收到服務員回應：就有喇！等等啦！唉...

我今天因為工作奔走了港九新界，流了一身汗，全身黏糊糊的，所以打算在家附近吃個飯，就回家休息了。這家店開張不久，生意不俗。餐廳走小清新風，有一排有質感的相片牆。另一邊營造了舊時光的感覺，紅磚頭砌成的牆，擺放了不少懷舊小玩意。沒有加一服務費，點餐須要自行到收銀處。設有自助茶水間。餐牌所見，主打滷肉、豬肚等台式菜，晚市套餐還免費奉送上湯浸時菜及原盅燉湯呢！⭐️鹽酥雞排滷肉飯$76份量非常足夠！有一大碗滷肉飯，一塊大雞排，還奉送一碗菜和燉湯，非常划算！燉湯是蟲草雞湯，配料有蟲草花、雞件和紅蘿蔔，入口清甜，相信是沒有添加味精。雞排炸得很乾身，不過味道不夠香口鬆化。另外滷肉很軟腍，入口即化，不過滷肉飯欠缺飯香和肉香，拌飯吃還是很不錯的！⭐️滷水豬手$58豬手醃得很入味，味道很夠，而且肉很嫩。底下還有芽菜，芽菜吸滿了滷水汁，更添滋味。⭐️滷水蛋牛腩滷肉飯$68牛腩份量也很多，醃得很軟，肥腴適中。配上白飯和雞蛋，實在飽得走不動了！▪️這家店以價錢和份量取勝，味道雖不算驚艷，但勝在實在貼地。

又是星期三要放工出街食個飯放鬆一下近來好想食中菜台灣菜, 外表協會資深成員, 一見到啲文青裝修就決定一試桂花小幸個名改得都特別詩意店外加埋等外賣飲品既人,  絕對稱得上人山人海,  根据花師奶的理論, 間餐廳一定係唔錯進食的節奏其實一點不台灣, 反而 好感受到香港的efficiency**********要留意一下入座的枱號*****, 選擇好菜式再到收銀台排隊比錢(本人因為無留意枱號返番轉頭而排左2次隊lol)八逹通dooo完無幾耐, 再坐返低無耐就上菜喇!我的選擇  :”魯”水豬手飯+ 芝士奶蓋桂花烏龍茶朋友選擇: 胡椒豬肚湯定食+QQ 奶茶一齊追加手拍青瓜+花枝丸先講my choice 豬手  不得了!  我最鍾意個種:   很夠份量的骨膠原!皮,脂肪,筋,骨,  的分佈好balance! 夠惹味但唔重口, 一啲都唔覺得肥滯再呷一口  招牌芝士奶蓋桂花烏龍茶 (哇個名好長…)  不負所望,  桂花香綠茶香很讚~朋友選擇 (其實大家share食不過主要食自己比較prefer個樣)我係好喜歡飲胡椒豬肚湯唔太喜好食豬肚既人 (打beeno其中一個最愛湯底!) ,  唔評論太多個豬肚,

以前係附近返工臨急臨都冇發現, 原來將軍澳廣場同popcorn好大好靚好grand。聽住舊同事呻佢返工既麻煩事,不知不覺係時候要食晚餐喇, 有選擇困難既我地, 我就用openrice apps揀左熱門既餐廳, 順手用埋apps拎位。桂花小幸b+bc 位於將軍澳廣場既一角, 旺中帶靜, 已經8點幾了仲好多人等位, 餐廳另設飲品吧做飲品外賣, 見唔少人買飲品, 一邊等入座一邊有杯野飲下, 而我朋友繼續滔滔不絕, 冇買飲品既意慾。用左apps取籌就方便好多, 我地等左5分鐘就有位喇, 全場滿座。餐廳走文青風, 希望都市人放下壓力, 體會生活的美. 我們兩個都好飢餓了, 馬上點菜, 首先出去收銀點菜同俾錢, 之後侍應好快就送上餐飲。三盛牛肉麵($68)湯頭夠濃郁, 牛好入味, 咬一口食到牛肉味又夠林, 功力十分到家, 咬一口麵, 有彈性有嚼口, 餐廳堅持自製新鮮既麵條, 一碗麵測試出餐廳的誠意。酥炸豬扒麵($58)聽講餐廳為左做到一塊靚既炸豬扒, 用左幾個月研究同升級豬扒, 食落夠脆夠實, 配上軟綿綿既沙律醬, 要係香港搵到如此質素既炸豬扒5隻手指數得哂 。鹽酥花枝丸($23)3大粒花枝丸有

今日約左好姊妹B食飯，為左方便B，我專登入將軍澳搵佢食飯。佢話之前見到將軍澳廣場有間餐廳成日大排長龍，好似幾正。於是我地今日就食呢間桂花小幸，去到門口果然好多人，不過大約十五分鐘就有位lu~呢到係出去收銀處比錢先，再有職員送餐。我地叫左滷水豬肚麵（清雞湯 $48）因為B唔食牛，所以冇揀紅燒牛肉湯底，滷水豬肚夠入味又唔黏牙。 滷水蛋滷肉飯（$42）唔會太鹹但又不失本身風味！麻辣豬耳仔（$38）同涼拌貓耳朵（$12）都係開胃涼菜，個汁唔會太辣。桂花雞翼（三隻 $23）淡淡桂花香，幾清新！飲品方面，我飲嘅係芒果QQ綠茶（凍 $20）而B叫嘅係芝士奶蓋玫瑰茉莉花茶（凍 $26）平民價錢就食到唔錯嘅台灣菜，值得推介！

收工約咗朋友出嚟食晚餐，朋友話想食台灣菜，於是就嚟咗呢間喺將軍澳新開嘅一間台灣店食嘢啦即使係平日嘅夜晚，都坐滿晒客人，而且出面仲有好多人等位，感覺好熱鬧大大個電子餐牌喺餐廳門口出面，非常清晰睇到有啲乜嘢食，而且款式都幾多，價錢非常親民我同朋友分別都叫咗兩個滷肉飯餐同埋一啲小食share，餐廳點餐係自助形式嘅，自己要先到收銀處落單俾錢之後返埋位等嘢食送到落完單冇耐先來飲品，叫咗芒果綠茶，芒果同綠茶嘅比例適中，酸酸甜甜非常開胃小食我哋就叫咗涼拌茄子同埋紅油抄手， 茄子煮得好腍，入口即溶，涼拌汁味道酸辣開胃，好惹味。而抄手亦都十分足料，餡料新鮮飽滿，配埋紅油，辣辣地好惹味仲叫咗花枝丸添，大大粒，花枝新鮮爽口彈牙，而且炸到外脆內軟，食落一啲都唔油膩朋友就叫咗滷水蛋牛腩滷肉飯，而我就叫咗酥炸排骨滷肉飯，牛腩肉質鮮嫩，味道濃郁，送飯一流。而且酥炸豬扒都唔錯，豬扒炸得非常香脆，肉質好腍，點埋酸甜嘅千島醬，味道好夾成餐嘅重點就係呢碗滷肉飯，滷肉大大粒，肥瘦分明， 味道香濃，非常出色整體來講，食物質素良好，而且價錢優惠，一定會再幫襯

暑假又到了，是一個去旅行的時候，但身為錢的奴隸，旅行對於一位未出社會做事的學生都是一種奢侈。在一次有緣的情況下，發現到有間是充滿著台灣氣息的小店，就在將軍澳廣場，就決定與同伴一同前往。店舖的位置在將軍澳廣場的2樓，附近有譚仔及一粥麵等其他普通的食店。首先到小店的時候，我和朋友都比飲品部所吸引，由於桂花小幸都有較多的客人，所以我們都要取票等候一下。我和朋友多次比飲品的香氣所吸引，正好決定先去購買飲料時，就到我們進入小店。一進去見到餐桌的擺設及餐廳的裝修都充滿著台灣的氣息。我和朋友都立即拍下幾張呃like的「港女照」，到點餐的時候，我們決定一人一個主食加一客小食，而且加一杯飲品。在這間小店內，點餐要前往收銀處，這樣更方便我們完餐後就離開。我們分別點了滷水蛋牛腩滷肉飯（$68） 、滷水豬肚麵配清雞湯（可選清雞湯或牛肉湯）（$48） 、蒜泥白肉（$38） 、仙氣芒果茶（$26）以及蜂蜜檸檬蘆薈（$20）。食物都很快就到了，我們都比滷水蛋牛腩滷肉飯的分量所驚嚇，有一碗滿滿的滷肉飯加配上三種蔬菜的牛腩。味道方面，滷肉飯的滷肉分量剛剛好，而且十分有咬口，彈牙的滷肉配上日本米絕對是絕配。至於滷水豬肚麵