桂花小幸 (將軍澳廣場)

营业中

休息中

今天和家人去這間台式文青cafe吃午餐。環境裝修幾清新。三盛紅燒牛肉麵（腱心牛肉，牛腩，牛丸）：其實我自己一向不太喜歡吃台灣菜，因為台灣菜比較濃味，但這碗牛肉麵的味道則剛剛好，不會太咸，也沒有很重味精味，適合想吃得健康點的朋友。而牛肉也夠淋，牛肉味重，牛丸爽口，蘿蔔則索哂紅燒湯的味道，非常好吃。士林胡椒豬肚湯定食（配白飯）：湯幾重胡椒味，幾香，湯底裡應加了腐竹，故特別綿滑，豬肚則爽口入味，飯的份量也夠多，不錯。熱峰蜜綠茶（加蘆薈）：味道不會太過甜，剛剛好，加了蘆薈，口感更佳。珍珠奶茶：奶茶茶底不同外面普通台式店，不會太過甜，甜度適中，好飲。跟餐加了6元要碟上湯浸時菜，份量都算多。桂花雞翼：桂花汁幾清甜，味道清新，挺特別。椒鹽花枝丸：推介必點小食！花枝丸很香口彈牙，椒鹽味很惹味。埋單不用加一，兩個人點了這麼多也不用$200元，價錢經濟，味道也有別於其他台式店，不會太咸太重味精，較合港人口味，值得一去。

fantasy23yan@將軍澳 桂花小幸晚餐時間，選了將軍澳中心的桂花小幸，吃的是台灣菜，而且價錢也非常恰當。餐廳裝修以清新藍色做主題，走文青路線。梳化卡位寬敞，座位舒適。餐廳以自助形式點餐及攞水，需要自己親自到收銀處點餐及到水吧斟水，不收加一，合情合理。三拼牛肉飯定食 ( 腱心牛肉 、 牛腩 、 牛丸 ) 晚餐送原盅燉湯同時菜牛肉大件又多,好低食,岩哂大食既人,燉湯係蘿蔔湯，清淡可口，似足媽媽不落調味煲出來的愛心湯。滷水豬肚麵 湯底選了紅燒味，湯頭清甜帶點藥材味，麵條幾好咬口非常好，豬肚口感正常，整體不錯。桂花雞翼 ( 3 隻 ) 雞翼炸得通透，配上桂花醬汁，清新好吃。鹽酥花枝丸 ( 3 粒 ) 鹽酥花枝丸炸得乾脆，吃上口感彈牙。芒果綠茶 夏日水漾鮮果茶 飲品偏甜。

之所以取名為<<緣食魔宮>> ，是因為一直相信，能夠品嚐美食就是一份緣份。今天，就因緣際會來到將軍澳廣場的桂花小幸品嚐台灣美食。桂花小幸的位置在廣場內一個比較不起眼的角落，要花一點時間去尋找。餐廳門口不算起眼，亦不大，但內裡的空間感不錯，乾淨企理，坐得舒服。餐牌的選擇不少，我和我女朋就跟隨感覺，選擇了數款符合當時心情的食物。第一款主食是腱心牛肉麵，先嚐湯底，香氣味道俱佳，再嚐牛腿部的肌肉，即腱心牛肉，肉香強烈，第一件很淋，但第二件就比較咬口，口感參差。配上一碗紫菜魚丸湯，魚丸十分彈牙，好食，紫菜湯可在餐後用來清除口腔的味道。另一個主食是胡椒豬肚湯定食，這碗豬肚湯十分大碗，材料豐富，先飲湯，湯具胡椒味，但胡椒的辣味就不太明顯，豬肚則既爽且淋，食動物內藏最怕的是清洗時不乾淨，食用時有異味，桂花小幸在這方面做得不錯。食台灣菜，識食，一定食小食。小食我選了桂花雞翼，麻辣紅油水餃，以及滷水蛋。桂花雞翼，應改名為雞翼配桂花醬，跟滷水蛋一樣表現不過不失。麻辣紅油水餃，紅油的味道十分滿意，香辣開胃，水餃則一般，但如果可以煮的時間長一些會更好，口感會更淋。品嚐了2款主食，

今次我森姆仔又去周圍搵食。去到將軍澳同女朋友行下時，見到一間新開的台式餐廳。看佢既裝潢幾令，就去食下啦。先講講佢個環境，真係裝潢得幾靚。好有文青同台式旅舍的感覺！坐位方面，亦唔會太迫。不過，亦唔算好多空間，好舒適。而落單的方式亦需親自走去前台比錢落。付款方式係現金，八達通同微信支付。好，食反重頭戲-台式食物先。今次我地叫左一個套餐，再加一個麵同飲品。佢d套餐份量都幾夠。我叫左個鹽酥雞肉燥飯套餐，入面除左鹽酥雞肉燥飯，仲有一個菜，一盅燉湯。不過飲品就要加錢。我加左6蚊要左荔枝綠茶同埋加左12蚊要左小食-涼伴茄子🍆。鹽酥雞肉燥飯：份量好足，佢係分開上的，一碟鹽酥雞，肉質不錯，有肉汁，亦炸得很酥脆。至於果碗肉燥飯亦幾好味道，美中不足係當中的飯太林身，打了一個折扣。一碗菜：好健康的套餐，會比一碗菜的套餐不多。味道清淡，適合健康的我一盅燉湯：好大盅的湯，賣相好好，味道還好，有d味精味，應該係雞精變雞湯我女友就叫左紅燒牛肉麵同珍珠奶茶。可惜冇珍珠，就變左普通奶茶😂😂😂紅燒牛肉麵:湯底還好，但不夠正宗同濃味(個人覺得茶木的更好味)，牛肉係果d五香牛𦟌，都幾好食。而麵質就較林，冇咩咬口。不過，份量好足

係將軍澳廣場見到呢間台式餐廳 ，8點30都仲好多人排隊，好誇張！見價錢幾平民價，很不錯的樣子，我們又走去食喇！😀😀餐廳走 文青路線，裝飾有點小清新既感覺。令人舒服。仲播住00年代大家都好有共同回憶既國語歌！每聽一首都會講：哇，呢首以前成日聽！🤣好有回憶！係繁忙既生活中，等我又抖一抖，放慢腳步，享受一下台灣人既悠閒節奏先😊餐廳除左有台灣特色食物，仲有好多特色飲品，相當吸引！🍹我同朋友叫左兩個套餐，包了一杯飲品！🍹芒果椰果綠茶🍸椰果檸檬水剛好放係枱上襯托埋佢牆身既子句，又幾正！😎叫左兩個小食：餐廳很體貼，可以叫細份的，那就可以食多幾款了！😃🍴煎餃子（細份）😉個碟仔花了心思喔！！這個煎餃子 真的不錯。佢比正常的大隻d,外皮煎到很脆卜卜。一咬落去要小心熱，因為佢裡面既汁會流出黎，好多肉汁，好juicy!! 😋😋本身想叫餐廳推薦的 桂花雞翼，可以已經賣哂。轉左做 滷水雞翼。🐓味道不過不失，滷水汁都幾入味！但下次一定要試下佢的桂花雞翼！😣食台灣野，點可以唔叫牛肉麵！😝我叫左佢個《特盛紅燒四寶麵》，諗住咩都有，唔洗煩。😜黎到已經嗅到好香濃既紅燒牛肉味！有豬手，腱心牛肉，花枝丸，滷水蛋！好多配料！！

這星期太忙碌了，終於到開心星期五❤️努力一星期係時候又放鬆下啦～～想去旅行放鬆但無咁多假，就去食台灣野當去咗一轉台灣😎桂花小幸位置於將軍澳廣場既轉角位 當日8點幾左右去到，可能係星期五既關係排隊等候的人都不少喔，但不用等很久 很快都入得去。坐底後店員會俾個餐牌！好啦~睇下食咩先🤤點餐是需要到外面櫃員機先付錢，說出自己坐的枱號，就可以回坐位等待店員遞上食物。😆選擇困難又出現，唔知叫咩麵好最後見到滷水豬肚麵係新出，就試下新產品🤓👉🏼台灣滷水豬肚麵 $48豬肚既份量有好多😚煮得岩岩好，咬落去唔會好硬！麵方面我就選擇左平時小食既台灣麵，質感好好咬。大大碗，食到很飽飽喔！👉🏼腱心牛肉米線 $58這個也是紅燒湯底，沒有很多的油。貌相好似有點凌亂了，𣎴過呢腱心牛肉既份量正常。😉紅蘿蔔好甜😆夾起牛肉來看看先，腱心牛肉厚身有點筋。👍🏼👉🏼鹽酥花枝丸 $23有5粒同3粒可以選擇，小胖子簡左3粒！金黃色既外皮，炸到夠矖脆，仲唔會太過咸👉🏼魔力水晶可可 $24朋友讚口不絕，話平時入面既係珍珠，今次係啫喱很特別，好好味！👉🏼桂花烏龍茶 $20清香既桂花🌸配上我最愛的鳥龍茶 💕好夾呀！味道好ғʀesʜ 👯‍♀️有2包

尋日經過見到冇咩下午茶食，所以留待晚市，八半仍然要等位，九點截單，都算係好彩九點前坐低。好有文藝風，感覺好似去左台灣咁都有唔少影相位，可惜太多人冇周圍影。呢碗肉燥飯係用咗台灣大米，米質真係好重要，大米彈牙口感豐富，肉燥好肥好邪惡哈哈哈，我食曬呀救命🆘 雞翼就普通啲，好似瑞士雞翼會好味啲，上湯小白菜都唔錯，清清地健康返一分。最鍾意係呢碗蟲草雞湯，好耐冇飲湯水嘅我真係好感動，唔係味精嚟咖男友食嘅牛肉麵，麵感好實在，牛肉又香又軟，芒果綠茶甜味適中，如果唔係咁飽我都想叫杯珍珠奶茶小小嘅幸福·周六晚偶然幸運

OT完返到將軍澳已經8點半，行過見到呢間台式cafe依然人山人海，於是就試下好無食啦入到去坐低揀好野食就諗住招手嗌侍應啦，佢就指一指出面，原來係要記住自己台號行出去收銀叫既 因為係第一次黎，無人講真係完全唔知呢啲規矩本身想叫原盅燉湯，可惜當時已經售罄，下次要再食過先得三拼牛肉飯定食三拼即是有齊腱心牛肉、牛腩同埋牛丸。忟得相當入味，係紅蘿蔔爭少少 牛丸肉質爽口，再加埋啲汁，送飯食係正既。另外，定食仲會有碟菜附上，營養均衡返啲士林胡椒豬肚湯定食係用白胡椒煲既，亦好足料，有咸菜、菜、豬肚同埋白果。但就略嫌湯較淡，當湯飯食就寡左啲 如果胡椒味再濃少少會更惹味桂花雞翼呢個推介，好好食 雞翼即炸新鮮滾熱辣，另配一小碟桂花汁，唔會太甜，桂花味夠香，一個人都忍唔住食左3隻夏日水漾鮮果茶大大杯兼果茶味濃，但因為本身已經溝左糖水，所以無辦法走甜 如果可以再少甜啲會更吸引

今日又同m小姐出街終於唔再出旺角尖沙咀銅鑼灣 係黎到將軍澳到左食飯時間 就黎食呢間新開冇耐ge台灣店門口好sharp 好多人等位等左陣都入左去啦 坐冇虛席 裝修係走文青小清新路線野食選擇好多 一時三刻真係唔知食乜好最後揀左鹽穌雞扒滷肉飯套餐四寶紅燒牛肉麵另外加左2個小食 （青瓜同貓耳朵）2杯野飲另外 呢度係自助落單 揀完自己出去收銀落單講番台no就可以ga la🙂青瓜貓耳朵咩係貓耳朵？即係雲耳酸酸地 帶少少微辣 好開胃🙂鹽穌雞扒滷肉飯套餐配湯同烚菜 雞扒炸到好鬆脆而好好嫩 滷肉飯迎合左香港人口味 冇台灣果種油膩感🙂四寶紅燒牛肉麵估唔到有唔少菜 四寶有牛𦟌 豬手 墨丸同龍蝦丸 再加滷水蛋面質好彈牙 湯㡳濃而不油飲品方面就不過不失啦

星期日下午見冇咩人就試下呢到既lunch,滿心期待點知中哂伏。。。我叫左個鹽酥雞扒滷肉飯加熱珍珠奶茶首先，個滷肉飯冇咩味，只有食到粒冬菇時先有小小滷肉既味道。。跟住個鹽酥雞扒亦都係冇味，通常鹽酥雞扒都有胡椒鹽之類既調味，呢個完全冇調味既雞扒似冇味炸雞扒多啲。。啲雞皮仲要好硬，令人非常失望🙍🏻個珍珠奶茶直頭唔想提，冇甜味又冇咩茶味。。成餐都食得好”清淡”呀😃唯一興幸既係我入座冇需排隊，如果要等位仲要食到啲咁既野真係會好嬲真係冇下次啦，中伏一次就夠。。想食”原味”炸雞扒就黎食啦👋🏻👋🏻👋🏻

食過幾次，都係覺得麵好食啲，麵質同湯底都吾錯，滷肉飯就較為普通。今次揀左紅燒湯滷水雞翼麵，雞翼同麵係分開既，麵條幾特別吾係到到食到，湯底好濃味但又吾算係味精湯，吾錯！但個雞翼就有啲普通同埋無咩滷水味。酥炸排骨滷肉飯，都係分開兩碟既。個酥炸排骨同平時見到既炸皮有啲吾一樣，比較似煎排骨，但肉質吾韌既，個滷肉飯就好一般，滷肉無味又無蛋⋯⋯另外加左個小食：鹽酥花枝丸，呢個就幾好食，無出面食到既甘咸，而且炸得幾脆又吾油，個丸都好食叫左杯珍珠伯爵拿鐵，叫左就冰，但黎到既時候無走冰，比反佢，佢最後只係倒走左啲冰⋯⋯⋯

五月的天，剛誕生的夏天。👒我們約定，將軍澳食碗面。🍜遇見小幸，紅燒牛肉麵～～～大雨冲走了昨天，文青桂花點點🌼🌼🌼桂花小幸門口好多人在等位，我們拎左號碼籌，就開始研究餐牌，好耐冇食台灣野，見到餐牌上的台式滋味已經感覺到親切，好多都想試下。 終於有位，無論系餐牌定系裝修，都充滿了濃濃的台灣古早味，店面不算大，但坐無虛席，睇好餐牌就去「掌櫃位」點餐。那些年的感覺出返來。👧🏻 🧒🏻～也許當時忙著微笑和哭泣。忙著追逐天空的流星～💫嘿嘿😁先別忙著唱歌了，肚餓食飯先。😜🌼紅燒腱心牛肉麵湯底可以選擇紅燒牛肉湯，養生清燉牛肉湯，清雞湯，麻辣牛肉湯，辣的要求可以由小辣去到地獄辣，哈哈....選擇困難症發作未？我最後揀左預設的紅燒牛肉湯。有人說，一碗面是一個故事，有人說，做好一碗面是一個本事，筷子夾起第一柱面時，深深感受小幸自家制面的本事。好Q好爽好有台灣味！麵身軟硬適中，勁道十足！牛腱，胡蘿卜，白蘿卜，燉成的湯底，清甜夠味。飲返一啖，回味無窮。🌼滷水豬手飯人見人愛，車見車載。大大舊的豬手滷到超級入味，這種味道是那些年台南食過的味道吖！唔通這裡的師傅是台灣人？正宗到呢...不用 等一碗肉燥飯 的豬手，肉燥飯

台灣嘢食得多，見到樓下開咗間諗住去試吓，入到去餐廳坐底，諗住叫嘢嗰陣，佢竟然叫番我出去counter畀錢排隊叫嘢食，我仲諗住堂食搵人take吓order都唔係唔得呀，算啦，照排啦。點知一出到去，得嗰1個counter, 又無人話我知排邊，咁我咪按常理排响叫緊嘢嘅人後面囉，跟住有個麻甩佬排咗响個人嘅右手邊，我前面嗰個嗌完，個麻甩佬一野就打咗我尖，我話係我先嘅，個男人唔理照叫order, 最嬲嘅係個收銀明明見到我排先，都仲要take個男人order。咁無引，下次唔好預我

下午茶時段 ☕️ 當然，要找間休閒食店慢食下。今次，呢間 文青 feel 甚濃 .......台式餐廳 - 桂花小幸 ☘️ 也不錯環境舒適 😌 一入店內，有三張卡位，每張卡位的牆身，也貼了些 即影即有相片，簡單又舒服；再行入點，擺放了數張 木質長餐枱，及 一座屋型書架，頓時點點 文青感覺 📖慢慢滲出 .....不錯的打卡位 📸「朝氣蓬勃，百花綻放 🌸人生 ...... 不也該這樣嗎？」👍👍👍我們點選了 ......小幸推介：紅燒腱心牛肉麵 🍜牛肉腍身 😋😋😋鹽酥雞排麵 🍜雞排太淡味，可改善 😌預設是紅燒牛肉湯底，🥣味濃 😋 還有，🥣 非常熱燙燙 👍👍👍必選的台式飲品🥤珍珠奶茶 餐牌頗有心思 - 小幸遇見麵食 🍜食飽飽😋 埋單 💵 價錢也合理

最初最初係幾好，性價比都合理，最爱食他的麵質自然。其後亦食过幾次，每放越下。到今次了，我決定不會再去了!食物及服務都差咗很多，尤其係服務的人，完全不會從客人角度去想和做嘢!