松山海鮮鍋 (已結業)

夏天真係無咩胃口，特別好一啲酸辣嘅嘢。所以我地就揀咗冬陰功湯底。呢個湯底係第一次食，感覺真係好特別，有種東南亞的風味。湯底一擺上檯陣味真係好濃郁，聞到都醒神又開胃。手切肥牛：牛肉嫩滑，吸收了冬陰功的湯底，唔駛點醬汁就已經好夠味。手打蝦丸：我好中意食呢個蝦丸，彈牙之餘鮮蝦味十足，有啲後悔無叫四寶丸，我相信其他手打丸都幾好食。黑松露餃子：呢個真係從來無食過，無係其他地方見過。食落真係好香口，自己一個人都可以食曬整碟。黑毛豬柳條，半隻清遠雞，蓮藕，淮山，番茄都唔錯，食落都係新鮮嘅。炸魚皮和炸響鈴係即炸，食落香口，但好有罪惡感……朋友話下次可以試下佢地嘅黑松露湯底，我咁係舉雙腳讚成啦。約定冬天再嚟食多餐。

今日陪朋友出街睇波鞋，行行下見餓正煩惱緊食咩晚餐好嘅時候就見到松山海鮮鍋當時都只係六點幾，已經見到有幾枱客係入面開緊餐，仲聞到好濃烈嘅冬陰公味 乜都唔洗諗，叫左個冬陰公湯底先！火鍋料就叫咗牛頸脊、鯇魚腩、黑毛豬柳條、即炸響鈴、手打墨魚丸、出前一丁個冬陰公湯底果然同想像中一樣咁足料！鍋底入面有南薑、香茅、檸檬草、蜆仔、海蝦等等，入口好香濃好惹味！可能想迎合返香港人口味，佢酸味無咁重嘅，對於怕酸嘅我黎講，呢個位係加分講下食物先，牛頸脊入口即溶，肥瘦剛剛好！絕對係靚貨！ 鯇魚腩都好新鮮，啖啖肉而響鈴浸冬陰公湯底絕對唔會輸啦 黑毛豬柳條都算係菜單中比較特別嘅一款食材，唔好睇佢好似好厚肉好鞋咁，原來都幾鬆化，豬肉味好濃，一啲豬臭味都無！估唔到豬肉咁樣打邊爐又幾好食！墨魚丸都幾唔錯，真係100%手打，仲好多墨魚肉粒，堅係真材實料！ 最後當然落返個出前一丁去索下湯汁黎一個Happy ending啦！索滿湯汁嘅出前一丁真係超級正即刻變左泰國版出前一丁

今次同班中學老友聚埋一枱食火鍋。環境乾淨和整齊，坐得幾舒服！好適合多人聚會。我睇食評見好多人都食泰國冬陰功或者松山黑松露菌皇湯，雖然我都好想試下，不過今次班老友話想食清啲嘅湯底，唔想咁濃味，於是我便徇眾要求，揀咗松山豬骨鍋。清清地，湯底都足料，湯底有大大舊豬骨。打邊爐前大家都飲咗碗湯，幾正！我地都叫咗好多配料下，最讓我印象深刻係佢嘅炸響鈴同炸魚皮。好酥脆香口。其他配料都好高質，大家都食得好滿足。本身都無唸過要叫刺身，不過食完佢啲配料，覺得啲嘢食都幾新鮮，所以就決定一試佢啲刺身。刺身上台，果然無令我地失望，擺盤好靚，款款新鮮，好似在大海裡遨遊~仲有勁多金箔係面到。好豪啊！食到好嘢，又見到班好友，真係好盡興！

朋友去咗外國working holiday，返嚟香港探佢屋企人，咁耐冇見一定見下面嘅。去咗加拿大咁耐，梗係俾佢話事食乜啦，咁佢揀烚烚下嘅火鍋。1行4人去完Mira Place行街之後就過咗去山林道，book咗位所以都唔使等就可以入去坐低。裝修都係精緻，坐卡位都算闊落，唔太逼。其中有2個人唔食得辣所以叫咗個醉雞鍋湯底，個湯底就咁飲都已經好好飲，我地個個未烚之前已經飲咗半碗。牛頸脊口感軟滑又嫩口，油花十足，一D都唔韌。正主角係龍躉，厚切啖淡肉，食落質地紮實又唔腥。推介芝士腸、魚皮餃無令人失望，食得出唔係D平價版雜牌子嘅貨。冰豆腐、唐生菜就正正常常啦。黑松露餃味道濃郁，鍾意食松露嘅朋友就要試下。咁耐無見掛住傾計，食咗好多野都無影相，臨走見到隔離枱食緊隻長腳蟹，好似好好味咁，下次黎食要叫嚟試下。

同事farewell dinner，有同事之前食過呢間話食材新鮮又唔太貴，除左火鍋仲有海鮮食，所以推薦去呢間。好彩我訂早就訂定位，預留左房間位置俾我地，可以自成一角。我地人多，分別叫左兩個鍋，松露菌皇湯同埋冬陰功。兩個湯都好足料，有一片片黑松露咁加湯底，絕對唔係味精開出黎既火鍋湯底，有驚喜！店員仲話係落足料煲既，我地當然都飲碗先開動啦！剌身新鮮！上面仲洒咗金泊，好奢侈呀！食材都好新鮮！有即叩即炸響鈴，自家製魚皮。手打四寶丸

最近經過山林道發現了一間新開的火鍋店，就約了一班朋友去試，一試就即時愛上它。餐牌上有三款湯底選擇，而我們就選了泰國冬陰功。<泰國冬陰功>湯底一到已經聞到香濃的冬陰功味，湯底非常足料！值得一讚！👍🏻我本身不太喜歡吃辣，但我已深深愛上它，因為它是偏甜的，湯底也可以喝喔！😋😋😋<即炸黃金響鈴>每次火鍋我都一定要叫響鈴，但今次第一次食即炸，好鬆脆好有層次感！❤️<牛頸脊>火鍋不可缺少就是它😄牛肉新鮮，肉質嫩滑，入口即溶！<手打四寶丸>食材新鮮，非常爽口彈牙！我最喜愛就是蝦丸😋除了味道一流之外，老闆都好親切好健談，價錢合理。所以今餐吃得非常開心，下次一定再次光臨！🥰

山林道原來都轉了好多舖頭，今次同個FD去山林道搵野食，去到見到有間應該係新開既火鍋店，問我地去唔去試下，二話不說"好"，同朋友去就最好大吃大喝。見到餐牌都有好多款不同的湯底，但比我見到係冬陰功湯底，同埋大家都食辣，試下先。【泰國冬陰功】冬陰功湯底不是好多地方有得食，湯底來到一上枱已經聞到濃濃冬陰功香氣，本人真係好喜歡冬陰功湯底。湯底裡非常足料令湯底多了香味。(((極力推介)))【牛頸脊】一來到太正了，忍不住食左兩三片先醒起唔記得影相，深紅色嘅牛頸脊油花真係好靚，肉味真係香濃，入口即溶既感覺真係好難形容。【新鮮清遠雞半隻】清遠的雞都幾大隻，雞肉非常嫩滑，食落又不會有雪藏，鍾意食雞件既朋友，這個一定推介。【黑毛豬腩片】好淋身好正，脂肪分佈半肥半瘦，唔好以為睇落好似好肥，但食落無諗過豬肉都可以咁好食，不錯【自家制即炸魚皮】炸魚皮夠卜卜脆，而且厚薄度剛剛好，就咁食又可以。

又到了慶祝母親節的時候，閨蜜剛試了一間性價比高的海鮮火鍋店，我最喜歡嘗試新東西，一於訂座嘗鮮一下。《松山黑松露菌皇湯》店長提議我們先選擇火鍋湯底，強烈推介松山黑松露菌皇湯。湯底送來的時候已經香氣撲鼻，一滾已經可以立刻飲碗湯，熬湯時間長而且真材實料，果然有心思之選擇；而且入口味道清甜原來沒有加半點味精，菇菌味濃，家人都讚不絕口。《頂級本地手切肥牛》《牛頸脊》牛魔王最後召集！頂級本地手切肥牛 雪花分布均勻，肥瘦相間，牛肉味鮮濃，肉色紅嫩肉質滑，真的有入口即溶的效果，果然是好介紹。《手打四寶丸》火鍋的好朋友一定是四寶丸，手打肉質非常爽口彈牙，我尤其喜愛蝦丸，新鮮彈牙。《黑毛豬腩片》有香甜肉味，肉質鮮嫩，水準一流。留給不吃牛的媽媽獨享。《脆肉鯇魚腩》有質素的脆肉鯇魚腩非常嫩囗，肉質爽脆，新鮮又鮮甜。《即炸黃金響鈴》見到人家吃響鈴實在太吸引啦！即炸的響鈴層次感特別豐富，浸湯一下更加可以吸收晒黑松露湯底的精華，非常滋味！總結價錢合理，環境裝潢簡潔時尚，食物質素高，店員服務周到。媽媽說好滿意，約定下個月父親節可以再來嘗試必食泰國冬陰功。

今晚一班人話約食飯又要食得好又要質素高，當然有啲懂得搵食嘅朋友就推介了這裡，這裡嘅位置雖然唔係算方便，但要食好味道嘅餐廳，我地呢啲懂食嘅當然沒有問題，係大街行多少少路就到其實一啲都唔遠！就係個T字路口位置，一望就望到！餐廳要行上一層，全層空間都好大，內裡有房間，不過今晚朋友沒有訂房，於是都係座在大廳內，座椅十分好座，而最緊要當然係今晚食什麼東西，這裡主打海鮮火鍋，而因朋友之前來過，就點了個2個特價火鍋套餐$888，兩個爐，兩個湯底，我就醒目座係兩個爐嘅中間，兩邊都可以放湯，有人怕辣所以點了一個松山黑松露菌皇湯，同埋另一個泰國冬陰功，出奇地湯底超正，如果喜歡飲湯，哩兩個都可以先飲頭啖湯品嘗一下個味道，一個黑松露味道香濃入口夠晒鮮甜，而另一個入口就帶點酸甜味道濃郁，今晚就係可以一次過品嘗到清新同香濃嘅味道選擇！而湯底亦十分足料！食物當然選了頂級本地手切肥牛同埋個手切牛頸脊，兩種肉嘅肉質都十分鮮甜，個人較喜歡在黑松露菌皇湯底滾熟，因味道更鮮香！新鮮清遠雞半隻，肉質嫩滑入口有陣松露香味！而這裡嘅韮菜餃同黑松露餃都係十分好味，夠晒真材實料，放在冬陰功湯底又係另一種味道，但想食到佢嘅完味都係在松露

今晚舊同事飯局，對上一次飯聚已經差不多相隔半年，大家決定今晚一定要吃得豐盛一點，最後大伙兒們一致決定去打邊爐，好好大吃大喝一番。好友找了山林道一間新開火鍋店，位置近街尾，店內裝潢光猛潔淨，感覺舒適。餐牌選擇都很多而且價錢不太貴，非常適合大伙兒們飯聚。同事最愛去泰國旅行，所以一見到泰國冬陰公湯底已經非常興奮，因為很少見到火鍋店有這款湯底選擇。泰國冬陰公一上枱已經聞到濃濃香氣，先盛裝一碗直接當湯飲，味道酸酸辣辣好開胃，湯底香料材料豐盛，有香葉，香茅，南薑等等，全部由泰國直送，保證正宗泰南味道。而湯底入面再加上大蝦，蜆等海鮮，令湯底多了幾分鮮味。頂級本地手切肥牛色澤均勻，牛味濃厚，入口鮮嫩可口，最愛手切肥牛的口感，有少少咬口又不失鮮甜味。黑毛豬柳條肉質爽嫩鮮味，油脂特別豐盛，吸收了冬陰公湯底，特別滋味！鹹水白鱔片鱔肉鮮嫩可口，肉質鮮甜爽彈，非常新鮮。新鮮鵝腸鵝腸清洗得非常乾淨，輕輕淖一淖，味道甘香爽口，有少少鵝油香味。椒鹽無骨九肚魚第一次聽無骨九肚魚，外皮炸到金黃酥脆，望落跟平時一樣，但果然入口魚肉嫩滑無骨，感覺入口即溶，椒鹽惹味香口，非常喜愛。湯底真係超出色，而且食材都好新鮮，坐位舒服地方

食火鍋最重要係配料一定要新鮮，如果再好的湯底配上不新鮮的食材，食上去也不會感覺到好的，今日同朋友黎到食火鍋，最緊要試下佢既牛，叫左碟牛頸脊，上台己經見到個雪花紋分布得好靚，肥瘦看得清清楚楚，很多白雪細少幼紋，見到更系忍唔住夾番塊落鍋到，烚兩烚放入口，好柔軟，好林，一點也沒有痴牙的感覺，牛口十分香濃，佈滿整個口腔。手打四寶丸，墨魚丸10分煙銀彈牙、魚鮫丸食落一點也沒有醒味，彈牙的、牛肉丸食落口有牛香，偏林的，豬肉丸彈牙，鹹味適中。

朋友介紹新開火鍋店.第一次上去就覺得好舒服.環境舒適.服務態度親切.介紹我們食鮮濃魚湯底.先飲湯後打邊爐.D魚湯味超正.D朋友果個都話好味，再叫咗牛肉.海鮮打邊爐，真係好新鮮.黑松露水餃.手打丸都好正.我哋又中意食刺身.叫咗象拔蚌好新鮮.也是最愛.呢次同朋友再上去，已經係第二次了，介紹我們試下冬陰公湯底，D味好正，都有好多種湯底選，下次再試埋其它味朋友介紹的唔錯

今日約左D朋友去左間新開既火煱店，間店就係山林道口斜路頂，都幾就脚方便，上到去坐底就例牌問下有咩好食，個老闆好禮貌咁問我地食吾食得辣，我就話麻麻，我另一個朋友就話要辣，個老闆就話如試下個冬陰公湯底，話個湯底好開胃又有少少辣，我心諗都未試過不如試下啦，咁就点左广問先知個頂級牛要預訂先有，依家只可以叫個至尊牛，二佰幾蚊，好過冇啦！又叫左幾支啤酒食住先！個湯底黎到，嘩！好香！試啖湯，好好味！咁我咪同個老闆講讚下啦！点知個老闆話未算，叫我加隻波士頓龍蝦或者叫個海鮮盤之後再試，會有另一種感覺！我睇睇價錢，我地4個人叫4人份都係幾舊水，又見到佢地有個大魚缸係度，就叫左個海鮮盤，有蝦有蟹有聖子有鮑魚，正！咁食住牛等啦，食3口牛，驚喜又黎喇，D牛好有牛味，有口，加埋D湯有少少酸辣味，種感覺好過引！過左廿分鐘左右，個海鮮盤黎到，我叫服務員加左D湯，食左D蝦先，估吾到佢地會比海蝦，我係出面食好多都係比D草蝦咋，D蝦仲識郁添，好野，又要讚！其他老實講，過不失啦！食完D海鮮之後，再試番啖湯，好鮮甜，D酸辣味淡口左，又真係幾好味喎，掂！最後梗係睇埋價錢啦，埋單每人吾駛4舊，有湯飲有靓牛有海鮮，食飽飽落樓，

第二次到松山打邊爐，上次的鮮魚湯底非常美味，仍然記憶猶新。今次試另一推介 － 黑松露湯！味蕾未滿足之前，嗅覺首先嘗到濃濃的黑松露香氣！並非用黑松露油咁簡單，而要親手將一片片的黑松露加入湯底。記得飲湯（起碼兩碗）之後至開動！唔需要講食物，剩係為咗個湯都值得嚟。象拔蚌都係非常痴線嘅。今次都係第二次order，新鮮好味爽口有層次呢啲都唔係咩驚喜吖，最驚喜係啲裝飾！過海食飯為咩呀？之唔係為咗幻彩詠香江囉！唔只有五色燈閃爆托底，仲有巴黎膠塔屹立冰山之上，喂！唔好忘記啲象拔蚌仲有金箔鋪面！係咪要咁窮奢極侈先？咁對好多人嚟講係打邊爐靈魂嘅牛肉又點呀？我無食，不過據牛肉達人講係唔錯嘅。爭啲唔記得講呢碟唔係一定有嘅花竹蝦，喂！好大隻呀！又係金箔？可唔可以叫大廚出嚟問返句：金箔係咪唔使錢架？味道呢？其實刺身呢啲嘢，新鮮就自然好味。咁新唔新鮮呀？隻蝦仲郁緊喎，搵人拍暈佢先又點睇呢？仲有，啲膏多到係即時想check膽固醇嘅程度，係離譜咗啲。係咪樣樣都好似係貴嘢？其實我真心推介嘅係...魚皮呀！度度都有魚皮，但唔係度度好味，呢度食到嘅係18歲卜卜脆魚皮呀！唔爭在講埋呢碟黑松露墨魚滑，咁講真好多地方都有，好多地方

今日經過山林道，見到有個大魚缸，啲魚游下游好盞鬼🐠🐟，到晚飯時間，我地又諗吾到食咩，一於同朋友上去試下。好開心！一行十人，一上去左手邊有卡座，坐到10人，位置闊落，坐得舒服😌一來就睇左menu先，樓下魚缸甘多活海鮮，決定今晚叫條象拔蚌刺身食！老闆見我地等緊刺身，就話送2個小食比我地試食，食住等個刺身.好驚喜啊...湯底我地決定叫個冬陰功同海斑濃湯😍跟住當然係打邊爐最重要既主角，「牛肉」…老闆又介紹我地試下個牛頸脊同至尊本地手切肥牛！真係估吾到樣樣都甘好食🤪仲叫左林林總總既其他野，個人比較喜歡既係自家制韮菜餃😘要掛住同人搶野食，今次影吾切所有相，下次再來過試其他野😂埋單每個人$400都吾洗，下次團聚果啲可以再來，一於再多啲人訂間房試試.因為老闆話房仲有得唱K同打牌，下次一定要試💪🏼💪🏼