松山海鮮鍋 (已結業)

每個火鍋店都有佢嘅招牌湯底，今日我都係比呢間嘅招牌湯底吸引到山林道一嚐佢嘅滋味。招牌湯底就係——松山黑松露菌皇湯！我個人就好中意黑松露嘅香味，黑松露意粉就食得多，黑松露湯底打邊爐就無試過啦。之後我地又見到有黑松露餃，價錢仲貴過湯底，我話：真係無食過咁貴嘅餃子，朋友幾話：咁就真係要試下啦，用黑松露湯底煮出嚟嘅黑松露餃，哇真係好香黑松露味，感覺好似跌落咗黑松露嘅懷抱裡……肉類叫咗兩款，黑毛豬腩片同手切肥牛。豬腩片好味，黑毛豬果然唔同啲。肥牛就無需多言，打邊爐最啱，肥牛質素都唔錯，幾新鮮。逢親打邊爐，炸魚片同響鈴係基本必叫啦。仲叫咗一份蔬菜拼盤。好似叫得唔係太多嘢，但食得真係好飽啊。

有一次去一間網上熱爆嘅火鍋店打邊爐啦，啲配料堅係唔新鮮，食得唔開心。我最驚就係打邊爐啲配料唔新鮮噶啦，食落感覺真係好掃興。今次同朋友嚟呢間感覺真係唔錯，係有得食刺身嘅地方打邊爐實無得輸！一開始我地唔知要揀邊個湯底好，問店員邊個湯底好，店員就推介咗冬陰功湯底，話好多人都揀呢個湯底。我地食落都幾中意，變咗泰式打邊爐。配料我地基本每逢打邊爐必叫配料有：手打丸，響鈴，炸魚皮，蜂巢冰豆腐，金針，日本帝皇蟹棒。全部食落新鮮好味！仲加咗一款小食，炸黑松露餃，好香口，推介！雖然食完火鍋已經飽飽地，但都要叫碟刺身過下口癮嘅。

有一次去一間網上熱爆嘅火鍋店打邊爐啦，啲配料堅係唔新鮮，食得唔開心。我最驚就係打邊爐啲配料唔新鮮噶啦，食落感覺真係好掃興。今次同朋友嚟呢間感覺真係唔錯，係有得食刺身嘅地方打邊爐實無得輸！一開始我地唔知要揀邊個湯底好，問店員邊個湯底好，店員就推介咗冬陰功湯底，話好多人都揀呢個湯底。我地食落都幾中意，變咗泰式打邊爐。配料我地基本每逢打邊爐必叫配料有：手打丸，響鈴，炸魚皮，蜂巢冰豆腐，金針，日本帝皇蟹棒。全部食落新鮮好味！仲加咗一款小食，炸黑松露餃，好香口，推介！雖然食完火鍋已經飽飽地，但都要叫碟刺身過下口癮嘅。

早兩日同男友去打邊爐~叫左佢好想試既冬陰公湯底個冬陰公湯底真係超正~~夠哂辣同夠哂香~~真係同我係泰國餐廳叫既冬陰公湯一樣咁香濃!!撈下個湯底發現真係落重左香料~~有南薑、香茅等等...仲有幾隻大蝦可以食火鍋料我地就叫左黑松露餃、手切肥牛、大海鮮盤、出前一丁真係唔好以為好少野咁~爭D食唔哂黑松露餃好好好好好食!!作為黑松露粉絲既我真係超鐘意餃入面有好香濃既黑松露味，仲勁多汁，超正手切肥牛就好淋好重牛味，男友一片接一片咁食大海鮮盤真係超正...有我好鐘意既龍蝦、斑片、鮑魚等等....蟶子皇勁新鮮，仲要爆汁!!斑片打邊爐就不嬲都咁正架啦....估唔到配冬陰公湯底都係勁正....鮑魚都好新鮮，肉質彈牙爽口最尾就落返個出前一丁~咁就成為期間限定既口味啦~~正!!

一行五個人，坐落都幾舒服唔算迫 點咗昆布花甲鍋，清清地又有海鮮食跟住即刻就order咗2款牛同埋少少配料食下先好似係牛頸脊同埋手切牛跟住就緊係淥嚟食啦食到已經吾知邊碟打邊碟總知呢兩碟就係最好食果兩碟(想知咩名就自己問返店員啦~~我已經唔記得晒 haha)厚切呢碟口感勁好強烈推薦!!!!!一定要食!!!!!!!!食完牛就叫左碟刺身食 啲刺身好新鮮三文魚同希靈魚都好甜!!龍蝦都好正, 絕對要試!!!!赤貝果啲就普普通通冇乜特別食左兩個零鐘已經飽晒最後埋單都係人人三百鬆啲同平時食放題差唔多都算抵食下次去開附近都可以再食

今次公司月中聚餐提前咗，話係順便慶祝埋中秋，咁就可以請少一餐。總之我地唔洗比錢就有得食當然開心啦！呢度地方都幾適合聚會，座位多，地方闊落，一行十幾人，又打邊爐又食刺身，仲叫埋小菜。黑松露湯底第一次食，湯底好足料，味道好濃郁，幾正！推介！配料都叫咗十幾款，我自己就中意食手打丸，肉質幾彈牙！日本帝皇蟹棒，好鮮美！同埋本地手切肥牛，好嫩滑，牛味又濃郁！刺身都叫咗好幾盤，帶子和三文魚刺身好味鮮甜又肥美！呢餐食得夠盡興！好多時公司聚會都係食pizza或者飲茶，今次揀火鍋刺身加小菜我覺得真係揀得啱啦，希望下次公司聚會又揀呢間啦。

有幾個搬左出去，約食飯最方便都係中間約尖沙咀上網搵到呢間好似都唔錯，一於黎試下 好似酒樓咁有魚缸證明啲野都幾新鮮, 真係即劏即上明明係黎打邊爐但唔知點解會叫咗蒸魚有個朋友話好耐冇食係都要叫 = = 不過都幾滑好難得食到甘滑既蒸魚都算係錯有錯著食完條魚就返正題打邊爐即刻叫返啲牛先啲牛好新鮮冇雪味其他配料都有叫不過食咗大半都冇影相墨魚滑好彈牙貢丸都好食D菇類同菜就正正常常啦食完好飽甜品都無食就返屋企啦唔知下次要齊人食飯要約到幾時呢~

之前同朋友約好左今晚出黎傾下秘撈既野...我地一樣都咁鐘意打邊爐，所以我地次次見面都係打邊爐咁劑因為打算食完飯下半場去摸下酒杯底...所以揀左山林道既松山海鮮鍋啦餐廳燈光都幾光猛，個人黎講幾鐘意，坐得又唔逼，好鬆動舒服。侍應都好有禮貌同埋會主動推介你食咩野好咁侍應哥哥就推介我地試下招牌寸松露湯底，佢話個湯底好濃郁黑松露香味，係黑松露FANS都必點既湯底我地除左打邊爐之外都好鐘意食黑松露口味既野，既然哥仔咁誠意推介，而且我地係其他餐廳都未見過有黑松露湯底，咁當然要試下啦!!本身我以為黑松露湯底係忌廉湯底...因為通常黑松露既湯類都一定係忌廉底...估唔到原來係湯底入面加入大量新鮮黑松露片、菇菌同埋一啲調味，咁就造成一個勁香濃既黑松露湯底啦之後我地就點野食啦...叫左四寶丸、水餃、牛柳粒、手切肥牛、脆鯇片等等火鍋料....另外仲叫左個即炸魚片頭做小食魚片頭係即叫即炸，上面仲落左少少炸蒜，即炸既魚片頭一定無得輸架!!真係超正!!四寶丸就係手打蝦丸、牛丸、豬肉丸同埋墨丸，四款入面我最鐘意就係蝦丸同埋豬肉丸!!蝦丸好新鮮彈牙，而豬肉丸居然係爆汁，入口鬆軟有好濃厚豬肉味，估唔到手打豬肉丸係咁好食!

睇食評個個都去食火鍋，真係以為佢地只係一間火鍋店，本身我地打算去食火鍋嘅，不過見到佢原來係有小菜食，唔係只得火鍋食，於是就想試下食小菜！同埋前幾日先打完邊爐，又打邊爐有啲厭。我見佢呢度啲小菜都有幾多選擇下，我地叫啲菜集合了豬，雞，魚同海鮮，認真豐富。虎皮尖椒爆黑豚肉，煮得幾入味，有啲辣，但反而更加提出肉嘅鮮美，好味！（掛住食，無影到）蒸雞，蒸得啱啱好，肉質保持嫩滑，無騷味，唔會蒸得太乾，仲有啲湯汁，幾鮮美。蒸魚：肉質都幾滑，不過可以再多啲芫茜，因為本人係芫茜控……刺身拼盤：我地見佢門口就係魚池，可以保證到食材嘅新鮮，於是抵受不了誘惑，叫咗個拼盤嚟食，都唔錯架。

有吃貨朋友其實都幾好~食飯永遠都唔洗自己搵餐廳，有人一手包辦哂今日吃貨朋友就帶左我黎松山海鮮鍋啦由於今日朋友既目標係想食海鮮，所以只係叫左芫茜皮蛋湯底餐廳入面都幾光猛寬落，坐得都幾舒服朋友一早就做哂功課，所以我地一坐低就叫野食啦我地點左大海鮮盤，有8款海鮮 $888手切肥牛$238、鮮蝦雲吞$78另外加左個烏冬$48大海鮮盤真係幾抵食，有8款海鮮不特止仲件件新鮮好食蟶子皇入口爽脆，有鮮味桶蠔勁大隻，有我手板咁大！我都要分左3啖先食完！龍蝦仔唔好睇佢細細隻，質感彈牙仲有膏！手切肥牛份量比我想像中多，入口濃郁牛味，肉質鬆軟，好食過A5和牛！而鮮蝦雲吞就每隻入口都有大大隻蝦肉，食得出啲蝦肉係新鮮蝦，唔係雪藏蝦，大大隻勁滿足！最後將個烏冬放入充滿海鮮精華既湯底入面滾，真係超級好食！

之前係Facebook見到有朋友介紹松山火鍋，見到有個黑松露鍋底幾特別咁，一於約埋好姐妹一齊黎試試佢餐廳位於山林道，坐車黎都幾方便，位置唔難搵，打完邊爐仲可以係附近飲杯嘢chill下添由於我哋book左位嘅關係，就唔洗等啦，因為個晚係星期六，未夠8點已經要等位餐廳內部裝修光猛空間感夠大，乾淨整齊嘅感覺我最鐘意，好怕去到啲扮有氣氛搞到黑媽媽嘅餐廳。見到有幾枱客都有叫刺身拼盤，可惜我朋友唔食刺身，我唯有留返下次黎試啦火鍋紙有好多選擇，加埋都可能有成百款......但由於我哋唔算好肚餓，所以唔算叫咗太多嘢。【黑松露菌皇湯】一上枱就聞到好濃好香嘅黑松露味，鍋底有好多唔同嘅菌類，果然係真材實料！絕對唔似其他餐廳落黑松露油或者黑松露醬去冒充職員建議我哋煲滾左之後飲一碗頭啖湯嗒真啲個味先，入口感覺清新而帶濃郁菌味，加上鍋底放入咗一片片黑松露片，頓時感覺高貴好多【黑松露餃】黑松露餃再配黑松露湯底，點可能會唔好食呀?!【牛頸脊】牛頸脊份量夠大，肉質嫩滑入口即化！薄薄一片，令人忍唔住係咁食！【炸魚皮&響鈴】兩樣野食落都無油益味，證明係新鮮貨，脆卜卜大大件，勁好味！送酒一流！除左上面既野食之外仲有叫左D菜同

第一次食，感覺唔錯，坐得好舒服。其實打邊爐最重要係食物新鮮，我覺得呢樣佢做得到。牛肉鮮甜，牛肉粒都好juicy，煲耐左唔會鞋口，我係買團購，折左就都抵食，可以再戰

朋友介紹話呢間好食係地鐵站行左十幾分鐘終於都黎到門口 -,- 門口好似 D 酒樓甘有幾缸海鮮幾過癮吾知一陣係咪就係劏呢幾隻呢~打邊爐最緊要就係個湯底不過有個 fd 唔食得辣就叫咗個黑松露菌皇湯, 個名幾好聽咁食落都冇伏, 清清地唔會話太濃松露味話明海鮮鍋梗係要食海鮮嗌左個大海鮮盤, 貪佢有埋隻龍蝦仔 食落都幾新鮮, 完全冇雪味隻龍蝦仔仲識郁下郁下~~另外仲嗌咗碟松山牛柳粒, 見到有松山兩個字先嗌 都算好食, 畢竟都叫招牌菜不過覺得最好食都系 D 牛頸脊 望到 D 雪花都知係勁好味我地前後一共嗌左三碟泥食如果吾系飽左真係想再叫~~早知唔叫咁多魚皮響鈴果 D-,-應該主力食牛同海鮮唔好食咁多其他野..我地六個人食最後埋單都系每人三百幾吾算太貴,D 牛靚過平時食放題果 D鍾意食牛既朋友可以試下

有個朋友前排去完成都返嚟，對辣味上癮。無視我地嘅意見，叫咗四川麻辣鍋。好彩我地都係食得辣嘅人。一行四人都叫咗幾多配料。配料選擇多，質素亦都唔錯，我就特別中意食呢三款：1.生蠔，個個都大隻又肥美，仲會配上醬汁。你中意食原味又得，點啲醬汁食得惹味啲又得。我自己一個人都食咗三四隻。好鮮甜。2.牛肉，牛肉配麻辣湯底絕配啦！牛肉果種騷味加上麻香，真係好正！麻辣湯底叫多幾碟牛肉都唔怕，我地都係咁ENCORE！3.鵝腸：我打邊爐就無叫過鵝腸，今次一試就難忘啊！好有咬口，每咬一啖啲辣汁就炸咗出嚟，好辣但辣得好味！夏天食辣嘢咁係要配冰凍啤酒！舒緩下被麻辣折磨的嘴唇。

講到打邊爐，一年四季大大小小的朋友gathering我都會提議打邊爐，因為食得開心，氣氛一流。今次專登上網搵下尖沙咀附近有咩餐廳好食，是關約左幾個朋友食飯，講明唔要去食任食放題果種打邊爐。唔搵唔覺，原來尖沙咀山林道有好多餐廳，大多都係有Ｄ質素，唔係特別平。最後揀去左呢間松山海鮮鍋，外面有大大個魚缸，主打活海鮮火鍋，手工製作配料。湯底有十幾款，有普通既芫西皮蛋湯﹑沙爹鍋﹑豬骨湯。想試特別D既都有，有黑松露菌皇湯﹑清酒昆布花蛤湯﹑胡椒海斑濃湯。因為我地四個都係無辣不歡既朋友，當然要嗌冬陰公湯底啦。湯底足料泡製，有香茅，南薑等等香料。配埋足料海鮮，提升湯底鮮味。用黎打邊爐就一流啦，立即勁開胃。 打邊爐點少得牛，呢度牛就由貴到平價都有，想豪Ｄ可以食最貴既本地手切肥牛。店員推介左牛頸脊，油花同肉分佈平均，肉味香濃，分量足夠４個人食。另外仲有羊﹑豬﹑雞﹑海鮮類﹑手工餃子﹑手打丸系列。出去打邊爐最怕就係食最普通果Ｄ牛丸呀，貢丸，只係填飽個肚咁，真係無呢個必要。呢度就有我最鍾意食既手打丸。手打丸賣相唔錯，食落新鮮仲好彈！本人最愛墨魚丸，夠晒彈之餘，味道鮮甜，仲食倒粒粒墨魚肉。除左打邊爐，我地仲叫左刺身