松山海鮮鍋 (已結業)

飯要食,街要出,不要坐困空城找一些比較少人的餐廳就好了今次走到尖沙咀附近搵食這幾天回寒,所以就去打邊爐如果提早上網買現金卷仲有折添相當抵食！７５折～  醬料費收１３蚊位，八種料蔥花，蒜，辣椒任添,仲有芝麻醬~兩人來吃,先上牛丸,一份自家菜餃,粉絲  以為幾十蚊鍋底係普通料啦點知上菜,有豆腐,同唔同既蔬菜食材相當足料!幾十蚊貨色都比足料,抵讚啦單係食配料先飽3分菜餃食材新鮮,飽滿鮮味,牛肉丸彈牙粉絲吸飽湯底味道,十分美味仲有其他新鮮食材,包括活海鮮等等環境好,食材好,價錢合理,水準高

聖誕新年多聚餐活動，天氣又涼涼地，火鍋都係一個受歡迎嘅選擇。火鍋店就開到成行成市，好多唔同餐廳，有唔同特色。日式嘅牛肉鍋，台式麻辣鍋，重慶麻辣鍋等。今次就食返D比較本土嘅，港式打邊爐。餐廳環境唔錯，地方闊落，可以舒適地慢慢坐，一邊食一邊傾下計。叫咗好多嘢食，點咗每人一隻蟶子皇、本地手切肥牛、牛柳粒、羊肉片、皇帝蟹棒、四寶丸、炸魚皮、鮮淮山、魚皮餃、唐生菜。湯底要咗麻辣拼沙嗲鴛鴦鍋。大部分配料都幾好，特別推介手切牛、蟶子皇同埋手打丸。3樣都好新鮮，好好食。下次有機會一定會再去試下其他海鮮。

📍松山海鮮鍋 (尖沙咀)尖沙咀山林道29-31廣利樓1樓及地下4A-4B號舖-----B仔係超級怕凍之人 天氣一凍 連街都唔想出 個人變得宅到不得了 朋友為咗約我出街 就用熱辣辣嘅火鍋黎打動我 確實係呢個12度嘅天氣底下 火鍋又真係好大吸引力嘅～呢間餐廳喺尖沙咀山林道位置鬧中取靜 唔算太難搵 雖然星期一嚟到 但係都幾full 令人不禁有幾分期待-松山水餃（$78）：材料有鮮蝦 黑木耳絲 筍絲同少少肥豬肉咬落爽脆多汁 口感佳 海鮮鮮味同肉脂味並存好似平時食開嘅鳳城水餃 -脆肉鯇魚片（$48）：魚片片片晶瑩剔透 望落非常肥美 洽完之後雪白彈牙 味道鮮美 呢個價錢黎講非常抵食-意大利黑松露丸($98) : 係一間咁地道嘅港式火鍋店入面 竟然見到咁西化嘅丸類食品 覺得好特別 所以就叫左黎試吓 點知食落味道竟然出乎意料地好食 濃濃嘅黑松露味混合鮮美嘅墨魚味 食落 集 鮮 香 彈 於一身 -----👶🏻B仔整體評價：7.8/10個👍🏻👶🏻B仔抵食程度：8/10個👍🏻👶🏻B仔環境評分：7.5/10個👍🏻👶🏻B仔味道評分：8/10個👍🏻👶🏻B仔回頭機會：7.5/10個👍🏻

衛生光猛地道靚火鍋～～～餐廳名稱：松山海鮮鍋 (尖沙咀)餐廳地址：尖沙咀山林道29-31廣利樓1樓及地下4A-4B號舖～～～前幾日同大舊去完睇乜代宗師之後 我哋就嚟咗尖沙咀呢間食海鮮鍋嘅餐廳食火鍋～～～餐廳好光猛 看著挺衛生的 這個社會氣氛底下衛生很重要 乾淨這一點很值得加分😊😊～～～餐廳一共有7款特色湯底和5款普通湯底選擇 我們則叫了芫荽皮蛋湯 湯底裏面有 馬蹄 豆腐 芫荽 同埋皮蛋 芫荽清清地 望落翠綠而且份量超多清熱氣一流 而且馬蹄非常爽脆 叫湯底好似多左一個餸咁 幾好😆😆～～～以佢哋嘅醬介選擇都好多 例如有辣椒醬 蒜蓉 豆瓣醬 芫荽 香蔥 辣椒粒 炸蒜 麻醬 豉油 等等🥰～～～好肚餓嘅我哋叫了好多嘢食 包括有牛柏葉 黑毛豬腩片 蟹子丸 油麥菜 鴨血 韭菜餃同埋一支 大啤酒 由於太肚餓嘅關係好多野食食完都唔記得影相🤩～～～咁多款食物裏面呢 我最鍾意就係蟹子丸 因為蟹子丸出面嘅皮好彈牙 而中間嘅餡非常之流心 蟹子好多好多粒 好有口感😋～～～而大舊最喜歡就是黑毛豬腩片 喜歡的原因就是這個豬腩片真的很肥 咬落去滿滿豬肉脂肪嘅味道 啱晒大舊呢啲肥仔食 雖然係正 脂味濃濃 但我呢啲減肥人士

同中學同學聚會，次次都係唔知食乜，不過今次居然有人有提議，推介打邊爐。咁我就梗係唔會反對啦，有得同班老友一齊食飯吹水，根本食乜都唔太重要啦。睇番whatsapp俾我個地址，都好易搵到個地點，唔難去。餐廳環境光猛乾淨，一入去已經有舒適的感覺。湯底要麻辣+沙嗲鴛鴦鍋，都係加$20，好合理。主打叫咗個海鮮盤，有蟶子，蝦蟹蠔鮑魚等，都好新鮮， 每人除開都唔貴，餐廳有個水缸養住，算係即開即食，咁計數都算抵。其他配料真心很新鮮，餃類佢地都係手工的，牛肉又大碟而且質素高，嫩滑有牛味而唔會過肥。整體上所有嘢都係中上，都係近期食過嘅優質餐廳之一。

香港乍暖還寒，四季含糊不清，不過只要心中有冬天，邊日都係火鍋天，想打就打，使乜睇天打邊爐吖？打邊爐已經係好邪惡嘅事，所以都係乖乖地唔飲啤酒，飲茶一樣下火呢間都好多醬料選擇，最重要一定要有芫荽豬骨大大舊不突止，仲要超多湯料，雞腳至少都有4隻韭菜餃味好出，熱愛韭菜嘅胃民激讚帝王蟹夠鹹味，蟹味都濃肉丸嘅黑松露味好濃，咬落又彈牙響鈴爽身脆口由於琴日已經食咗醉雞鍋，所以今日嗌豬骨鍋，但仲好想食雞，都係嗌咗半隻醉雞，果然夠嫩

天氣有啲涼,兩個人都可以去滾一滾。呢間火鍋店唔算特別就腳,但係勝在坐座夠闊落,座得舒服,同朋友食住傾都算不錯。除左有基本湯底之外,仲有特色湯底可以揀,我地就揀左佢個豬骨湯,有大大舊豬骨仲有雞腳一齊淆,個湯都幾濃味。另外我地又叫左幾款配料,有韮菜餃,皇帝蟹棒,黑松露丸,響鈴,仲有半清遠醉雞。佢每份配料都算足份量,兩個人食的話都真係飽。真心推介清遠醉雞,佢嘅醉雞嘅肉都幾滑同幾鮮,同埋有濃郁嘅酒香,熟左之後食到呢個味道以火鍋店黎講,價位唔算平,但想食新鮮食材,都可以黎試下。當然一大班朋友就會有多啲選擇啦!

天氣凍最啱就係打邊爐呢間松山海鮮鍋之前同屋企人黎過食生日飯，覺得食物環境同服務都幾唔錯，所以今日同班老友打邊爐，我就推介黎呢間啦佢地火鍋料、刺身、海鮮到小菜都有極多選擇幾揀飲擇食既人都絕對會搵到啱食既野冬陰公湯底確實幾惹味，好彩我地成班人都好食得辣個湯底味道同我係泰國菜餐廳飲既冬陰公係一樣味道，甚至比佢地更加濃郁所以我地都order左幾個公仔麵準備埋尾個陣食除左打邊爐我地仲叫左刺身拼盤上次因為屋企人唔鐘意食生冷野所以無叫到今次再黎見到隔離枱個盤刺身就覺得好吸引....果然啲刺身真係幾新鮮好食，三文魚刺身仲要係厚切，抵食丫!唔想幫襯連鎖火鍋店，又想食高質少少，絕對推薦黎松山海鮮鍋!

返屋企見到無嘢食，就約咗朋友出去食。出去食又唔知食咩好，唔想食快餐，所以去咗之前同屋企人嚟打邊爐嘅餐廳食小炒。叫咗兩樣餸，芥末牛柳粒：有好多配料，青瓜，燈籠椒，牛柳粒炒得幾嫩口，調味都幾好，香甜得嚟又有點辛香。咸魚煎肉餅：分量十足！真係一大塊，仲切好比我地，好貼心。煎到少少燶邊，啱啱好，鹹香味濃。我覺得呢度嘅員工都幾友善親切，同埋上次嚟打邊爐都有食刺身，我地都食得好滿意。刺身選擇多，仲好新鮮。位置又方便易搵。

I came to this hotpot restaurant for dinner with my coworkers. Since the weather turned quite a bit cooler, it’s the perfect season for hotpot. One of my colleagues loves hotpot so much, she basically would have hotpot 2-3 times per week.I don’t remember what the soup base was exactly called but half was spicy and the other half was Satay. We ordered a few types of beef. The sliced beef was so tender and not too fatty. I enjoyed that a lot more than the lamb slices.The other ingredients were rea

今日係同事Farewell Dinner就揀咗呢間我地成日嚟食Lunch嘅餐廳,但其實人地主打火鍋嘅。我地今次都唔係食佢地主打，而係食海鮮，叫咗幾樣海鮮小炒，包括：避風塘大蝦，大蝦食得出係鮮蝦，避風塘香味都好濃郁，嘗試連埋殼食，焦脆可口，適合餸飯！辣酒煮花螺，上枱就好香，醬汁好惹味，螺肉好彈牙鮮甜。豉椒炒花甲，呢道菜炒得有鑊氣，食到停唔到，就係覺得分量少咗啲。仲有一條蒸魚。呢度啲海鮮都幾新鮮，我見隔離枱好多人都叫刺身食，有同事都想叫，但我就唔食得生嘢。

最近天氣終於正式踏入冬天啦雖然香港人一年四季都鐘意打邊爐，但始終都係天寒地凍既天氣打邊爐先夠過癮！松山海鮮鍋位於山林道，交通方便唔難去，打完邊爐仲可以去附近既酒吧飲返杯傾下計，所以就揀左呢度打邊爐啦餐廳叫得海鮮鍋即係代表佢地以海鮮作為主打，點可以唔試呀我地叫左醉雞半隻、手切牛、炸魚皮、松露湯底、刺身拼盤、海鮮盤等等海鮮盤果然勁新鮮，款款海鮮都好食到停唔到口，隻蟹大大隻勁多肉、桶蠔勁飽滿！唔怪得見到咁多枱客都有叫海鮮拼盤啦其他火鍋料都同樣地好出色，醉雞有好濃郁花雕酒香味，肉質鮮嫩幼滑，估唔到同松露鍋底咁夾喎！刺身拼盤當然都唔係小角色啦，印象中好似有足足九款唔同既海鮮刺身，海膽好鮮甜creamy，牡丹蝦又大大隻，絕對唔遜色黎緊做冬一於帶屋企人黎食飯先！

去咗尖沙咀同朋友聽個course，聽完一輪完咗就要叫佢諗下食乜，得出結論就係打邊爐，佢話去過附近有一間係唔錯嘅，咁唔嘥時間即去啦。2個人都容易安排座位，好快已經有得坐。俾咗個卡位我地，好闊落唔會迫。啱晒我地可以慢慢傾計。點咗冬陰功湯底，味道好香，一開火滾兩滾已經聞到酸酸辣辣，即刻開胃晒。湯底本身已經有蝦喺入面，所以直接飲都已經有鮮味。點咗牛肉，我地2個都好鍾意食，牛肉唔會過肥，牛味濃，色澤顯示係新鮮貨。初初以為冬陰功配搭牛肉會好奇怪，但係原來味道係夾嘅，唔點醬料都已經食得。朋友係蟹迷，點咗2隻海蟹。2隻都有膏，加埋冬陰功湯底，鮮味十足。

天氣開始轉涼，最啱就係打邊爐架啦~雖然依家打邊爐都無分季節，但涼涼地既天氣打邊爐就特別正約埋朋友去左尖沙咀呢間餐廳打邊爐~因為其中一位朋友話之前黎過覺得唔錯，所以今次就帶我地黎試於是乎就叫左個火辣辣既冬陰公湯底，海鮮盤同埋其他火鍋料啦冬陰公湯底堅係正，夠香夠辣，真係落足料咁喎！個種味道同我係泰菜餐廳飲既冬陰公一樣！用黎滾海鮮真係一流！海鮮盤我地叫左大SIZE個款~有蟶子皇、蝦、蟹、桶蠔、鮑魚、蜆、班片同埋龍蝦仔款款都望落新鮮，SIZE都唔細蟶子皇好大隻，唔止個外殼大，連舊肉都好大隻，食落好鮮甜！鮑魚就爽口彈牙，唔會UN~又幾估唔到喎龍蝦仔舊肉都好大隻，食到勁滿足

一大班人打邊爐就常見，兩個人打邊爐就真係少啦。因為啲朋友一到約定嘅時間就話唔得閒，剩低我地兩個人打邊爐。不過無論多人定少人，打邊爐都係開心嘅。我地揀咗松山招牌清湯，我地兩個人都叫咗好多嘢下：新鮮清遠雞半隻：肉質幾嫩滑，不過煮雞要睇好時間，煮過籠就會好鞋。羊肉片：好耐無食羊肉啦，天時熱唔會食羊肉，就係等宜家涼返少少先食，羊肉果種香味真係好讓人好陶醉。蟹籽丸：無論去邊打邊爐都要叫蟹籽丸，好中意蟹籽丸嘅口感。手打牛肉丸：手打牛肉丸比起平時食嘅牛肉丸偏軟身啲，無咁硬身，但又彈牙，牛味濃郁。唔錯，呢間打邊爐真係好多手打丸，自家製嘅丸類係真係好食好多。嫩滑鴨血：新鮮，大塊。仲叫咗兩款蔬菜：爽甜蓮藕片和秋葵，新鮮，分量都幾多。呢間火鍋店價錢又唔算話平，但勝在新鮮，同埋啲位好坐，幾適合一大班嚟食嘅，下次約齊人再來ENCORE都得。