松山海鮮鍋 (已結業)

打邊爐係其中一個菜式我食極都唔厭既今次試下呢間新開既火鍋 喺尖沙咀山林道.....今次試左珠光寶氣湯底 好好味呀好足料！！有成隻雞 、花膠等等 .....職員建議我地飲左個湯先再加返湯打邊爐😋點知我地一飲就將全部湯飲哂😂😂之後就開始加湯打邊爐喇今日叫左好多海鮮好新鮮呀 而且價錢唔貴😍 象拔蚌好新鮮跟住叫左d牛肉同手打丸 兩樣都好好味但掛住食 唔記得影相而且今次我地坐房，房仲可以唱k🥰🥰一路打邊爐一路唱k 好適合gathering!!!!!!下次一定會再去😍

一年一度朋友團年飯，坐隔離同事剛剛試了一間新海鮮火鍋店，推介給我及抱著一試心態，確實真的不錯。當日去到火鍋店無諗過會安排房間給我地用膳，既舒適又夠私隠，唔會好似其他火鍋店又同人鬥大聲講野。同朋友仔睇完個menu，大家二不話說一定要試個黑松露菌皇湯底。疑似老闆娘推介依個湯底要即刻飲，佢話個湯熬湯左幾日，飲完先用來打邊爐，禁我地即刻試啦，味道清甜而不膩，而且菇味非常濃郁，飲唔停口，味道令人非常難忘。再來牛頸脊，味道濃質滑，打邊爐一流。四寶手打丸，非常爽口彈牙，我自己就非常喜歡蝦丸，清甜又彈牙，即*安哥*多一碟。豬肋條肉滾左好耐，仍然有肉味，肉質非常冧。韮菜及黒松露餃，味道非常香囗，不像外間只吃到肉的感覺。淮山、凍豆腐、白鱔、脆肉鯇也有質素。我地頭round唔記得叫海鮮盤，即刻問問老闆娘有咩推介，良心老闆娘同我地講叫個二人份量已夠食，到左後原來份量夠大，活海鮮黎的，大花甲、蜆仔、蝦、蟹、聖子皇，新鮮又鮮甜。最後真的要讚一讚熱盤小食，水準一流，生炸蕃薯，巧手工之作，非常內軟外脆。油炸鬼鑲蟹子，脆口又惹味。炸九肚魚及烤魚干，烤炸合宜。涼盤小食沙嗲魷魚爽口到不得了，沙嗲濃郁，辣味醒胃。朋友仔們非常

本來抱住試新火鍋店，仲要新店無乜食評，都唔敢有咩期望啦， 當有個地方同朋友吹水團年就算...鋪位地下入口有自家魚缸好易認，咦？！咁即係有活海鮮啦，行上樓梯先至係大堂，都ok闊落,有幾間房係另一邊，私穩度唔錯。調味九宮格，正常有既蔥、生蒜、炸蒜、淡豉油、沙查醬、麻醬、新鮮辣椒等等，如果有醋就更好了，火煱肥肉多易油膩...朋友話要黑松露湯底，好啦，希望唔係個d松露精油個種，送到來，嘩！不得了，好香，大家都即刻影相先，仲有附送幾片黑松露可後下，鍋面鋪滿哂六七款乾菌鮮菇，湯頭色清味濃，仲有好明顯煲左幾日已縮細菇碎，一飲落口味道好有層次，忍唔住一飲再飲，落埋幾片黑松露之後再飲，咪講笑，味道真係lift it up，層次又多左， 店長提醒我地唔好飲太多，留番d味道灼肉食，大家先暫時肯收口😝牛頸脊有肉味唔肥膩，豬肋條肉已拆骨，好耐滾之餘裹面仲保持肉汁，手打四寶丸鮮甜爽口彈牙，後來知道係師傅每日新鮮打，個人最欣賞蝦丸，唔單只有粒粒蝦肉，最難得有蝦鮮甜味🦐有朋友好鍾意食海鮮，原本打算叫個4人份，店長建議我地叫2人份先，話好抵食，試左先再encore ， 嘩嘩嘩，個擺盤好似去d 乜乜商場高級火鍋店咁，當然

新年前多聚餐，打邊爐通常係最受歡迎嘅選擇。而且必選無限時嘅餐廳，最怕急住食，吹唔到水又唔可以享受食物質素。朋友介紹山林道開左間打邊爐，高質又唔貴，本住最愛試新嘢，一行7人決定試下有幾正!!一入門口見到宇宙最强同老闆合照，暗笑左一野，宇宙最强都幫襯食物質素應該有保證。上到去6點幾人唔算多，伙計見我地有7個人，好識做安排左間細房比我地。睇得出新開張，裝修簡潔企理，光猛又乾淨，房間間隔好濶落，唔會坐得好迫，膊貼膊。睇左一陣餐牌，貌似老闆娘入嚟介紹，推介水煮魚，仲好細心問我地要唔要加辣。鍾意食辣嘅我地好爽快就決定加辣。跟住點左兩個邊爐湯底，黑松露菌皇湯底，同埋招牌湯底。打邊爐料就點左牛脛脊，豬肋條，鱔片，冰菜，竹笙，手打四寶丸，黑松露豬肉餃，韮菜餃，鮮淮山同烏冬。點好菜，老闆娘話新張期間送限定醉蝦。抱住平常心，贈送食物都唔會有寄望，點知醉蝦一上，嘩聲四起，啲蝦有手指咁大，而且仲要幾大盤，啲蝦好新鮮，而且彈牙，每人都有兩隻，由於太驚喜，清左碟蝦先發覺唔記得影相😙。食完蝦，水煮魚好快上，一望盤水煮魚比啲辣椒嚇親，有啲後悔加辣。除左魚，仲有蜂巢豆腐，豆卜，青瓜，冬粉，莞茜。唔知係咪因為加左辣，非常入

夾各人時間食團年飯，最終夾好，但好多地方都已經book滿了，又或者要食套餐的，諗起上星期幫襯過這家新開火鍋店唔錯，所以再一次幫襯，食物新鮮好味沒有令人失望，店長推介"撈起"，話說好味及意頭好，所以都試一試，確實唔錯值得一食 😋😋😋

天氣涼涼地，好友飯聚最好就係打邊爐，無意間發現這間新開火鍋店，地方唔算大，食材好新鮮，價錢合理，店員招呼好好，店長好熱情，不時過來睇下有咩需要及對食物有咩評價 👍👍👍😍😍😍😋😋😋

香港火鍋文化已經百花齊放，遍地開花（唔計蔡生個人意見），好友介紹有新火鍋店開張，立即相約試一試。七點零未齊人先叫個鬼馬油條做小食，表面加咗蟹籽，口感同坊間有啲唔同-好味。人齊order個魚湯底，侍應叮囑必先飲啖湯-鮮甜、足料。牛頸脊-比坊間一般的略厚，淥完唔會散晒，牛味濃手打四寶丸-新鮮足料，爽口彈牙黑松露餃-芳香撲鼻，值得encore豬柳條-第一次食，爽滑，有𡁻頭田七苗-聽都未聽過，甘甘地，好特別響鈴-即叫即炸，可灼可唔灼，口感太不同蜂巢豆腐-索滿湯汁，入口即溶花彫醉雞-稍為失色，唔夠入味，未試過果盤係龍眼，清甜好味！招呼週到，地方闊落，價錢公道，奈何戰鬥力不足，下次先試埋個海鮮拼盤。

象拔蚌勁鮮甜，仲有金箔點綴，咁大條唔使8舊，足夠6個人食! 以前去旺角食都千五! 店內白酒同個象拔蚌好夾!樓面推介黑松露鍋，勁香! 未開動先飲湯，大家都忍唔住添飲! 好味!牛肩脊店員推介（唔係最貴的牛），夠淋，有牛味!黑毛豬，個人對豬興趣不大，但朋友不停手。黑松露餃，香味十足，以為會被黑松露湯底搶晒，又唔會喎，這個一定有下次!鮮淮山，試過喺旺角食鮮淮山，上枱時發黃，呢間店有細心處理，上枱白雪雪。(本人是鮮淮山控)鵝腸，新鮮，雖然膽固醇高，但脂肪香好正!整體食物水準頗高，海鮮性價比高，新店仲有9折!

朋友話新開火鍋店，一吹雞就早d黎食上到樓staff們已經好好笑容同似玩得之人當然食物好食，品質好，海鮮夠新鮮，氣氛好，環境好光猛舒服，老闆飲埋一份好玩房間有得唱k不妨一去

朋友話佐敦開咗新火鍋店，一行十人，試下新嘢。新店開張，地方當然企理。老闆好好人，10位大枱，比咗間房我地。全晚火鍋料都好新鮮，食得開心，攪到唔記得影相。（好多嘢都冇影…）首先講下湯底。我特別推介呢個冬蔭公湯底。湯底來到未食已經知道冇叫錯。香氣四溢，材料十足。好辛辣嘅朋友可能會失望，因為唔係好辣，但超級惹味，湯身濃厚。另外再選豬骨原味湯底。原味湯底都唔錯，配海鮮唔會搶味。火鍋最緊要材料新鮮，試咗幾款都冇失望。手打四寶丸手切牛肉牛肉粒東星班萵荀冬瓜片後來把心一橫，叫埋會游水嘅阿拉斯加蟹，豪一次！非常鮮甜， 超好味！仲有：即炸響鈴冰菜豬肉條滑滑豆腐冰豆腐蟹蓋唔好嘥，攞來炒埋飯。炒得好乾身仲有必食油炸鬼……，我唔記得個菜名…飲品都要一讚～老闆話竹蔗水係自己煲，唔係出面交來。好有心做嘅火鍋店！

尋日同兩個朋友行過山林道搵食，見到有間新嘅火鍋店「松山海鮮鍋」，經過門口有個大魚缸，我地見到有魚食又有邊爐打，唔洗講就扛咗上去。知客姐姐好有禮貌咁安排我地三個人坐卡位，可能係星期五，7點正就滿咗9成。上到去原來仲有幾個魚缸，入面有龍蝦，鮑魚，貝類... 坐低嗱嗱聲睇吓個Menu有咩湯底，望黎望去未決定就聞到隔離枱個鍋都香，問咗個伙計原來係冬蔭功湯底，不由分說就order咗，另外當然有叫手切肥牛，手打四寶丸，黑柏葉，即炸響玲，黑松露水餃，當然梗係主角「魚」啦，我地叫咗一條魚做刺身，一條蘇鼠打邊爐。個冬蔭功湯底一黎到真係好香，撈一撈啲湯料，真係好多料，除咗D冬蔭功料仲有兩隻蟹，唔怪得咁好飲喇，好好味。其它火鍋料都好快陸續上菜，個手切牛好有牛味，食開牛就知佢係上等貨。四寶丸彈牙，黑松露餃有松露味，黑柏葉爽脆，響玲都OK。最期待嘅魚都上場啦，之前問咗佢地係有刺身牌架。條魚食落口同日本餐廳差唔多，不過佢地個攞款仲靚D，可以post多兩張相上IG呃like。另外條蘇鼠就真係正，重魚味同脆口，加埋係個冬蔭功湯616，mix埋個味道好正。老闆娘見我地咁鍾意食魚，仲特登送我地一碟東星班件，真係大滿足