松山海鮮鍋 (已結業)

山林道原來都轉了好多舖頭，今次同個FD去山林道搵野食，去到見到有間應該係新開既火鍋店，問我地去唔去試下，二話不說"好"，同朋友去就最好大吃大喝。見到餐牌都有好多款不同的湯底，但比我見到係冬陰功湯底，同埋大家都食辣，試下先。【泰國冬陰功】冬陰功湯底不是好多地方有得食，湯底來到一上枱已經聞到濃濃冬陰功香氣，本人真係好喜歡冬陰功湯底。湯底裡非常足料令湯底多了香味。(((極力推介)))【牛頸脊】一來到太正了，忍不住食左兩三片先醒起唔記得影相，深紅色嘅牛頸脊油花真係好靚，肉味真係香濃，入口即溶既感覺真係好難形容。【新鮮清遠雞半隻】清遠的雞都幾大隻，雞肉非常嫩滑，食落又不會有雪藏，鍾意食雞件既朋友，這個一定推介。【黑毛豬腩片】好淋身好正，脂肪分佈半肥半瘦，唔好以為睇落好似好肥，但食落無諗過豬肉都可以咁好食，不錯【自家制即炸魚皮】炸魚皮夠卜卜脆，而且厚薄度剛剛好，就咁食又可以。