松山海鮮鍋 (已結業)

今日係同事Farewell Dinner就揀咗呢間我地成日嚟食Lunch嘅餐廳,但其實人地主打火鍋嘅。我地今次都唔係食佢地主打，而係食海鮮，叫咗幾樣海鮮小炒，包括：避風塘大蝦，大蝦食得出係鮮蝦，避風塘香味都好濃郁，嘗試連埋殼食，焦脆可口，適合餸飯！辣酒煮花螺，上枱就好香，醬汁好惹味，螺肉好彈牙鮮甜。豉椒炒花甲，呢道菜炒得有鑊氣，食到停唔到，就係覺得分量少咗啲。仲有一條蒸魚。呢度啲海鮮都幾新鮮，我見隔離枱好多人都叫刺身食，有同事都想叫，但我就唔食得生嘢。