松山海鮮鍋 (已結業)

聖誕新年多聚餐活動，天氣又涼涼地，火鍋都係一個受歡迎嘅選擇。火鍋店就開到成行成市，好多唔同餐廳，有唔同特色。日式嘅牛肉鍋，台式麻辣鍋，重慶麻辣鍋等。今次就食返D比較本土嘅，港式打邊爐。餐廳環境唔錯，地方闊落，可以舒適地慢慢坐，一邊食一邊傾下計。叫咗好多嘢食，點咗每人一隻蟶子皇、本地手切肥牛、牛柳粒、羊肉片、皇帝蟹棒、四寶丸、炸魚皮、鮮淮山、魚皮餃、唐生菜。湯底要咗麻辣拼沙嗲鴛鴦鍋。大部分配料都幾好，特別推介手切牛、蟶子皇同埋手打丸。3樣都好新鮮，好好食。下次有機會一定會再去試下其他海鮮。