木屋大排檔

营业中

休息中

今晚唔想出街食，所以叫咗外賣返屋企，見到外賣仲有七折，又好耐未食過泰國菜，所以就嚟試吓買返屋企。啲食物真係好吸引，二人餐都係$188 ，不過今次叫咗散叫，因為想食多幾種唔同嘅嘢。環境都幾舒服，見佢做防疫措施都做得幾好。上網睇啲份量好似都幾大，但我哋都叫咗四個菜。我係一個豬手怪，真係好鍾意食豬手，所以就叫咗佢個泰式豬手，拎返屋企時用錫紙包住，返到屋企仲熱辣辣，不過返到屋企就要用把大刀切開，因為啲肉都比較大件，啲肉好入味，個皮好脆，食炸豬手一定要食佢個炸皮叫咗個煙三文魚泰式沙律醒下胃，個味道唔錯，酸酸甜甜，不過份量又係好大，其實兩個人真係唔係好食得晒，所以食淨左都放入雪櫃留返聽日食。試咗個軟殼蟹米紙卷，個米字好薄，軟殼蟹新鮮炸起，又唔會太淋，連埋生菜一齊食，一脆一軟，好食。到最後叫咗個青咖喱牛腩配薄餅，個薄餅要加$28 ，不過本人喜歡食東南亞菜加薄餅所以貴貴都加個青咖喱少少辣，不過好惹味，加上有少少甜味，好開胃，粵式唔想食，到最後一個人都食咗5塊簿餅，而個牛腩好濃牛肉味，不錯。兩個人食真係要食唔晒，下次都係叫多一兩個人一齊食

木屋大排檔泰國菜，係大埔同太和中間，位置相當方便，餐廳menu好多選擇，而且份量相當足夠。Mags咖喱虎蝦 $178 配法包加$28咖喱甜味比較香重，帶點香料味，加落法包到相當夾，虎蝦相當大隻，炸過先放落咖喱到，所以特別惹味，蝦頭鮮甜，蝦肉結實同彈牙。沙北沙嗲串燒拼盤big $148串燒有牛、雞、豬同豬頸肉，牛同豬香料醃得好入味，雞肉好滑，醬料配沙嗲醬同泰式酸汁，可以食到兩種唔同風味。海南雞半隻 $98海南雞好嫩滑，雞皮好薄，配左泰式酸辣汁、海南醬汁同薑蓉汁，食到唔同風味，覺得配酸辣汁最正。豬頸肉炒芥蘭 $78芥蘭份量好多，食左好耐都未食完，用蒜頭黎炒，食落好香蒜味，豬頸肉好爽滑。木屋大排檔仲有好多選揀，見到人地食生菜包都好吸引，食物份量都好大份。

今日同友人去到太和附近做野，做完野之後當然要食返餐好慰勞下。搵食最好方法當然係打開OPENRICE APP，望兩望見到木屋大排檔呢間泰國餐廳，友人都話好耐無食過泰國菜，所以就扑鎚決定去試一試餐廳燈光暗暗地其實都幾浪漫舒服，而且座位之間距離感十足，餐廳亦設有長梳化位適合小朋友坐。餐廳裝修格局以木製裝飾為主，牆身以竹木作製成，感覺置身於木屋之中，切合木屋大排檔其名字。另外，其中一幅牆身以大型壁畫而成，充滿泰國氣色餐廳食物款式又多又齊全，基本上一般泰國菜要有既菜式都會係MENU搵到，由於太多關係，我只係影左幾張俾大家參考。大家留意其中一個小食MENU會送啤酒一杯，抵食MEGA咖喱虎蝦 (加配法包)泰式咖喱甜甜地，辣辣地，夠哂惹味。配上剛剛出爐既法包，簡直係人間美食。虎蝦大隻得黎味道濃郁，蝦頭味更加蝦味十足，真係食過翻尋味泰北沙嗲串燒拼盤BIG串燒拼盤設有雞，牛，豬各二串及豬頸肉一片切片，適合有選擇困難既朋友唔洗傷腦筋諗食咩串燒。雞，牛，豬串燒配上沙嗲醬啖啖肉食得過癮，不過感覺串燒有少少燒過火。豬頸肉就整得恰當好處，燒到脆脆地，配上特製醬汁又係食唔停口海南雞半隻海南雞半隻份量十足，唔會好似其他

放假約了去住在大埔的朋友的家午餐時間 朋友想吃泰國菜熟悉附近的他介紹了這一間 — 木屋大排檔午餐時間有午市套餐亦可單點 有不同的泰國菜式 選擇也不少牛柳條串牛柳點上串燒醬汁 甜甜鹹鹹味道不錯 但牛肉乾身了一點點香葉辣椒肉碎飯肉碎飯大大碟 辣椒肉碎味道香濃分量十足 飯粒比較硬 適合喜歡吃硬的朋友還配了太陽蛋 賣相更吸引泰魔汁凍蝦一支支插在冰雪上 有點看頭凍蝦肉質爽脆 配上泰式甜酸醬 不錯不錯泰式炒雜菜有椰菜苗、通菜、椰菜、粟米仔和蘿蔔等等炒起來比較濕身 味道清甜 健康之選泰式奶茶配鮮忌廉正宗的泰式奶茶配上香滑的忌廉口感和味道更上一層新鮮椰青椰青新鮮冰凍 十分清甜 非常解渴最後吃埋滑溜溜的椰肉 好滿足

有一段時間無出過街食野，以前食過呢間嘅前身，即係宜家同名木船嘅位置，以前野食唔錯，開咗新店就梗係要再試下。menu 同以前一樣有教泰文，有啲泰文仲好搞笑，野食都係同之前一樣好多選擇，同埋好多出面嘅泰國舖頭無得食嘅野。唔太肚餓所以無點到好多野食，點咗2個小食，1個菜同1個炒飯。小食好快就到咗啦，分別係墨魚醴豆卜同月亮墨魚餅豆卜未食落口己經見到香脆咬落果下索索聲真係香口點埋個泰式醬加返啲甜味一流然後個月亮墨魚餅，有啲粟米粒係度，幾彈牙有啲咬口，都唔錯再黎炒椰菜苗，去泰菜舖食必點嘅，平時出面食啲椰細苗一碟好細兜，呢度啲椰菜苗都幾大份，唔錯最尾就係芒果蟹肉炒飯除咗碗飯之後仲有一邊芒果，其實炒飯本身都有芒果係入面，成個炒飯都有啲芒果香甜味，而且真係有一梳梳嘅蟹肉係度，鍾意食蟹嘅係個唔錯嘅選擇體上黎講3百幾蚊好唔錯呀，而且出面就係停車場可以泊車，不過位置就要搵搵，晚市都多人泊

我們倆個人叫咗一個木瓜絲沙律，嚟到嘅時候冇晒啲花生同腰果，經理之後補回！跟住之後嚟咗一個冬陰功海鮮鍋裏面隻蝦唔熟，然後個經理話蝦身熟的，但係蝦頭係黑色，黑頭位置附近D肉仲係透明，經理話換過兩隻蝦，試問如果個鍋有兩件食物唔熟，其他會沒有問題嗎？另外咖喱牛腩加左個薄餅，但係薄餅有一半係黑色燶曬，又換！是怎樣的一間餐廳？樓面所有人都要找這個經理出來做決定，但他忙個不停！最後，我沒有等到再煮的蝦送來，因為蝦頭的腥味導致反胃，最後甚麼都沒吃便埋單走了！一句道歉的說話都沒有！

小編本身都好愛泰國菜， 呢度嘅款式好多，亦都好多選擇，熱炒嘅種類都好正，好有鑊氣，冬陰功湯更加正， 食完個身暖笠笠，食過幾次都係好鍾意食， 環境雖然唔大，但係起碼人與人之間都有空間，唔會令到人坐得好辛苦， 而且裝修都吾錯，系1個偏暗既環境

早幾日見到個朋友ig post左食泰國菜，見到啲食物勁吸引，於是就試吓佢🤩呢間泰國菜叫木屋大排檔，位於大埔（近太和火車站），地點尚算方便👍🏻餐廳門口既招牌大大個，好易搵到😍可能今日係平日，我地7點30到都唔洗等位就有得即時入座😄入到餐廳見佢既裝修都好新潮，環境都好舒服🙂一坐低店員就俾水同餐牌我地，成程都好細心，會不停幫我地加水，又會主動攞分碗同餐具，服務好周到👍🏻👍🏻今餐我最推薦即一定係咖喱軟殼蟹麵包🦀一上枱已經聞到勁香濃既咖喱味，而且見到佢既size真係嚇親，個2隻蟹每隻都有我手板咁大隻😘啲蟹唔係得個樣架，咬落去脆卜卜，勁香口，而且蟹入面勁多蟹肉好鮮甜！真係好好食😋炒金邊粉🍝個粉好夠味好多配料，尤其是啲蝦勁彈牙，食得出係新鮮蝦，好滿意呀！馬拉盞炒通菜煲🍲啲菜炒完仲係翠綠色，爽口，惹味，鹹度岩岩好！呢間餐廳食物的份量算大份，品道唔錯，會再黎食！

今日約左朋友係大埔個頭食野，佢話消防局附近有好附好野食，我地見有間泰國野個餐牌好似幾得意，就入左去食🤪🤪可能因為係閒日既緣故，我地唔駛排隊就入到去坐，餐牌有好多選擇，鐘意食泰國野既我都心大心細樣樣都想食，唔知揀咩好🙊我地最後揀左pad thai (泰式蝦炒金邊粉），酸辣湯明爐魚，同馬拉盞炒通菜煲😝👍🏼最推薦係個酸辣湯明爐魚🐟👍🏼，湯底好夠酸，少少辣好野味😝👍🏼 條魚好大條好新鮮， 個湯底pick走左佢既醒味，就算朋友唔係好食魚既都食左好多😋👍🏼 啲配料好足料，食佢啲索晒湯味既菇都好好食😋👍🏼另外pad thai (泰式蝦炒金邊粉）都好推薦😝👍🏼 好大碟，啲蝦好爽彈🦐，同埋啲粉有咬口得黎又唔un,值得再食！今次餐飯我同朋友都食得好滿足🤪👍🏼 下次會再黎試埋其他泰菜😝😝

今日天氣轉冷，同朋友黎到太和中心呢邊，想食下d 泰國野，搵倒呢間木屋大排檔。我地7點半黎到都唔係好洗等位，裝修都唔錯。我地雖然得4個人，但我地都叫左好多野食，一前菜，一飯一炒粉，兩主食，一菜，叫左6樣野一人都唔洗250。前菜係泰式鳳爪沙律，呢個泰式鳳爪個汁比出面係有d 唔同，唔係只係酸，酸得黎有少少甜，好少食到呢種汁既泰式鳳爪，仲要都幾大碟又多鳳爪，成15隻倒。主食係係酸辣明爐烏頭，條魚都幾大條，酸度好夠，一開始食，會有少少腥，但食下食下，因為酸度夠，都食唔出腥味，連埋個酸湯一齊好好食，我仲就咁食左一小碗酸湯tim仲有一個主食係黃咖喱軟殼蟹配薄餅，薄餅好香好脆，有兩隻大大既軟殼蟹，20cm長左右，無論係薄餅加咖喱定蟹加咖喱都好好食，我地仲打包埋個咖喱走😂馬拉盞炒通菜係用煲上，仲係熱，菜睇落係新鮮青色冇黃，食落都爽又夠味。主食叫左一個炒金邊粉，佢都係勝左個汁好開胃，好快搶曬，美中不足係個豬頸肉炒飯，冇個金邊粉咁好食，可能醬汁唔夠落去炒。總之，呢間食唔係特別平，但都值回票價。

泰國菜一直係我all time favorite, 今日同朋友去到太和食呢間都算新開既泰國餐廳。食物選擇好多，有飯面，串燒，小食，連生蝦都有! 緊有款岩大家食! 同朋友二人行，叫左個青咖哩雞，加配$28就有薄餅 或者法包。青咖哩唔算好辣，唔食得辣既我都食到，好香椰奶味，沾住青咖哩食薄餅一流。雞件都幾多而且大塊。另外，叫左個鮮蝦炒金邊粉。份量都幾多，而且側邊有芽菜，乾辣椒粉同埋花生碎等等，可以自己岩食先撈埋落去。金邊粉炒到好香口，好夠味。另外，仲叫左個軟殼蟹米紙卷，擺碟靚到好似藝術品咁，一共有4件。個底仲有D 芒果汁，甜甜地。中間有軟殼蟹，同埋沙律菜，好fresh。野飲叫左椰青大大個 ! 好多椰子肉，好清甜。見到佢仲有好多其他選擇，下次想試下泰式奶茶! 而且職員的態度都好NICE，可以再ENCORE!

無得去泰國住唯有起香港食住泰菜頂下癮先。一直以為呢間餐廳係食港式大排檔小炒類，今日睇menu先知原來係食泰國菜，想起大埔食泰菜又多一個選擇。未到8點已經full得7788。8點半後好似仲有個promotion!Menu都幾多選擇，地道泰菜唔少得串燒拼盤雞，牛，豬肉串每樣兩串，牛就偏韌，雞就幾嫰，個人認為炭燒豬頸肉最好味，配埋泰式醬汁同埋沙嗲醬一齊食就perfect match池。馬拉盞炒飯好惹味啊，仲炒得粒粒分明，用料亦都充足，可以食到乾乾淨淨泰式海鮮炒粉絲相比炒飯，炒粉絲就略嫌遜息。因為比較淡味，岩d唔食得辣既朋友，不過佢都落足料，海鮮都幾多下青咖喱雞配薄餅咁多款咖喱之中係最辣，唔係好食得辣嘅我但又次次忍唔住點，青咖喱有陣陣椰香味，用來配薄餅一流薄餅好鬆軟，好新鮮，樓面姐姐話即整架。而雞肉亦都好嫩滑。不過略嫌佢嘅配菜少咗薯仔，但係有泰式茄子補數，但茄子有少少生，如果啲整腍啲仲好。最後飲品梗係要配埋泰啤同龍眼冰先係完美既一餐整體來講餐廳環境唔錯，份量亦都夠大碟，多選擇，值得一試。

-木屋大排檔估唔到太和呢頭都有呢類咁relax嘅鋪頭，間唔時同朋友飲2杯食下野都唔錯，價錢亦唔貴。🔻生蝦剌身🦐🦐一碟有6隻，蝦身都爽口食落無雪味。🔻泰式墨魚豆卜🦑用豆卜包住墨魚滑去炸我都係第一次食，豆卜炸到鬆脆，墨魚滑又無炸到乾，火喉控制得好，送啤酒一流，份量亦都超足，2個人好難食得晒。🔻椒鹽粟米🌽都係第一次食嘅菜式，用平時椒鹽豬扒嗰種方法煮，加入大量洋蔥辣椒乾蒜去爆炒，估唔到粟米可以炒得咁入味又香口，必食之選。🔻青咖哩包軟殼蟹🦀勁大隻的農夫包裝滿青咖哩雜菜，最細心係多數無人理會嘅包蓋係搽滿左香草牛油去焗，搞到連蓋都食埋真係勁飽。軟殼蟹有兩大隻，炸得酥脆又啖啖肉，一流。🔻椰青海鮮焗飯🍚原隻椰青配上海鮮焗飯，數到嘅海鮮已經有青口帶子大蝦，焗飯同海鮮塞入椰青入面，上面仲加左滿滿嘅白汁同芝士，視覺效果一流。最估唔到係隨飯奉上一杯椰青水，保證椰青係新鮮同唔會重用。

同朋友去到大埔搵野食，最多野食既，莫過於太和啦木屋係火車站附近，行過去都係10分鐘度，好容易搵到！而檯同檯既相隔距離好足夠，好有私隱度成晚都有好多人黎食，簡直座無虛席呀！🔸生蝦剌身🦐🦐一碟有6隻，蝦肉爽口，好新鮮🔹泰式墨魚豆卜🦑豆卜內釀入墨魚滑，炸到脆卜卜送酒一流呀！不過就略嫌調味唔夠，真係靠個醬汁帶出個味🔸椒鹽粟米🌽獨家菜式，好特別。好細心地事前煮熟粟米再炒椒鹽出奇地好食，粟米既甜度加埋椒鹽既咸香，好好味🔹青咖哩包軟殼蟹🦀2隻大隻既軟殼蟹，配襯香濃既青咖哩再加埋蒜蓉農夫包，真係好滿足！好快就比朋友清晒碟啦！🔸椰青海鮮焗飯🍚吸睛原隻椰青海鮮焗飯，旁邊仲有一杯新鮮既椰青水。證明個椰青真係即叫即做！仲有無數既海鮮，$128呢個價，真係超抵！好鐘意佢既椰香味，啖啖都有，真係食唔停！💬價錢唔貴，份量又多，唔怪得之咁多人黎啦！

今日去大埔三門仔釣完魚，見時間仲早又想食泰國野，就行左去太和搵食，今次去食左3樣野。黃咖哩雞$68另外+$28可以有薄餅/蒜蓉包，今次揀左薄餅，有六小塊咖哩偏甜，一ｄ都唔辣，雞肉份量都多，但係質素一般，雞肉有雪味薄餅就夠熱，味道都係正常水準。Pad Thai汁咕嚕肉$78第一次聽咕嚕肉用Pad Thai汁炒，所以就想試下佢唔係普通個Ｄ蕃茄汁，佢係好似燒汁咁既色，類似糖醋汁有鑊氣但完全冇特別。辣椒膏豬頸肉炒飯＄72呢個飯除左份量可取，其他都冇咩可以讚既地方。整體黎講，如果想搵間平平地既泰國菜食野既話都可以，但期望就唔好太高評分：2.5/5味道：2/5性價比：3.5/5