木屋大排檔

营业中

休息中

-木屋大排檔估唔到太和呢頭都有呢類咁relax嘅鋪頭，間唔時同朋友飲2杯食下野都唔錯，價錢亦唔貴。🔻生蝦剌身🦐🦐一碟有6隻，蝦身都爽口食落無雪味。🔻泰式墨魚豆卜🦑用豆卜包住墨魚滑去炸我都係第一次食，豆卜炸到鬆脆，墨魚滑又無炸到乾，火喉控制得好，送啤酒一流，份量亦都超足，2個人好難食得晒。🔻椒鹽粟米🌽都係第一次食嘅菜式，用平時椒鹽豬扒嗰種方法煮，加入大量洋蔥辣椒乾蒜去爆炒，估唔到粟米可以炒得咁入味又香口，必食之選。🔻青咖哩包軟殼蟹🦀勁大隻的農夫包裝滿青咖哩雜菜，最細心係多數無人理會嘅包蓋係搽滿左香草牛油去焗，搞到連蓋都食埋真係勁飽。軟殼蟹有兩大隻，炸得酥脆又啖啖肉，一流。🔻椰青海鮮焗飯🍚原隻椰青配上海鮮焗飯，數到嘅海鮮已經有青口帶子大蝦，焗飯同海鮮塞入椰青入面，上面仲加左滿滿嘅白汁同芝士，視覺效果一流。最估唔到係隨飯奉上一杯椰青水，保證椰青係新鮮同唔會重用。