木屋大排檔

营业中

休息中

買門口貼住既$198 的2人外賣，又話外賣自取7折俾晒錢，計下條數原來仲貴過散叫！說好的外賣7折呢？食物係唔錯，但咁混水摸魚的價錢，幾好食都無用！沒回頭絕對無下次！

👩🏻‍🤝‍👨🏼大埔覓食到咗10月又係繁忙嘅時候今日同groupmate 講定左要好有效率咁傾完project之後齊齊去食好西😛有去開大埔覓食嘅各位可能都知道喺太和路呢頭有好多好好食嘅小店😋今次又成功解鎖美食地圖🤓首先想講好搞笑嘅係打開個Menu就見到頭兩版特登介紹點樣用廣東話講泰文，而笑點特別低嘅我同朋友都笑咗一大輪先至點到餐😂 🥢勁爆炒生菜包食得泰菜都走唔甩一定要食生菜包啦，呢度有兩款生菜包，上面嗰款好大隻字寫住「唔係炒」生菜包問返店員原來兩款嘅分別係「唔係炒」嗰款嘅話呢會冇咁熱氣乾身少少而下面呢款「勁爆炒」真係名副其實勁有鑊氣好惹味😋少少辣，啲肉粒唔會乾爭爭好Juicy，配埋好新鮮嘅生菜真係好好味😋🥢泰式板煎蠔仔蛋朋友唔知點解千揀萬揀揀咗一個睇落去最唔似泰菜嘅泰式蠔仔蛋，其實係上菜之前我就一啲期待都冇嘅🤨點知一上菜嗰下聽到塊鐵板咋咋聲😯再食一啖蠔仔蛋就完全改觀啦好有蛋香味，蠔仔好鮮甜，加埋底下有少少煎香咗嘅芽菜之後 再點埋佢特別配埋嘅泰式辣醬好惹味食到停唔到口😚 （朋友仲將蛋同生菜包mix埋食，又係另一個感覺😆）🥢馬拉盞粉絲炒雜菜煲每次同呢一個朋友食飯佢都一定要至少叫一碟菜嘅，對於

今晚到太和跟同學聚會，大家想吃泰國餐，來到這裏----木屋大排檔。餐廳的環境舒適，很chill，很relax。這間泰國餐廳餐牌上的菜式十分之多，看到花多眼亂，超級吸引。這個冬蔭公海鮮鍋值得推介，份量很驚人，味道也很正宗，與泰國吃過的一樣。滿滿的海鮮，有大海蝦和魷魚等，非常鮮甜和惹味。粉絲盡情將冬蔭公的湯底吸收，每口酸酸辣辣的，滋味無窮。另外這個豆卜炸得十分脆口，內裡釀有彈牙的墨魚滑，兩者的口感和味道非常match。沾上特製的醬汁，簡直無得頂。泰式炒金邊粉份量超大，很有驚喜，金邊粉炒得很有鑊氣，而且配菜很多，有爽口的芽菜和爽彈的鮮蝦，友人大讚好吃。下次一定要再來！

今日工作關係黎到太和，由於唔熟呢頭，於是問朋友附近有乜好食，知我愛食泰國菜，就推介左木屋比我。我同朋友2個人食lunch, 主菜點左海南雞食同辣椒膏豬頸肉炒飯。海南雞雞肉好滑，唔係鞋口，仲有配3款醬料，同有我最愛既油飯，海南雞點都要配油飯食! 豬頸肉炒飯都好惹味，粒粒飯都炒得好均勻，唔會死咸!2碟飯都好大碟。小食方面，叫左酸辣鳳爪沙律同生蝦。生蝦擺得好吸引，而且都大大隻! 鳳爪都好好味，推介!飲品方面就大大推泰式奶茶，唔會死甜，有茶香味餐廳環境好舒適寬敞，如果再黎太和一定要再黎!住附近既朋友都不妨去試

最近好中意食泰國野啊，今次黎到大埔一間大埔都算新開既泰菜。一入到去，環境都好闊落，坐得好舒服，而且仔氣氛都好好，好岩夜晚同朋友一齊吹水食飯。一打開個餐牌都好多選擇，除咗傳統嘅泰國菜，都有啲好有香港特色嘅fusion菜，另外亦都有好多海鮮可以選擇。本身諗住食炒蟶子，不過可惜今晚咁啱冇得食，唯有下次再試下啦。一開始叫左一個冬陰功湯，個湯夠酸夠辣，好啱好似我咁重口味嘅朋友。另外亦都非常足料，入邊有好多蝦同菇，而且上嘅時候仲跟住個火一齊上，保證熱辣辣。第二個係咖喱牛腩配薄餅。估唔到啲薄餅都好多塊，而且亦都好酥軟，配埋啲咖喱汁一流。至於個咖喱亦都好好味，牛腩好軟熟，另外薯仔份量亦都啱啱好，亦都好入味。第三個係椰子焗海鮮飯，估唔到佢有跟埋杯椰子水，椰子水好清甜。個飯入邊係炒飯底，而且亦都好多海鮮，有好多蝦青口帶子。個椰子味都好香好甜，係一個好有特色嘅飯。另外仲有個馬拉盞炒通菜，碟通菜超大碟，超級抵食！另外亦都嗌咗串燒菠蘿，呢串菠蘿比我想像中大好多，個菠蘿好甜好多汁，而且面頭再加咗少少焦糖，真係好好味。飲品我哋叫咗朱古力巨人，上邊有啲cream，同埋百力支同Kitkat。撈埋啲cream之後都唔係好

今日同同事搵食搵到去太和，知道太和有一間性價比高的泰式餐廳，於是收工便坐火車去，也算頗為方便。鮮蝦炒金邊粉金邊粉是必點的，金邊粉夠鑊氣，但不會過油，而且最喜歡有豐富的配菜，有芽菜、韭菜、豆腐乾和蛋絲等等。還有大大隻蝦呢！這個粉的性價比不錯🤤馬拉盞炒椰菜苗炒椰菜苗比較少吃，我喜歡有口感的蔬菜，相對上較為煙煙銀銀，同事就一般，但我就喜歡這口感配上馬拉盞，很有嚼頭🥳泰式墨魚脆豆卜墨魚滑釀入豆卜再炸，啱晒我！配上酸甜汁， 十分開胃！作為送酒的小食，非常合適。還有雞軟骨呢，不過我們都覺得墨魚脆豆卜比較特別🙈👍🏼酸辣鳳爪沙律鳳爪酸酸辣辣，加上是無骨鳳爪，吃下是很痛快又方便！配上番茄和洋蔥等等的配料，令這沙律更添新鮮和健康感❤️今次搵食到太和，唔知下次去邊呢！不過我哋都覺得這間泰式餐廳性價比很高，呵呵。

呢期疫情反反覆覆，想出街食好西又有啲驚，叫外賣返屋企食就最好不過啦，又安心又放心去太和呢間木屋大排檔，叫咗個雜錦串燒，炸墨魚豆卜，青咖喱雞同埋一個焦糖菠蘿雜錦串燒入面有一大塊豬頸肉，有雞肉同埋有牛肉粒，燒豬頸肉非常好味，外脆內有肉汁，其他嘅全消都有一定水準炸墨魚豆卜豆卜炸都超級香脆，每一舊裏便都樣有墨魚，但墨魚肉份量比較少，整體來講都好好味青咖喱雞肉請假你都算好香，但入邊嘅雞肉就唔算好入味，較為普通焦糖菠蘿菠蘿係超級香甜，但係攞到返屋企外層嘅焦糖已經用咗變成水，只係適合堂食唔建議外賣叫疫情期間如果唔想煮又想食街外野都可以試吓嚟叫外賣，兩個人食足夠有餘$300都唔使10分抵食，食完又唔使洗10分方便

好耐冇去過大埔食飯，今晚同家人難得出嚟聚一聚，食咗好好味嘅泰國菜。叫咗馬拉盞雞粒炒飯呢個炒飯幾驚喜，佢食落去呢有啲辣辣地嘅感覺最啱我呢個辣椒怪！真係估佢唔到都幾香口加上馬拉盞呢，味道超級惹味令人回味再三！我真係覺得呢個超值得推薦同埋我好欣賞餐廳嘅炒飯非常乾身唔會好似其他餐廳咁，往往炒飯食到最尾都會一大堆油，真係誇張到可以滴出黎，但呢到絕對唔會！再有黑豚肉炒河，河粉炒得啱啱好，幼滑爽口不油膩，加上足料又鮮嫩嘅黑豚肉，各式配料調味適中，喜歡食河粉嘅人一定滿意。再叫一個小食拼盤先。我鍾意佢每樣野都有少少真係啱晒想食小食嘅朋友又可以一齊分享！有泰式魚餅啦春卷庶蝦等一齊分享滋味滿載！抵食。最後叫一個龍眼冰，踏入秋天又想飲啲滋潤但係又Fresh嘅飲品，龍眼冰就係最好嘅選擇，呢杯超多龍眼肉好抵飲，令人精神為之一振又覺得健康滿瀉。今晚嘅晚餐非常之滿意令人寫意。都會繼續幫襯！

喜歡泰國風味食品又要醫肚，於是去咗大埔太和中心嘅「木屋大排檔」，餐廳裝修雅緻，牆上掛滿招牌食物poster，令人垂涎三尺。由落單到食物放滿檯，不消十分鐘，速度之快令人驚嘆，仲要係碟碟份量十足，絕冇欺場。首先有泰式板煎蠔仔蛋，粒粒飽滿、鮮味十足嘅蠔仔，加埋嫩滑嘅雞蛋，香噴噴熱辣辣放係鐵板上，滋味無窮。屋企人鍾意食黃咖喱所以就叫咗個牛腩配黃咖喱咁，份量都幾多。而且呢佢嘅薯仔係曾經走過油，咁就可以維持箇中質感同埋口感煙煙韌韌幾特別㗎。仲可以以優惠價加配薄餅抵食！之後叫咗個鮮蝦炒金邊粉，呢個係我最滿意嘅一個菜式！好多嘅配料一齊炒味道非常豐富，配上大大隻鮮蝦爽口彈牙！最鍾意佢隔離嘅配料有辣椒粉同埋炸蒜蓉配埋其他配料一齊食野味非常！！而且炒出嚟乾濕度適中。好味到想食多一碟！最後有辣椒膏豬頸肉炒飯，豬頸肉切粒有趙口，炒飯粒粒分明，夠乾身，微微滲出嘅辣味，係由辣椒膏提升香味之餘，更顯泰式風味，而份量足以令人再三回味。嘆埋一杯泰式咖啡，獨特嘅口感味道，濃香滑溜，為晚餐增添回味感。最後值得一提係侍應雖然年紀輕輕，但態度親切，又主動介紹食物，招呼殷勤，令人有賓至如歸的感覺。係加分位，抵讚👍🏻👍🏻

星期五收工想同同事去食餐飯傾下計 當say bye to Friday 同事想食Thai food 醒起近太和個頭有間木屋大排檔 價錢都幾相宜 就決定幫襯打開餐牌 幾特別wo仲教埋你講Thai 文🤪同事話上次食過有辣椒圖的菜 佢怕辣係落單個時都特登同店員confirm 本身想叫道馬拉盞通菜 不過原來都係小辣店員都好有心suggest 幫我地轉蒜蓉👍🏻環境裝修都唔錯 傾下計都得蠔仔蛋最先上 蠔仔數量唔失禮 Pad Thai 個容器幾特別 個煲上的時候好熱 同埋菜的份量非常多最後食剩少少最有驚喜係燒菠蘿 $22 蚊有六舊 好抵又燒得好食 每人平均$150 4 道菜 算唔錯CP 的Thai food

今日好開心呀,呢個系列嘅泰國餐廳之前食過木船，而今日呢度木屋大排檔依然冇失望！依然係快！靚！正！首先係主食先，想食呢個香芒蟹肉炒飯好耐，不過呢我覺得可以比我預期中可以在好味啲嘅～佢個芒果係好熟嘅係好甜嘅，咁蟹肉炒都幾多同埋佢有一啲細細隻嘅小蝦仔喺度好似嗰啲櫻花蝦咁用來吊味，好香口。最驚喜嘅係炒飯入邊呢有一啲芒果粒，咁佢同水果嘅芒果相輔相成，而食落去口感係截然不同之餘但原個嘅水果芒果呢就係軟熟香甜，個炒飯嘅芒果呢就係因為炒既關係有啲咬口煙韌的！同炒飯配合呢會好refresh!之後呢仲食咗一個月亮黃金墨魚餅平時自己好鍾意食墨魚嘅。咁呢呢個墨魚餅呢加埋啲粟米入邊呢有啲蔬菜口感。我覺得如果可以再有咬口有啲咬勁呢就會更加吸引！嘢飲方面呢就帶咗我一直好想嗌嘅mylove巧克力巨人♡淨係睇個名都好吸引呀！mylove係我一個台灣好鍾意嘅女歌手嘅歌曲！哈哈（離題🤣）個巧克力巨人呢有好多配料有朱古力條、百力滋同埋朱古力曲奇，上面呢再有好多好豐富嘅cream睇到都開心再加埋朱古力醬真係超啱朱古力狂迷！咁你飲落去呢有少少似朱古力雪沙沙冰咁樣，我覺得都幾好，咁會有啲口感唔會淨係好似朱古力奶昔咁樣咁單調，同埋其

晚市食物方面，睇菜單都好多選擇。粉麵飯，海鮮肉類都有齊。食物就叫左椰青海鮮飯，串燒大併盤。串燒大併盤都好值得一試，有齊豬頸肉，豬牛雞串燒各兩件，特別係豬頸肉。一大塊拎去燒再打斜切，完全鎖住哂所有肉汁同油脂，每食一啖都食到油脂嘅香味。而且外脆內軟，燒嘅火候同時間都好完美! 豬肉串燒，牛肉串燒，雞肉串燒。相對黎講雞肉串燒比較重口味以及偏甜，牛肉串燒同豬肉串燒肉質唔會乾，有咬口但唔會有渣。三種串燒之中，個人就最鍾意牛肉串燒，味道同肉質都值得一讚。重頭戲就係椰青海鮮焗飯，先講下個賣相，大大個椰青裝滿哂飯同海鮮。有青口，蝦，帶子等。椰青汁多到湧唒出黎，剩係店員擺低嘅時侯，已經聞到清甜嘅椰香。海鮮冇腥味，略有鮮甜味道，焗飯配汁再摳一下裹面嘅果肉係個好夾嘅組合，呢個焗飯簡直係必試！椰青汁濃郁但清新~

餐廳位置不算大街大行，但都不難尋找。餐廳附近係停車場，比較安靜；室內裝潢新，好光猛，坐得舒服。第一個上菜嘅係泰式板燒蠔仔蛋，冒煙嘅鐵板伴隨住蛋同蠔仔嘅香氣，蠔仔肥美,咬落都冇咩沙，而蛋就好滑，一定要趁熱食。小食燒菠蘿嘅份量比我想像中多，而且餐廳係用大爐燒，所以燒得非常均勻。菠蘿一咬就出哂果汁，十分清甜，冇好酸嘅味道。一件一兩啖就食得完，非常方便。芒果蟹肉沙律，沙律菜新鮮，食落清新，蟹肉份量正常，幾鮮甜味道不錯。芒果份量比想像中多，而且係剛熟透的芒果，好甜亦沒有渣。椰青海鮮焗飯，用料豐富，有青口，蝦等；而焗飯有生菜同甘荀絲，飯粒分明，焗飯白汁充滿椰香味，十分清新；食完焗飯飲埋杯連埋嘅椰青，相當滿足。喜歡椰青嘅朋友不可錯過。飲品試左泰啤，味道不錯！適合味道較濃嘅泰菜。

來到門口先被餐廳既裝修和優惠吸引，餐廳裝修比較新潮，走工業風既風格，水泥地板配上銅管椅別有一番風味。再看看餐牌，其實以泰國菜來說，價錢相當合理，而餸菜嘅份量絕對大份。除了泰菜可叫之外，其實餐廳亦提供不少大牌檔既菜式，如西檸雞、煲仔菜、甚至特別d有椒鹽粟米，任君選擇。先叫咗個生菜包，生菜新鮮、爽脆，配上香辣帶小酸既炒肉碎食落十分開胃。值得一提嘅係炒肉碎內既乾蔥頭絲十分香甜，中和到配料的酸辣味，令菜式有不同層次和口感，誠意推介👍🏻👍🏻👍🏻。之後叫了個煲仔菜，馬拉盞炒通菜煲，鍋氣一流，一打開煲蓋，香氣四溢，而且份量十足，有泰菜x大牌檔既感覺。串燒雜錦，包括雞串、牛肉串、牛柳串和燒豬頸肉，配以泰式燒汁/沙嗲醬。特別一讚係豬頸肉，外面焦香，裏面還有肉汁，可配上酸甜開胃嘅泰式燒汁又或者濃郁嘅沙嗲醬都係唔錯既選擇。今晚主角咖喱牛腩配印度薄餅，咖喱汁香濃、牛腩亦煮到林身、薄餅夠熱配咖喱汁一流。話明泰國餐廳梗係要試吓佢啲咖喱，果然冇令人失望，咖喱夠香濃，食得出以唔少配料調製，如果有機會會再試埋其他種類嘅咖喱。最後叫咗個泰式奶茶配忌廉，泰奶茶入口濃郁，加攪勻後嘅忌廉，令到奶茶10分順滑，喜歡睇奶茶嘅一定要

今晚放工去太和食飯，見到呢間木屋裝修唔錯，啲套餐又幾抵食，就入去試試佢。舖頭裝修企理，有打卡壁畫，感覺舒服。掀下餐牌，發現散嗌有更多選擇，價錢亦都唔貴，就放棄咗套餐😂😂 首先嗌個好耐冇食既生菜包，佢有炒肉碎同唔炒版本，我地叫炒嗰款，好惹味但偏辣，菜好爽脆。值得一讚餐廳有供應濕紙巾，食生菜包前可以抹乾淨對手先～之後上枱既有串燒拼盤，個沙爹醬唔錯，豬頸肉都好juicy。馬拉盞通菜煲夠晒大份，通菜亦keep到翠綠，唔錯～黃咖喱牛腩好香濃，我地加多$28跟埋薄餅，薄餅個邊位好酥脆，點咖喱汁好正，同埋佢個熱度keep得好好，必嗌～飲品方面暫時冇椰子咖啡，所以我地叫咗最穩陣既泰式奶茶，佢係真。泰式奶茶，唔似有啲餐廳照俾港式奶茶，我嗌既係走cream version，都夠甜，大家可以衡量下自己鍾意飲幾甜而決定駛唔駛走cream la我地冇諗過佢啲份量咁多，搞到食唔晒🙈🙈🙈真係超抵食，下次要量力而為🤢