木屋大排檔

营业中

休息中

今日天氣轉冷，同朋友黎到太和中心呢邊，想食下d 泰國野，搵倒呢間木屋大排檔。我地7點半黎到都唔係好洗等位，裝修都唔錯。我地雖然得4個人，但我地都叫左好多野食，一前菜，一飯一炒粉，兩主食，一菜，叫左6樣野一人都唔洗250。前菜係泰式鳳爪沙律，呢個泰式鳳爪個汁比出面係有d 唔同，唔係只係酸，酸得黎有少少甜，好少食到呢種汁既泰式鳳爪，仲要都幾大碟又多鳳爪，成15隻倒。主食係係酸辣明爐烏頭，條魚都幾大條，酸度好夠，一開始食，會有少少腥，但食下食下，因為酸度夠，都食唔出腥味，連埋個酸湯一齊好好食，我仲就咁食左一小碗酸湯tim仲有一個主食係黃咖喱軟殼蟹配薄餅，薄餅好香好脆，有兩隻大大既軟殼蟹，20cm長左右，無論係薄餅加咖喱定蟹加咖喱都好好食，我地仲打包埋個咖喱走😂馬拉盞炒通菜係用煲上，仲係熱，菜睇落係新鮮青色冇黃，食落都爽又夠味。主食叫左一個炒金邊粉，佢都係勝左個汁好開胃，好快搶曬，美中不足係個豬頸肉炒飯，冇個金邊粉咁好食，可能醬汁唔夠落去炒。總之，呢間食唔係特別平，但都值回票價。