木屋大排檔

营业中

休息中

屋企附近有一間好好食嘅但唔知係咪正宗嘅泰國大排檔，地方寬敞環境闊落，同朋友慢慢吹水一流，啲裝修都幾有心機㗎。個生蝦好新鮮，口感一流，再加埋秘製辣汁，味道完全昇華，作為前菜的確一流。主菜海南雞，肉質鮮嫩，簡簡單單，鍾意食啖啖肉嘅我，樸實無華，而且雞味濃郁，色材少啲新鮮都唔得明爐燒烏頭，香茅汁酸酸辣辣，非常開胃好有泰國風味，而且烏頭亦都好入味，肉質一流，結結實實配合返個汁嘅味道👍🏻馬拉盞炒通菜，鹹鹹香香，好有水上人嗰種嘅風味，可以叫幾碗飯。最後甜品整個燒菠蘿🍍，表層微微燒焦，既有口感外脆內軟，味道亦都充滿着焦糖味非常香。飲品方面整返杯龍眼冰，解解油膩，成個感覺好亞熱帶風情，雖然唔知係唔係正宗但係好食一定有佢份

放工約咗朋友食飯，朋友住呢附近，就介紹咗過嚟太和中心呢邊食泰國菜。呢度嘅裝修以木為主調，真係名副其實嘅「木屋」，好有置身於泰國嘅感覺。打開menu，菜式選擇頗多，而且價錢亦好親民。我哋兩個女仔就order咗月亮黃金墨魚餅、泰王單骨雞翼、馬拉盞炒椰菜苗、蝦頭油鮮蝦炒飯&可樂。馬拉盞炒椰菜苗係我最鍾意食嘅泰國菜之一，點可以冇咗佢呢⋯椰菜苗嫩綠爽口，配上馬拉盞嘅鹹香，惹味得嚟口感層次比一般炒菜真係無與倫比，推介😋😋😋至於蝦頭油鮮蝦炒飯，炒飯炒得夠乾身，粒粒分明，而且味道恰到好處。呢個泰王單骨雞翼，我個人覺得容易食用，一啖一隻，啖啖滋味😝雞翼醃得夠入味，而且同香茅味非常之夾。最後嚟嘅係月亮黃金墨魚餅，墨魚餅煎到金黃色，彈牙爽口，加上爽甜嘅粟米，令口感層次提升，真係色香味俱全，值得推薦俾大家👍🏻總括嚟講，呢度嘅食物款式同味道都唔錯，價錢亦好親民，以後食泰菜又多咗個地方選擇😊

大埔是我很喜歡的一個地方😝因為每到晚上都有很多人很熱鬧,很喜歡這個氛圍🤭在這條街道上附近都有很多不同菜式的小店給你選擇🙆‍♀️而我今次選擇了食泰國菜😋店員態度很親切,令我覺得很有人情味下次我一定會再回來吃的👍價錢很平民食物質素很高質份量很大很抵食!朋友們說也很讚🥰環境十分不錯位置很寬躺舒適而且很有泰國風情!在等候食物期間可以學習一下泰文🤣我係水晶晶😌冬陰功湯配野菌蝦⭐️酸酸辣辣香香甜甜好開胃味道五味俱全,喝了一口已上癮停不了口😋蝦和野菌配料很多很飽肚,而且很喜歡這個貼心的設計下面擺了一個爐頭方便你隨時可以飲熱湯不怕涼掉!勁爆抄生菜包⭐️豬肉鮮嫩爽口而且香料味很出很好吃😋包生菜一起吃可減少油膩感,令人一試愛上!泰式海鮮炒粉絲⭐️海鮮有鮮蝦,魷魚圈,青口味道很鮮甜,粉絲口感煙煙韌韌味道十分出色,我很喜歡重口味所以加了冬陰功湯一齊吃味道很絕配,這個配搭很好不妨試一吓😋凍柚子蜜⭐️

今晚黎到太和食飯，揀咗太和中心既木屋大排檔，貪佢坐得闊落，野食又高質。入去之前要填表或scan code, 我地去嘅時間尚早，可以揀窗邊位坐，不過入面都靚，裝修搶眼，啲梳化櫈睇落都舒服。我地叫咗兩串雞肉串燒，一個生菜包，一個蝦醬炒飯，一個馬拉盞炒芥蘭，再加個椰青share先讚一讚個椰青，好清甜既味道，入面既椰肉都好爽滑，可惜好快就飲晒。雞肉串燒得juicy, 肉質嫰滑，配埋個微甜醬汁超夾～生菜包我地揀咗泰北嗰款，即係冇再炒過既，相對黎講冇咁惹味，但肉碎本身幾香，夾埋新鮮生菜食一樣咁好味蝦醬炒飯香得黎唔算油，臘肉份量適中，咬落去亦唔算硬。馬拉盞炒芥蘭好惹味，芥蘭仲係保持到翠綠唔會過熟，咬落勁爽口，正～

今日入大埔搵個fd，順便搵埋嘢食~離遠見到大大個wooden house，深啡色嘅棕櫚木製門面，加埋裏面嘅裝修，好有東南亞個種熱帶雨林嘅感覺~我地揀左勁耐先至揀好，皆因本menu book真係勁多版勁多野揀。朋友鍾意食蜆，所以嗌左蛋咖哩炒大蜆，追加法包；另外揀左香芒蟹肉炒飯。先上蛋咖哩炒大蜆：話係大蜆，又真係幾大粒~咖喱加左蛋汁同蛋花，令到咖喱比平時黏稠一啲，又多左層次口感~新鮮卜卜脆的蒜蓉法包本身已經好好味，蘸上吸收左蜆鮮味的咖哩汁，極之惹味！本身仲驚啲包太多，點知咁滋味，食哂竟然覺得唔夠！心痛浪費左啲咖哩汁~芒果蟹肉炒飯好快上左嚟，仿竹盤的碟增添左泰國風味~芒果切到靚靚嘅放係側跟，完全睇到佢係幾咁新鮮，幾咁鮮豔~朋友動手將芒果挖落嚟，又幾有趣，可以話係一種同美食之間的情趣。食完都飽左6、7成，不過都覺得可以填飽多少少，於是口痕嗌多左兩串雞肉串。點知，呢兩串嘢等左成10分鐘。嚟到一試，唔失望，完全覺得等得值得。即使係串燒，仍然保留雞肉特有的滑，同埋鮮美。唔似得其他啲串燒，通常整到好乾、縮哂水，食之無味，棄之可惜。所以，呢兩串雞肉串實在令人眼前一亮，成為呢餐飯嘅重大亮點！！！

今日遲咗少少放工所以趕唔切去買餸煮晚餐，唯有係附近買外賣餸番屋企食，估唔到反而有特別驚喜喎。「木屋」除左有厚厚嘅主餐牌外，另外仲有個精選抵食外賣自選套餐，套餐總共有三個價位，分別在於你揀幾多款美食，指定餐牌上都好多款選擇，性價比好高。我今次就揀咗$258套餐，可以揀2款A + 1款B。 A款我就揀咗小食拼盤（大）同埋脆炸豬手，隻豬手勁大隻仲炸到脆卜卜，但又唔會炸到過咗火，切開仲有少少肉汁，啖啖肉再沾埋秘製sauce ，酸酸甜甜好開胃。小食拼盤有齊哂蔗蝦、魚餅、炸雞翼仲有蝦片等等，最埋一大班人一齊開心share ，樣樣都試到。B款我就揀咗好少見嘅Pha Thai 汁咕嚕肉，係大排檔必點之選cross over 泰菜，pha Thai 汁x咕嚕肉又出奇地夾喎，唯獨是份量唔多唔夠喉

同朋友第一次幫襯，大家都覺得好味，可以再黎食飯軟殼蟹米紙卷唔油膩，菜新鮮生菜包非常惹味，菜新鮮軟殼蟹青咖哩麵包散叫了個薄餅，點咖哩好好味墨魚餅新鮮彈牙柚子沙律呢個麻麻...太少柚子...好多洋蔥呢度上菜d 碟都幾靚！有心思

以後泰國嘢除左諗起九龍城之外，大埔都係一個好選擇！一間低調食店，表面上平平無奇，但煮出堪稱火之藝術嘅菜色。今日買左個外賣返屋企加餸，家人都食到耳仔郁！秘製咖喱大蜆，食材用料新鮮，大蜆真係好大隻，絕對唔係街邊炒蜆要用放大鏡搵d蜆肉係邊個種。啖啖肉之餘仲大大碟，加上咖喱味道辣得黎適中，又唔會太甜，煮到咖喱嘅香味，食完個蜆再用咖喱汁送飯真係一流！外賣套餐大蜆搭墨魚餅都係$178，又無加一，十分抵食，住大埔下次不妨考慮！墨魚餅本身以為得5 6件咁，點知一大塊慢慢分出黎食，夠晒一家5口嘅份量！再加少少錢多個小食拼盤，款色包羅萬有各適其適！最後食泰國嘢當然要食埋個padthai，夠晒獲氣，好多隻大蝦，仲有最見微知著就係落左小紅蝦配香料一齊炒，特別有地道風味！

鍾意食肉既我，泰式串燒當然係我至愛之一但係要搵到連外賣都好食既真係唔容易今日就比我搵到啦疫情之下依家仲做緊７折優惠既套餐又或者佢既ＡＢ自選套餐都超抵食串燒拼盤食泰國野又點可以唔叫串燒？首先不得不讚既係，佢Ｄ肉燒得剛剛好，而且用料上乘，令佢就會拎到返屋企先食都一Ｄ都唔會韌而且每樣都燒得好焦香惹味特別推薦大家一定要食佢既豬頸肉燒到外層少少焦糖化既口感微甜咸香既醬汁勁惹味，令你忍唔住一食再食而且豬肉本身好爽口，勁正小食拼盤除左串燒，小食拼盤亦係食泰國菜絕蒐唔少得既野皆因泰國既小食夠晒多樣化又好味又香口，岩晒我呢個小食拼盤包含泰式春卷、炸魚餅、家鄉雞卷塊、庶蝦各兩件每一樣都炸得好香口又香脆我特別鍾意食佢個炸魚餅食落除左會食到煎過香口既外層，同泰式必備既風味香料之外，仲可以食到啖啖鮮味黃咖哩牛腩、追加薄餅呢個黃咖哩牛腩亦好有驚喜牛腩煮到又淋又入味黃咖哩香料味道好有層次特別推薦大家一定要追加薄餅同咖哩簡直係完美既配搭

朋友食過呢間泰國野，話佢又好食又抵食今日咁岩經過呢邊，就食佢啦，果然唔錯喎辣椒膏炒青口本身以為海鮮用咁重香料黎整會好浪費，點知又唔會喎你會食到佢好有層次既香料之餘可以食到青口本身既鮮甜而佢個汁辣得黎勁開胃，又唔會過辣，簡直一流全部都係雞呢個真係超抵食，一個ＳＥＴ入面有：手撕雞菠蘿沙律、泰皇單骨雞翼、檳檸香烤雞槌、辣味雞槌、忌廉蘑菇釀雞翼、水牛城雞翼、蘆筍雞中雞成七樣野咁多，真係打字都打到手軟咁都只係百幾蚊，兩舊水都唔洗，真係超抵食仲要每樣都好高質，用既雞都好靚同埋每樣都做到香口得黎又保持到肉嫩ＪＵＩＣＹ，調味亦好正宗既泰式風味，夠晒香就連個沙律既菠蘿都特別甜而無酸味特別推薦忌廉蘑菇釀雞翼，忌廉同蘑菇都好足料，令佢好ＪＵＩＣＹ，咬落口爆晒出黎口感好正粟米墨魚餅墨魚餅爽口彈牙，而且煎到面層微微焦香好惹味墨魚既鮮味同粟米既微甜十分之夾再點埋個酸酸甜甜既醬汁直頭一絕

晚上到木屋大排檔買外賣當晚餐。因為最近行經見到他們的外賣套餐非常抵食！除了特定套餐外，還有自選套餐。可以自行組合喜歡的菜式和追加小食。我選了$258套餐，可以有兩款A+1款B菜式。A款：小食拼盤（大）拼盤好豐富！好多款的小食，包括泰式春卷、炸魚餅、脆脆雞翼、家鄉雞卷塊、香葉包雞、庶蝦。點上甜辣醬好美味！A款：脆炸豬手外賣用錫紙包裹著，份量好大，好驚喜！豬手有香脆外皮，嫩滑的肉，肥而不膩。B款：馬拉盞一字骨賣相雖不討好，但味道一流。好香的馬拉盞味。追加：芝士忌廉餃子雞翼 $32芝士好香，雞翼肉嫩，好夾配！

今日黎到呢間大排擋，木屋大排檔。入到嚟擺設大部分都係用木做，如名一樣。當你打開份menu就會見到menu有教大家講各式各樣嘅泰文，呢份menu真係設計得幾好。甘我就order左一個冬陰功湯野菌蝦，一個泰式柚子沙律，串燒拼盤，青咖哩軟殼蟹crab焗麵包，一個青檸梳打，一個街頭波波腸同埋一個焦糖菠蘿串。一上菜就上左個泰式柚子沙律份量好大碟，d菜同柚子好新鮮而且配料好多，正，之後就上咗個冬陰功湯野菌蝦，味道很不錯不太酸也不太辣剛好合我口味，之後就到串燒拼盤咁裏面裏面有6串串燒再加一塊豬頸肉豬頸肉口感一流爽口軟滑而且燒得恰到好處之後就上埋個青咖哩軟殼蟹crab焗麵包，青咖哩香而不辣，而麵包剛焗外皮脆而內裡軟熟，正,整體嚟講呢間木屋大排檔，大件夾抵食，而且氣氛不錯，食物都非常之好，下次等我試下其他嘢先。

疫情期間🤨經常煩惱晚餐食咩覺得堂食一定好食過外賣不過今次我覺得水準keep到👍🏼馬拉盞雞粒炒飯🍚炒飯炒得粒粒分明，炒得乾身岩岩好， 十分好吃😋馬拉盞十分惹味，令整個炒飯添加不少味道，加入了豆干粒，少量洋葱和蛋花增加咬口💯而且雞粒份量都多，飯份量適中鮮蝦炒金邊粉🍤上面擺了銀芽，花生碎🥜青檸注意有少量辣椒粉係盒邊🌶️⚠️唔食辣要走鮮蝦大約有4粒，味道新鮮，帶蝦尾殼味道酸甜，挺好吃😋加少量洋葱🧅和葱傳統蛋咖喱大蜆🍛咖哩味符合港人口味，蛋令咖喱更香，更香濃大蜆很鮮甜，蜆殼掛到咖喱係咀邊，一併吃更正💯🥰可用優惠追加$28薄餅配搭很不錯👍🏼薄餅可索到咖喱味道大約都有8塊，性價比幾高

疫情前每一年都會去幾次泰國旅行因為太喜歡吃泰國菜了不過今晚我也有口福呢特意order了泰國菜美食作為今晚的晚餐這間木屋大排檔一直都很想試今晚就去order美食外賣自取見到餐牌的泰國美食分門別類而且門口的大餐牌更推出不同的優惠包括七折外賣抗疫精選套餐主餐牌仲有全單八五折真的是好抵食！我最喜歡的泰國凍蝦一份有六隻店員還很細心外賣盒底下裝有冰令客人吃生蝦的時候可以吃出鮮味確實每一隻生蝦很新鮮很大隻很爽口點泰式辣汁仲更加滋味軟殼蟹米紙卷這一款小食即叫即整難怪咬落去外皮煙韌內裏的蔬菜及軟殼蟹都是脆口的芒果醬味仲好match呀沙嗲金菇肥牛肉煲是我家人最喜歡他們大贊粉絲很入味很香濃而且牛肉份量也頗多確實值回票價而我最喜歡的傳統香葉辣椒肉碎煎蛋飯非常香肉碎帶一點辣味撈飯一齊食好快就食晒呢一餐咁豐富嘅晚餐簡直夠晒三個人食而且性價比好高$300有找難得有質素的泰國菜！

好鐘意食泰國菜既我地今晚又約埋去返哩度食飯兼吹水，叫左個小食拼盤，海鮮沙律同肥牛伊麵同兩杯飲品。Combo小食拼盤有4款小食係當中，炸魚餅、庶蝦、春卷同雞卷塊，每款兩件，同朋友唔洗爭，最鐘意食雞卷塊，外形似粒魚蛋一樣，春卷脆薄薄，庶蝦彈牙。泰式海鮮粉絲沙律，第一次叫哩款沙律，裡面好多芹菜加埋洋蔥、粉絲、蘿蔔絲、蕃茄、花生碎等混合，酸酸甜甜，開胃兼有咬口，海鮮都算多，有兩隻青口、大蝦同魷魚圈，絕對用足料。辣椒膏肥牛炆伊麵，見到辣椒膏三個字以為會好辣，落單時都特別問清楚，好在食落接受到，唔算太辣，麵同肥牛既份量都好多加上秀珍菇，我同朋友兩個人都食唔哂。飲品方面，朋友杯香茅特飲幾得意，附有支香茅比你攪住飲，朋友一路飲就一路攪。我的青擰梳打，青檸汁同梳打水分開上，唔怕比你睇清楚用料。我地食完野可以再傾下計先走，唔會即刻就想你埋單趕走你。