木屋大排檔

营业中

休息中

大埔一向都係美食天地，尤其是貼地小店最為出名。小妹近日發現太和中心哩邊又新開咗間泰菜館，身為泰菜愛好者嘅小妹就嗌咗幾個餸返屋企同家人一齊分享啦😆😆Combo 小食拼盤 （大）💰128一家人食飯就梗係要嗌個大嘅小食拼盤啦，有齊哂6款小食，泰式春卷、魚餅、蔗蝦、炸雞翼等等，返到屋企都仲係脆身嫁。蔗蝦蝦肉好彈牙，大讚👍🏻 可惜今次漏咗香葉包雞未能試到，下次要再試吓先得鹽焗烏頭 💰138店長話今日嘅海鮮特別新鮮，小妹就嗌咗一個鹽焗烏頭。嘩嘩嘩，好大條呀，好容易就可以分開魚皮，一打開就見到啖啖肉，烏頭肉係偏實身嘅，但勁新鮮，配埋個source，魚鮮味再度升級👍🏻🏆傳統蛋咖喱炒大蜆 💰108哩個咖喱少大蜆真心推介，勁抵食😋咁大碟都係$108咋喎，蜆肉粒粒飽滿又完全冇沙嘅，真係必試推介👍🏻咖喱汁好香濃，係偏甜身嘅咖喱，完全唔辣但勁惹味，用嚟送飯一流👍🏻👍🏻PS 店家好細心咁係每盒source 上寫低名，咁就唔會搞錯啦😊

雖然近日疫情開始回落至單位數字，所以開始多咗好多人出街食飯，但可以嘅話我都會揀外賣返屋企慢慢嘆。兩個人叫咗一個粉麵加兩個餸已經好夠食，而且「木屋」嘅份量好足，食完相當滿足。豬頸肉炒河份量完全冇因為外賣而減少，有成7-8塊豬頸肉，仲要大大塊厚切😋炒河粉都好考廚師功架，因為河粉好容易就會碎晒。哩個炒河鑊氣好足，應該係即炒嘅，返到屋企都仲熱嘅，唯一係偏油咗少少。傳統蛋咖喱炒大蜆哩個就一定要試吓，未打開個盒都聞到咖喱香，哩到有超過10隻大蜆，都只係$108 咋，認真超級抵食。大蜆清潔得好乾淨，完全冇沙仲食得出好新鮮。串燒拼盤心大心細就揀拼盤最好，串燒拼盤有齊哂豬牛雞各2串，仲有一大片豬頸肉，$148 就有齊哂咁咗多款，我最鍾意就係蜜汁豬頸肉同雞肉串燒，雞肉串燒仲好juicy 同雞髀肉仲好滑唔會燒得太乾。

抗疫期間都冇機會出嚟食嘢出現抗疫疲勞😪，今日難得約到三五知己當然要盡情食，喺大埔發現依間嘅環境幾好，而且又唔會太貴所以入咗去，而家外賣套餐仲好平添。環境相當唔錯很有泰國風情很chill， 真係成間木屋咁。最後可能太耐冇出嚟食嘢嘅關係，兩條麻甩仔叫到成枱都係嘢食，初頭仲擔心食唔食得晒，結果全數清光。公車諗霸依個前菜認真唔錯，其實即係生蝦刺身泰國版，隻蝦上面有蒜頭🧄所以完全唔腥，再加埋酸辣醬出奇地仲完美咁吊到啲味出嚟。酸辣明爐烏頭魚新鮮的烏頭魚，配上傳統的泰式酸辣湯底，令人有種愛不釋手的感覺，非常惹味。海南雞半隻因為我朋友唔食得熱氣野，所以非常正氣的叫咗半隻海南雞，隻雞肉質非常鮮嫩，啖啖肉我覺得會比燒雞更加好吃。馬拉盞粉絲什菜煲馬拉盞好正宗鹹鹹香香咁，啲菜心亦都非常新鮮食到係甜嘅。焦糖菠蘿串呢個平平哋$22，如果食到膩膩地叫就啱晒啦，表面一層燒得脆脆地嘅焦糖，再配合新鮮嘅菠蘿🍍，簡直係完美。另外叫多咗杯龍眼冰同埋藍妹啤酒🍻。正！整體非常滿意！

久違了的大埔美食，今日穿插橫街小巷發現原來現在大埔多了很多泰國餐廳。以大排檔作為命名的泰國餐廳還是第一次見，頗有創意，入內一看餐牌，便知固中原因！原來餐廳除了有泰國菜外，也有中式小菜，炸雞及BBQ 食物，菜式真係有排檔feel！環境舒適，坐得自在，日後飯局又可多一個選擇了！泰式墨魚脆豆卜：把豆卜反轉，沾上墨魚膠炸至金黃乾身香脆，食時沾上酸甜醬汁，非常開胃口感脆卜卜，既好食，又不油膩，份量也不少，兩人食，足夠有餘！冬陰功明爐海鮮鍋：海鮮種類有大蜆，青口，蝦，魷魚等等，雖然每款份量不算太多，但勝在新鮮，冬陰功湯底好味，在明爐下慢慢烘熱，令湯底味道慢慢滲入海鮮肉內，令原本鮮甜的海鮮再浸透入濃濃的冬陰公那種酸辣味道，好味得來亦具特別風味！今天也點了一些小食，香穌烤薄餅，薄餅雖然薄薄一層，但口感十分脆口，沾上冬陰功湯，另一種食法，口感不錯。燒牛肉，外皮香脆，肉質鮮味，至於燒菠蘿，非常清新香甜，也可算是是日晚餐的一道甜品吧，哈哈！

難得入大埔約朋友食飯, 朋友知道我唔熟大埔，就特別帶我去食好西。黎到大埔, 穿過河畔，見到有條食街既地方, 有點似大圍。 我地今日食泰國野。 這間木屋大排檔睇落真幾有風味, 都幾多人去食。 街坊生意, 應該唔錯。 防疫措施做得好既食店, 今時今日係好抵讚既。好多串燒睇落好吸引。 我地點左小食拼盤, 串燒雜錦, 青咖喱軟殼蟹麵包, 仲有龍眼冰。 食物都上得好快, 而且仲會續樣上, 唔會放到成枱係, 幾貼心。小食拼盤有4款小食, 除左魚餅, 我覺得其他都唔錯既。 炸得幾平均, 唔太油都幾好。串燒雜錦, 串燒可能燒得耐左d, 有d硬, 但朋友反而鍾意, 因為夠熟。 而值得一讚係個豬頸肉, 真係燒得好好味。 好嫩口, juice得黎好爽脆, 真係必食之選。 跟住仲有青咖啡軟殼蟹麵包, 好大隻軟殼蟹, 真係食個夠本。 而麵包配青咖喱都好夾, 叫e個真係千其唔好叫飯, 真係會食唔晒, 雖然，有青咖喱真係令人有想叫飯既衝動。最後飲埋龍眼冰做甜品, 今餐真係好圓滿。

最近大埔開咗一間新嘅餐廳，雖然係叫做大排檔不過其實係食泰國嘢，店嘅格局用上深啡色嘅木做裝修，充滿東南亞格調！酸辣明爐火甲鍋$98酸辣明路烏頭就食得多，咁樣整花甲真係唔係周圍有，味道酸酸辣辣好開胃，味道唔算太辣，肉碎雞髀菇吸晒湯嘅味道變得好好食花甲係用大size，份量非常多，味美新鮮，而且每粒肉都好肥美。辣椒膏金菇肥牛煲$88呢道餸有啲似我哋平時港式食嘅沙嗲肥牛煲，不過就用咗辣椒膏製作，係一道泰式fusion港式嘅菜式。肥牛半肥瘦，煮到啱啱熟，充滿牛香味。而粉絲同金菇都係一啲會吸汁嘅材料，吸晒辣椒膏嘅味道，不過就唔會好油膩，再加上芹菜和洋蔥嘅味道，味道變得豐富有層次。青咖喱雞$68味道比較creamy 容易入口，加上少少香葉和椰奶味道，香濃惹味，啱晒唔太食辣嘅朋友仔。內有大量雞肉和泰國茄子，雞肉夠嫩滑，整體味道唔錯，啱晒送薄餅。薄餅$28印度薄餅配咖喱的確係一個好好嘅配搭，薄餅原價40多元，如果order咖喱就可以用優惠價錢$28追加薄餅，薄餅外脆內軟，有少少牛油香，酥化脆口。

好耐冇食過泰國嘢啦，呢度嘅餐牌選擇真係好多啊，都諗咗一陣先至落到單。叫咗個馬拉盞炒通菜煲，仲叫咗串燒，分別係雞肉串同埋豬肉串。 另外叫咗個唔係炒嘅生菜包，同埋傳統香葉辣椒肉碎煎蛋飯。嘢飲方面呢就叫咗新鮮椰青同埋泰式奶茶啦。個馬拉盞炒通菜係用煲嚟上菜嘅，好惹味，通菜都炒得好爽脆， 唔會淋曬。串燒配埋佢比嘅沙嗲醬，仲有少少花生醬味，個雞肉亦都會好嫩口。呢個生菜包嘅肉碎食落偏甜，幾特別嘅味道，而且配埋新鮮嘅生菜，唔覺唔覺就好快食晒啦。肉碎飯呢就比較辣，值得一提嘅係呢度嘅份量都幾多，成個感覺好足料。椰青就一大個咁樣上枱，好解渴。泰式奶茶上面呢仲有一啲cream，啱晒好鍾意飲甜野嘅我。呢度嘅性價比都幾高，亦都好有泰國地道嘅風味，一定會再嚟。

大排檔芥蘭炒豬頸肉沒想到78蚊的芥蘭炒豬頸肉居然份量十足，粗壯的芥蘭咬下仍然爽脆，不像老芥蘭會有筋及吃落有渣。廚師運用的香蒜蓉作為調味，其香味沾滿翠綠的芥蘭葉上，入口則有豐富的蒜香在口腔中爆發。而豬頸肉則厚薄適中，帶點油香的豬肉特別可口，而且這裡的豬肉肉味也相當突出。非常惹味 @@明爐烏頭冬陰功冬陰功湯一直是我的至愛。眼見這裡有明爐烏頭配冬陰功鍋，便即管試試，鳥頭魚份量不少，足夠供3-4人的份量，魚肉幼滑鮮甜，加上明爐方式保持熱度，上菜之時便聞到香芧等，泰式香料撲鼻而來，斟一碗湯來細味之下，卻發現鹽的調味有點過重，冬陰功湯的底蘊水準屬中上，酸味及辣味則屬平衡，也許因為要作為烏頭魚的湯頭調味，因此湯變得偏濃，有點像濃縮版一樣。但整體而言，作為150元左右的一道菜，亦算抵食。午巿套餐- 滷水豬脾飯 $6260元左右的滷水豬脾飯，跟餐飲，選了青檸梳打不用額外加錢。滷水香混入豬脾，炆煮得肉質嫩滑，外皮的脂肪帶點糖化的軟綿，加上滷水汁用作送飯十分可口，作為午餐的碟頭飯的確十分飽肚，相信附近體力勞動的工人也一定飽肚有餘。跟餐青檸疏打沒有加糖，純青檸汁酸味十分重，但卻極為醒神。整體來說，大埔區少有的

疫情期間都盡量避免出去食 就算放寬限聚令都係想外賣多d繼續無得去旅行 就去大埔呢間泰國餐廳搵下dd異國既感覺 餐牌既選擇都好多 2個人唔覺意就叫左好多野番去食細小食拼盤入面有泰式春卷、泰式魚餅、魚丸，蔗蝦外賣番到尼都仲keep到好脆蔗蝦好香口又啖啖肉 泰式魚餅帶少少辣 點埋個酸辣汁好開胃~黃咖哩雞 一定要加配薄餅 咖哩汁好多 夠點薄餅之餘仲可以撈飯食咖哩個味唔太辣 剛剛好 椰味好重 雞肉都好大件 仲有薯仔都幾入味! 香芒蟹肉炒飯視覺衝擊好正 一大片切粒芒果係面頭 芒果肉好甜炒飯入面蟹肉份量好多 真係啖啖肉 不過如果無蔥就更好辣椒膏豬頸肉炒飯算係水準之作炒得夠乾身唔油 飯粒粒分明 夠鑊氣好香口最尾我地食唔哂 第2日叮番熱尼食都好惹味食左咁多野都只係$300左右~抵！

今晚老公約埋朋友迪少出泥食飯，近年佢朋友回流返香港做野，已經好耐無見佢呢位老朋友。今晚你地盡情暢所欲言，我呢個電燈膽就負責食野😜嗯～不知不覺已經搬泥大埔有2個幾月有多，對比起粉嶺，呢度真係美食天堂返大陸食木屋燒烤就多，唔知呢間木屋大排檔有冇關係呢，hehe，冷盤叫左個生蝦刺身，醬汁超級辣，但好開胃。叫左杯蘋果沙冰同椰青蒜蓉包用泥點著咖喱汁，真係無得頂叫左一客墨魚豆卜，非常香口咖喱炒大蜆，蜆肉大大隻亦很新鮮小食併盤不過不失串燒併盤加燒豬頸肉，邊吃邊傾

由於疫情關係好多餐廳都轉曬做外賣，而呢間木屋大排檔都唔例外，不過就唔係每間店都即刻轉到外賣，因為好多opertaion既問題，例如餐具，時間控制，點keep住食物質素等等。咁呢間做出黎效率都唔差，點左4人份量既野食，出餐時間太約在30分鐘左右，當時都算係晚市繁忙時段，所以出餐黎講都真係唔差。拎到返屋企，包裝幾密實下，而且全部都幾左幾高質既膠盒，密封乾淨之剩，仲可以有少少保温既效果，雖然可能無咁環保，但疫情下就無計喇。衛生乾淨先係第一考慮因素。食物方面，最鐘意佢個生菜包，d肉碎夠辣夠鮮，又多肉汁，好野味開胃。而且份量都唔少，大件夾抵食。另外個黃咖哩都唔錯，好有椰奶既香味，同埋夠曬濃，配埋garlic bread黎食就一流。

這次突然想吃大排檔找到了一間在大埔的泰式風味大排檔與其說泰國風味我們倒是覺得它的菜單上更多元有選擇困難的我最後還是先選幾道菜我們選咖哩海蝦炒飯馬拉盞黑豚肉炒河月亮黃金墨魚餅以及一些泰式串燒拼盤等等先說說他的炒飯飯內的主要配料海蝦又大又甜而且足有3隻手指般大的蝦配上粒粒分明炒飯份量也十分足夠另一道馬拉盞炒河它用的蝦醬鮮而不腥而且黑豬肉的份量也十分豪邁如果是一個人來吃點了這兩道的話應該不一定能夠吃得完因份量十分足夠另外的月亮墨魚吃起來的厚度與墨魚口感十分到位老闆還在小菜拼盤中貼心的加入幾種不同的醬料有梅子醬、沙嗲醬、酸甜辣醬等等沾上魚餅或春捲也非常的好吃我們這次也是滿足的將它們一掃而空了如果想食有別於港式大排檔風味的大排檔不彷也試試「木門」這間泰式風味的大排檔餐廳買外賣到家裡還是新鮮熱辣春卷還是脆脆的呢

疫情期間都少左好多出去食, 之前仲冇埋晚市, 所以好多時都係外賣番屋企食, 感覺就最安全, 呢一晚就叫左木屋大排檔既外賣, 搵番少少旅行既感覺 我地成家人都叫左好多野食, 叫左個2-3人餐,再加D 小食咁~ 又有串燒, 薄餅, 生菜包, 墨魚膠釀炸豆卜, 炸雞翼, 黃咖哩雞, 炒大蜆, 通菜豬肉飯~ D炸物真係好出色, 墨魚膠釀炸豆卜同炸雞翼超吸引! 食七一蕭接一舊完全停唔到, 重點係拎到番屋企焗住左陣都夠脆!! 唔會話淋哂唔夠脆! 你知啦,炸野最忌唔夠脆, 又益哂咁~ 但呢間木屋大排檔就做得相當之咁出色! 黃咖哩雞配薄餅真係好夾! D 咖哩汁正到我都忍唔住就咁飲左幾啖, 而D 野食沾滿哂醬汁真係超吸引~~ 通菜豬肉飯就水準之作~ 唔太特別, 但夾埋又幾好食, 如果個飯係炒飯底會正D~! 串燒就牛有D UN, 其他都唔錯!!! 點埋沙嗲醬就直頭係勁夾! 生菜包同炒大蜆都好正! D 蜆完全冇沙, 生菜包就炒得別哂惹味! 包生菜食感覺唔肥勁健康!

本身諗住住年尾疫情可能受控，咁就可以去下泰國🇹🇭玩下啦，點知而家疫情第三波嚴重擴散得緊要，我諗下年都唔知可唔可去到旅行🧳，唯有去下泰國🇹🇭餐食下泰國菜當去咗😅，而今日就去大埔試下呢間高質泰國餐廳🍴⋯⋯冬陰功湯一入口勁濃，加上材料好豐富，好多隻大蝦🍤⋯⋯Combo 小食拼盤內有香葉包雞、泰式春卷、泰式魚餅、脆脆雞翼、這蝦、家鄉雞卷塊，真係包羅萬有咖喱手carb焗麵包咖喱好香濃，加埋雞件炸得好香脆，最鐘意佢唔係將咖哩醬同炸雞分開，咁就可以唔令到炸冧咗，而麵包🥯索左啲咖喱醬，直頭食唔停口👍🏻👍🏻👍🏻

近排比政府搞一搞，禁左堂食，想食餐好都唔得。唯有睇返呢間等自己回味下，順便推薦比大家去試一試啦。呢間餐廳既設計，感覺上好似泰國清邁鄉下木屋Feel,不過香港呢間唔同既係⋯⋯有冷氣望住個Menu就已經花多眼亂，但首選都係要叫左啤酒先，再慢慢揀野食。呢到叫啤酒係要問先至有，menu上係無List出黎，而且只有麒麟一款。而野食就叫左青咖哩焗軟殻蟹麵包，泰式炒雜菜，馬拉盞雞粒炒飯，仲有點少得既串燒拼盤。淨係4樣已經夠打爆兩個人既肚有凸，仲要打包走！可想而知份量係大碟又抵食！青咖哩汁好香，點麵包或者軟殻蟹食一流。隻蟹熱辣辣，唔係炸定放係到，有單個時回爐炸翻熱。串燒重點唔係啲肉，而係個醬！沙嗲醬唔係沙茶醬開出黎，而係有好重既花生味，食落香，唔「漏」，豬頸肉食落爽口唔Un炒雜菜料好足，有鑊氣，上枱個煲仲係熱已經差好遠。到左最後既炒飯，睇落簡單，但粒粒飯唔會痴埋一齊，望落有光澤，但食落唔油，啲雞粒無雪凍，掂！最後埋單510左右。但極力推薦，唔好兩個人食呢到咁多款，真係會食唔哂！最好4個人食就岩岩好。惜食，唔好浪費，先至係美德。