木屋大排檔

营业中

休息中

今日冬至，打算係外面買啲外賣加餸，係太和接左朋友，然後經過我之前食過嗰間木屋泰國嘢，覺得好正，所以就想食多一次，我為咗佢等咗半個鐘頭，因為佢五點先開下場，但係我覺得係值得嘅。因為佢嘅食物質素真係好高。所以就去左篤串燒賣，再番黎買外賣！我就照舊叫咗上次食嘅住嘅拼盤啦裏面有豬牛雞串燒！然後再叫個炭燒豬頸肉，之後想試吓佢嘅黃咖喱雞，再叫多個Padthai 🥰🥰佢個炭燒拼盤同上次食一樣，個豬頸肉好爽口，而且炭燒味好濃，加上串燒豬牛雞，啲肉唔會柴口，尤其是雞，葉得好入味。個pad Thai 都幾多下，而且入面嘅蝦又多，都好彈牙，佢啲調味比較有啲fusion feel，唔似一般泰式咁酸酸甜甜，港味較重，幾有鑊氣！而咖喱雞做得好出色，佢個雞好嫩，好似一般海南雞飯啲雞咁，同埋咖喱偏甜，同好重椰奶味，而香料就唔係好多，好啱我胃口，因為怕太重香料味，因為上次帶咗杯泰式奶茶覺得好好飲，今次都嗌杯比自己，果然都冇失望🥳🥳

木屋呢間餐廳開左唔算好耐，但口碑已經好好，但一直未有機會試。適逢呢排天氣凍唔想煮，終於可以黎食下啦。６點後禁堂食，我地唯有外賣啦。兩個人都要食得豐富Ｄ！青咖哩軟殼蟹焗麵包雖然外賣搞到佢要拆件，但依然無阻佢既美味！！！我地將個麵包分件，再點Ｄ青咖哩食，基本上唔梗軟殼蟹我地都可以食哂成個包，個青咖哩椰香味十足，好開胃！麵包就焗到外脆內軟，軟殼蟹都非常出色，而且份量好足，$128就有足足兩隻，size適中，一Ｄ都唔欺場。食完呢個焗麵包，我地兩個都已經飽左５成。。。。。。勁爆炒生菜包Ｄ肉碎好惹味，點解我自己永遠都整唔到呢個味。。。好有泰式風味。佢個味道比我想像中辣，但係愈辣愈想食。配埋生菜岩岩好，中和返佢既辣勁。COMBO小食併盤估佢唔到，$52都咁大兜喎！呢個真係抵食，共有四款，每款兩件唔駛爭。個人最鐘意食個春卷，就算外賣返到屋企都仲好脆口。辣椒膏豬頸肉炒飯呢個炒飯真係要大讚呀！睇個色水已經知夠哂味，雖然係炒飯但都唔會食到成口油，辣椒味亦唔會太重太過份，豬頸肉亦好夠量，強烈推薦！我一個人都搶左大半盒黎食。。。。。。仲要愈食愈開胃，開你死未！總括黎講，兩個人三百幾蚊食到呢個份量呢個質素既泰國野

之前同朋友食飯，佢介紹左e間餐廳，佢話食過覺得唔錯，所以就去左食dinner，餐廳環境唔錯，幾闊落，菜式都多。我同朋友叫左幾樣野食，有沙律，米紙卷，薄餅，拼盤，串燒，茄子條同邊粉薄餅份量多，好似食極都仲有質地好軟熟，好香奶油味但摸落又唔係好油正！鮮蝦牛油果沙律賣相唔錯 但可能因為食唔慣牛油果，所以唔係食左好多但牛油果蓉食落幾creamy軟殼蟹米紙卷之前係其他餐廳食過米紙卷覺得唔錯，諗住再試下，但口感唔同，之前食果個皮比較軟身，e個就比較硬，再加埋軟殼蟹，食落有d難度，不過味道唔錯的！鮮蝦炒金邊粉食落唔會好油好膩，側邊有附上少少調味比你撈，不過有d辣，食唔到辣的朋友要注意蝦的份量有d少泰式椒鹽茄子條比一般椒鹽鹹左少少，不過好味的，外皮脆口內裏軟身，份量都多串燒拼盤有雞牛豬同豬頸肉肉質唔硬，易入口，而且外面仲有小脆小食拼盤

好耐冇食泰國菜喇！出面泰國野閒閒地過百蚊一個餸，呢間絕對係抵食加過口癮之選！我哋連埋沙律、蒜蓉包、小食、餸菜叫咗六樣嘢，份量都好夠四個人食！因為屋企有老人家，所有餸菜我哋都叫咗小辣。青木瓜沙律 $62酸酸甜甜，好開胃，特別仲有啲果仁，屋企老人家都鍾意！推薦：4.5/5 （必食之選）蝦頭油蒜蓉法包 $48雖然個名叫蝦頭油，但係一啲都唔油膩。一共有六大塊，蒜蓉味可以再重啲。推薦：4/5Combo小食拼盤 (小) $52春卷、魚餅、庶蝦、雞塊，一共四樣嘢每樣野都有兩件！味道都正常。推薦：4/5勁爆炒生菜包 $78肉碎炒得超級香、好惹味、半肥瘦豬肉剛剛好！生菜份量都唔少，包住啲肉碎食真係好好食。食泰菜，冇可能叫生菜包。推薦：5/5 （必食之選）馬拉盞炒椰菜苗 $72食泰菜，另外一樣必點嘢就係椰菜苗。馬拉盞炒椰菜苗真係好食，椰菜苗都算幾爽口，送飯一流！推薦：5/5 （必食之選）鮮蝦炒金邊粉 $88金邊粉相對其他餸菜味道比較淡，加埋少少檸檬，味道比較清新。用嚟配其他餸菜都可以！推薦：4/5整體黎講，呢個價錢食到咁嘅質素泰菜，絕對係相當抵！性價比超高。就算外賣自取，都唔影響食物嘅味道、質素。非常推薦

木屋水準真係唔錯，分量碟碟都好大份我哋嗌左馬拉盞炒通菜，上菜熱辣辣咋渣聲。嗌咗雞肉同豬肉串燒，沙嗲汁甜甜地同埋有花生粒唔錯唔錯👍🏻👍🏻👍🏻每次食泰國嘢都一定要食豬肉碎生菜包 同埋椰青。最怕飲到啲冇味嘅椰青呢個好甜☺️☺️勁滿足我呢個鍾意飲椰青嘅人。朋友就嗌咗泰式奶茶 上面仲有啲cream. 泰式奶茶對我來講太甜就冇試到啦仲有至愛又簡單嘅香葉辣肉碎煎蛋飯，真係覺得泰國一啲好簡單嘅嘢都可以整得好好味😋😆 雖然香港食就貴好多不過將就吓啦，肉碎炒得好香辣 送飯一流 加埋個窿邊荷包蛋真係冇得彈，撈埋啲蛋汁飯都可以爬幾碗！值得一提嘅係呢一間嘅所有份量都好足料完全夠飽架

之前嚟過木屋堂食～已經比佢驚艷過，好好食而且餐廳都裝修得好有格調🤣最近因為6點後唔可以堂食，唯有外賣返屋企食！6點幾嚟買～等咗10分鐘左右就有得拎啦！今次叫咗黃咖哩牛腩、大嘅小食拼盤、同燒豬頸肉做餸～然係係屋企自己煲飯🤣正呀！燒豬頸肉份量好足呀！滿滿一碗😋唔係個啲好多菜係下面墊住個種！個邊燒得好香脆！點醬食真係一流🤪講返起都流口水小食拼盤都係寫有幾多件就幾多件！無略水😂👍🏻每樣小食都好食，餸飯食每啖唔同餸真係好正！一次過滿足晒所有願望hahaha 而我個人最鍾意食佢嘅泰式春卷同庶蝦😍味道同喺餐廳食嘅一樣好食～因為媽媽唔食得辣所以點咗黃咖喱牛腩～真係完全唔辣！食到椰奶嘅奶香～更加可以帶出咖喱嘅香味😋牛腩量都唔少～最後嚟張全家福～係屋企都食到咁好食嘅泰國菜真係好幸福💯而家夜晚禁堂食，外賣自取返屋企享用都不失為一個好選擇呀～👍🏻

自從朋友搬咗去大埔之後，我哋就間唔中約喺大埔食飯，唔經唔覺都去過好多餐廳，依次就揀咗近太和嘅「木屋大排檔」，就咁聽個名可能會以為係食小菜煲仔飯，其實係食泰國菜先啱🇹🇭雞全部都係雞🐔🐔我地本身諗住嗌一個小食拼盤，但揭揭下餐牌見到依個雞肉拼盤，就比依7款不同口味嘅雞肉吸引住當中最有驚喜嘅係手撕雞菠蘿沙律，沙律嘅酸辣汁調較得非常開胃，配埋甜甜嘅菠蘿同入味嘅手撕雞，真係忍唔住會一啖接一啖咁食🍍個兩款釀雞翼（忌廉蘑菇雞翼、蘆筍雞翼）都好好食，蘑菇同蘆筍增加咗個層次感，而且有啲蔬菜感覺上健康啲😂不過辣味雞槌唔夠辣，相對其他雞翼就較失色🌶冬蔭功明爐海鮮鍋🍲又係一樣令人驚喜嘅菜式，份量比我哋想像中大！海鮮亦都好豐富，入面有大蝦、青口、好多蜆同魷魚圈，最吸引嘅係啲粉絲索晒冬蔭功汁，非常惹味😆鮮蝦金邊粉🦐金邊粉就正常發揮啦，因為另外兩樣菜式實在太特別喇😅我哋仲叫咗椰青同泰式奶茶，係好滿足飽肚嘅一餐😋

大埔出晒名多嘢食今次嚟到呢間木屋大排檔食泰國嘢餐廳地方闊落裝修都幾有泰國特色Menu製作精美而家叫小食拼盤仲會有生啤送青檸梳打糖水比例唔會太多啱啱好，食泰國嘢口味咁重，飲青檸梳打解膩一流冬陰功湯配野菌蝦用料十足味道上岩岩好，唔會太咸，但有好濃烈的冬陰味，椰味唔算太出，蝦肉亦都好彈牙，勁多秀珍菇，仲有過火keep住熱住個湯，正！燒菠蘿上面嗰個有少少焦糖脆冇諗過佢$22會有六舊咁多甜度亦都相當足夠青咖喱軟殼蟹焗麵包分量超大以$128黎講有兩隻炸軟殼蟹再加咁大個青咖喱包可算是物超所值軟殼蟹炸得亦都非常之酥脆麵包上面亦都搽咗滿滿嘅蒜蓉醬食落非常之香口青咖喱亦都非常之香食到臨尾有少少後勁嘅辣泰式柚子沙律係我食親泰國餐廳都會必點嘅菜式呢間餐廳會加多左有腰果嘅元素增加左成個沙律嘅口感由於加咗好多嘅洋蔥同埋山菜喺中間，所以調味相對比其他舖頭清新分量亦都相對大碟串燒拼盤一次過可以滿足晒你想食嘅肉類串燒嘅食物仲保留到有肉汁另外仲會有沙嗲醬同埋辣醬跟返鍾意食肉一定唔可以錯過街頭波波腸係其他泰國餐廳比較少見嘅菜式如果想回味下泰國嘅風味就一定要叫波波腸肥肉會比較偏多，食落口油脂口感比較重紅椒出奇地好食落完ord

今次同兩個朋友一齊去左木屋大牌檔到食晚餐,Menu睇落都好多選擇,由豬,牛,雞到魚,蝦.蟹以及粉麵飯都有.食物我地就叫左一個細嘅小食併盤,一個串燒併盤,鮮蝦金邊粉,椒鹽茄子條,薄餅同鮮蝦牛油果沙律小食併盤就有蔗蝦,泰式春卷,炸魚餅同雞卷塊,當中我最鍾意就係春卷同蔗蝦, 春卷好脆,粉唔會厚,剛剛好. 而蔗蝦裹面有一粒粒嘅蝦肉, 蔗都好爽甜,咬一兩下都好過癮串燒併盤有雞豬牛串同埋燒豬頸肉,賣相到味道都好好,唔會燒到好乾好硬, 肉汁好豐富,豬頸肉仲燒酊到邊位脆脆地,好好食!鮮蝦金邊粉份量都OK, 金邊粉炒得滑,但唔會散哂,調味都唔錯,上碟旁邊有芽菜同味粉,可以按個人塔喜好撈匀.薄餅香軟,上枱仲熱辣辣,香噴噴,仲好煙韌鮮蝦牛油果沙律, 牛油果製成嘅醬好清新,配埋蝦食,更加突出蝦嘅鮮甜味.相當開胃飲品就試左香矛特飲,味道清香,啱哂配D比較重味嘅食物最後仲有叫椒鹽茄子條十分脆口,份量都幾多,送飯食一流,鍾意食茄子可以一試!

這天夜晚放工來到木屋大排檔。呢度嘅餐牌中，菜式款多，價錢亦合理。佢哋嘅上菜速度都幾快㗎😊等咗一陣，各項嘢食就熱辣辣送上枱。黃咖喱味道香濃，只係少少辣，啱我哋口味。雞肉同黃咖喱汁好夾，咖喱裏邊亦有薯仔以及其他配菜。蒜蓉包香脆，點黃咖喱汁食好好味。香葉肉碎飯一向係我哋去到泰國食店嘅首選。飯一上台好香，加上有特色嘅碟承載着，賣相唔錯。我哋唔食得辣，所以叫咗小辣，佢嘅味道正合我地口味。香葉肉碎份量好多，入口味道充滿住泰國香料感覺；加上煎蛋係煎得靚靚嘅太陽蛋，同白飯一齊食，非常滿足。呢個蒸茄子估唔到咁大碟！馬拉盞鹹鹹地辣辣地，令到成碟茄子非常香。馬拉盞加埋蝦乾，上面在我粉絲，連同茄子一齊入口食好好味。蘋果沙冰感覺很新鮮，食完濃味野飲一啖沙冰非常之舒暢！今晚食得好滿足，整體來講店舖食物質素幾好，價錢亦非常之抵。限聚令後呢間店係一大班人聚會之選

<<Thursday Couple 為食記👣😋>> 好耐無update thursday couple 喇，但其實我哋係周圍去食多左好多嘢🤣就嚟唔可以叫Thursday couple ，要改名，因為週一至週五都會不停食食食。今日又去到大埔，太和個邊，搵到間環境靚靚，裝修靚靚嘅泰國餐廳，係上次同男友食另一間牛排嘅時候見到話想下次黎食嘅！因為佢個Meun真係想當吸引！☺️🤭🤤然後，真係冇失望！全都是驚喜，好食到爆🤩😋絕對無誇張🤣🤣🥳🥳講完又想再去過！首先開頭都係比佢嘅裝修吸引左，講真佢真係幾大間，講緊係平時小店一個double 再多啲，大埔呢啲地方好少見咁大嘅餐廳，而家格調好好，比較暗，食晩餐係會舒服好多。佢都有提醒顧客要一齊抗疫！加上佢啲牆上面嘅塗鴉，都好有特別，似係畫上去，隨心得黎又有好味道，係一幅公雞嘅圖但雞嘅身係菠蘿，都幾有創意，同幾有泰味。仲有！佢用左好多好靚嘅木制吊燈，配合番佢「木」嘅元素，講真，我好中意🤣🤣🤭就算唔係講食嘢，呢到嘅環境真係不錯，唔會話係求求其其食餐飽飯但種。枱櫈嘅放置位置都錯落有致，不錯不錯🤣😎未食飯都大飽眼福😝佢嘅Menu仲教埋

疫情下冇得去泰國決定搵間泰菜食當然大埔區既係我首選木屋大排檔環境舒適一坐低打開Menu見到有好多特色嘢食 我們亦被兩款特色菜色吸引「泰式墨魚脆豆卜」將墨魚釀在豆卜炸入口口感非常香脆非常適合作送酒小食「翟道翟街頭臭豆腐」呢款菜式好特別我一向都好鍾意食街頭臭豆腐所以我哋都點嚟試下一上枱已經傳來好香嘅臭豆腐味配上海鮮醬後有街頭食臭豆腐嘅味道能夠喺泰國餐廳品嚐這道香港特色美食不錯「冬蔭功明爐海鮮鍋」食泰菜當然唔會少得冬陰功湯啦湯底除咗帶我酸辣嘅冬陰功味仲帶有海鮮嘅鮮甜味海鮮分量充足鍋底配有粉絲有香濃冬蔭巧味🤗「曼谷冬甩蝦餅」冬甩炸蝦餅夠香脆彈牙「焦糖燒菠蘿」平時食燒菠蘿食得多在菠蘿上面有一層脆焦糖食落口焦糖面脆菠蘿好甜又多汁作飯後甜品不錯之選👍🏻整體食物品質及味道不錯份量充足再加上餐廳一些特色菜式平時泰國餐廳吾多見不錯之選👍🏻

食過幾次，所有菜式都一樣咁好食😋之前木船嘅擴大店店舖比木船較闊和大西陸路邊炸雞🍗炸雞係有骨的鮮雞，不是雪藏的雞塊👍🏻用泰式香料醃製，再落粉去炸，炸至金黃色，十分香脆美味，味道與黃咖喱非常夾而且炸雞裏保持多汁，雞嫩☺️雞塊本身都夠惹味，不過驚太乾就可以點咖喱食黃咖喱較貼近港人味道，加了蛋汁，令味道更升華咖喱裏面仲有幾舊炒過的甜薯仔🥔十分飽肚🥰麵包頂部搽滿了蒜蓉😋麵包焗至十分脆食完咖喱就可以切包，點滿咖喱的麵包外面脆，裏面較濕和軟😝第二道係冬陰公海鮮鍋，海鮮份量十足😇每一樣海鮮都十分新鮮，仲有海水味有🦐、花甲、青口、魷魚🦑配菜有秀真菇、金菇、少量粉絲😆吸收曬湯底精華🤩湯底亦十分好飲，加了少少奶，更貼近港人口味😋成鍋都可以食曬下面有火一路滾住

收工約埋幾個朋友一齊食泰國野😋😋等左一陣就有位，入面都幾大下唔會話要坐到好逼，望一望個menu 超多選擇😆睇到人花多眼亂，啱晒一大班朋友黎，可以試多啲野🤣我地就點左幾個主食同小食~首先係個冬蔭公湯配野菌蝦，酸度同辣度剛剛好，係泰國嘅味道呀！湯入面仲有好多蝦同菇，啲菇索晒啲湯好惹味😋😋小食方面就叫左個串燒拼盤，有晒豬、牛同雞，一次滿足晒幾個願望，每樣有兩串，特別係個豬頸似好軟淋！另外有兩個醬汁可以點，其中個沙嗲牛好濃，正！😋😋😋主食就有泰式海鮮炒粉絲同馬拉盞雞粒炒飯，個炒粉絲好足料，有唔同嘅海鮮，唯一係可以再少油啲就perfect！炒飯有驚喜，少少辣好開胃好惹味，我平時唔多鍾意食飯嘅都食左兩碗😋😆不過又係可以再乾身少少野飲試左龍眼冰同蘋果沙冰，蘋果沙冰好正，好fresh酸酸地好開胃，啱晒食完濃味野清清口腔😆龍眼冰相比起就略為甜左少少~

大埔食泰國菜其實都幾多選擇，不過今次嚟呢間時，因為聽朋友講啲嘢食幾好食，同埋真係幾大件，選擇都幾多，所以今次嚟試吓。其實見到個Menu都已經好吸引，但係今次打算買返屋企食，因為覺得返屋企食坐得舒服啲門口好光猛，一眼就見到佢叫咗個辣椒膏肉碎炒金邊粉，啲金邊粉好彈牙爽口，好入味，又唔太辣，小朋友都食得。叫咗份串燒食試吓，燒黑毛豬肉串，好香嘅豬味，平時出面食啲黑毛豬都有陣蘇味，今次一啲都冇，仲要好軟淋淋，好食！最後叫咗個青咖喱牛肉配簿餅，薄餅就係嗰隻印度薄餅，剪出嚟好鬆脆，同埋青咖喱汁食好醒胃，牛腩都大大件，我仲將啲青咖喱汁撈埋啲金邊粉一齊食，好味。