有骨氣火煱專門店 (已結業)

4月6日, 同港大班老友跳完舞, 去左有骨氣食火鍋, 之前(一年前)同朋友去過尖沙咀個間, 價到P.K., 所以沒有再去, 今次都預左要$200 - $300 埋單, 點知做緊特價, 9:00後仲係$68/位任食任飲, 仲唔同你死過!!湯底: 1個東瓜鐘+ 1個木瓜魚(要$20蚊個)食物: 肥牛, 丸, 魚樣樣都好食, 只有餃子同魚皮餃可以不吃飲品: 汽水, 啤酒, 竹庶水, 酸梅湯任飲豉油免費, 不過其他如辣椒, 炸蒜要成$10蝶.美中不足是上菜勁慢, 同只可食2個鐘

公司終於等到老闆回來請食開年飯，家陣已經係年十六喇。我哋選咗有骨氣食打邊爐，當然我哋成間蚊型公司都係得個十個人，老闆當然會比得輕鬆，又唔去食四季火鍋，衰到死！我哋其實一早預訂，當然要叫定象拔蚌，因為佢哋呢度啲象拔蚌真係叫做賣得平。（需知有骨氣啲嘢食一啲都唔平！）有骨氣係我哋公司的指定食肆，因為夠近嘛，即係中秋，團年，老闆都一定要話响度食，好似係榮譽會員咁。豬骨湯沒以前的香濃，冬瓜盅卻依然香甜，木瓜魚都唔錯。必食的仲有叉燒包、奶皇包、魚面、小籠包、芝士蝦丸同千島汁墨丸，牛肉以有骨氣肥牛最好。同埋無止境的汽水、啤酒，以及開了六支紅酒，死都唔蝕比老闆！我哋十個人就食咗三千幾。不過都有活魚，但係自己比就唔嚟洛，醬油同飲品費貴嘛！

the price of the food is ok/acceptable but vegi are not fresh and seems sitting there for long time - pretty dirty.We'd ordered two types of the soup base, which one is what they recommended - Spicy. It's very hot as well, if you like the VERY spicy soup base, go for it.

因為上一次x'mas party後仲有錢剩，一行同事最後得九人得閒去，叫了2個湯底: 豬骨($88) & 蕃茄薯仔($88)未食開始打邊爐已經比班蝗虫飲晒d湯。加湯唔係加水做得幾好，不過，小心蕃茄薯仔會燶底，有大電影睇又唔錯，不過冷氣好似唔多夠。食物方面:水晶叉燒包、奶皇包(ok,唔係我杯茶)羊肉(得, 有羊味又切得幾好)雪花牛&有骨氣肥牛(ok, 不過冇分別價錢差好遠，叫左成6碟都比人清晒，班肥牛怪真係勁!!!)豬面青(豬頸肉一碟)其中海鮮、配料都普普通通。不過，一班人食得好滿足。

3 December 2006 (Sun) - 晩飯一對好友邀約我哋共進晚餐，為既係宣佈婚訊，故請晒眾伴郎伴娘兄弟姊妹黎打邊爐，book咗一間房，但個人絕對唔認為係咩好房，間房又細又窄長，雖然有獨立厠所，但確似麻雀房多過飯局房，坐入面既所有人，若要去厠所，都要全部人起身讓位，只有坐出面既三個人係唔需要動眾，確實好麻煩，仲聞說有minimum charge，我估唔坐房仲好，大概主人家都唔知道！食物都算ok又新鮮，但係湯底郤略嫌遜色，好耐以前曾經黎過，覺得湯底好正，但今次真既覺得好普通，豬骨味一啲都唔重，雖然料好多，多到跟本唔能夠加嘢入鍋中，因為放唔入，真係諷刺．．．好在呢度既食物真係唔錯，尤其是係丸類，好多入面都有餡，食時要小心，有位靚女差點被辣親，粟米亦非常甜，女士們都好喜歡，菜類個樣亦好鮮嫰，真既好值得讚，始終湯底唔及小肥羊啦～～　下次再黎就真係唔好book房好過，人少就ok～～

呢期吃火鍋吃到上晒火,老銅有骨氣,未發財立品之前去過一次,年來發到在摩里臣山開設皇宮式旗艦,一直無再去.三人世界,有朋友想打邊爐,身處附近.小弟隨口說有骨氣啦.)講開又講,都有N年未嚐過豬骨煲.上一趟三個麻甩共聚,今次就一男兩女,反而比上次吃得更多.一大鍋豬骨煲,蘿蔔,粟米鮮甜,一件件豬骨,吮得不亦樂乎,到最後個煲吃到完全見底.其他配料,羊肉不騷,男人不愛,女子組反吃得津津有味,肥牛三大碟,每人分一碟.雪花分明,沒有手切的raw,吃落肉味濃郁,未算嫩滑,都係入口無渣.三大碟已瞬間轉移在肚裏.年前在鴻福燒炭,吃過不潔的生蠔,因此存在一定戒心,友人不怕,照吃可也.包裝筒蠔貨色,都算係咁.沒有特別海水鐵味.只係一般帶點微腥味道,灼到十成熟.也是如此.手打魚滑,其實只是碗仔翅的魚肉,作為唯一一位男仕,刮魚肉這些粗重功夫,自然落在我手上.其他豬肉,牛丸,豬肉丸,豬腸,大路貨色,有味蝦豆苗餃,幾特別.不遜酒家貨色.啤酒汽水雙管齊下,嘻嘻哈哈又一夜,比志雲飯局更能盡訴心中情,這晚,彷如Sex & The City.咁,我早期經常買鞋,咁咪應該係Carrie?唔係,我覺得自己似Samantha多一點.

湯底又要計,可以任食款式極少,其他唔洗講,當然要科款啦!叫左個豬骨湯底,味道幾好,其他例牌兼行貨無驚喜,另外又加錢叫魚麵等,加埋酒水,四百多元落樓!地方又細,最討厭就係「限時」,簡直呻笨,同樣價錢大把火鍋店揀,以後都唔會再有返頭!

我今次係用Citibank信用卡找數, 都係食$88, 有個鍋底送, 個鍋底唔辣, 不過好香好香, 如果喜歡吃辣的反而會失望呢!我覺得比$88都叫OK喎, 其實出面有好多任點任食都係咁, 話幾多幾多錢, 但係實際就有好多係唔包的, 叫吓叫下就由六十幾變到做百五都有架!我响有骨氣專攻佢哋啲點心火鍋, 佢哋平時食一碟都要$38，我可以一口氣食晒一碟叉燒包，一口氣再吃埋五粒奶皇包，其實我計過咁都已經過百啦，仲有我仲食咗魚片呀、丸呀、菜呀，咁我又覺得好回本喎，最重要係，呢度啲任食始終叫做有質素保證，唔會比啲咋嘢你食，所以我自己就認為食得好開心啦！

上星期五,同朋友一共五人嚟打邊爐,因為知道用恒生咭有$88任食優惠,決定陪朋友試試,因為我遲嚟嚟到先知任食單o既食物種類非常少,基本上可以講係無肉類,真係好失望,如果用呢個價錢(每人$130 己經無叫其他食物同飲品)响銅鑼灣區都可以有好多選擇,再加上汽水每罐$13,真係貴得過份....下次嚟真係要考慮下喇

以為恆生咭有優惠, 話$88一位"任點任食", 去有骨氣打邊爐, 點知坐低, 看看任點菜單, 沒有肥牛, 羊肉.......只有大路貨色如豬肉丸, 水餃, ........。想食肥牛呀, 散叫la。另外, 每檯必定附上楜椒粒, 花生, 辣椒粒, 就算話不要, 都要照計錢。結果,我們同行二人, 只叫"任點任食"餐單，成為HK$307.00.唉, 都話去山林道架la........

終於都試到有骨氣$88任點任食只限個半鐘四個人一定唔夠惟有散叫豬骨湯底好多料有粟米大量豬骨韮菜個醬油料只有生蒜蓉辣椒胡椒似乎比起「滿江紅」的輸蝕散叫一D都唔平肥牛$110生根豆卜菜粉麵等都要$22又叫了魷魚墨魚丸貢丸牛丸餃子肥牛真係整得幾好好薄脂肪同瘦肉分布均勻食落好有口感唔會一舊舊纏住食左都唔知係牛好明顯唔係平價貨墨魚丸打好一大pat自己分粒非常彈牙爽口貢丸就一般不夠香牛丸沒有特別餃子都幾好皮夠薄唔小心夾就會爛仲有個奶皇包幾特別不過又係易裂個湯底雖然好多料但味道偏淡而且多豬油不太適宜飲用後加竹蔗水$80一Jar 頗貴環境方面幾好全部包廂獨立房有電視有線有獨立廁所而且算係清潔私隱度非常高服務都好好按制召喚即CALL即到有求必應之前轉房都講左好多聲唔好意思由地下上樓上都有人帶位唔會當你透明最後四個人食到岩岩好都要$666埋單不過講打火鍋呢我都係鍾意稻香

O really that bad?I tried a few days ago,...didn't seem like as horrible as you described...may be there's sth wrong with my taste bug, or like that I dun have taste, wuhaha...correct me if I'm wrong.

豬骨湯底太肥啦~ 太多油啦~~試左不同的魚, 無樣覺得新鮮~~~魚係我的至愛~~~其他的野食唔見得好味呀~~~$200位喎~~~都係去返稻香好過~~~

上星期五同班同事打算聚一聚，結果就去左打邊爐。個人覺得豬骨湯唔算特別好味，不過加D胡椒粉之後會好香。我最鍾意食o個個吉士奶皇包～外皮煙煙韌韌，奶皇饀又好滑好香甜喎～正！不過如果滖完即刻食就會好燙口，要小心喔。有骨氣牛肉都唔錯，雪花好均勻，不過好似唔係咁抵食。仲有就係芝士腸～芝士味好香濃，而且係濃得剛剛好！因為有每食$300減$100既coupon，所以應該都平左唔少。埋單千幾左右啦，但係我仍然覺得好唔抵囉....因為我一D海鮮都冇食過(事實上係我唔食)，淨係食左D牛呀丸呀咁就百幾....下次打邊爐都係咪搞我。

路見不平！講真，係朋友介紹我上嚟呢個網search搵嘢食，我唔係會員，嚟呢個有骨氣寫吓嘢，係因為上星期六至來吃過。選佢因為個朋友有兩張兩張一百元的現金券，雖然要食滿$300才可用一張，不過都算幾so。當冕場面算幾熱鬧，無話迫人，又無話要趕人走，都唔見有伙記黑面，做嘢都算勤快喎！貴呢，就預咗；呢度食有骨氣呀大佬，你估食美心快餐咩！平ge推介有渣甸街文輝同榮記。我當日十個人，食咗$1480，減返手頭果$200，每人都係$130啫！Ok啦！我哋無食海鮮，話貴會唔會係你食咗海鮮呀？我都有食過小肥羊，香港版平均每人要二百五十，國產版就每人八十；譚魚頭香港版都有食過，每人大約一百八十，不過啲食品都係有骨氣或者小肥羊好啲！話時話，有骨氣我都唔係第一次嚟，嘢食無起初的新鮮感係真，不過又真係唔覺佢哋咁差，我都幾推介呢間嘢喎！八卦啲講，其實對面都有新星，要食平，唔係話高要求，去新星囉！