有骨氣火煱專門店 (已結業)

路見不平！講真，係朋友介紹我上嚟呢個網search搵嘢食，我唔係會員，嚟呢個有骨氣寫吓嘢，係因為上星期六至來吃過。選佢因為個朋友有兩張兩張一百元的現金券，雖然要食滿$300才可用一張，不過都算幾so。當冕場面算幾熱鬧，無話迫人，又無話要趕人走，都唔見有伙記黑面，做嘢都算勤快喎！貴呢，就預咗；呢度食有骨氣呀大佬，你估食美心快餐咩！平ge推介有渣甸街文輝同榮記。我當日十個人，食咗$1480，減返手頭果$200，每人都係$130啫！Ok啦！我哋無食海鮮，話貴會唔會係你食咗海鮮呀？我都有食過小肥羊，香港版平均每人要二百五十，國產版就每人八十；譚魚頭香港版都有食過，每人大約一百八十，不過啲食品都係有骨氣或者小肥羊好啲！話時話，有骨氣我都唔係第一次嚟，嘢食無起初的新鮮感係真，不過又真係唔覺佢哋咁差，我都幾推介呢間嘢喎！八卦啲講，其實對面都有新星，要食平，唔係話高要求，去新星囉！