有骨氣火煱專門店 (已結業)

公司終於等到老闆回來請食開年飯，家陣已經係年十六喇。我哋選咗有骨氣食打邊爐，當然我哋成間蚊型公司都係得個十個人，老闆當然會比得輕鬆，又唔去食四季火鍋，衰到死！我哋其實一早預訂，當然要叫定象拔蚌，因為佢哋呢度啲象拔蚌真係叫做賣得平。（需知有骨氣啲嘢食一啲都唔平！）有骨氣係我哋公司的指定食肆，因為夠近嘛，即係中秋，團年，老闆都一定要話响度食，好似係榮譽會員咁。豬骨湯沒以前的香濃，冬瓜盅卻依然香甜，木瓜魚都唔錯。必食的仲有叉燒包、奶皇包、魚面、小籠包、芝士蝦丸同千島汁墨丸，牛肉以有骨氣肥牛最好。同埋無止境的汽水、啤酒，以及開了六支紅酒，死都唔蝕比老闆！我哋十個人就食咗三千幾。不過都有活魚，但係自己比就唔嚟洛，醬油同飲品費貴嘛！