有骨氣火煱專門店 (已結業)

個日好夜收工~~~行到灣仔打邊爐~~之前睇過佢O地買廣告~~講到幾出名又話咁又話咁~~點知一走入去好似間茶餐廳~~個WAITER問我們要咩茶~~~我地話唔要問佢駛唔駛收錢~~WAITER話:要~~我地問:點解?WAITER話:公司規矩~~佢一句話公司規矩~~我地就要俾多幾十蚊~~跟本就冇一個理由俾到我地~~我地有嘗試搵過佢地<經理> <主任><部長>投訴~~個侍應話佢地<唔係道> 仲話而家得番3個人收尾~~雖然幾十蚊唔係好多錢~但都要俾個理由給客人~~我感覺好似屈我呀~咁我地事實真係唔要嘛~如果我地下次再來~~又是這樣地一句公司規矩給我們無需要和無ORDAR過食品~~價錢又非常昂貴~~我們怎樣算? 可能是有足球直播關係~~個侍應工作好慢~冇乜點招呼我地之後~~我們發覺有好多其他食品都是沒有~~我們食左7樣食品~2枝啤酒~~價錢需要$488非常昂貴~~下次都不會再來~~價錢非常昂貴~~又冇乜招呼~~再來真是笑話~~

同幾個朋友黎打邊爐, 之前聽人講幾好味, 但食完之後都係覺得普普通通咁啦!叫左個豬骨湯底, 魚麵, 水晶叉燒包, 有骨氣牛肉等。個人認為豬骨湯底都幾好味! 但魚麵, 水晶叉燒包並不太特別呢! 最唔抵係個有骨氣牛肉, 覺得有d 貴: 120 一碟, 但唔覺得特別好食!呢度d service 一般, 有d 菜order 左好耐先上。下次都係去番小肥羊好d。

我一向都係"小肥羊" 的捧場客,今日第一次來"有骨氣".可能今日年廿九,人人都上酒樓去.無咁多人,唔會俾人趕. 首先, 係豬骨湯底.($88) 豬骨都有好多件ga.好味.加湯同"小肥羊"和"譚魚頭" 一樣係加湯水,唔係白水.吉士奶皇包- 好正. 雖然比"譚魚頭"細粒, 但比"譚魚頭"就香滑好多.有骨氣牛肉($120) - 有d似Jusco Supermart 賣的火牛腹腩,雪花分佈均勻,係幾好味,但抵唔抵就見仁見智la.芝士蝦丸- I'm a cheese lover so I love it very much 總共叫左十碟料(for 4 ppl). 都好新鮮.但佢的茶芥都幾貴,位位$23.好彩有好多張card都有九折.

今次一行八人訂左一間房, 但所謂既房其實係一間麻雀房, 所以一張八人枱都幾迫. 一間房最低消費為每人$180大元. 其間招呼無咩, d 侍應又無咩笑容, 攞完張點菜單就走左去~ 無咩禮貌可言.嘢食好一般, 無咩特別, 終於每人食左$200 落樓. 應該無下次啦.

一時興起唔想淨係兩口子倒數，即叫埋幾個朋友一行六人出街食飯兼倒數。當各個食肆唔係供應超貴晚餐便是全場爆滿，有骨氣又有位兼且收費跟平日一樣，只係要在十點前交檯便可。我們七點半到，一去到就有位。豬骨湯底味道夠濃，豬骨好腍。魚麵及鮮魚片好鮮，有骨氣推介肥牛肉非試不可。其他食物則不過不失，沒有特別。雖口口聲聲話十時埋單，但最後都唔係好多食客，所以我0地可以一邊睇波一邊慢慢食到十一點先走。侍應0的服務都好有效率。

the food is extremely expensive but not so special. portion is too small, 2 ppl should order at least 6 plates! Nowadays, you can use half price to eat the things in many places. The pork bone is overcooked before. 奶皇包quite good. hey...those vegetables next to my table....have a big worm ....be careful!very crowded place.

開頭食d 野都覺得幾好味, 幾新鮮(雖然貴左小小), 不過都可以接受, 但係埋單果陣真係比佢嚇親, 張單竟然成千元, 我地馬上check 單, 因為只係食左10碟埋再加個湯底, 邊會咁貴woo, 點知完來收多我地6碟野!!! 叫佢改過張...wah...唔check由自可...一check 真係把幾火...waste 左我地9個字既時間...check張單姐, 洗唔洗咁耐呀, 最後張單, 盛惠650大元, 你話係咪好呃錢丫

未做任食前食物確係得,大熱天時都吸到我一個禮拜起碼要食兩次,但任食後食物質素整體差曬,(强調我去唔係叫任食嗰隻,因為有好多嘢冇得食) 不過,態度由始至終都咁好,我去開謝斐道嗰間,我睇返D食評,食開任食嗰D又覺得貴,本來覺得佢值既fans又覺得D嘢差曬,不過可能嗰老闆覺得有數圍la,不過佢個蟹粉小龍包,灌湯餃,坑腩粒真係出面食唔到架！特別提一提,本人覺得坑腩粒煲35分鐘先食非常正！

一句講晒, 黑店話就話$88 任食, 但每個人要俾$15 '奬'油錢, d 肥油仲厚過隻手掌, 有成5mm 厚, 用黎煎薄牛扒就差不多. 其他野都唔好食, 超一般, 連炸魚皮都無!!! 得鮮魚皮, 鮮乜鬼魚皮丫, 少d 成本, 連炸都唔炸之嘛, 垃圾!! 生雞蛋都要$5 隻, 都痴線嫁!!一罐可樂要成$12, a glass of 西瓜汁要$20, 一渣要$80, 係丫, 你無聽錯丫, 係$80 渣丫, 根本就係屈錢, 打邊爐就一定要飲好多野, 你賣到咁貴, 我分分鐘淨係飲野都仲貴過食野丫. 如果唔想咪自己去試下law, 包你一世難忘.

呢間0甘0既有骨氣, 話就話$88任食.但係食完第一round之後, 第2round落0左單成個鐘頭都無0黎.催0左10幾次, 之0黎兩碟菜.終於等0左個半鐘先至0黎到一半.真係唔去好過去, 膽固醇高都食到爆血管.仲要唔平, 埋單一個人要差不多$150.

23/9晚，8點幾，陪人黎食，其實唔係好肚餓，又覺得佢幾貴，不過費時掃人興，都黎左。兩個人食$88一位0既任食，埋單都成$240。d野食ok啦，不過tick親佢d招牌野，都黎得勁少。坐房，但勁熱，食得好辛苦，一早就想走。好似都係跑馬地0個間好d。不過黎呢度食任食，一定飽。今次招呼好左好多，因為人手多左，但都有漏單0既情況出現，不過員工有禮貌左，抵讚。但真係好熱，表達過都無法子。

The price is lower now but the quality and the variety of food for the $88 "buffet" looks not as good as before. However, given the clean envirnoment, it is still worth to try it.

原本同老公約好食峰壽司, 但事到如今...唯有轉地方.在新光潮菜與有骨氣之間, 我選了火窩, 因為好少三十幾度高溫下打邊爐. 坐下時想點菜, 侍應問: "係唔係任食?" "冇中銀卡wor." "...唔緊要啦, 都可以任食." 唔知點解, 我果時已經有"便宜莫貪"的感覺.設定的豬骨煲, 冇上次冬天時食咁濃味. 點了多款菜、牛肉、丸. 魚蛋"叔"了, 牛肉只有雪藏肥牛可任點, 菜好黃. 只有水晶叉燒包及灌湯餃好少少, 其他都唔掂.埋單時連加一茶介, 要$270, 一d都唔平, 但質素一d 都唔值.

昨天用中银卡试$88任食。可能我们是早到（六时左右），客人不多，服务不错，服务员都很主动，很有礼貌。我们应该是八时半要还枱，但他们也没有特别的催我们走（离去时外面等的人很多）。美中不足的是任食的种类有限，饮料、羊肉和招牌肥牛都不在任食之列，与其他有任食优惠的餐厅相去甚远。所谓雪花肥牛不像肥牛，但生鱼片与鳝鱼片不错。总的来说，如果为求一饱，还可以。

上月某星期六晚,我原想跟長頸鹿嘆二人世界,但王小虎失驚無神來電,話約我倆來呢度打邊爐,果真難得,當然要應約.當晚除了上述人等外,仲有肥安娜,西門郎君同埋佢女友共6人,包左間小廂房,但看來似是以前用來打麻雀的,6個人坐就稍為擠逼了點.點左雲吞雞作湯底,味道普通,亦點左生菜,菇同豆腐等例牌配料,當中稍為特別的有魚麵,鵝腸同水晶奶皇飽.好多人叫魚麵都係旨在玩,我地亦唔例外,不過王小虎就擠到一小段一小段,都唔知算唔算係麵,反而傻鹿就好熟手,好完整咁擠成一條長麵,勁!鵝腸係我叫的,初時都怕會唔會好油,但食落都唔算油膩,爽得來又夠滑.奶皇飽小小個好的骰,味道同普通的水晶飽差不多,但多左d湯的鮮味,幾特別,不過傻鹿仲以為係即食唔使烚,真係俾佢笑死! 當晚無剛好播'新紮師妹',我地就邊睇邊烚,邊食邊笑,嘻嘻哈哈又一晚,惟獨係冷氣唔多夠凍,有少少熱,唔夠過癮.