有骨氣火煱專門店 (已結業)

我剛去完有呢間食店, 係第一次去, 但以後都唔會去.我同朋友一齊去食0野, 係$88 任食火鍋, 佢問我0地飲乜0野, 我0地問番佢飲0野係唔係要另計錢, 佢話係, 咁我0地話唔要, 我地就飲自己帶0黎D 汽水及啤酒,飲飲0下有火計走0黎話要計我0地荼價,咁當時飲緊啤酒0個0個就朋友話, 咁我唔飲, 即刻收起罐啤酒, 0個火計就行開0左喇, 係食緊0野呢段期間, 某D 火計面口好差, 兩次撞跌我0地D 0野, 我覺得佢0地故意,又同其它火計話知唔知佢0地咁.到找數時佢收左人頭茶價, 我0地緊係唔比啦, 我0地話己經即時收起罐啤酒啦, 佢話有冇飲過心知肚明, 我個朋友係偷偷0地飲過幾次, 等左好耐, 最後佢冇收到我地錢. 但係我0地離開間食店時有兩個穿黑衫男仔企係樓梯度望實我0地, 眼神有D 威嚇性,我0地幾個人同樣感覺到,其中一個重東張西望, 怕有事發生, 叫我0地行快D.我覺得呢間食店D 火計講0野技巧同態度都好差,佢都唔須要咁講0野, 好似當我0地係賊咁.期間其中一個女火計將一條剛抹完抬之毛巾橫過在食緊0野的食客將抬拋過另一張抬, 咁D 烏? 0野咪跌左落人0地將抬度0羅.

間野幾熱，唔夠冷氣。伙記無咩野做,但係招呼唔好,d 湯好辛苦先等到佢滾,剛剛諗住夾野食,佢居然又幫我加湯,又要等過......同埋聽到佢地係度評論上一檯客，但上一檯客只係講左句：「都要百幾蚊個人,唔抵食。」老實講,百幾蚊個人係唔平, 人0地咁講都合理，但佢地2個仲要大大聲話人0地，唔係咁好。肯定我0地走左,又會話我0地。d野係幾好，由其是佢地招牌包。但係其他野都係同稻香差唔多，但呢度貴好多。如果d招呼好d，會抵d。不過，摩理臣山道0個間d招呼上次食過仲差,個伙記直頭話做唔切，唔理人。

之前聽朋友推介有骨氣, 話好好味好抵死,咁梗係要試下啦, 食完之後覺得極之失望.野食好普通, 環境唔掂, (安排左我地坐入麻雀房)最難食係d 蓮蓉包/奶皇包,又咸又甜熟左之後勁苦,值得讚係小籠包, 唔錯o既.埋單有信用卡discount都要150蚊位,唔多抵囉!!!

一入黎已經覺得服務會唔錯咁,雖然後來serve我地個阿姐全程冇咩笑容,但係都未至於厭.叫了豬骨煲同冬瓜盅,前者雖然係招牌貨,但係我不啃骨頭的..冬瓜盅燒了好一陣子,阿姐就同我地起肉黎煲,好開心~叉燒包,奶皇包,唧唧魚麵都係得意之作,兩種包更是點了幾回.不過我最鍾意還是貴花蚌,味道鮮美~雖然樣樣野都ok,又幾過癮,不過食落,又其實冇咩特別...

之前去過跑馬地有骨氣食過, 無論環境同食物都唔錯. 琴日凍凍地,又去開銅鑼灣行街,於是去咗謝斐道有骨氣試下. 今次有朋友生日,上次食見到有得叫壽包,所以特登訂定壽包,後尾埋單先知原來有人生日係免費喎!! ^^ 個壽包超大個, 而且好靚,個壽星女不知幾開心!! 個蛋黃重要好香好好味.講返D火窩料先, 叫咗散尾雲吞雞煲，個ｗａｉｔｅｒ　比我地食咗一碗湯加雲吞先開始食其他野，淨食都好好味。食完之後個侍應加返湯先開始食。叫咗小籠包,上次食過蟹粉小籠包, 今次試下無蟹粉, 都係好多汁,當然，一分錢一分貨，有蟹粉好味Ｄ既！另外叫咗水晶奶皇包，又滑又甜好得意。四宝丸也不錯，好彈牙。本地肥牛都ｏｋ，不過個唧唧牛肉面就更加得意！魚面原來好食過超級市場個隻好多架！本來想試多Ｄ特色野，無奈得我一個無乜食力既男仔向到，無法ｌａ。不過到會再唻！　

唔係呀？你係咪記錯咗呀, Gut？上次我去就真係裝修OK 喎，時鐘酒店係點我又真係唔多知，我就未去過果啲 地方喎！不過，我都真係食過呢度同佢哋尖沙咀店，覺得食品唔錯，係迫少少，但可以接受。而且，我都試過同女友兩個人食火鍋，又未至於你咁誇張食咗 六百幾蚊，無論係兩個人食又試過，十幾個人食又試過，平均都係百幾蚊，係有一次二百鬆啲，但又真係未試過要三百五咁多．．．．．會唔會你係去咗東來順你唔知呀?

見到其他人對這間野的評語尚可, 價錢都預左係200- 250蚊一個人啦. 未試過點心打邊邊咪去試下囉. 點知….地下門口裝修就美麗堂皇, 上到去好似難民營咁, 所謂坐房即係以前的時鐘酒店房, 我真係估佢唔到囉. 竟然連裝修都唔裝, cheap得佢呀, 收人咁貴要人坐時鐘酒店房廁所門口.. 該煨…我頭頂係電視, 我坐到好似呢埋左係個洞度咁, 我男友右邊係房門, 夾野成日手爭撞到個門handle. 勁逼, 我情願去食大排檔仲坐得舒服過佢.一心諗住佢地方咁差又咁貴, d野食一定好正啦, 誰不知…來個豬骨湯底, 馬上就飲d 湯先啦, 嘩.. .. 淡得佢呀, 同滿缸紅比真係差天共地, 一D味都冇. 好了, 再等埋D食物先啦, 叫了: 蟹粉小籠包(普通, 係唯一一款比較特別的, 但本人認為王加沙的好味過佢十幾倍, 只見很多王油, 沒有蟹粉甘香)蟹粉墨丸(唔得, 墨丸肉勁實)蟹kim (ok, 點醋食幾好)普通小籠包( 真係幾普通)貴花蚌( 面頭勁多雪, 有冇搞錯? $55 叫碟蚌, 你比碟雪我? 灼完之後, 看到蚌身有一躂躂白色野, 好驚)牛滑(唔滑, 同以前一品比較.. 差很多)魚面(同超巿的

近年火鍋當道, 這一兩年真是鬥得你死我亡, 就是傳統的專用炭火、清湯的也變得比比皆是, 沒有甚麼傑出不傑出的了。像方榮記這種做了二十年的火鍋專家, 如今也落得牛不肥美, 湯不令人回味的境地。真的令人概嘆!要選方便的, 稻香就是最就腳的, 本人從不吃任選任吃的火鍋自助餐, 怕它食物不潔, 所以要選平價又地位方便, 首選一定是它。可是, 不知是否近年來了新的浪潮, 國內的小肥羊、東來順都湧了來港, 食物質素變低了, 價錢又貴了好幾個開, 甚感不值, 吃了連肚皮也在罵自己。最近反而跟幾位國內有名的好食之徒走到謝斐道, 一連幾晚決定要試齊有骨氣、蛋家莊、謙記。蛋家莊就是食味不入流, 食物令人一點也不上心, 食物賣相也差, 不似新鮮貨。至於謙記, 牛肉不差, 海鮮也算不錯, 可惜碟頭過少, 定價太高, 不化算; 而令人回味的有香濃鮮茄牛腩湯底, 的確做到色、香、味, 質優而味覺豐, 無奈卻不及鄰近的有骨氣搶鏡。吃的是有骨氣最出名的豬骨煲, 豬骨從化, 味甘香, 有的是內藏骨髓的巨豬骨, 有的是豬蹄根, 亦有豬軟骨, 一個湯鍋的豬骨可以配備了三重的口感, 軟滑還是有咬口, 任君喜歡。一如傳聞, 加

選擇多，豬骨湯味濃，refill時也是用豬骨湯，不會弄淡湯底。"飽"類夠得意，水晶皮包住不同的料，放湯又有另一風味。

My friend asked me to try the food here, he said that the hot pot is quite creative and good taste.I ordered Pork Bone Broth, BBQ pork dim sum, hand made fish noodles, pork dumplings and sweet custard dim sum..........That was my first time that I tried sweetie in Chinese hot pot, that is so funny, and taste is so nice!Also, the private room is so great! Because the private room has its own washroom so that I need not to go to the public one! ( But it has min. charge, you have to puschase over $

我第一次去呢間野食，一坐就去左3樓，但我行經過1、2樓d地方好似好逼，轉過身都會撞到咁樣，我上到3樓，佢係一間間房咁樣，一間房都係坐一、兩台客，環境都幾好，我鐘意佢獨立廁所，夠方便。我同男友2個叫左個羅宋湯底，都唔錯，仲叫左d 蟹鉗、鱔、羊腩煲之類等，我幾欣賞佢果蟹鉗真係d肉係用手打，之後再釀番上去，好爽，果鱔連我呢d唔係太食o既都覺得佢好甜，羊腩煲就一般，可以唔使係度食，服務質素都唔差，可以再試！

基本上呢到係食火鍋. 配料唔係話好特別,但質素尚好. 較為特別o既係有蟹粉小龍包同奶黃包. 坦白講, 怪怪的, 不見特別討好.個人覺得好味o既係黑柏葉,珊瑚蚌. 其他o既就一般.嘩,不過湯底就好得. 友人起初叫提議o既豬骨煲就普通, 反而牛尾骨煲就越打越好味! 呢到最好o既就係加湯唔係加水. 唔會淡mae mae!

平日食開$68任食，起初都唔想試有骨氣，因為佢無任食，要逐碟叫，怕佢幾貴！當日火鍋陳堅決提議去有骨氣一係去謙記，我o地成班一致通過去有骨氣，因為多古怪特色o野食！唔知係咪做節o既關係，去到已經8點幾，但係爆得好緊要，問要等幾耐，佢話可能都要半個鐘，因為傳媒經常介紹佢o的火鍋，加上又勁多人食，估計都應該幾好食，所以決定豪半個鐘俾佢。最後等到九點兩個字，入到去，立即叫一個豬骨煲，一個冬瓜盅。蟹粉墨丸，叉燒包，竹笙蝦卷等。冬瓜盅好特色，不過最終因為人太多要分屍！o的waiter推介我o地先飲一碗豬骨湯，真係好好味，好香好濃，然後個waiter勁幫我個檯加湯，佢話係「加湯，唔係加水！有骨氣火鍋全部加湯o既！」當中至愛叉燒包同奶皇包，叉燒包糯糯的，的，香甜滑溜。奶皇包個concept夠special，用甜品打邊爐，又咸又甜都好夾味！是次每人先至付出$148，連加一，酒水，比我想像中平。可能我o地有Citibank咭卦？

做飲食版已經好一段日子，香港最好的都已經食，過說起中式食，自已心水都會推薦都離不開有骨氣、阿一鮑魚同香港區福臨門。一個月前去有骨氣做訪問，Mark 老闆大怒，話要揚件事出黎，話說他以前同謝猆道H記的老闆Andy好鬼Friend，點知俾人起飛腳，跣到直，仲要攞埋佢啲原創概念去跟，都無所咯，但係呢位Andy哥就擺明玩嘢，總之出晒火位嗰隻；本來都相安無事，不過搞笑在某報社竟然聽咗個故事之後，搵Mark老闆將個故事口述，然後做連載，咁搞法咪仲頂引過李麗珍單嘢？早前推介咗個Open Rice. Com俾Mark老闆睇，諗住俾佢睇吓自己間鋪有乜可以改進，本來佢都好開心，仲話有食客批評至有進步，仲Print埋啲食評出來開會叫班高層睇，再諗吓點去滿足班食客。點知無幾耐之後，佢就打電話俾小記，叫小記上openrice.com睇吓，H記又玩嘢；小記立即上佢哋同H記評語欄，唔？乜真係玩得咁出面呀？無所謂啦！反正遲啲都會原汁原味將有骨氣創業故事報導出來，咪等啲食客睇下有邊間食肆專同有骨氣作對兼鐘玩抹黑囉！正如有骨氣集團老闆Mark話齋：人格品德唔好，購貨質素都唔會好，做飲食業好似賣藥咁，一定要有良心，如果唔係

同朋友總共四個人去食, 埋單$600, 試過佢地既特色食品, 味道都ok, 但都幾貴下