明記潮館 (砵蘭180+商場)

营业中

休息中

今日朋友帶路話要食蠔餅 我哋即時諗起廟街 但而家天氣咁熱去廟街食蠔餅肯定超熱 所以轉場去咗旺角食生炒咕嚕肉 新鮮炸起 脆漿脆又薄 用嘅豬肉似係黑豚肉或者豬頸肉嗰類 食落非常爽彈有肉汁 而甜酸汁味道亦適中 所以好好食水煮魚片 份量超大 裏面除咗起咗骨既魚片之外仲有大豆芽薯粉等等 而許多水煮汁係非常正宗 夠味夠麻香酥炸蠔餅 雖然係酥炸 但係食落一啲都唔會覺得膩或者好油 蠔肉都算大粒 比起平時係街食嘅蠔餅好味好多鹵水鵝片 入味又啖啖肉 底下仲墊咗鹵水豆腐食滿300蚊可以用超抵價$8配鹵水雜錦拼盤 而且份量一啲都唔細唔孤寒 仲有好多唔同配料 尤其以鵝腸肥豬腩最吸引

同老竇慶祝生日老人家鍾意食中菜搵咗間大排檔味道幾好不過搵個地點就有啲難芥蘭煲啫啫雞煲炸大腸椒鹽九肚魚滷水拼盤服務幾好有員工推介滷水拼盤好出色👍🏻下次會再嚟試其他嘢食

爹哋鍾意食潮州菜，特登揀咗呢間慶祝父親節位置比較難搵，上到去裝修幾特別除咗潮州菜式，都有好多其他小菜，唔驚唔啱食▶️ 滷水鵝片 ($188)鵝片好薄身，肉質鮮嫩🪿滷得入味底部係嫩滑嘅豆腐，仲有花生粒▶️ 韮菜豬紅 (+$8)叫夠$300可加錢換購，份量足一嚿嚿四方磚形狀嘅豬紅，口感似啫喱，滑捋捋好得意▶️ 椒鹽鮮魷 ($148）好大碟！勁多椒鹽粉，夠晒惹味入口香脆，炸粉好薄而且乾身魷魚煙韌大條🦑▶️ 薑蔥霸王雞- 半隻 ($138)雞肉雖然係蒸🐔但唔會太乾好有肉地，唔淨止得骨雞肉調味幾好👍🏻又唔會太油▶️ 蜜椒一口牛柳粒 ($160)賣相似模似樣牛柳粒食落好腍唔韌，中間粉粉地色醬汁甜甜地薯仔都覺得唔錯🥔外層焦香，唔係爛蓉蓉▶️ 金銀蛋娃娃菜 ($108)個菜就細咗少少，不過好足料，上面勁多鹹蛋鹹蛋白撈飯好正😋娃娃菜清脆且索湯▶️潮式蠔仔餅($118)經典潮州菜式，間間製法唔同呢個冇咩麵粉，大部份蠔表面鋪滿金黃色脆脆，香口▶️ 蜜餞欖角焗肉排 ($118)每件大大嚿，都算有肉▶️ 得意熊仔冰凍檸茶 ($42+8)每張枱都會見到，打卡嘢🤣係幾壯觀嘅，成1L咁多熊仔冰可愛🐻味道就同一般檸茶一樣，略嫌味道被冰溝

明記潮館在砵蘭180+商場三樓，乘搭扶手電梯即可直達，十分方便。餐廳裝修富有本地特色，很有心思。這晚和家人用膳，點了幾客食物，當中包括：蒜蓉蒸海蝦新鮮的海蝦質地彈牙，肉質飽滿多汁，蒸煮後保留了蝦肉的原汁原味，沒有絲毫過度烹煮的痕跡。而蒜蓉醬汁的調配更是絕妙，蒜香濃郁，恰到好處，不會過於刺鼻閬加上適量調味，營造出了一種醇厚而不俗的風味。蝦肉與蒜蓉醬汁完美融合，互相輝映，層次豐富。精心擺盤更增添了這道菜的視覺魅力。蝦肉通體飽滿，散發著誘人的光澤，在蒜蓉醬汁的點綴下更顯高雅迷人。黃金魷魚魷魚本身的鮮美口感被發揮到了淋漓盡致，肉質鮮嫩彈牙，入口即化，完全沒有一絲老澀或柴硬的感覺。而且，這道菜的烹飪技巧也十分出色，炸製後的魷魚外層酥脆金黃，內裡卻依然保持了鮮嫩多汁的原味。這種完美的口感平衡，讓人忍不住一口接一口地品嘗。芝士海蝦炆伊麵這道菜的主角是新鮮的海蝦，口感鮮嫩彈牙，完全沒有任何澀味或老硬的問題。經過細心的炆煮，海蝦吸收了醬汁的香氣，增添了不少風味。而且，這道菜的另一主角伊麵，炒製得恰到好處，既沒有過軟也沒有過硬，保持了最佳的嚼勁口感。麵條與蝦肉相得益彰，在口腔中交織出一種獨特的紋理感。最讓

無論喜歡川粤菜、打冷，又或者拎住支啤酒睇球賽，「明記潮館」都是很好的選擇。除了無柱樑的用餐大堂，原來還有多間大大小小的貴賓房，方便親朋戚友和公司飯聚。今晚來用餐遇上菜館六週年優惠，凣惠顧 任何食品300元，可優惠價$8選購：A鹵水雜錦拼盤，B韭菜豬紅，任揀一款。開胃兩小碟:潮式花生菜圃~我們選擇鹵水雜錦拼盤，為今餐晚飯的前菜。蜜餞欖角焗肉排~欖角是潮汕名物，味道鹹香，與蜜糖入餚，送酒下飯皆宜，我會首選肉排，肉排吸收欖角與蜜糖，味道甘香惹味。石鍋啫啫通菜~肉碎配通菜炒，味道濃郁不會寡，用石鍋上菜，保持到熱度及鑊氣，香氣撲鼻。

上次無Book位，見到咁多人就無食到。今次突登早小小黎食晚飯咁就一定有位啦。我地3個人叫3樣野黎食。蠔仔粥，入面有好多蠔仔肉同肉碎，雖然叫左係小碗，但係都有4-5碗既份量。粥水份量剛剛好有鹹香味。燒汁脆牛腩，上到種外層脆卜卜，入面牛腩好香口，牛肉食落有肉香。炸過後，切薄片所以都容易咬唔會有跟同有渣。水煮魚片，係麻香，魚片塊塊都大大片咁，魚肉十分之滑而且下面有粉做底一定夠晒飽肚。鹵水拼盤，入面咩料都有，真係包羅萬有。大腸夠味無異味，紅腸入味夠熱，墨魚爽脆，豬耳爽脆夠入味，腩肉夠淋肥瘦適中，芽菜香口新鮮爽脆。都只係加左8蚊，有呢個優惠實熟不錯。

【油尖旺區】【明記潮館】同一班朋友喺旺角做完嘢心靈上好攰，就搵個地方食吓宵夜。四個人去到，就點都要擺低返 $20 嘅「小食」費同埋每位 $5 嘅「茶水」費。跟住就上 $168 嘅「粟米魚肚羹」，都幾好味，滑得嚟好香。如果唔知點解會有個 $8 嘅「中滷水拼盤」，唔係我叫。之後上 $118 嘅「西檸煎軟雞」，佢好似係用炸雞扒煎到一舊舊再加西檸汁落去，個西檸汁冇乜問題係啲雞略嫌佢唔係好夠滑。跟住食 $198 嘅「芝士海蝦炆伊麵」，我就唔多好海蝦嘅，不過佢嘅芝士汁做得幾好食，夠晒邪惡，我都忍唔住食咗好多伊麵呀。點都要食啲農作物，叫咗 $108 嘅「石鍋啫啫通菜」，用個石鍋煮住啲菜，幾夠熱，而通菜本身亦都炒得幾有鑊氣、幾夠味嘅。之後上 $160 嘅「黃金鮮魷」，鮮魷配上鹹蛋黃醬，睇字已經夠邪惡，食落仲要熱辣辣，非常爽口，會忍唔住一舊接一舊咁食嘅。嘢飲方面，除咗本身餐廳供應嘅茶水之外，我哋叫咗四杯 $42 嘅「熊仔檸檬茶」，係一杯好大杯嘅凍檸茶，再加一個熊仔樣嘅檸檬茶冰，女士至愛。補多兩個 $16 嘅「白飯」同埋加一服務費之後，埋單價係 $1100，四個人食嘅話其實都唔貴，始終都幾飽吓。。。（地址

同一大班朋友食叫左個潮州鳳爪食 個汁怪到！唔係平時食開嘅潮州鳳爪嘅味道囉個蠔餅 蠔還蠔 粉還粉炸到咁難食但真係世界級！ 西利！然後又叫左個椒鹽白飯魚食到 燶咗嘅味 同埋啲白飯魚好似炸到冇肉咁感覺食緊豬油渣同個侍應講有啲怪 佢都話炸到燶咗 肯幫我地退冇幾耐 第二個侍應行過嚟話冇得退話呢個係佢嘅招牌菜式 係炸到咁㗎喎 送酒一流喎點都唔肯退明明一開波已經認左係炸燶左後來又唔認數食到一肚氣！想鬧交去個到食岩架啦！

椒鹽白飯魚，炸到超乾，完全冇肉，侍應過到嚟，佢話椒鹽白飯魚係去舖頭招牌菜，個特色就係鬆、趣、香🙄🙄🙄 但食落嘅感覺係咬緊啲粉漿，炸到燶咗嗰種感覺，堅持唔肯退款，亦都唔肯換過另一碟。另外，炸蠔餅，未見過炸完所有嘢都係散開，又話係特色嘅一碟，唔會有下次，最後一肚氣走了。難食到嘔、服務態度差

孩子👦🏻在旺角有活動，我們一家晚餐就在旺角吃。今次決定吃潮州菜。這兒地方闊落，適合一家老少或朋友暢聚👍🏻。孖寶D：家鄉鹽香雞（半隻）+翡翠炒龍躉球🥢家鄉鹽香雞（半隻）🍗我家孩子👦🏻十分喜歡吃這碟家鄉雞，咸香味十足，醃得入味，肉質也夠嫩滑。刀工乾淨利落，不會有碎骨，一家老少都適合吃👍🏻。🥢翡翠炒龍躉球🐟這道菜有脆有嫩，翠玉瓜切細，炒得爽脆。龍躉份量多，快炒保留營養和新鮮，肉質彈牙，真是物有所值！👍🏻🥢滷水雜錦拼盤這個雜錦拼盤的材料十分豐富，有墨魚、魷魚、鵝腸、豬大腸、紅腸、豆芽、五花肉等，全部都以滷水汁醃好，十分入味，飲酒送飯一流！而且價錢經濟實惠，特惠價只是$8一碟！🤩🤩🥢潮州炒米線🍝米線幼細，蝦仁和魷魚的數量非常多，配上雞蛋一起炒香，蛋香味十足，完全沒有添加其他味精，我家孩子非常喜歡🤤，我也覺得十分健康，放心給孩子食用👍🏻。喜歡辣的朋友可以配上辣椒油和配上豆瓣醬。

呢個滷水雜拼成功將唔同食材融合一起，相當之入味。墨魚、鵝腸大腸、豆牙等地道食材，配合滷汁所帶來既香濃口感，十分美味。食後胃口大開，忍唔住連碗飯都掃乾淨。這份滷水雜拼價錢公道，因為做緊特價8蚊，絕對值得一試。推薦！呢個滷水鵝肝配合豆腐底絕對係絕配好拍檔！鵝肝入口即溶，綿軟味道鮮甜，完全唔會太膩。而豆腐底既布甸般滑嫩口感，加上百分百吸收到滷汁既濃郁，令人齒頰留香。配上白醋提味，酸甜交織，入口回甘。每一口都令人得到極致滿足！價錢都算公道，實在係難能可貴既佳餚，可以一戰。相信就算挑剔食家都會讚不絕口！強力推薦！呢盤蛋黃黃金鮮魷實在係太驚喜啦！魷魚新鮮彈牙，配搭上滑嫩濃郁既蛋黃醬汁，口感層次豐富。入口即溶，回味無窮！清脆感又剛好平衡咗整體口感。最正有啤酒送酒配合，性價比超高，無論係價錢定質素都達到最高水平。個人感覺呢就係難得一遇既絕版佳肴。呢盤沙嗲牛肉炒芥蘭河好惹味呀！肉質爽滑，既帶點嫩度又充滿咬勁，十分入味。沙嗲醬汁香濃惹味，令整個菜式變得更加誘人。火候正好，芥蘭仍然保留著新鮮嫩滑的質感，非常爽口。河粉更是一絕，QQ有勁，完全無半點老化感。整個菜式口感豐富，由始至終感受到層次感。作為一道家常小

在旺角地區吾易找的大廈內，大廈上了一層係茶餐廳，好彩問吓樓面服務員，轉個彎再上一層就係《明記》，因朋友話要食地道潮洲菜，就試下呢間，原來此店只做晚市。潮州菜一定要叫《豬紅韮菜》《滷水鵝肉》《豬大腸拼墨魚》等等。環境比較嘈，有啲服務員比較惡。最後發現檯檯都叫《熊仔檸檬茶》，我哋有叫左杯來打卡，真係好得意。訂位都係用Openrice 超方便。

街邊求其搵一間都好食過佢，𧐢餅難食，外皮多過乜。椒鹽白飯魚啲魚似樹枝，好柴。豆腐魚雲湯啲豆腐酸（壞了）。服務員（男士，中等身材，個頭插住頭箍，眼細，穿便服）態度超差。

今晚收工加班到九點同同事一齊去咗旺角「明記潮館」打冷食宵夜🤗呢度提供正宗潮州打冷及多款小菜！我哋就點咗鹽焗馬友連外皮作鹽烤😬內部魚肉保留豐富水分和鮮嫩的口感且帶微咸味道😌亦可點埋豆醬增鮮👍每次食潮州菜都會點嘅蠔仔粥☺️蠔仔粒粒正常算飽滿😌湯飯加入香芹、冬菜及肉碎及大地魚干提升湯的鮮味🤤剛巧釋放慶祝旺角店六周年依家點菜滿$300就可以用$8叫一碟韭菜豬紅滑滷水雜錦拼盤🤗我哋今次就揀咗滷水就咁拼包括鵝腸、豬大腸、猪耳、五花肉、紅腸及芽菜☺️每種食材都以秘製調味料和香料製成滷水滷到非常入味🫢送洒一流😎飲品有大大隻🐻啤啤熊檸檬茶Sapporo啤酒🍻打冷必點🤗

鍾意打冷食潮州野嘅朋友，千祈唔好錯過位於旺角呢間❣︎明記潮館❣︎開業多年，每日營業到凌晨0330，收夜左嘅朋友都唔怕食唔到👍🏻呢到有成八千呎噤大😯設有多間大房，好適合團體/親朋戚友晚飯聚會。今晚平日星期一我來晚飯都座冇虛席，證明呢間一定係好東西🙂‍↔️👍🏻❣︎滷水鵝片❣︎$188滷水鵝肉嫩香腴，鵝肉滷得好入味，個滷水汁味道好特別😋香氣馥郁，鋪底嘅豆腐亦都相當滑👍🏻❣︎蠔仔肉碎粥❣︎(小）$80必食推介🌟蠔仔份量超多👍🏻好新鮮😋好肥美，最重要係洗得好乾淨👍🏻無蠔殼碎，啲粥煮到粒粒分明👍🏻加埋芫荽同方魚，成煲粥鮮甜無比🙂‍↔️我地兩母女好快手就清晒😆❣︎海味粉絲什菜煲❣︎$128超足料嘅粉絲煲😋有白菜仔，西蘭花，娃娃菜，蝦乾，魷魚，冬菇，瑤柱，啲粉絲索晒啲湯汁，超正👍🏻❣︎滷水雜錦拼盤❣︎(優惠價)加$8凡惠顧任何食品滿$300可以優惠價加$8選購滷水雜錦拼盤或者韮菜豬紅，超抵食呀🤩唔加就走寶啦，雖然係加$8但份量係正價嘅份量😍鵝腎，豬耳，五花腩，豬大腸，紅腸，墨魚片，鵝腸樣樣有👍🏻鵝腸整得好爽脆🌟必食之選。