明記潮館 (砵蘭180+商場)

营业中

休息中

近年發覺地道大排檔好似愈來愈少好開心旺角仲有！明記佔哂成層樓 地方好闊落！食物款式多而且點菜叫夠$300蚊加$8🔴就有碟滷水拼盤，超抵！個日見到有不少男仕放工過嚟嗒返杯啤酒暢談 食下鑊氣小炒個感覺好香港！🔸小食（$20）有醃蘿蔔乾、魚皮花生🥜，食住等d菜嚟。🔸煎蠔餅（$118）🔸椒鹽鮮魷（$148）去大排檔必食炸嘢，超級脆口！好多蠔仔！鮮魷厚身大件，配啤酒好爽！🔸啫啫大鱔雞煲（$198）上菜時真係「喳喳」聲，熱辣辣香氣撲鼻！鱔好大舊多肉，肉彈得嚟幾爽，有口感。旁邊嘅洋蔥、蒜好好好味，好有鑊氣！🔸8元滷水拼盤🔴8蚊咋！有大腸、紅腸、魷魚、豆腐、鵝腸腩肉片，全部都好入味，有咁大碟真係好抵！.🔸熊仔凍檸茶（$42）🔸嘉士伯（$35/支）

想喺旺角搵嘢食真係有好多選擇，淨係雞潮州菜閑閑地都掃到十間八間，但係今日我介紹嘅呢一間係比較特別，我夠膽講佢係旺角區最抵食嘅潮州菜之一。你去到就會知道我冇講大話，餐廳晚飯時間長期爆滿，就算係平日夜晚都座無虛席。😋**滷水雜錦拼盤** 一上枱就聞到陣陣香氣，拼盤入面有豬耳、豬肚、墨魚、雞腸同埋腩肉等等，每一樣都滷得啱啱好，好入味！豬耳爽口彈牙，豬肚軟稔香滑，墨魚爽得嚟又唔會太淋，真係樣樣都正！🦑**翡翠炒龍躉球** 呢個龍躉球真係好大塊，份量都好足，而且好新鮮，肉質好嫩滑，唔會乾爭爭！配搭嘅翠玉瓜爽脆嘅口感，真係好清新！加上師傅嘅火候控制得好好，炒得啱啱好，唔會太油膩，真係好正！🐟**金銀蛋浸皇帝菜** 皇帝菜清甜爽脆，配埋金銀蛋，鹹香得嚟又唔會太膩，真係好夾！而且碟菜真係勁大碟，食完真係好滿足！🥬**蠔仔粥** 呢個粥真係好足料，蠔仔又大又肥美，而且好新鮮，每一啖都充滿鮮味！佢有分大同小兩個size，我哋叫咗個小size都已經覺得好大碗。🦪

所有野都好混亂，服務更加係0分😂呢餐飯無影到相，因為安排係間房仔入面，實在太迫了🫨 位迫+枱迫，不停要俾店員行出行入，移黎移去，根本無暇影菜式😂😂張枱吾平搖下搖下，想問個姐姐拎野攝一攝張枱，佢竟然俾左數十隻牙籤俾我地攝枱腳😂😂 話得呢啲～ 咩料呀🤣食滿$300加$8就有一份韭菜豬紅，呢個味道吾錯😋$288 朋友想食所以叫左一條大眼雞，好似有啲貴？不過係幾鮮甜既蠔餅好鬆散，一夾就炸粉、蠔仔分離晒😂

沒有期望，所以對食物質素要求不高。食物質素，只一般，那區食肆，難找一間較合格的！比幹遜色係鹵水鵝，是近年試過最差的。其它夠鑊氣但味重，个人口味而已。它們晚市生意不錯！一環境不错，在gogo坊。服務方面，大部員工都ok.但....其中一位員工態度之劣，令我們不會再去。他可令這店流失不少客。這男員工，頭上有頭箍，態度輕浮，不段hard sell我們不想吃的诲鮮。他看來在店裹有点話事權。奉勸如有点文化水平人士，這店員的70年代般江湖臭味，會嘔心！雖然這位差勁員工只一个，但佢趕客力不弱！永不會再去。

今晚朋友生日在旺角明記潮館食晚飯,食物質素十分差,味道難食.鹵水鵝鹹到苦.辣酒煮花螺完全冇味.薑汁芥蘭芥蘭生嘅,椒鹽鮮魷淋嘅,石鍋通菜油淋淋濕立立,全部食物都唔合格,男性服務員仲十分冇禮貌,下次不會再光臨.超級差評！

依家位於喺旺角砵蘭街180號嘅旺角潮州菜，朗豪坊出口行過去非常方便，大概係5分鐘，地址都好容易搵到比較就腳，咁我今日就訂咗同朋友食飯，晚上人數多，大家記得預約！✔️滷水鵝片，味道唔錯，但係份量有啲少，幾鍾意食佢伴碟花生，非常惹味，價錢就唔算太貴，我覺得都正常✔️蠔餅，炸得非常香口，鍾意食蠔餅嘅朋友唔可以錯過，再配埋啤酒，簡直冇得輸，好味✔️啤酒特價時段買三送一，整體都唔算太貴，鍾意飲啤酒嘅朋友都可以過嚟，非常抵玩

說起打冷，自然想起旺角的打冷名店明記潮館，雖然不像一般的打冷店位於大街地鋪上，而是位於商場的3樓處，但到訪當天依然人氣火爆，可以坐滿八成的枱，以今日北上風潮的香港而言，可謂相當難得。打冷店當然是以潮式蠔仔餅作為名物，難得來到，當然要一試，店家使用半煎炸的方法烹調蠔餅，蠔仔肥美飽滿，啖啖的蠔仔突顯的鮮味，配搭上店家提供的魚露，剛好中和了半煎炸所帶來的油膩感，亦可提升了蠔仔香，相當惹味。滷水雜錦拼盤，雖然只是加$8半賣半送的菜式，但店家毫不馬虎，有多款不同的滷水雜錦，例如有豬大腸、豬耳、紅腸等等，款款也被滷水充分醃製過，吃下去除食物本身的味道外，更有淡淡的滷水香，彷彿是在食物本身的味道外加了一層香味，有更上一層樓的感覺，絕對值得一試。

今日去咗旺角食潮州菜打冷 可以食下鹵水同埋蠔粥蠔仔粥 我自己鍾意食泡飯多過粥 所以呢啲蠔仔潮州粥就好啱我胃口 可以食到啲飯粒粒分明之餘又有啲湯水飲下 佢個湯底都幾好味加埋啲蠔仔夠新鮮 所以都真係幾好食小炒王 裏面有好多材料 韭菜花 腰果 銀魚仔 蝦干 榨菜絲 魷魚鬚 全部加埋一齊炒味道好夾 而且有好多種唔同嘅口感 銀魚仔超鬆脆 韭菜花夠嫩 腰果香脆 魷魚鬚爽彈 蝦乾夠濃味 椒鹽鮮魷 食大排檔或者打冷必叫之一 香口送酒一流宜家消費滿300蚊仲可以用優惠價加$8有鹵水雜錦拼盤 有豬腩肉/豬腸/鵝腸/魷魚/紅腸/豬耳 而且份量十足 如果只得兩三個人嚟食 呢兜$8嘅拼盤已經夠大家飽咗兩成

今日朋友帶路話要食蠔餅 我哋即時諗起廟街 但而家天氣咁熱去廟街食蠔餅肯定超熱 所以轉場去咗旺角食生炒咕嚕肉 新鮮炸起 脆漿脆又薄 用嘅豬肉似係黑豚肉或者豬頸肉嗰類 食落非常爽彈有肉汁 而甜酸汁味道亦適中 所以好好食水煮魚片 份量超大 裏面除咗起咗骨既魚片之外仲有大豆芽薯粉等等 而許多水煮汁係非常正宗 夠味夠麻香酥炸蠔餅 雖然係酥炸 但係食落一啲都唔會覺得膩或者好油 蠔肉都算大粒 比起平時係街食嘅蠔餅好味好多鹵水鵝片 入味又啖啖肉 底下仲墊咗鹵水豆腐食滿300蚊可以用超抵價$8配鹵水雜錦拼盤 而且份量一啲都唔細唔孤寒 仲有好多唔同配料 尤其以鵝腸肥豬腩最吸引

同老竇慶祝生日老人家鍾意食中菜搵咗間大排檔味道幾好不過搵個地點就有啲難芥蘭煲啫啫雞煲炸大腸椒鹽九肚魚滷水拼盤服務幾好有員工推介滷水拼盤好出色👍🏻下次會再嚟試其他嘢食

爹哋鍾意食潮州菜，特登揀咗呢間慶祝父親節位置比較難搵，上到去裝修幾特別除咗潮州菜式，都有好多其他小菜，唔驚唔啱食▶️ 滷水鵝片 ($188)鵝片好薄身，肉質鮮嫩🪿滷得入味底部係嫩滑嘅豆腐，仲有花生粒▶️ 韮菜豬紅 (+$8)叫夠$300可加錢換購，份量足一嚿嚿四方磚形狀嘅豬紅，口感似啫喱，滑捋捋好得意▶️ 椒鹽鮮魷 ($148）好大碟！勁多椒鹽粉，夠晒惹味入口香脆，炸粉好薄而且乾身魷魚煙韌大條🦑▶️ 薑蔥霸王雞- 半隻 ($138)雞肉雖然係蒸🐔但唔會太乾好有肉地，唔淨止得骨雞肉調味幾好👍🏻又唔會太油▶️ 蜜椒一口牛柳粒 ($160)賣相似模似樣牛柳粒食落好腍唔韌，中間粉粉地色醬汁甜甜地薯仔都覺得唔錯🥔外層焦香，唔係爛蓉蓉▶️ 金銀蛋娃娃菜 ($108)個菜就細咗少少，不過好足料，上面勁多鹹蛋鹹蛋白撈飯好正😋娃娃菜清脆且索湯▶️潮式蠔仔餅($118)經典潮州菜式，間間製法唔同呢個冇咩麵粉，大部份蠔表面鋪滿金黃色脆脆，香口▶️ 蜜餞欖角焗肉排 ($118)每件大大嚿，都算有肉▶️ 得意熊仔冰凍檸茶 ($42+8)每張枱都會見到，打卡嘢🤣係幾壯觀嘅，成1L咁多熊仔冰可愛🐻味道就同一般檸茶一樣，略嫌味道被冰溝

明記潮館在砵蘭180+商場三樓，乘搭扶手電梯即可直達，十分方便。餐廳裝修富有本地特色，很有心思。這晚和家人用膳，點了幾客食物，當中包括：蒜蓉蒸海蝦新鮮的海蝦質地彈牙，肉質飽滿多汁，蒸煮後保留了蝦肉的原汁原味，沒有絲毫過度烹煮的痕跡。而蒜蓉醬汁的調配更是絕妙，蒜香濃郁，恰到好處，不會過於刺鼻閬加上適量調味，營造出了一種醇厚而不俗的風味。蝦肉與蒜蓉醬汁完美融合，互相輝映，層次豐富。精心擺盤更增添了這道菜的視覺魅力。蝦肉通體飽滿，散發著誘人的光澤，在蒜蓉醬汁的點綴下更顯高雅迷人。黃金魷魚魷魚本身的鮮美口感被發揮到了淋漓盡致，肉質鮮嫩彈牙，入口即化，完全沒有一絲老澀或柴硬的感覺。而且，這道菜的烹飪技巧也十分出色，炸製後的魷魚外層酥脆金黃，內裡卻依然保持了鮮嫩多汁的原味。這種完美的口感平衡，讓人忍不住一口接一口地品嘗。芝士海蝦炆伊麵這道菜的主角是新鮮的海蝦，口感鮮嫩彈牙，完全沒有任何澀味或老硬的問題。經過細心的炆煮，海蝦吸收了醬汁的香氣，增添了不少風味。而且，這道菜的另一主角伊麵，炒製得恰到好處，既沒有過軟也沒有過硬，保持了最佳的嚼勁口感。麵條與蝦肉相得益彰，在口腔中交織出一種獨特的紋理感。最讓

無論喜歡川粤菜、打冷，又或者拎住支啤酒睇球賽，「明記潮館」都是很好的選擇。除了無柱樑的用餐大堂，原來還有多間大大小小的貴賓房，方便親朋戚友和公司飯聚。今晚來用餐遇上菜館六週年優惠，凣惠顧 任何食品300元，可優惠價$8選購：A鹵水雜錦拼盤，B韭菜豬紅，任揀一款。開胃兩小碟:潮式花生菜圃~我們選擇鹵水雜錦拼盤，為今餐晚飯的前菜。蜜餞欖角焗肉排~欖角是潮汕名物，味道鹹香，與蜜糖入餚，送酒下飯皆宜，我會首選肉排，肉排吸收欖角與蜜糖，味道甘香惹味。石鍋啫啫通菜~肉碎配通菜炒，味道濃郁不會寡，用石鍋上菜，保持到熱度及鑊氣，香氣撲鼻。

上次無Book位，見到咁多人就無食到。今次突登早小小黎食晚飯咁就一定有位啦。我地3個人叫3樣野黎食。蠔仔粥，入面有好多蠔仔肉同肉碎，雖然叫左係小碗，但係都有4-5碗既份量。粥水份量剛剛好有鹹香味。燒汁脆牛腩，上到種外層脆卜卜，入面牛腩好香口，牛肉食落有肉香。炸過後，切薄片所以都容易咬唔會有跟同有渣。水煮魚片，係麻香，魚片塊塊都大大片咁，魚肉十分之滑而且下面有粉做底一定夠晒飽肚。鹵水拼盤，入面咩料都有，真係包羅萬有。大腸夠味無異味，紅腸入味夠熱，墨魚爽脆，豬耳爽脆夠入味，腩肉夠淋肥瘦適中，芽菜香口新鮮爽脆。都只係加左8蚊，有呢個優惠實熟不錯。

【油尖旺區】【明記潮館】同一班朋友喺旺角做完嘢心靈上好攰，就搵個地方食吓宵夜。四個人去到，就點都要擺低返 $20 嘅「小食」費同埋每位 $5 嘅「茶水」費。跟住就上 $168 嘅「粟米魚肚羹」，都幾好味，滑得嚟好香。如果唔知點解會有個 $8 嘅「中滷水拼盤」，唔係我叫。之後上 $118 嘅「西檸煎軟雞」，佢好似係用炸雞扒煎到一舊舊再加西檸汁落去，個西檸汁冇乜問題係啲雞略嫌佢唔係好夠滑。跟住食 $198 嘅「芝士海蝦炆伊麵」，我就唔多好海蝦嘅，不過佢嘅芝士汁做得幾好食，夠晒邪惡，我都忍唔住食咗好多伊麵呀。點都要食啲農作物，叫咗 $108 嘅「石鍋啫啫通菜」，用個石鍋煮住啲菜，幾夠熱，而通菜本身亦都炒得幾有鑊氣、幾夠味嘅。之後上 $160 嘅「黃金鮮魷」，鮮魷配上鹹蛋黃醬，睇字已經夠邪惡，食落仲要熱辣辣，非常爽口，會忍唔住一舊接一舊咁食嘅。嘢飲方面，除咗本身餐廳供應嘅茶水之外，我哋叫咗四杯 $42 嘅「熊仔檸檬茶」，係一杯好大杯嘅凍檸茶，再加一個熊仔樣嘅檸檬茶冰，女士至愛。補多兩個 $16 嘅「白飯」同埋加一服務費之後，埋單價係 $1100，四個人食嘅話其實都唔貴，始終都幾飽吓。。。（地址