明記潮館 (砵蘭180+商場)

营业中

休息中

上次無Book位，見到咁多人就無食到。今次突登早小小黎食晚飯咁就一定有位啦。我地3個人叫3樣野黎食。蠔仔粥，入面有好多蠔仔肉同肉碎，雖然叫左係小碗，但係都有4-5碗既份量。粥水份量剛剛好有鹹香味。燒汁脆牛腩，上到種外層脆卜卜，入面牛腩好香口，牛肉食落有肉香。炸過後，切薄片所以都容易咬唔會有跟同有渣。水煮魚片，係麻香，魚片塊塊都大大片咁，魚肉十分之滑而且下面有粉做底一定夠晒飽肚。鹵水拼盤，入面咩料都有，真係包羅萬有。大腸夠味無異味，紅腸入味夠熱，墨魚爽脆，豬耳爽脆夠入味，腩肉夠淋肥瘦適中，芽菜香口新鮮爽脆。都只係加左8蚊，有呢個優惠實熟不錯。