明記潮館 (砵蘭180+商場)

营业中

休息中

在朗豪坊睇戲前四出搵食，這次來到的砵蘭180+商場的明記潮館，吃吃潮洲菜 ，十分美味！薑蔥魚雲煲具有濃郁香氣。魚雲的選材相當講究，使用新鮮的白肉魚，肉質細膩彈牙。煲中的薑和蔥為這道菜增添層次感，薑的辛辣與蔥的清香相互交融，讓人食欲大增。煲中的湯汁恰到好處，既不油膩，也不會過於清淡，完美地襯托出魚的鮮味。滷水雜錦拼盤是一道色彩斑斕的冷盤，集合多種經典滷味，如滷豬耳、滷豆腐、滷大腸和滷八爪魚片等等。每種食材都經過精心處理，滷水醬汁味道入味，鹹香適中。特別是滷豆腐，外皮略微焦香，內裡卻軟嫩入味，令人回味無窮。而滷八爪魚肉質鮮美，咀嚼起來既有嚼勁又不失柔嫩。煎蠔餅外皮金黃酥脆，內餡則是鮮嫩的蠔肉和蔬菜，外脆內嫩，香氣四溢。每一口都能感受到蠔肉的鮮味，吃上一口，讓人瞬間愛上。搭配著微微的香菜和青蔥，搭配酸甜醬汁，整體味道更加層次豐富，口感對比鮮明。明記潮館 (砵蘭180+商場) (旺角)地址：旺角砵蘭街180號砵蘭180+商場3樓

和朋友相聚旺角，说想吃潮汕菜，于是来这家明记潮馆试试，潮汕菜以其丰富的海鲜和独特的卤水料理而闻名，其中卤水鹅和蚝仔粥是两道经典的菜品。卤水鹅卤水鹅是潮汕地区的一道传统美食，卤水的味道浓郁，鹅肉在卤制过程中吸收了各种香料的香气，肉质鲜嫩，味道独特。卤水鹅通常呈现深褐色，外皮光亮。肉质鲜嫩，配合卤水的香气，非常下饭。常常搭配一些简单的酱油或醋，味道更好…除了鹅还加了一份鹅肠，很爽口…蚝仔粥蚝仔粥是用新鲜的蚝仔（即生蚝）和米煮成的粥，是潮汕地区非常受欢迎的早餐或小吃。其制作过程相对简单，通常会先将米煮成粥，再加入洗净的蚝仔和一些调味料，最后撒上葱花和香菜提香。口感粥滑润，蚝仔鲜嫩，味道鲜美。可以根据个人口味加入少许胡椒粉或酱油，增加风味。如果你有机会到旺角，不妨亲自尝试一下这些美味！

蠔餅 ，滷水拼盤，椒鹽鮮魷，荔枝骨，臘味糯米飯，啫啫雞煲，小炒皇，椒鹽白飯魚和味大腸煲，雞油豆苗，韭菜豬紅，蠔仔粥咁多餸之中，係得韭菜豬紅係好食，小炒王同滷水拼盤係正常。其他全部餸菜都鹹到一個點。尤其係嗰個大腸煲，啲鹽好似唔使錢咁，鹹到黐線，食完可以洗腎。臘味糯米飯，又係超級鹹，但係都係唔夠大腸煲咁鹹。荔枝骨OK，味道調校得唔錯。蠔仔粥係後落嘅，已經叫佢唔好整得咁鹹，但係上枱都係鹹過一般潮州菜館。我平時都食得重口味，但呢間嘢真係話俾我聽天外有天😑

剛剛下班，就和King姐去後面街商場食潮州菜。食完都捧著肚子走，因為每碟都好大碟，簡稱大件夾抵食。地方其實都幾大，幾人聚餐，又或者一大班人聚集飽局都無問題。餐廳主打潮州菜式，海鮮小炒亦有不少選擇。最後我們叫了西蘭花炒帶子，四川麻婆豆腐，和加$8就有的滷水雜錦拼盤。當然不少得的是每人一大碗尖尖的白米飯。西蘭花炒帶子$218西蘭花炒到火候剛剛好，咬口爽脆，顏色青翠幼嫩。帶子數量頗多，不停食都還有，有厚度有咬口，喜歡海鮮的朋友不妨一試。這道菜充滿着健康新鮮感覺。四川麻婆豆腐$108豆腐嫩滑，醬汁惹味開胃，微辣的味道，刺激了味蕾，餸飯一流。裡面還有少許紅青椒粒，顏色多了層次感。又有肉碎和碎菇粒，比平時上海餐館的四川麻婆豆腐有所不同，是潮州菜的麻婆豆腐風味。滷水雜錦拼盤$8超過$300消費，就可以用優惠價$8換滷水雜錦拼盤，份量十分多。紅腸、豬耳、芽菜、豬大腸、鵝腸、腩肉等等都材料滿滿。每款都滷得好入味，$8一碟，抵食。小食$20茶水$5 / 每位

行完山落九龍水塘, 坐車到旺角明記吃晚餐, 早前在荃灣吃過覺得不錯, 旺角店的餐牌有些不同, 但同樣很多選擇, 而且有優惠很抵吃, 只是跟著地址就比較難找, 原來商場入口是位於豉油街的海味粉絲雜菜煲 $118材料豐富, 面層差不多鋪滿香口的冬菇及雜菌, 還有惹味的蝦乾🍤, 彈牙的魷魚🦑, 西蘭花🥦, 白菜仔🥬, 黃芽白, 粉絲等方魚肉碎粥(小) $88以方魚乾作粥底, 吃起來每一口也充滿淡淡的咸香味, 配上粒粒分明的潮州米粥, 越吃越想吃枝竹火腩炆豆腐煲 $128燒腩肉肥瘦均勻, 豆腐外脆內滑, 味道香濃, 足料好味滷水雜錦拼盤 (中) 優惠價$8 (惠顧滿$300)非常抵吃, 大大碟, 有彈牙的魷魚、香口的紅腸、充滿膠質的豬耳、惹味的腩肉、爽口的鵝腸、軟嫩豬大腸, 還有芽菜非常豐富的一餐, 性價比高👍

我一向喜歡吃潮州菜，又愛大排檔的鑊氣小炒，今次來到這間食店可謂一次過滿足兩個願望。由於只得兩個人 ，我們只選了兩個菜，怎知店舖正進行優惠，凡惠顧滿300元便可用優惠價8元選購鹵水雜錦拼盤。拼盤有很多款式， 有:墨魚、大腸、紅腸、 豬耳和腩肉，食物鹵得很入味，而且份量十足 ，名副其實的大件夾抵食。另外選了一個咕嚕明大蝦，真的不得不讚廚師的廚藝 ，蝦球外面脆脆的，蝦肉新鮮彈牙，而且每隻蝦都大大隻。 再來一個啫啫大鱔雞煲，大鱔肥美肉厚，魚味十足，加上雞油的香味， 非常惹味可口，喜歡吃大鱔的真要親身來試一試。整體而言，沒想到在市區可以有一間 坐得舒適，衛生整潔，而且鑊氣十足的食肆，絕對適合大黟兒來歡聚。

咁既價錢比咁既質素真係……👎呢間嘢佢之前都有啲期望點知食完全係失望咁食啲鵝腸啦，咁就濃味得來呢又韌啦👎👎👎味道奇奇怪怪，全部啲嘢都偏濃味！一眼睇晒咁多嘢食嚟得又勁快～個炒蜆啦，又勁濃味啦，你睇吓個汁*傑*到呢滷水用片又鹹～腩肉係有奇怪味🫨🫨😵‍💫個菜又係臨尾都要搵多杯水去洗嚟食唯一好食少少就係個咕嚕肉囉，不過都係一般本身好鍾意食呢啲打冷野，佢真係搞到我即刻冇晒心情😔真係無下次！唔會再黎食

今日帶左兩老去打冷, 佢地好鍾意, 呢間位於旺角的明記潮館, 好大間, 平日都差不多滿座. 我父母食完大讚好味，要我下次再帶佢地去食😂我們點了孖寶A餐, 見到滿$300可以優惠價$8食到韭菜豬紅, 真係太懷念呢款食物, 正!🔸潮州凍馬友: 好大條馬友, 魚肉好嫩滑, 味道好鮮甜.🔸客家黃酒雞煲(半隻): 好足料, 飲呢湯好滋補, 湯味濃郁, 我們清到底，雞件都好多而且肉質滑.🔸韭菜豬紅: 真係好驚喜, $8竟然有大大碗, 好多豬紅, 底下舖滿韭菜, 豬紅真係好入味!

同女朋友撐枱腳埋單$4xx坐低見到優惠餐牌所有食品滿$300可以$8優惠價揀選滷水拼盤或韭菜豬紅 最後我哋叫咗正價$188滷水雜錦拼盤 $108鹹菜炆門鱔 加2個白飯 用埋$8優惠叫人豬紅 伙記知我哋用呢個優惠落單時完全無問題。到出去樓面埋單個亞姐話俾唔倒個優惠，因為優惠限正價菜式唔包飯同酒水，我同佢理論完一輪開頭話唔俾一定要我嗌返個菜我女友都費事同佢講咁多嘢本身話嗌返個嗌多個菜囉如果你俾唔到最後我都係好冷靜平心靜氣同個阿姐喺度講你個餐牌寫明係所有食品冇講話只限菜式，呢個係商品說明條例，而家我出到嚟買單你先焗我話我知用唔到個優惠。最後個阿姐好串話我知邊個夥計幫你落單今次破例俾你咋，下次呢就唔會有啦，我心諗你都傻嘅，下次都唔知會唔會有機會上嚟再食啦

昨晚吃西餐，今晚試試潮州菜，這是一間比較新穎的潮州菜館，既有經典打冷小菜，亦有活蹦亂跳的新鮮海鮮。蒜蓉粉絲蒸聖子王：粉絲細緻纏繞，聖子王肉質鮮嫩，蒜香扑鼻，蒸得火候恰到好處，令人回味無窮。石鍋啫啫芥蘭：啫啫聲的石鍋之熱氣騰騰，芥蘭翠綠欲滴，清香四溢，口感脆嫩爽口，別有一番風味。蠔仔粥：粥底粒粒分明，蠔仔鮮美飽滿無比，兩者完美融合，滋味醇厚，暖胃又養心，實為秋冬季的溫馨佳餚。鹵水拼盤：有鴨腸、紅腸、豬耳、豆芽、五花肉等材料，經鹵水醃製後，既有鹵水之香，又不失食材之本味。

今日同朋友一齊到明記潮館吃晚飯，叫了小菜，結果凍盤到左都食完，小菜全部無到但係有落單個喎，我地二人枱早早下單無得食，隔離大枱同其他枱遲過我地好多落單，就成枱都係小菜，我見吾對路＇等左45分鐘追了一次，55分鐘再追，才係廚房攞出黎，d侍應完全無察覺d客人等了很久嗎？離哂譜，仲搞什麼幾多年週年慶，不知所謂！d食物又鹹，價錢貴但又無水準👎，服務又差，d食物越黎越吾好味，與其搞什麼$8優惠，不如搞好d食物，衞生，服務質素先啦！

今晚朋友想食打冷， 佢帶左我去試呢間位於旺角的明記潮館📍-我地首先點左蠔仔粥🥣蠔肉鮮甜，每啖都好足料-朋友點左金磚豆腐🤍外表炸到金黃色，再點上甜酸醬，好夾不過食太多會熱氣😆-點左招牌煲仔焗花蛤🎀都算幾多隻，鮮甜✅但如果湯底再多少少會更好！ -仲有特大凍檸菜，真係好大杯，打卡岩晒😆-原來下單滿300元，仲可以8元叫個滷水雜拼，好抵食😂-餐廳上菜好快，但環境就普通同熱鬧適合快食之選未必岩同朋友慢慢食同傾😂

餐廳係旺角，地點好近地鐵巴士站，適合同家人和朋友聚會。呢度氛圍輕鬆愉快，所以可以好舒適咁食下地道潮州菜🙆🏻‍♀️小食中意佢既脆皮花生，外層香脆，內裡則保留了花生的原汁原味，令人一粒接一粒咁食😋滷水拼盤這道滷水拼盤包含腩肉、鵝腸、魷魚和豬耳等，色香味俱全。腩肉肥而不膩，肉質軟嫩，滷汁入味。鵝腸口感彈牙，魷魚鮮香十足，搭配的豬耳則帶有獨特的嚼勁，整體拼盤令人滿足😋砵酒焗鱔球這道菜以鱔球為主，搭配特製的砵酒醬焗至金黃酥脆，香氣四溢，口感絕佳。鱔球的鮮嫩加上砵酒的獨特風味，令每一口都充滿層次感👍🏻燒汁脆牛腩燒汁脆牛腩的外皮酥脆，肉質則柔嫩多汁，搭配特製的燒汁，味道濃郁。每一口都能感受到牛腩的鮮美，絕對是肉食愛好者的心頭好😆蠔仔粥蠔仔鮮甜滑嫩，加入新鮮的芫茜，為粥增添了清新的香氣，提升了整體的風味😎

衛生環境好差，個場都唔滿，應該都夠人手可以搞返好個衛生，枱面冇抹乾淨，卡位梳化啲罅位超污糟，勁多不知明碎碎🤢仲有水添。嗌咗碟滷水鵝，問佢拎點嘅汁，佢就指住枱面碟辣油話係得呢個，我哋再講話係點滷水鵝嘅汁，佢就冇講嘢，將碟辣油拎起勁大力擺落枱，原來下面仲有碟就係我地要嘅汁，但係你係咪應該一早擺好🙂，唔係客人問嗰陣仲要態度咁差咁擺開兩碟蠔餅個底超油，試左少少真係食唔落，食左面頭啲蠔就算到埋單話同個職員講話俾支付寶，佢就話要出去收銀度俾錢，咁個職員就幫我哋拎埋張單出去我哋跟住出去俾錢咁我哋出到去咪俾個QR code個戴眼鏡女人收銀收錢，但係佢一直冇抬起頭，我哋都等緊佢搞掂手頭上嘅嘢，然後佢一抬起頭就態度勁差咁話我哋隊住部電話俾佢做咩啊，又唔出聲淨係擺部電話係到就係因為頭先個職員冇將我哋張單擺喺佢正眼前，佢就係完全睇唔到架喇，仲話返我地轉頭！🙂你地自己交接唔好，可以態度咁差對個客嘅咩！收錢嗰陣又話我地電話暗，下一秒咪又係即刻嘟到收到錢，冇嘢搵嘢嚟講嬲到成肚氣😤😤嘢食唔係特別好食，環境衛生差，職員態度差，超級趕客一定唔會再有下次！！

今日同朋友到旺角食飯，我們到達餐廳不需要等位就可以入座 。我們叫了一份西蘭花炒帶子，一份燒汁脆牛腩，一份方魚肉碎粥和一份鹵水拼盤 。鹵水拼盤的各種小食搭配，鹵水的獨特香料讓每一樣食材都充分吸收，口感豐富多樣。西蘭花炒帶子，讓我在第一口就感受到了濃郁的海鮮香氣，帶子的鮮甜與西蘭花的清脆相得益彰。燒汁脆牛腩的香氣撲鼻，牛腩外脆內軟入口即化，肉質鮮嫩多汁，再加上燒汁包含濃厚口感。方魚肉碎粥的熱氣騰騰，粥的濃稠帶著魚的鮮味，鮮香又不油膩。整體而言份量充足，味道不錯 。