明記潮館 (砵蘭180+商場)

营业中

休息中

每次跟家人食飯，都會選食潮州菜館，無他的，因為父母都比較岩食! 這次選了位於旺角砵蘭180+商場的明記潮館，其實在地下已經見到好大檔「打冷」攤檔! 坐扶手電梯上3樓，餐廳好大，好寬敞。好大個魚缸，好多新鮮的海鮮呀!有房間的，喜歡自成一角的朋友可以訂啊，不過要留意有最低消費啊!潮州店必吃的滷水鵝，好入味呀，豬紅好入味，少少微，超開胃豬手好香口烤豬大腸更脆口，脆卜卜的，好惹味薑蔥粉絲焗蟹煲，蟹夠大隻，而且啖啖肉，粉絲仲好入味添!蠔餅煎得好脆，蠔粒粒大隻，正!滷水什錦，又是吃到停不到如果喜歡吃蛋黃，黃金蝦也是值我一試的，隻隻煎到金黃脆卜卜，脆到連殼都可以吃這餐飯，家人都很滿意，因為價錢不貴，每碟份量又大又好味，因此吃得好滿足，其次餐廳環境也非常乾淨企理寬敞，潮州菜的另一選擇

我喜愛潮州菜，尤其打冷小店的風味，不過事移世易，那種款式百變的打冷小菜擺滿店前的潮店幾近絕跡，現在僅餘一些小店尚存零丁小菜，震撼力實在差遠了！這現像反映打冷小菜的沒落，唯有寄期有心潮人力挽秃勢。 在打冷小菜秃勢未復之前，繼續要尋找值得一試的潮州菜。 「明記」名字親民，還以為是小店一家，豈料走過數層電梯後，面前的原來是「大明」一個！ 除了面積大，店內亦設有超大的電視機，必然是英超、歐聯球季，深宵潮菜伴球賽的好選址！ 至於裝潢並不傳統，富有香港地方色彩和主題，這是其中一個以執到寶為題，玻璃櫃放有古董相機和收音機等！ 家鄉鹹菜豬肚湯 HK$98 參觀完畢，先來一鍋家鄉鹹菜豬肚湯！ 家鄉鹹菜豬肚湯 家鄉鹹菜豬肚湯 湯料不單鹹菜和豬肚，還有不少的豬粉腸！鹹菜保留爽口的質感，不會經煲煮後變得淡而無味，而豬肚和粉腸十分新鮮，粉粉嫩嫩的豬粉腸更是意外驚喜！清爽、沒有過鹹過濃的湯韻，令我們喝得舒暢！ 滷水鵝 HK$98 滷水鵝是潮州菜的名物，我們也要來一碟鵝件！一看滷水鵝皮層色澤不均，入口滷水味道淡然，香氣亦平泛，雖然鵝肉還算得上嫩滑，但整體似乎未符合水評！反而，鵝件下的花生腍軟又入味，非常好吃！ 潮

每次一大班人係旺角食晚餐，我都會推介明記潮館，因為菜式份量多，多人先可以試多幾款。沙嗲牛肉炒河＄78非常大碟，河粉炒得均勻，調味適中，不錯。潮式秘製獅蚶＄88作為獅蚶fans, 每次黎我都必食！個殼雖然有點難打開，但肉質肥美，有如生蠔般鮮味，每次我都可以清半碟！滷水雜拼＄108 有紅腸、豬耳、豬大腸等，正！韭菜豬紅＄55朋友的至愛。瑤柱蠔仔肉碎粥（大碗）＄98蠔仔粥絕無欺場，用料豐富，蠔仔粒粒肥美鮮甜，大家食完一碗都爭住再添。水煮魚片$88四川菜同樣做得出色，辣度足夠，底下有粗薯粉，魚片滑溜，是我是夜的最愛！椒鹽細賴尿蝦＄98雖然係細賴尿蝦，但我哋都食得好滋味，椒鹽香口惹味，偶爾一兩隻仲有蝦膏添！石鍋啫通菜 $88大家大快朵頤了一頓，都覺得好滿足！

係香港好少有正宗而又抵食既潮州菜食, 自從幾個月前黎過旺角明記食過之後, 一直對佢地既潮州菜念念不忘, 今晚相約同事再度Encorn!!!侍應先送上前菜, 呢度沒有茶芥收費, 只有前菜(HK$20)同埋加一服務費, 對於中餐黎講, 呢D附加費算係合理。今次除左encorn左幾款上次有點過既款式外, 更點左一d上次冇點既菜式試試。另外, 餐廳仲推出左優惠, 只要食滿HK$200, 可享免費細雜錦拼盤一碟, 確實很吸引!!天氣熱, 點左一支Jolly Sandy解解渴, 點菜後, 野食都上得幾快。【鹵水鵝腸】HK$68鵝腸超級爽口, 沒有肥油連帶, 清潔度幾高...鹵水很入味。【椒鹽腰果雞軟骨】HK$98呢款係其中一樣encorn既款式, 雞軟骨炸得好乾身, 軟骨有咬口而爽脆, 有少少雞肉連帶, 夾集炸蒜蓉一齊食, 非常香口。【韮菜豬紅】HK$55個人很欣賞呢度既豬紅, 醬汁帶少少甜、少少鹹同微辣, 豬紅煮得好入味, 就算食到豬紅中心位, 都唔會冇味, 夾集韮菜一齊食, 很惹味。【芝士海蝦炆伊麵】HK$138最邪惡既芝士伊麵, 相對其他中式酒樓黎講, 以呢個價錢食到呢碟咁有份量既芝士, 的

網上搜尋此食店，見價格頗合理，便大瞻帶10人一同前往，有朋友認為不太易找，大部分朋友就認為沒有難度。食店內環境感舒適，枱與枱之間有合理距離，唯有部份餐牌食物沒有提供外，一切也令我們滿意。下次有機會會試訂房間！

同班friend食生日飯梗係揀間熱鬧、份量又多既餐廳啦，今次食家朋友大力推介明記，仲話食極都唔厭，咁就一於去試試佢啦!餐廳裝修同佈置就好似室內既大排檔，密麻麻既枱，地下仲有d跣...咦...我地一行10人，點解會得張細枱既!? 又要等佢換枱板，又要再擺位😓 雖然之後換左塊板，但都有d逼兼無位擺野...講返食物先...先黎「滷水雙拼」+「滷水豆腐」+「滷水豬手」，唔知係咪食慣濃味滷水，略嫌滷水味唔夠，不過鵝腸同魷魚夠彈牙，豆腐夠大舊又夠熱，而豬手更係煮到超稔，啱晒唔鍾意咬野既我! 😆夠晒鑊氣既「椒鹽魷魚」，熱辣辣又香口，最啱送啤酒，真係會食到唔停口!食潮州野又點可以無煎蠔餅!? 蠔餅煎得非常鬆化，有入口即溶既感覺，仲要超多蠔仔。必食!食呢個「蒜蓉粉絲蒸元貝」前覺得點解無豉油，會唔會無味架？原來唔需要豉油都可以好夠味，元貝蒸得啱啱好，簡直係嫩滑鮮味又多汁! 必食！另一鮮味推介 – 「潮式浸蜆」，先飲充滿芹菜同鮮味既湯，再食粒粒漲卜卜既蜆，又食到停唔到口😋賣相有d似吉列牛既「燒汁脆牛腩」，毫無味道可言，亦唔覺有燒汁既味道，牛腩唔夠稔，對比之下呢嶄道餸比較遜色。10個人狂嗌野食，最後埋單都唔過

記得上次去明記食飯已經差不多3個月前，潮州打冷和小菜好味及低食，而且正宗，今天有親人由潮州來港旅遊，專程帶他去試試，香港也有正宗的潮州菜！餐廳地方很大，座位舒適！入座後即送上清茶，醬料和小食！鹵水鵝片：鹅片嫩滑又入味，啖啖肉，非常美味！豉油皇鵝腸：洗得好乾淨，沒有肥膏，爽脆可口！！椒鹽鮮魷：鮮鱿炸得香脆，剛剛熟不會韌，加了炸蒜和椒鹽，非常香口又惹味！芝士海蝦炆伊麵：大大隻海蝦已蓋滿整碟伊麵，海蝦鮮甜彈牙，濃濃的芝士醬汁沾滿了每條伊麵，非常惹味，值得推介！什燴炒麵：材料豐富，有蝦、粉腸、豬潤、肉片、鱿魚、豬肚、冬菇、菜。麵脆卜卜好有口感，加了個獻汁味道超正！

黎到旺角，同朋友食飯，講起想食潮州嘢，咪朋友就介紹去明記食。呢度真係好大架，有二層。而且裝修得幾靚，好有香港特式架。每一枱都會有甜酸醋，辣椒油，花生，咸魚仔.....過下口癮先。豉蒜虎皮三蔬＄70裡面有涼瓜，尖椒，四季豆，吃落好香蒜味。滷水雜拼 $108幫襯$200以上，每台就送滷水雜拼，好大碟架裡面有好多選擇，有滷水大腸，鵝腸，豬耳，魷魚，紅腸，芽菜，味道又岩岩好，吾會好鹹。滷水鵝片$108這個我會推介，真係好食，鵝片肥瘦適中，色相吸引，肉質鮮嫩入味，放落枱之後嗰陣就冇晒。豉椒炒花甲呢個好香，份量都適中。煎蠔烙 很大塊炸得好香，蠔都好大粒份星適中，份量都夠食。凍烏頭無腥味，魚肚放左幾片檸檬好大條，仲好香檸檬味，配合麵豉醬一齊食，更加美味。總括而言，價銭非常合理，食物質素亦不錯，環境都好舒服。食物：8/10環境：8/10服務：7/10價錢：6/10推介指數：80/100

今日收工同工事食飯，簡左依間新開兼做梗優惠既潮館食一黎到都覺得地方大既，又光猛，有啲小魚乾花生小食簡好餸就落單喇，落完最尾問個職員係未有拼盤送佢話冇做之後我話下！假架，再上網睇多次個優惠，未叫經理前個職員就番番黎話今日開始做，有既咁等左一陣啲餸就黎喇，都黎得幾快首先係大眼雞，個醬超咸，千其唔好點，除非你食得好濃味喇，魚完全唔凍蠔仔粥好食有鮮味冇沙，拼盤淨係食到豉油味冇特别椒鹽豆腐應該係咁多樣之中最搶手既餸，夠香口，但唔夠味，要點多啲佢啲碎xo醬西蘭花鮮魷，係冇個炒字架，xo醬只係擺係面，好洩，味道係冇問題既，只係我地一相情願左蠔餠，一黎已經即放入囗上面的確好脆，但下面個底好濕，厚粉，唔好食結論係，唔會再去，冇特别，職員都友善有禮既

之前同奶奶食完，記得好好食，小炒夠鑊氣，員工友善，服務好，今晚一於帶老公再黎食🎈菠蘿生炒骨。$78去晒骨啖啖肉，新鮮滾熱辣，新鮮炒起夠香口，夠脆漿薄肉質嫩，釆椒菠蘿配料都唔少，酸甜味剛剛好，好開胃！🎈椒鹽九肚魚。$88好大碟，而且九肚魚條條都好肥美😲連侍應上菜都忍唔住話今日d魚好大條😬外脆內嫩滑，夠鑊氣，擺左好耐再食都保持到熱度👍🏻重點椒鹽蒜辣香料香脆，令九肚魚更惹味！完全不感魚腥味，絕對底食🎈燒汁脆牛腩。$148幾特別的食法，牛腩入味，外層炸得香脆，再沾上醬汁伴吃，非常可口！🎈滷水拼盤（中）。🌟呢期有優惠，滿200元，即送滷水拼盤（中）紅腸、鵝腸、豬腸、腩肉、鴨腎、墨魚、芽菜、豬頭肉，爽口，滷水汁一食就知好野，香而不過咸，超入味🎈金菰肥牛炆伊麵。$88大份量，伊麵入味，肥牛肥瘦適中，配上金菰爽口，口感倍增，食埋個麵超飽肚

起朋友圈講開潮州菜最好去邊度食，佢地竟然一致推介旺角朗豪坊後面的明記潮館WHY???? 當然價錢實惠又大份又好食啦~~~同埋佢成日都做PROMOTION架......唔知今次係咩呢???期待中睇返明記潮館的OPENRICE介紹，都幾多知名人士黎食~~~老實講，呢度真係超大，有成2層。第二層仲裝修得幾有香港地道特色每檯都有必備的甜酸醋、辣椒油、過場花生、咸魚仔.....一路食住一路點下菜先~~~岩岩好個位對於個金牌滷味，真係唔黎點返個滷水拼盤就唔岩啦~~~~黎得潮州打冷喎....不過先上個韭菜豬紅......由於爸爸的牙齒半脫狀態，所以一家人出黎食飯就慣性叫開淋D、軟D既野食韭菜豬紅正正就是容易入口，同埋味道好豐富既一道菜豬紅好似豆腐咁滷到吸曬陣味，而且個汁好甜，一個湯匙撈起飲埋個汁，好滿足啊~~~會唔會太大份呢??? 只係55蚊就食到3人份量，有成個手掌咁大~~~韭菜個量同樣咁足，最正係吸埋陣味，好爽口~~~好時正、好完整的一粒，滷到好勁，好深色架~~~再來個正主：滷水雜拼 $108裡面就有生腸、鵝腸、墨魚、大腸、雞腎、豆腐等等......呢個唔知叫咩呢???由於佢較為幼身，同埋好爽口

這幾次跟寶寶收夜都會選擇到明記潮館，貪其選擇又多，價錢又相宜，而且營業到早上6時，不會食得趕頭趕命。因為都蠻肚餓，所以點了豉椒炒蟶子皇($48/隻)和水煮魚腩($98)，每人還要一碗白飯。原來明記這期的優惠是滿$200，即送滷水拼盤一份，也實在太抵了吧。點菜後，店員先送上小食，這次不是我最喜歡的菜脯，而是爽口酸菜，挺開胃的。滷水拼盤份量也不少，紅腸﹑鵝腸﹑腩肉﹑豬耳﹑鴨腎等各樣都有幾片，滷水也挺入味。雖然沒有什麼比較高價的滷水食材，反正是免費送的，各樣滷水都可以一試也挺不錯。豉椒炒蟶子皇，蟶子雖然不算十分大隻，不過都很鮮味彈牙。加上豉辣炒過，十分惹味。水煮魚腩是寶寶也能接受的辣度，魚腩份量都蠻多，不過細骨都比較多，所以食的時候要小心一點。魚腩肉質爽口，而水煮的香料更襯出魚本身的鮮味，不會太麻或太辣。而且還有晶瑩剔透的薯粉，煙韌好食。凌零時間都不斷有食客到來，果然是一個很適合收夜或跟朋友一聚的好選擇。而且這裡經常有不同的優惠，所以我和寶寶都蠻喜歡到這裡。

今日同波友到旺角吃晚飯，名叫「明記潮館」。 一聽到個店名就知潮洲菜。餐廳位置十分方便，旺角地鐵站， E1 出囗，步行幾分鐘就到。未到門口， 已見到掛上巨型招牌， 真是大得誇張， 餐廳在旺角砵蘭街180號砵蘭180+商場3樓， 電梯直上就到。每檯已預先放有潮州辣油、魚仔、菜莆及醋汁， 辣油香辣，菜莆爽口， 醋汁用來點鹵味， 特別醒胃。內裏有多個魚缸， 擺放着多種游水海鮮， 氣勢十足。這裡地方很寬敞，裝修整潔，可以容納很多食客，即是晚飯時間亦不用等位。凡堂食惠顧明記潮館滿$200， 每檯敬送滷水拼盤一碟，份量也很足夠。 拼盤有滷水大腸、鵝腸、鵝腎、豬耳、豬頭肉、墨魚、紅腸及芽菜等等。 我就喜歡爽囗墨魚和爽脆豬耳。瑤柱豪仔肉碎粥（$55/碗）蠔仔粥是必食之選。 叫了一細碗的蠔仔粥， 但已經份量十足， 足夠兩人份量，亦相當足料， 蠔仔大大隻， 鮮嫩肥美， 味道鮮甜， 加冬菜， 芫茜等配料。 滷水鵝 ($98)食打冷又點少得滷水鵝呢 ！ 我鐘意有有骨落地， 所以叫一份滷水鵝，滷水鵝肥瘦適中，色澤吸引，肉質嫩滑入味， 點上醋汁更加美味。 韮菜豬紅 ($55)韮菜豬紅也是到潮州館必食之選。豬紅口

天氣熱辣辣，想吃大排檔及打冷，卻又怕坐露天太熱，所以「室內大排檔」是另一好選擇！明記潮館樓面很大～設「漁人碼頭」區域，客人可即場選心水的海鮮，交由大廚炮製！與奇齋坐睇餐牌，不如逛個圈，看看有什麼特色潮州食物。小菜有咸花生及醃蘿蔔，醃蘿蔔偏咸，但爽脆。胡椒豬肚豬肚洗得乾淨無臭味，口感煙煙韌韌，另外亦加入粉腸。咸酸菜的味已滲進湯內，所以酸菜味道已變得清啖，湯底帶咸酸，配合香濃而微辣的胡椒味，整鍋湯都很惹味。椒絲腐乳通菜通菜調味適宜，不咸，因為過往很多時吃這道菜，如果腐乳過多就會太咸。椒鹽九肚魚九肚魚體積細，但量多。表面略脆，加上香口的脆蒜，的確加分。滷水豆腐及鵝腎平常較多吃雞腎，鵝腎反而少吃，感覺上鵝腎的口感比雞腎更爽口彈牙，而且很入味。滷水豆腐不過不失，不算嫩滑，但夠味。餐牌