明記潮館 (砵蘭180+商場)

营业中

休息中

蒜蓉粉絲蒸魚雲，蒜蓉味很濃郁，粉絲吸晒魚的鮮味，以及蒜蓉的香味，最是好食，千祈唔好以為係配菜就唔食，咁就真係唔識寶，另外，魚雲很滑很鮮甜美味，相信本身條魚應該很新鮮。本人最愛咕嚕肉，去親邊緊要叫一碟，唔好以為很普通，其實都幾蝦師傅手勢。今次呢碟咕嚕肉，可以比到80分，因為豬肉炸至金黃，吃入口甜甜酸酸，外脆內軟豬肉半肥瘦，一啲都唔癡牙，再加埋菠蘿及青紅椒配埋一齊食冇得頂。試過南乳雞翼未試過食南乳雞件，所以即管叫來試吓，上枱時見到一疊金黃色的計件，已覺得會很脆口，吃入口真的不負所望很外層很脆，雞肉吾「銀」，只是南乳味略為不足，可以一試。

晚飯時間想喺旺角搵餐飯食真係唔易，而且依家啲物價又貴，食餐飯兩人落樓閑閑哋＄500，所以最後決定都係去明記大大碟價錢又實惠。叫咗碟西蘭花帶子，上菜時仲熱辣辣，西蘭花及帶子上面仲配埋啲紅黃椒，大大碟又靚又好睇。約有10粒大大粒帶子，非常鮮甜，而且西蘭花也煮得很爽口。這道菜值得推介。另叫了一碟椒鹽鮮魷，炸至金黃食的鮮魷，入口外脆香口，內裏的魷魚則很新鮮。怕唔夠飽叫咗碟海鮮蛋白炒飯，上枱時熱辣辣仲有煙添，大大碟炒飯入面有蝦有魷魚，加埋蛋白及菜心框，而且飯炒得很乾身。好食。

親友飯聚之夜，為了迎合長輩口味，特意選擇潮州菜餐廳。餐廳是商場三樓全層，晚市非常熱閙，食客有不少是內地遊客。石鍋啫通菜 $78熱辣辣石鍋盛著炒得有鑊氣的通菜，份量絕不欺場，四人吃也覺得很多人。通菜很嫩，肉碎帶點鹹香，只是油太多。椒鹽九肚魚 $88新鮮炸起的蒜粒金黃，九肚魚新鮮肥美，口感嫩滑。蘸一些喼汁，味道誘人。來到潮洲菜餐廳，瑤柱蠔仔肉碎粥是必點之物。這裏有大鍋（$98）和小鍋（$55）供選擇。我們多人進膳，所以點了大鍋。蠔仔肉偏大顆，肉質厚身，飽滿圓潤。粥底飯粒完整，加入了莞茜、肉碎和方魚，担心昇了粥的鮮味。豉汁蒸魚雲 （$88）是濃味之選

聽說明記潮館的潮式美食很有特色，於是到店試試。一入鋪，場面大氣，沒有一般中式菜館的擠迫感，感覺開揚、光猛、舒服。牆上風格強烈的畫。首先點的，當然是潮式秘製螄蚶，潮州生醃的方式，聽聞非常好吃，而且種醃法香港愈來愈少，令人期待。一碟份量很多，目測最少30-40顆啦，用鉗仔打開螄蚶，還有紅紅的「血水」，非常特別、鮮甜，我還是第一次吃這樣的螄蚶。煎蠔烙，蠔仔份量多，炸後還保留了蠔的肉汁，炸得不會太乾太油，怕油膩的也不怕多吃幾口。超級大件，夠4人吃。瑤柱蠔仔肉碎粥，米粒較企身分明，潮州粥特色，不會太糊太稠。粥底鮮甜，蠔仔粒圓潤飽滿，點了小碗，還是很大碗！涼瓜肉鬆煎蛋，涼瓜苦澀味淡淡的，清新而可口，肉碎與蛋配在一起，有家作的感覺。金菇肥牛煲又是份量超大，上檯時香噴噴惹味！粉絲很多，肥牛金菇量不少，用來送白飯一流啊！整體而言，坐得舒適，食物比同類食店細緻、精巧，而且大大份，性價比高。

小時候常常和家人到屋企附近大排檔打冷、夜媽媽總有一大堆人來吃小菜、火鍋、打冷、非常熱鬧。現在少了很多大排檔、反而多了新式潮州打冷店 — 明記潮館。明記潮館位於朗豪坊附近的Portland 180+ 3樓全層、地方倘大、入口通道兩旁有彩色壁畫、裡面牆身以本地建築物、金行、海鮮店等為主題、懷舊又富有香港特色。滷水雜拼加滷水鵝片 $160滷水鵝腸好爽口、鵝片都可以，但略嫌滷水不夠入味、期待的滷水豆腐也不在拼盤裡。家鄉鹹菜豬肚湯 $98鹹菜較胡椒味重、豬肚湯裡亦有一些粉腸、好多料。椒鹽九肚魚 $88這個很好吃！九肚魚炸得酥脆、椒鹽好入味。雖然好熱氣、還是吃了很多涼瓜肉鬆煎蛋 $75第一次吃這個、煎蛋裡夾著粒粒涼瓜和肉碎、顏色幾靚味道都亦不錯。地方明亮舒適、枱與枱之間有足夠距離、餐牌選擇好多、光是點菜我們已想了十五分鐘 如果想同一大班親戚朋友怕傳統打冷店擠迫、明記也是一個好選擇。

收工ot攰到傻，我地都想去食翻餐，男友接完我之後，去左食佢最喜歡既小炒，我地今晚就過左旺角食呢間開到凌晨四五點既打冷店dinner!小食20前菜辣豆角好清新，超讚！上菜好快手，正呀。紅燒乳鴿68皮脆肉嫩，好惹味，入面仲有汁，脆卜卜！滷水鵝片108女仔喜歡食鵝片多過鵝件，貪方便啖啖肉嘛。滷水汁好好食，鵝片厚薄均勻大大塊，底下既頭腐件更加索盡曬d汁，大飽口福🤣蒜蓉蒸開邊蝦138中蝦灑上充足既蒜粒，蠻鮮味，尤其喜歡不太油，且沒有下過多的鹽巴，感覺好健康。韭菜花蜆仔肉45蜆仔肉炒上咸咸地既韭菜花，味道偏濃，送粥一流，份量許多，家常潮洲菜既佼佼者。加多寶16x2食後感：餸菜味道不俗，中菜餐廳黎講，地方可夠寬落，卡位坐得舒服，冷氣充足，滿載而歸。

系旺角區呢個價錢可以甘大碟，抵，仲要環境坐得舒服，一般你系食打冷潮洲野地方都坐得好唔舒服，大熱天時會好熱，但明記佢似酒樓式打冷小炒店，野食夠鑊氣，出菜又快，又多活海鮮選擇。今次我地見到有優惠雙并餐叫，叫左孖寶B，有豉汁蒸蟶子4隻，滷水乳鴿 2隻 共228元豉汁蒸蟶子隻隻大大隻，非常厚肉，新鮮鮮甜，咬落爽口彈牙，豉汁味沒有遮蓋聖子原本鮮味滷水乳鴿滷水汁甜甜的不太鹹，食落乳鴿不靭，乳鴿肉香甜。炸大腸即叫即炸，上台熱辣辣，咬落脆卜卜，再配合埋酸甜醬，食唔停口。

旺角開左間坐得舒服嘅打冷 一般打冷都比較大排當 #feel但呢間明記潮館 有D唔同嘢食嚟講係#大大碟 呢個鹵水鵝腸 大碟之餘仲爽口好味 👍價錢都唔貴 呢碟好似$65如果我冇記錯 另外夜晚十一點後仲有D特價小菜$28有得食韮菜豬紅最衰係未有酒牌 仲要自己行出行入去買😥因為冇冰桶每次唔可以買太多但呢間收06啱晒我呢D夜鬼一族

黎第3次了，無論同朋友，另一半撐枱腳同一家人黎，個個都話無介紹錯，個場夠哂大。我本身唔太好滷水，但呢度既滷水真係正，好夠味，煎蠔餅梗是拍手掌，好夠脆，蠔夠多仲大大粒添，蠔仔粥都唔錯，朋友則讚菠蘿咕嚕肉好味，因脆漿夠薄，好肉地，反而霸王雞就麻麻，味唔夠凸出，西芹班球好厚肉，啫啫芥蘭又係食到舔舔脷，一口豆腐牛柳粒兩次食，一次好好味，一次就汁太杰，口感不好，水準唔平均，九菜豬紅好大碗同d朋友話好好食，但我無食，因我唔食豬紅，仲有沙拉蝦..C蚶.乳鴿....，啤酒夠凍，係最衰佢無酒牌，攪到每次要飲就後去一個位買，唔太盡興啫，冷氣亦唔多夠，唔知關唔關人多事。總括黎講真係好鬼抵食，同味道唔錯，仲要响咁旺既地方。P.S由於食評本身已夠多相 ，所以都懶得影

入到去地方真係好大,樓底高好寬敞,食得好舒服, 裝修設計好友香港特色。一般打冷食品佢哋都放曬出嚟好齊 , 五顏六色好吸引 ,行埋去可以自由選擇。 見到啲黃油烏頭好靚, 但係我哋太少人食唔曬,今次冇叫,下次一定要試!啲黃油令立立,睇落都正見到有個卡位差唔多走,要求話轉枱服務員姐姐都冇黑面,同啲侍應大哥都幾有耐性,服務態度唔錯!我哋叫咗個孖寶D餐 裏面嗰個鮑魚 真係好爽口, 而個湯底又唔會太鹹, 有冬粉麵底,食完都幾飽肚潮州嘢食物都係好鹹,但係呢一間就改良口味唔會太鹹,正!食食下無端端上咗啲鹵水雜,一問之下原來食滿200蚊有得送,開心又驚喜!

之前同朋友都會在旺角選吃妹記大排檔，皆因較乾淨和舒服。今次特意來試下附件新開的大排檔，順便提早慶祝中秋。幸好我有朋友預早訂位，晚市都挺旺。位置上都很方便，隧道隔離就是了，環境上都很舒適和闊。價錢上真的十分合理，而且每一碟都十分大，味道上不錯，絕對做到上茶樓的水準。我們6個人叫左5個小菜和1個湯飯，餐廳更贈送一大碟鹵水拼盤，結果最後也吃不完，但埋單每人都是100左右，所以在旺角來說，算超級抵吃，朋友聚餐值得一去。特別推薦吃豆腐一口牛和蠔仔粥，牛肉煮得剛好熟度，不韌，而調味合適，配合炸豆腐一拼吃，香味十足。而蠔仔粥也做得不錯，很鮮甜。不過瀨尿蝦就認真麻麻，雖然店員推薦為當日特價，但是質素真的有點差，好多隻都是死的，肉質好霉。可能是優惠價售出，一分錢一分貨，質素所以較差。

工作了一天必須好好慰勞自己，同事們提議來這間新開的潮州菜....在香港食潮州菜太貴了 要食我也會回內地品嚐這間明記新開乾淨，在晚上12時的員工也滿多，有包廂每間來也有職員招待，非常適合看足球人士來內裝修精緻，有不同的風格，但這晚實在太攰了也沒有參觀過這店 希望下次來可盡情拍照餐牌方面菜名也貌似潮州菜名很多是香港普遍潮州菜館做不到的它也有在售賣朋友一早建議不要order炸品，這裡的比較熱氣，有分別的嗎？有宵夜小食 28元起 很抵食 來配啤酒一流食滿200元便送鹵水拼盤 基本3樣一定過了蠔仔粥 內有炸米，食落脆脆的不會太dry 非常多的蠔 啖啖都食到 也很鮮甜 細的已分到4-5碗 韭菜豬紅 不要以為宵夜小食份量會小 原來也很大份 有少少辣辣的 但比較油椒鹽九肚魚 外脆內軟 不會食到有骨的 滿好 秘制螄蚶 第一次食未開口的螄蚶 有專屬的鉗來開口 入邊的蚶非常之肥美紅燒乳鴿 肉質比較乾身 食完也覺得非常熱氣啦鹵水拼盤+鹵水鵝腎 拼盤是送的份量非常大 足夠3-5人份量有紅腸 豬大腸 豬耳 腎 墨魚 全部都入灑鹵汁的味道呢到什麼都好 唯獨王老吉一罐收取18蚊一罐非常貴也收取小食花生費用20蚊味

旺角新地標, 感覺新開無耐, 因商場還是空空. 樓上一上到, 好熱鬧, 地方都好大. 叫夠$200送鹵水雜錦, 包括豬膠,鵝腸,豬耳,香腸,腩肉, 份量都好大碟, 味道夠入味, 爽口.鹵水鵝- 味道入味, 但鵝偏老, 肉質有點un豬紅薤菜- 豬紅好入味, 有點辣好野味啫啫介蘭煲- 好夠穫氣, 介蘭爽脆, 有點咸香味胡椒豬肚粉腸湯- 胡椒香, 不會超辣, 容易入口,不過粉腸有些帶苦, 扣分價錢合理, 味道中上, 在旺角可以多一個好去處

星期五晚同家人一行四人聚餐，早一星期book定有卡位坐。 坐低就有茶飲，例行小食（$20），小食係花生同點酸汁嘅番石柳，好開胃！之後就點小菜啦，點滿$200即送滷水拼盤 韮菜豬紅 ，好好食好大碗，大大粒又辣辣地，全餐最好食係佢！炸蠔餅，好多蠔仔同莞茜，好香口，可惜個蠔餅汁太淡啦，帶唔起蠔仔嘅鮮味可惜蒸扇貝 $48隻，唔算大隻，不過鮮味搭救，好多粉絲同蒜，幾好涼瓜鮮魷，好多魷魚同涼瓜，而且魷魚好淋好香，涼瓜亦唔苦好淋，幾好滷水鵝片，好鞋，鵝胸肉咁送嘅滷水拼盤，都算幾大碟，每人都食到好多塊，特別中意鵝腸好爽口好正最後4人食左$600，唔算貴，不過冇第二次！因為我係為左螄蚶先黎，落單嗰時服務員話生架喎，唔會飛水架即係唔想叫，點會完全唔飛水架！我地食到一半已經冇晒茶，仲諗住佢又收加一又收小食，會好似酒樓咁加水，但服務員見到當睇唔到

食消夜不一定局限食大排檔，都可以舒舒服服涼住冷氣食。是夜看完電影，已經12:30am，想跟友人吃個宵夜飽飽肚。走到街頭被一個巨型大招牌吸引著，平時亦很少來到這裡，都不知道原來這裡開了一個新商場。在商場對出的地方很空曠及人流都幾旺，夜晚晚都有很多人在這帶呢。由食店職員帶領乘電梯到逹食店，眼前是一間空間很大、劃分多個主題區域的室內有冷氣大排檔，是有卡位的大排檔。新潮的裝潢中，仍不失大排檔風味，去過一次會愛上這個飯聚地方，無論2人世界，或想大伙朋友聚會，這裡是個很舒適的選擇。煎蠔烙 $75蠔餅脆卜卜，比想像中大，每粒蠔大大粒不腥，吃下吃下，食塊蠔餅都原來會飽的。韮菜豬紅 $55其實原本是來吃宵夜，但這裡的份量實在很多，價錢又適中，實在太抵吃了，不過下次再來，真的要因位食量而點菜。這個豬紅，是裝滿大大的湯碗呢，真係又足料。平時對食豬紅很揀擇的友人，對這店的有好評，難得友人覺得這豬血並沒有血腥味，且味精不濃，所以這大碗豬紅就由友人包底，因為今晚好吃的菜式太多了，我必須要留肚吃我至愛的大大條烏頭喔。鹵水鵝片 $108食打冷怎可以不吃鹵水鵝呢，來到這店，除了吃蠔餅，這個鹵水鵝片亦是必點推介，每一片鵝