明記潮館 (砵蘭180+商場)

营业中

休息中

呢間打冷既格局同平時食嘅打冷好唔同地方好大，好有懷舊香港特色，而且海鮮係養住嘅，實係新鮮野，有冷氣而且仲有闊落嘅卡位影咗少少餐牌俾大家參考吓一開始有前茶同茶壺放咗喺度好鍾意食呢個椒鹽花生，完全停唔到口首先叫咗滷水鵝片，一片片薄切，好入味，但又唔會遮左鵝肉既鮮味，肉質結實，仲有豆腐同花生做伴碟，豆腐亦都10分滑因為今日好想食豬扒所以叫咗椒鹽豬扒，你個豬扒同我平時喺樓下茶餐廳食緊好唔同！佢係球體嘅，外面好香脆，椒鹽味好重，咬入去熱辣辣，肉汁出晒嚟，而且豬肉好滑嫩打冷又點少得煎蠔餅，上面嘅炸粉好薄，香脆鬆化，咬落去同香滑嘅蠔仔形成雙重口感啫啫通菜又係我另一個至愛，好夠鑊氣，加左小小肉碎，好香好惹味呢度仲有加多寶涼茶，可以降一降火如果想打冷，食潮州嘢，又想坐得舒適，呢度會係一個唔錯嘅選擇，而且啲碟都好大碟適合多啲人share食 抵不

今日和朋友相約食飯，始終星期五都難找位，約了朋友1930旺角等，好彩黎到這間潮洲店仲有2張桌。我地黎到當然諗住食潮州食品啦，最後叫左3款潮州店才有的食物和一個煲，最後每人$120，價錢都抵食而且仲要吃不完。螄蚶十分大碟，最後仲要吃不完，十分新鮮而且仲有工具食十分方便，味道少辣不用醬汁也可以。咸魚豆腐雞粒煲不好吃，沒有咸魚味，豆腐味道不錯但雞肉就不好吃，最後一半放棄沒有吃。蠔仔粥十分多，最後我地食左8碗還有，蠔都大隻而粥夠香和綿。什錦鹵水，款式多而份量多， 但味道偏淡左少少，或許吾夠入味。

首先想講講環境，出意料之外地舒服，我地４個人坐卡位，非常闊落，裝修都幾新淨，電視超大但播緊睇波唔岩睇野食好快就上到，四季豆太油膩，炸牛腩幾入味，鹵味雜拼多款，腸好食，豬肉都好林好食，椒鹽茶樹姑幾脆，炒蜆最惹味亦抵都係＄７８，最後埋單$587捧住個肚走因為碟碟都好大碟，抵食，最後仲送左個炸豆腐比我地。 我地本身想叫魚，佢餐牌寫大眼雞係時價，一問要$288一條比我想像中貴，馬友同烏頭都要百五蚊咁上下所以我地都無叫到，如果大家有budget既話可以試下既，因為佢整體食物質素都唔錯。

媽媽聽到朋友講話旺角明記好正，今日佢就帶埋我去明記潮館睇下有幾正先。環境好大好乾淨 位子刀差吾多滿座晒，相信食物質素吾會差！叫有幾樣食物，上台已經急不及待等食喇椒鹽鮮魷：魷魚炸得好香脆，粉漿不會太厚，除了椒鹽還加左炸蒜，更加惹味！鹵水鹅片：鵝片是從鵝的胸肉起出來，起骨再切片，鹅片入味又不會靭，十分美味！豉油皇鵝腸：鵝腸洗得好乾淨，已除去肥膏，鵝腸夠味又爽，碟內有芽菜，2樣一起食 口感更爽口，好味道！芝士海蝦伊麵：海蝦都好大隻又彈牙，伊麵軟硬適中，芝士夠多又惹味，一口接一口食不停！

其實都鐘意打冷，但又怕地方污穢又座得唔舒服，朋友推介來這間位於砵蘭街180+商場食打冷。地點好方便，朗豪坊行過去只需兩三分鐘，而且餐廳環境好新，座位又寬敞，我地一行4人 (3女1男) Book 左7點，仲安排有卡位。上菜好快，而且整體都好好味，4人叫左6餸1湯加一支啤酒，盛惠$729，每人$182左右，仲要旺角區，真係算唔錯。洗手間都算乾淨。食到9點幾無摧還檯。服務都幾好。值得Encore。臨走見到已經座滿全場，好野自然客似雲來。

入口經過一個綠化隧道，仲有幾支街燈，好有懷舊感。坐低可以食住花生等上菜鹵水三拼一黎就整個鹵水食下，揀左墨魚 、豬頭肉 、紅腸。豬頭肉睇落似豬頸肉，但咬落既咀嚼感比豬頸肉勁 比較有回彈性。燒汁脆牛腩炸過既外表，軟熟既內裡，附上豉油(根據味道黎估計係美極)做調味，但可惜牛腩薄切影響左佢既口感，牛腩始終要夠厚先好食，但份量同賣相黎講都有佢成為桌上佳餚既價值。石鍋啫啫白菜煲有菜有肉碎，但可惜落鹽放面可能太過重手 令到成個煲有D咸。

今次第一次光顧這間湖州菜館。我一直光顧的潮州茶館多數是比較平民的。價錢都比較平民，但因為今次唔係我決定，所以我都無咩做功課。這個商場人流唔多。大部分上樓的人都係去這間食店多。以下是我們的點的食物：其實還有一、兩款小食的。這一餐我們散點，所以其實都唔識點多少款才足夠。此中第一次光顧，其實我們都差不多食曬那些食物，食物份量唔算大，本身的潮式菜，一點驚喜都沒有。老實說我唔會再去。除了因爲食物無驚喜、價錢唔平、最大問題係坐的地方好唔舒服。出入根本一點都唔方便。好像坐茶餐廳一樣窄。

雖然平時咩地方ge菜式都鍾意食，但同屋企人食呢，總係覺得中菜最適合。媽咪係潮州人，今晚行開旺角，一於陪佢來呢間明記潮食飯，一解思鄉之情!沙嗲牛肉炒河＄78呢個牛河炒得真好，唔會過油或者過乾，牛肉夠鮮味，沙嗲汁又香!潮式秘製獅蚶＄88第一次食獅蚶， 本來覺得呢種食物血淋淋好可怕，但只要放膽一試，發現非常鮮甜!真係唔可以錯過呢!滷水雜拼＄108 潮州菜絕對要食滷水，花多眼亂唔知揀乜，揀雜拼就冇死，滿足哂三心兩意乜都想食的人。韭菜豬紅＄55豬紅份量超多，抵食!瑤柱蠔仔肉碎粥（大碗）＄98一直喜歡潮州粥的質感，米粒分明，口感佳。加上蠔仔同瑤柱好足料，成煲粥好鮮甜!水煮魚片$88聽個名以為好清淡? 其實好辣好惹味!椒鹽細賴尿蝦＄98最後當然要食返個香脆ge海鮮結尾!整體來說，菜式都大大份又惹味，價錢又唔貴，值得一試!

估唔到呢一個商場入面會有間咁大間嘅餐廳喺度，商場地下已經有一個位置放幾張枱食，估唔到上到去我諗足足都有成萬尺的地方。上面嘅枱數好多，人數都好爆滿。而且佢有一個位置係專擺海鮮嘅，另外仲會有個位置係放潮州必食嘅滷味，裝修嘅風格都幾特別。首先點一個潮式嘅滷味拼盤，入邊會有鵝片同紅腸，墨魚，豬大腸。個底仲會有芽菜。拒嘅滷水味道啱啱好，有鹹香味，亦都會有花椒八角嘅香，唔錯。燒汁豆腐牛柳粒係一個值得推薦嘅菜式，除咗佢燒汁嘅味較特別之外，牛嘅口感都軟身，叫外佢嘅半碟豆腐係經過油炸，似臭豆腐口感，食落去又會有脆嘅感覺，做到有雙主角嘅效果。另外仲叫咗條冬烏頭，呢度嘅價錢唔算太貴，二百幾蚊一條。而且非常之大條，d肉食落去彈牙，有鮮甜味，唔會太咸，味道做得剛剛好。食完咸食之後其實好想食返一個甜品，例如潮式好出名嘅反沙芋，但係呢到無甜品食。。如果下一次有得食就非常之好啦。

第一次來呢間明記食嘢，知道佢係主要食潮州打冷嘅，但係估唔到仲有其他小菜，選擇都幾多元化。如果夠多人嘅話仲可以叫佢哋圍菜嚟食，有6個人，有12個人的圍菜選擇。韭菜朱紅係一個幾開胃嘅餐前小食，而呢度韭菜朱紅做得到非常之好，因為佢嘅味道好濃，仲會有啲辣辣地，仲有d沙嗲香。如果唔怕鹹嘅話，可以用埋拒個汁撈飯，其實都幾正。豪仔肉碎粥係我一向都會叫嘅，呢到有兩個唔同嘅size，但係價錢就淨係相差二十蚊，所以如果多人食嘅就叫個大盤就會抵食啲。呢個粥比出邊嘅更多左蝦米同埋魷魚，所以令到成個粥仲鮮甜啲。蝦醬通菜，咪見佢好似好普通咁樣，但係佢就真係煮得好有火喉，而且份量非常之多，仲用石鍋裝住，唔會咁快凍，可以慢慢食。。之後就係食潮州嘢必點嘅蠔仔煎，見好多台都有咁呢一個餸。我估呢度都應該煮得幾好食，果然食落去好脆口，而且入邊嘅豪仔非常之豐富。嚟緊呢度食我諗通常都會有三五知己鍾意飲番支啤酒，提提大家呢一度嘅啤酒呢就要自己出去買返嚟嘅，但個位置就好近，落一層就有，好方便。

我是潮洲人？其實我本身係一個廣東人，但係跟咗婆婆公公好多個年頭啦，無論係飲食習慣，又或者風俗，難免會有啲潮州風格。特別係嘢食平時公公會成日煮啲潮州嘅食物出嚟，就好似你個烏頭咁，眼年好似好容易，但係要整得真係好食其實係有得有啲竅門。呢到的整法加左洋蔥同埋檸檬片，可去除本身嘅草泥味，令到佢嘅魚肉更加突出。而且每條魚都會有個牌喺度，寫明條魚邊到嚟，保證佢嘅來源，同埋佢嘅品質。獅蚶係我好鍾意食嘅一個食物，無論係熱食又話這生食我都覺得好食。呢一個用咗好香嘅酒來醃，第一啖入口有d嗆喉，但係第二啖獅蚶嘅鮮甜就已經出咗嚟。講講呢一個沙律明蝦球，所用嘅蝦都幾大隻下，而且咬落去爽身，上面加左一層厚厚嘅沙律醬，食落去又爽，又甜，好滋味。仲有就係食潮州嘢唔可以唔食嘅蠔仔煎，記得之前公公整嘅蚵仔煎係比較煙韌嘅，但係呢度整得就比較脆口，鬆化，而且生蠔都幾大粒，好鮮甜。究竟係我個人特別鍾意食潮州嘢食，定係呢一度嘅潮州嘢食真係做得唔錯呢。一路食一路令我諗起之前屋企枱上滿滿嘅菜式，還有好掛住公公的手勢。

明記來品嚐一次後我就不停推薦給不同的朋友，潮州菜平時貴得來份量也不會多，這間是相反的而這次我終於參觀了這店，有鹵水明檔，有海鮮檔椒鹽豆腐 $28 以為宵夜價錢份量少 原來很大碟 豆腐外脆肉嫩滑花生雞腳 $78好多花生 最少有一大碗滿的花生在內雞腳大大隻 非常淋身京都炸大腸 $88 要熱辣辣食才脆卜卜 底下有3塊原塊菠蘿辣子雞半隻 $118睇落冇四川菜滿滿的辣椒以為不辣，原來食落都很辣的因為用半隻雞來整食起都啖啖肉鹵水拼盤配鵝片 $160 今晚的鹵水好似吾夠味 也許其他菜太濃味了 蓋上了這道主菜鵝片-嫩滑豬耳-爽口墨魚-夠淋味道賣相衞生服務抵食推介

想打冷但怕熱？明記潮館位於旺角鬧市的商場內，有冷氣又整潔。今晩和寶寶上來試試潮洲菜，晚市熱鬧得很。餐廳沒有酒賣，想喝的還可以自帶免收費。韮菜花蜆仔肉 ($48) 份量很大！蜆仔肉真有咬口，配上爽口的韮菜花，炒得很有鑊氣，拌飯吃一流！原來一碗的瑤珠蠔仔肉碎粥 ($55) 份量已足夠二四享用，我們二人每人也分得三至四碗。這非堂常足料的潮洲粥，蠔仔肥美又大粒，味道鮮甜而不腥。湯底清甜，加上粒粒肉碎和飯，超好吃唷！我太喜歡吃椒鹽鮮魷 ($98) 了，所以也忘了喉嚨痛的恐懼。椒鹽鮮魷果然沒有令我們失望，炸得鬆脆又乾身，而魷魚煙韌有咬口，惹味十足，真令人食指大動。芝士海蝦炆伊麵 ($138) 竟有六隻海蝦，煎得香脆，蝦用鮮甜厚身，十分彈牙。伊麵沒有煮得過稔，配上濃郁的芝士汁更香滑。表面的芝士燒得微焦，夾下時更能做到拉絲效果，芝士控必吃！每餐也總要吃蔬菜，所以我們點了地魚炒芥蘭 ($68)。芥蘭顔色翠綠，既爽口又鮮嫩。

「 今晚就來個打冷小菜吧！」相信這句說話一定似曾相識，因為家中總有長輩喜歡打冷當是宵夜。不過當你以為潮州食物只有上了年紀的人才吃？那你就太年輕了！隨著時代的轉變，現在的潮流卻是「懷舊」。當你吃慣了身邊的西餐，快餐，韓國菜，泰國菜後，卻會想返璞歸真，食回清淡，崇尚樸素的潮州菜。明記潮館有不少明星曾來到訪，相信必定有它可取之處。剛到步，以為餐廳範圍只是地下的幾張小桌子。但原來還有上層的，跟着指示牌上了兩條長電梯就到。這時你會驚訝，原來餐廳很大，很寬敞，很舒適。牆身，小房的設計和畫像都充滿「潮」味。今天只是一個平日的晚上，大約八時多，潮館已經擠滿了人。詫異的是，竟然有很多是年輕人，20多至30多歲，三五成群地吃着打冷小菜，叫上一兩打啤酒，寫意得很。大家對潮州菜的認識不外乎就是蠔仔粥和滷味。我就當然不跟大眾而行，先來一個懷舊的潮州炸大腸，再來香口的煎蠔餅，燒汁豆腐一口牛柳粒，加個石鍋明記炒飯。不妨跟大家說，我從沒有試過潮式炸大腸。等待食物的時候，就當然要試一下潮州佐料小食：一碟是香辣魚乾，另一碟是鹹酸菜。香辣魚乾魚乾焗得很香脆，魚身彎曲的造型，看得出牠曬乾時候的掙扎。鹽味重，帶些少鹹香，入口後

今日同男朋友經過旺角，佢話好耐冇飲過胡椒豬肚湯，咁啱行過就走左上呢間朋友有介紹過嘅「明記潮館」第一道菜係豉椒炒聖子皇平時食開蒜蓉蒸，今日試下新口味。炒出黎好有鑊氣，值得一試。啫啫煲芥蘭大碟夾抵食（$78），唔會太鹹，不過有少少油咸菜豬肚湯略嫌胡椒味唔夠重，下次落單時可以叫佢辣啲。豬肚同豬腸都洗得幾乾淨，無臭味，值得一讚！蒜蓉粉絲蒸元貝極力推介！超級大隻，而且又新鮮，諗返起啲蒜蓉同蔥就回味～蠔仔粥好足料，粒粒蠔都好大粒，但嫌清淡左少少，不過$55咁大碗都幾抵食整體上服務員服務態度非常好，會介紹唔同優惠，又會幫手分湯，下次都會介紹朋友黎食呢間！