明記潮館 (砵蘭180+商場)

营业中

休息中

係旺角要搵一個又坐得耐野又好食既地方真係唔易, 今次同友人黎到明記潮館完全可以滿足我2個願望'地方大可以叫野食飲下酒咁朋友聚餐一流!我地今次點左既有韮菜豬紅點菜既時候都覺得幾貴下, 但原來份量咁多, 而且真係爽口彈牙!! 人多既話必試!!魚香茄子煲一上到台都已經聞到勁香, 重點係佢D茄子既色澤係我見過最好睇既, 淨係賣相我都已經比左滿分!! 一食落口就覺得非常爽口同好味, 雖然都知煮得好呢道菜係需要好多油, 但係真係食唔停口, 送飯真係一流京都炸大腸份量比想像中多, 而炸大腸係金黃色的, 炸到個皮脆一脆, 而腸入面有D肥膏, 望落係好肥膩, 但同脆皮既口感有種反差, 個口感反而OKAY!! 值得一試芝士焗龍蝦伊麵食大排檔必食既芝士焗龍蝦伊麵!!! 超級多芝士拉絲, 而且非常足料, 成個伊麵都有芝士COVER住 唔會覺得好DRY!! 份量都幾多下, 6個人分都夠分! 性價比超高!!

認真，呢度內在環境真係好靚！ 有好多位都好啱遊客黎影相。 而且食物質素亦都唔差， 無論兩個人嚟，一班人嚟，同好熟嘅朋友嚟，定係唔熟嘅朋友嚟都好適合！ 一入到去見到個咁樣嘅走廊，已經覺得好搞笑。從來冇諗過一間餐廳可以咁樣做。 雖然都似賣緊啤酒廣告，但真係完全想像唔到原來入面係一間食中菜嘅餐廳。內在環境分幾個section，全部都好別緻。 有圓枱有卡位。真係你鍾意坐乜都得。 而且枱與枱之間都留有空間，唔會覺得太嘈傾唔到計。先上小菜兩小碟，我呢個潮州人就當然知道鹹菜上面呢啲係南薑蓉。 另外嗰啲豆角辣辣哋都好香！因為我哋人唔係好多， 所以只係叫咗三個餸。 但我想講佢本menu完全係令人眼花繚亂，上面選擇多到爆。 對我呢啲選擇困難症嘅人嚟講真係好難揀 好彩店員都非常好招呼，會行埋你介紹下有咩好食！呢個凍馬友，就係佢嘅一等一好推介。 朋友話未食過馬友。 條魚油脂好多！魚肉好滑！而且冇乜魚骨，好啱我呢啲懶人食！ 應該係煮嘅時候就已經夾咗個檸檬入去，所以都有少少檸檬清香，而且除去咗d腥。 點埋呢一個納豆醬啲friend食，真係一流！認真呢個鹵水拼盤一啲都唔貴！而且有既種類真係超級多！ 除咗有應該要有既

話說那天跟朋友說起小妹甚少打冷，朋友就說要帶我去見識一下，來到了明記潮館吃潮洲菜！行到街口轉角就見到招牌，走上一層電梯，再坐𨋢上到3樓，餐廳的格局很特別，人可以出來揀選自己想打冷的食物，也可以看到各種滷味！這晚有優惠，只要讚好餐廳的專頁，就免費送我們鮮味煲仔蜆。雖然是送的，但絕不欺場，大大煲，蜆肉肥美無沙，只用了清湯烹調，仍然很鮮甜！食打冷怎少得滷味，我們點了滷水拼盤，我們選了三款，鵝腸、生腸和大腸！滷水得很入味，吃到很香的花椒八角味，內臟也清潔得乾淨！大腸很稔！鵝腸生腸爽！一碟份量也挺大的，我們二人吃得挺吃力，三四人吃應該夠暢快！再點了燒汁一口豆腐牛柳粒，豆腐炸至金黃很脆口，真的是剛剛一口，豆腐吸收了甜甜的燒汁，很好吃！牛柳粒十分稔，無筋無楂，非常好！點了啫啫煲油麥菜，一來「啫啫」聲，又熱又香，這個就偏濃味一點，主要用蝦醬調味，好惹味！這裡是通宵營業的，所以幾夜來都可以！

係街度見到大大個BANNER寫住明記潮館, 比佢張圖吸引入左去食個晚餐一上到去岩岩好坐到最後一枱!! 超LUCKY呢度地方裝修得好有大排檔FEEL, 而且係有冷氣的, 即刻加哂分鹵水雜拼加鹵水鵝片打冷必食既鹵水拼盤, 估唔到呢度都有, 不得不讚既係鹵水味好出, 而且份量好大, 特別要讚既係鵝片, 啖啖肉之餘仲口感好好脆皮炸子雞半隻好彩只係叫左半份, 因為原來都好大隻, 脆皮炸子雞名乎其實, 個皮真係炸得好香脆, 而D肉就好嫩滑, 冇乜奇怪既部位, 全部都係上庄黎!! 啖啖肉椒鹽鮮魷炸得黎好香口, 但係炸粉唔算多, 唔會食到一口都係炸粉黎, 而且份量都算幾大!

今晚同舊同事飯聚，相約喺方便全港人嘅旺角區。位於砵蘭街全新面貌示人嘅砵蘭180+...食乜？食打冷明記潮館餐廳有主題裝飾，比人感覺有懷舊大排檔金牌滷水檔大眼雞，烏頭(仲要係元朗)滷水配料風味十足漁人碼頭新鮮海鮮多樣選擇，前頭四籮就係大肉蟹但係唔知係咪想配合反大排檔主題，所以現場冷氣好細，所以而家大熱天邊食邊流汗滷水三拼(我們揀咗墨魚，花腩肉同大腸)鵝片$108份量好多，肉質嫩口，無酥味，底下豆腐偏咸煎蠔餅$75蠔都好多，炸得香脆，但一定要熱食，一旦放涼感覺大有差別凍魚做特價烏頭大大條多肉，而且黃油顯身，肥美魚肉只賣$188,平時荃灣隻大眼雞都要$200+，所以覺得好掋食而家做 promo,like Facebook就送煲仔蜆，雖然係送，但份量絶不偷雞，而且洗得好乾淨無沙，蜆肉鮮甜瑤柱方魚肉碎粥偏咸，用黎送滷水就唔適合，食反白粥較適合。賣單五個大男人都係食左$880唔駛，Cp值高。

日頭帶完3兄弟去玩，夜晚就輪到帶阿爸阿媽出去威啦。阿爸係個傳統男人，愛中菜，有飯落肚才滿足，所以揀左明記潮館同佢食下潮洲野。明記潮館位於旺角砵蘭街一幢新商場內，地鐵站行過兩條街就到，非常方便。餐牌與中式酒樓差不多，有散叫小菜及多款抵食孖寶套餐可供選擇食海鮮少不了出去望望這個漁人碼頭，識得揀，你至係老板嘛除了生猛海鮮，仲有多款其他不同美食。打冷又點會少得鵝片、墨魚、紅腸及豬腸呢D金牌滷味呀蠔仔粥是一般潮州食店中必有的一款粥,，雖然蠔仔細細，但數量多，每一啖都食到蠔，整窩粥都有豐富蠔味，加上胡椒粉，食多幾碗都無問題。呢度嘅豉椒炒蜆炒得香濃惹味，相信已經洗擦乾淨並吐了沙，因為食咁多隻都食唔到有沙我最愛用手拿起一隻一隻咁食，真係連手指都要逐隻吮晒先夠喉。雖然只係半隻霸王雞，但雞隻份量相當大，啖啖肉又唔韌，阿媽最愛雞上嘅蔥油，見佢食得好滋味。呢個蟹肉扒西蘭花最啱我地呢D懶人，唔駛拆蟹殼就可以食到蟹，雖然唔係啖啖蟹肉，但西蘭花同蟹肉嘅鮮甜味都幾夾，我無叫飯都可以一啖一啖送入口。水煮南非鮑魚片一送到，我第一個反應，我地無叫到喎，再睇睇，咦，我以為果個孖寶套餐係汁煮南非鮑魚片+霸王雞半隻，原來係水煮南

打冷舖頭通常係舊式 點知上openrice見到新式潮州菜館就即刻同爸爸媽咪去左 估唔到又幾好食.餐廳係新開架 係旺角一個翻新緊嘅商場入面 都唔容易搵 裝修好潮 有D卡位扮到好似貨櫃 好得意啊 仲有D海鮮擺出離比人揀 原來個「潮」字語帶相關.我地叫左通菜牛肉、鮮味煲仔焗蜆、瑤柱蠔仔肉碎粥同埋家鄉鹹菜豬肚湯.通菜同牛肉一向係絕配 通菜炒得好爽口連埋類似蝦醬嘅醬汁好惹味 牛肉軟身得離唔會太淋.蜆煲就係送嘅 只要like餐廳facebook page就免費架啦 應該係開張優惠 估唔到又幾好味 完全無沙好新鮮 有好多香料例如辣椒、蔥、蒜頭等等令腥味全消 清清地嘅一道小菜 讚.蠔仔粥嘅粥底唔似一般打冷 唔夠一粒粒 不過蠔仔份量多.鹹菜豬肚湯係幾道食物入面最唔滿意果個 味道太淡 得少少胡椒味 好似煲得唔夠耐 得好少鹹菜味.想坐得舒服又想食潮州野可以試下呢間

黎到父親節既季節,今年試下去旺角試一試明記潮館 去到門口,店員叫向上兩層,之後就慢慢沿住指示向上行,個商場好似冇鋪頭開咁 去到電梯上到去就有職員帶入庭,個門面都幾靚 坐低左之後就睇下有咩岩食,望到個慈父4人餐都唔錯咁 所以就落ORDER要一個慈父餐,之後職員話LIKE佢地FB同SHARE就送一個蜆煲所以我地都照做左 個餐前小食我就覺得一般唔太岩我口味 先黎一條潮州馬友,條魚都幾好食....值得一試 石鍋芥蘭都滾熱熱咁上菜,味道唔錯 個免費蜆煲份量比想像中大,個味道都唔錯 蒜蓉粉絲蒸元貝...元貝配蒜蓉粉絲絕對冇得輸..元貝都好新鮮 豬肚湯..冇咩特別平時咁 霸王雞都幾滑,個人特別喜愛多蔥 店員都好有禮貌,招呼都好好...

過馬路時已看見商場外面掛著 "明記潮館"的海報，行入商場門口時立即有人接待我們，還親自帶我們上3樓。牆上有插蘇 ，對於機不離手，經常苦於找地方充電的香港人來說簡直是貼心周到! 椒鹽豆腐大大塊的豆腐 ^.^ 外面沾滿了椒鹽和胡椒，有點微辣之餘還很惹味! 裡面的豆腐好滑好多汁。泰式墨魚餅擺設的幾漂亮。外皮又薄又脆，裡面是滿滿的墨魚肉，超彈牙好有口感! 但因為大盤有8塊 (而且塊塊也很大塊)的關係，適合2人以上吃呢! 還有，建議不要一次過叫兩碟煎炸菜色呢！不然很快就會吃不下了。鹵水鵝片又是份量十足! 除了鵝片之外還有花生和豆腐 ^_^ 鵝片稔軟得來又有點口感，鹵水幾入味，不會太重口味。

今晚約老爺奶奶食飯，老爺提議打冷，所以在openrice看看有甚麼好介紹，找到明記潮館，地點在旺角很方便，對於180+這個商場並沒有多大印象，但在商場入口已經設有明記潮館的前台站著及通知樓上入座人數，進入商場，十室九空的，看來是剛裝修完畢，所以大部分商店仍在等待招租，沿路也有很多指示牌指引我們往上走，乖撘扶手梯上到3樓，就看到明記潮館的招牌了，進店後感到跟樓下是2個世界，因為明記潮館地方很大，還坐滿了客人，跟樓下的冷清形成強烈的對比⋯扶手梯直達明記潮館⋯明記潮館的地方很大，設有房間，而且還有海鮮及燒味部，海鮮部放滿海鮮，客人可以出來看看想食甚麼海鮮，也能自己挑選及視察新鮮程度海鮮都是大大件，色澤吸引的呢⋯燒味部也展示各式滷水食品打冷必食的當然是蠔仔粥，這個瑤柱蠔仔肉碎粥奶奶大讚是她吃過最好味道的蠔仔粥，蠔仔很新鮮，而且煮完還是漲卜卜的⋯店員推介我們點最受食客歡迎的孖寶C餐，第一寶是招牌薑蔥霸王雞，肉質結實，也帶著豐富的香䓤味～孖寶C餐，第二寶是水煮南非鮑魚片，上枱時我們四人瞪大眼睛和張開咀巴，我們只看到南非鮑魚片2隻，而沒有看到水煮2個字，大家都被這個水煮南非鮑魚片嚇著，看樣子非常辣似

旺角一向多野食～ 平時成日都幫襯日韓台餐廳 今次想試下新菜式 於是就同朋友兩個人去覓食 竟然見到一間新開既中菜館～佢位於旺角一間商場既三樓 成間商場都好似係新裝修完咁 好空曠我地上到去 坐左一陣 原本既空枱都坐滿人 仲有唔少食客等緊位 餐廳內人山人海 估唔到明記潮館呢間新餐廳人氣咁旺盛 事不宜遲 即刻睇下有咩好食先 😋餐牌上有多款美食 仲要已經分左類 有海鮮、麵飯類、小菜、湯等等枱面一早已經放左前菜 有花生、酸菜 同埋兩款酸辣醬料仲有一壺重量級既茶 呢個水壺好厲害 我地食左兩個鐘 飲左好多杯 都冇加過茶 重點係 隔左咁耐 啲茶依然係滾既 😱菠蘿京都豬排 $78京都豬排既甜酸比例做得好好 唔會過甜或過酸 但我覺得肉既味道有點咸 好彩有菠蘿搭救 另外 整道菜既賣相亦都幾好 味道都好有當地既風味同特色 但我覺得佢太韌 而且有啲乾 食一、兩舊就會覺得有點膩～要飲湯同埋茶黎消滯豆腐魚雲湯 $88平日屋企有時都會煲下魚湯 簡單得黎又好健康～ 好中意食煲湯豆腐 特別入味～ 呢個魚湯既魚都幾足料 魚皮同埋魚肉好嫩滑 仲有埋白菜仔 有益健康👍🏼西蘭花炒帶子 $138西蘭花炒帶子大家一定好熟食 去親人地既

今晚同朋友三個人食飯行過呢間新開既潮州菜館一於就試下懷舊裝修空間夠大打冷宵夜就岩曬我地點左5樣野⭐️沙嗲牛肉炒芥蘭。$85- 芥蘭炒得脆綠好靚，切得幼幼容易入口，牛肉入味一D都唔難咬，幾嫩，而沙嗲味道尚好，若個汁杰返少少就更好了！⭐️瑤柱蠔仔肉碎粥。$55小碗- 都有5小碗左右，2個人食都幾飽，有唔少蠔仔，粒粒飽滿鮮甜，肉碎唔會太肥，另附胡椒粉，加埋加鮮味😋⭐️明記沙拉蝦球。$128- 比想像中份量多，大概有15件蝦，大大舊好彈牙，蝦球面微脆，口感十足。沙拉醬不會太多導致有油膩感⭐️韮菜花蜆仔肉（凍）。$45- 味濃撈飯就岩晒，又無沙，但係熱㗎喎🤔⭐️燒汁焗魚雲。$88- 呢個最好食，超入味，D骨脆到可食，好香但一點也不油膩

係朗豪坊睇完戲，係附近揾野食先。咦！原來開了一間新既潮洲菜館。菜館內裝修得很光猛，座位很寬敞！仲有很多海鮮！首先，一定要食潮洲凍烏頭，原來嚟自元朗架！肉質鮮美，有彈性！加上豆醬，更能帶出鮮味！再叫另一碟，辣酒煮花螺，花螺大大隻，新鮮得嚟，有光澤！酒味濃郁，加上很多辣椒！色香味俱全！螺肉鮮甜！加多一碟鹵水拼盤，鹵水汁入味，不太鹹，味道啱啱好。有墨魚,、豬腸等,配以牙菜。下次應該約埋一班朋友嚟食多幾款菜式！

之前上網見到介紹呢間明記潮館，見就黎父親節，提早帶爸媽黎慶祝。入到黎，眼見地方都幾大，每個角落都唔同風格， 一邊好有西方特式，一邊好有中國風，而我安排坐係好有香港街邊風味既位置，店鋪設計真係好有心思。今日雖然係平日，但眼見都好爆場，新場已坐滿人，可見知名度幾高。店員見我地想食海鮮，推介左個優惠孖寶套餐比我地，價錢較散叫化算，套餐好多唔同選擇，點左個只係$388就有2隻瀨尿蝦加妙齡鴿既套餐。椒鹽瀨尿蝦超大隻，以調味剛剛好既椒鹽配搭，食落非常香口滋味，蝦肉質新鮮飽滿，食落鮮甜彈牙，黎到已分開4份，方便進食👍🏻鹵水妙齡鴿肉質鮮嫩，而且鹵得非常入味，食落鹵水味香濃，赲食赲開胃😜之後叫左個橙花豬扒，炸豬朳食得多，橙花真係第一次食，味道意想不到禁夾， 橙味香濃，酸酸甜甜，豬扒輕輕炸過，肉質嫩而不乾，配合橙花絲同香橙汁，香甜濃郁，吃完一點也不膩。新開張期間叫滿$200送鹵水拼盤（細），送既都禁足料禁大碟👍🏻👍🏻，有紅腸，豬腸，豬耳，大腸，芽菜等， 鹵水味好香，腸洗得非常乾淨，豬耳食落脆卜卜，整體不錯。

OT夜左所以就去左旺角搵野食，旺角真係不夜城嚟嫁，好多餐廳都開到凌晨。呢間見係新開就一於試下啦！地方好寬闊，座位都好舒服。有少少似室內的大排檔，又有少少似簡單嘅酒樓咁，好有香港特色。潮洲菜館怎能不吃鹵水呢？樣樣都想試，就一於點了個鹵水雜拼啦！份量好多好足，每件都好入味好爽口有口感，真係好正點了份老干媽雞煲，老干媽其實係堆辣辣地嘅配菜煲埋落堆雞度，所以好入味又辣辣地咁，而且雞又唔會煲到太老，肉太硬咁。點了份孜然牛柳，呢碟真係極度推薦，呢個真係好有驚喜呀！原來有好大蔥炒嘅，而牛柳非常淋，無諗過食中菜都可以有食和牛般的感覺，真係好正呀！呢個真係必食